Tu âs cirût la peraule
bilengâl monolengâl
Tu âs cirût la peraule
disincagliarsi
torne indaûr

bilengâl

disincagliarsi v.pronom.intr.
  • 1

    v.pronom.intr. disincaiâsi Copie

    [CO] (di un natant, disblocâsi di un incai)

    v.pronom.intr. distrigâsi Copie

    (gjavâsi di un probleme)

monolengâl

distrigâsi v.pron.intr., v.pron.tr.
(dis-tri-gâ-si)
Deliberâsi di alc che al ingredee
sinonims
deliberâsi, disgredeâsi, disgropâsi, sfrancjâsi, disberdeâsi
esemplis
"distrigâsi dai baraçs"
distrigâsi v.pron.intr.
(dis-tri-gâ-si)
Tirâsi fûr di un intric, di une situazion complicade, problematiche
sinonims
disbratâle, disbratâsi, distrigâle, suiâle, suiâse, tirâse fûr, tirâsi fûr, gjavâsi fûr, gjavâsi, gjavâse, diliberâsi
esemplis
"al clamà il Signôr: «Signorut, daitmi almancul vô une man! Vêt pietât di un puar cjoc [...]» Cheste volte al è rivât adore a distrigâsi [vignint fûr dal fossâl là che al jere colât] e si è metût in strade"
gjavât fûr di "Agnul Baraçut" di Pieri Menis
distrigâsi v.pron.intr.
(dis-tri-gâ-si)
Liberâsi di un impegn, di un oblic, di alc che in cualchi maniere al pese e sim.
sinonims
liberâsi, diliberâsi
esemplis
"e sa di vê dafâ cui furlans che, cuant che si trate di paiâ, a cjapin adiriture da dî fra di lôr par distrigâsi i prins"
gjavât fûr di "O cun Zico o cence Zico" di Riedo Pup
"al saveve di vê di dâ une brute gnove, al voleve distrigâsi daurman di chê incombence cussì pesante e tragjiche"
gjavât fûr di "Il muc" di Roberto Ongaro
distrigâsi v.pron.intr., v.pron.tr.
(dis-tri-gâ-si)
Rivâ a fâ avonde ben alc, cjatâ une soluzion avonde buine, ancje in maniere aprossimative, inzegnose, fasint dome cu lis fuarcis che si à e no tes cundizions ideâls
sinonims
cumbinâ, disbratâsi, puartâle fûr, suiâse, rangjâsi
esemplis
"e je stade la risoluzion da la Assemblee plenarie dai 75 di lavâsi lis mans sul cont da la Autonomie furlane, e di lassâ che si distrighi la Costituente"
gjavât fûr di "Gjambadoriis" di Josef Marchet
"il corîr al è un dal puest che al sa distrigâsi pai trois a dilunc la Cravuazie rivant a bon pro cence bisugne des stradis batudis dai Todescs"
gjavât fûr di "Storie di Min" di Ivano Urli
distrigâsi v.pron.intr.
(dis-tri-gâ-si)
Rivâ a fâ alc in pôc timp
sinonims
bailâ, messedâsi, niçâsi, spesseâ
esemplis
""Anìn, distrighiti, che jo no ai timp di butâ vie daûr di te""
gjavât fûr di "Meni Fari" di Luigi Gortani
"la Messe cussì matutine e doveve smaraveâ ancje i Sants di piere sui altârs. Pre Domeni al veve premure e al si distrigave a la svelte"
gjavât fûr di "La gnot di Radeschi" di Maria Forte
distrigâsi v.pron.intr.
(dis-tri-gâ-si)
Lâ dal cuarp
sinonims
cagâ, cjiâ, fâle, poiâle
esemplis
"a lis curtis, done Sabide si viôt il câs imbroiât, no po plui tignî strent, e va, e vise so marît. "Nuie paùre," lui i rispuint: "ven ca cun me daûr chest confessionari, ma baile distrighiti a la preste, davant che la int si acuarzi""
gjavât fûr di "La cjargnele dal avout" di Giovanni Gortani
distrigâsi v.pron.intr.
(dis-tri-gâ-si)
Parturî
sinonims
diliberâsi, fâ, parturî
esemplis
"se intune stalute al nasseve un vidiel, ducj a corevin a judâ il part, contents se la vacje si distrigave ben"
gjavât fûr di "Cjase di Dalban" di Maria Forte
detulis
"lasse che cui che al sa a ce fâ si distrighi"
torne sù
torne sù