Hai cercato la parola
bilingue monolingue
Hai cercato la parola
dischiudere
Torna indietro

bilingue

dischiudere
  • 1

    v.tr. vierzi Copia

    [CO] (no tignî plui sierât)
    dischiudere la bocca = vierzi la bocje
  • 2

    v.tr. pandi Copia

    [LE] (fâ savê)
    dischiudere un'opinione = pandi une opinion

monolingue

vierzi v.tr.
(vier-zi)
Fâ che alc nol sedi sierât, permetint di lâ dentri e fûr o di meti alc dentri o gjavâlu fûr
esempi
"content di tornâlu a viodi, o vierzei une butilie di refosc di Nimis pe ocasion"
da "Memoriis di politiche linguistiche" di Adrian Cescje
"l'ombrenâr al vierç la sô cassute, al cjol lis tanaiis e cualchi fier, al si sente e al si met a justâ une ombrene"
da "L'ombrenâr" di Pieri Somede dai Marcs
Vedi anche: avierzi, davierzi, avrî
vierzi v.tr.
(vier-zi)
Liberâ di alc che al siere, che al involuce
esempi
"al vierç la letare, al lei e si grate il cjâf"
da "Vilie di Nadâl" di Pieri Somede dai Marcs
"tes cjasis si spiete, / al è il dì zaromai, / di stâ ducj insieme / e vierzi i regâi"
da "Un biel Nadâl" di Stiefin Montel
vierzi v.tr.
(vier-zi)
[TS] (inform.) Fâ che un file al sei visualizât ancje par podêlu modificâ, o che al partissi un program
esempi
"te forme eletroniche chestis tabelis associadis si podaressin vierzi clicant dome su la peraule che e interesse"
da "Memoriis di politiche linguistiche" di Adrian Cescje
vierzi v.tr.
(vier-zi)
Fâ alc che al permet di passâ
esempi
"a sielzevin cun impegn il cjantonut plui adat pal camarin, a tramontan o a buere; ti studiavin la corentie di aiar; ti vierzevin un barconut o doi, di misure"
da "I furlans e il camarin" di Riedo Pup
vierzi v.tr.
(vier-zi)
Mostrâ, permeti di viodi, capî, pensâ, imagjinâ e v.i. (fig.)
sinonimi
mostrâ, pandi
esempi
"ciertis peraulis misteriosis e inmagadis a àn un significât precîs, ma istès a dismovin inmò curiositâts seneosis; a vierzin veretâts mai pensadis"
da "La aghe da pît la cleve" di Dino Virgili
vierzi v.tr.
(vier-zi)
Fâ un tai, une incision, une feride e v.i.
esempi
"la lame e vierç la gose, il prin sanc al si intarde un moment, nol sa ben dulà sporcjâ, ma in curt la nêf si colore intor, i voi dal sassin a ridin"
da "La salamandrie tal fûc" di Carlo Tolazzi
vierzi v.tr.
(vier-zi)
Distanziâ i elements di alc o fâ che alc che al à doi o plui elements ju vedi distanziâts, displeâts e sim.
esempi
"el predi al torne a viarzi el libri, al lei e mi spieghe"
da "Viaç a Vignesie" di Arturo Feruglio
"par viodi ducj adun la partide [...] a àn decidût di picjâ un linzûl tal mûr de cjase di Nanin e di vierzi intal curtîl lis bancjis e lis taulis de vecje sagre"
da "Faliscjis" di Cristina Noacco
vierzi v.tr.
(vier-zi)
Fâ acessibil al public, spec. scomençant une ativitât gnove
esempi
"il lôr sotet di cumò al jere il "Bacaro" [...]. La ostarie e veve chel non par vie che, a vierzile, al jere stât un marcjadant di vin e di vueli puliês"
da "Tal ospedâl" di Amedeo Giacomini
"Stiefin al jere rivât [...] a studiâ chel tant che al jere bastât par diplomâsi perît e par vierzi un piçul studi in societât a Udin"
da "Il sium di Lissandri" di Franca Mainardis
vierzi v.intr.
(vier-zi)
Tacâ a funzionâ, a fâ servizi al public
esempi
"cul 1867 e vierç a Udin la filiâl de Bancje Nazionâl"
da "Il Risorziment a Martignà" di Elio Varutti
vierzi v.tr.
(vier-zi)
Començâ une cualsisei ativitât, azion, situazion e v.i.
sinonimi
tacâ, scomençâ, inviâ
esempi
"si scugnarà par fuarce vierzi tratativis tra chescj e chei par evitâ barieris doganâls che e causaressin il spopolament e la muart di chei paîs"
da "In cercje di democrazie" di Josef Marchet
"su lis variabilis si podarès vierzi une discussion, ma i dâts a son incontestabii e il risultât, par dîle juste, une vore dongje de veretât"
da "Il rûl economic dal turisim in Italie" di Attilio Celant
vierzi v.intr.
(vier-zi)
[TS] (zûcs) Di un zûc di cjartis, tacâ a zuiâlu o podê fâ un passaç previodût des regulis
vierzi v.intr.
(vier-zi)
[TS] (polit.) Tacâ a vê disponibilitât a intindisi
esempi
"oposizion interne che e vûl vierzi ai furlaniscj esternis che a stan ducj intor dal Mf par assaltâlu"
da "Memoriis di politiche linguistiche" di Adrian Cescje
vierzi v.tr., v.intr.
(vier-zi)
[TS] (sport) Puartâ il zûc viers une part laterâl dal cjamp
proverbi
"bisugne bati par che a vierzin"
"cuant che a scomencin lis disgraciis bisugne vierzi puartis e barcons"
"cuant che si vierç il fassinâr, si cognòs cemût che a àn filât i cavalîrs"
"cui che ben al siere ben al vierç"
"il Signôr al siere une puarte e al vierç un barcon"
"in chê dì che si paie un debit si vierç un credit"
"la clâf di aur e vierç ogni puarte"
"la poltronarie i vierç la puarte a la miserie"
"lis clâfs di aur a vierzin dutis lis puartis"
"no vierzi bocje se no ti tocje"
"se il Signôr al siere une puarte, ind vierç cent"
"se il Signôr al siere une puarte, ind vierç dôs"
"se Sant Pieri nol vierç la puarte, no si po lâ in paradîs"
"se si siere une puarte, si vierç une altre"
Torna in Cima
Torna in Cima