Hai cercato la parola
bilingue monolingue
Hai cercato la parola
disciogliersi
Torna indietro

bilingue

disciogliersi
  • 1

    v.pronom.intr. disfâsi, siolzisi Copia

    [CO] (jentrâ in soluzion intun licuit)
    il gesso si scioglie velocemente in acqua = il zes si disfe a colp inte aghe
  • 2

    v.pronom.intr. disfâsi Copia

    [CO] (pierdi la union di alc che lu costituìs)
    il partito si sciolse dopo lo scandalo = il partît si è disfat daspò dal scandul

monolingue

disfâsi v.pron.intr.
(dis-fâ-si)
Pierdi unitât, pierdi la struture unide
sinonimi
disarticolâsi, disbletâsi, discometisi, discuinçâsi, disgregâsi, disjustâsi, dismembrâsi, dividisi, slambrâsi
esempi
"lis cuatri parêts dal cjodat a son ladis ognidune par une bande diferente: si jere propit disfat"
da "Sic transit gloria mundi" di Checo Tam
disfâsi v.pron.intr.
(dis-fâ-si)
Di un grup, di une riunion e v.i., separâsi
sinonimi
dividisi, separâsi, siolzisi
esempi
"dopo altris tabaiaments che a contavin tant pôc la cunvigne businant si è disfate"
da "La veretât e va ben simpri dite" di Pieri Somede dai Marcs
"[la Societât Alpine Furlane e je jentrade tal CAI] tal 1929, cuant che - sot il Fassisim - o si scugnive disfâsi o jentrâ in chel organisim"
da "Su la plui alte cime… cu la SAF dal 1874" di Oscar Puntel
disfâsi v.pron.intr.
(dis-fâ-si)
Passâ dal stât solit a chel licuit o viscôs
esempi
"slepis di glace si disfavin tal clip de Vierte rampide"
da "La aghe da pît la cleve" di Dino Virgili
"il soreli al jere alt sul cîl net come un spieli e la nêf si disfave"
da "Il miracul dal plevan di Trep" di Pieri Menis
"lassâ che [il formadi] si disfi, tignint mote la padiele, par che il frico no si tachi"
da "La version dal Masterchef american" di Serena Fogolini
disfâsi v.pron.intr.
(dis-fâ-si)
Jentrâ in soluzion intun licuit
sinonimi
dislidisi, sfâsi
esempi
"se il sâl al reste dûr e no si disfe te aghe nol puarte il savôr a dute la aghe"
da "A Zui 40 agns dopo: Glesie Furlane come il sâl e il levan pal Friûl" di Christian Romanin
disfâsi v.pron.intr.
(dis-fâ-si)
Fâ un grant sfuarç, fâ sacrificis e sim. (fig.)
sinonimi
brusâsi, consumâsi, fruiâsi
esempi
"Menie si disfave par che ducj a fossin contents"
da "La fie çuete" di Maria Forte
"e Lenart il fari? Al si disfave in sudôr parsore l'incuin par slissâ un fier di vuarzine o une pale o un pâr di batadoriis, fintremai che a lusivin come un arint"
da "Lis predicjis dal muini" di Josef Marchet
"strussiâsi par un bocon di pan, disfâsi par un carantan, bacilâ par chei cuatri dîs che o vin di vivi"
da "Il lôf" di Fabian Ros
disfâsi v.pron.intr.
(dis-fâ-si)
Fâ in mût di liberâsi, slontanâ, butâ vie o no vê plui alc (fig.)
sinonimi
diliberâsi, parâ vie, slontanâ
esempi
"lui si disfave dal gaban imbombât di ploie, lassantjal fra i braçs [al muini], prime di butâsi in sagristie"
da "Madalene" di Franco Marchetta
disfâsi v.pron.intr.
(dis-fâ-si)
Gjavâsi di une cierte cundizion o funzion
esempi
"disfâsi di predi"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
proverbi
"se il maridâ si crodès, il mont si disfarès"
Torna in Cima
Torna in Cima