Tu âs cirût la peraule
bilengâl monolengâl
Tu âs cirût la peraule
disingranare
torne indaûr

bilengâl

disingranare v.tr.
  • 1

    v.tr. disingranâ Copie

    [CO], [TS] mec. (liberâ dal ingranaç, separâ doi elements di un ingranaç)

    v.tr. gjavâ, disingranâ Copie

    (riferît ae marcje di un veicul)
    disingranare la marcia = disingranâ oppure gjavâ la marcje

monolengâl

gjavâ v.tr.
(gja-vâ)
Cjapâ e fâ che alc nol stedi plui tal so puest o tal puest che al jere
sinonims
gjavâ vie, tirâ vie
esemplis
"o vivevi tun cuartîr dulà che par meti un jet matrimoniâl, o varès scugnût gjavâ l'armâr, tant la cjamare e jere piçule"
gjavât fûr di "I forescj" di Alan Brusini, Gian Paolo Linda
gjavâ v.tr.
(gja-vâ)
Fâ che alc nol vedi plui efiet, validitât, impuartance e v.i. (fig.)
sinonims
abolî, gjavâ vie, scancelâ
esemplis
"dal 1736 Vignesie e gjave il dazi su la galete"
gjavât fûr di "Studi da la evoluzion dal paisaç mediant i toponims" di Rino Gubiani
gjavâ v.tr.
(gja-vâ)
Fâ che cdn. nol sedi plui intune cierte cundizion, situazion, che nol vedi plui une cierte idee e v.i. (fig.)
sinonims
discjoli
esemplis
"jê e menave il cjâf ustinade e nissun e nuie le gjavave de sô determinazion"
gjavât fûr di "Trê feminis" di Gianni Gregoricchio
gjavâ v.tr.
(gja-vâ)
Fâ che alc nol sedi plui tignût di cdn., nol sedi plui di cdn. o di alc, o nol sedi plui cun cdn. o cun alc
sinonims
puartâ vie, tirâ vie, gjavâ vie
esemplis
"chel altri al veve tentât di difindisi cuntun baston, ma Eliseo jal veve gjavât di man e cuntun sôl colp i veve spacât il cjâf"
gjavât fûr di "Prime di sere" di Carlo Sgorlon
"ae Provincie di Gurize i fo gjavât il Comun di Cjopris e Viscon e il Mandament di Çarvignan"
gjavât fûr di "Autonomie tal Friûl austriac" di Ferruccio Tassin
gjavâ v.tr.
(gja-vâ)
Fâ une sotrazion
sinonims
gjavâ fûr, gjavâ vie, tirâ vie
esemplis
"fasêt il cont… gjavait il parcent, come che si à dit"
gjavât fûr di "Sant Pieri e il buiat" di Riedo Pup
gjavâ v.tr.
(gja-vâ)
No considerâ un element, fâ une ecezion
esemplis
"se si gjave chel pôc timp che o ai vivût a Tarvis, là che gno pari al jere diretôr didatic, o ai passade la mê infanzie a Tarcint"
gjavât fûr di "Tarcint, un ricuart" di Miriam Comelli
gjavâ v.tr.
(gja-vâ)
Otignî, spec. cuntune procedure di trasformazion
sinonims
rigjavâ, otignî, gjavâ fûr, cjapâ, cjoli, tirâ fûr
esemplis
"des plantis si gjavin une vore di medisinis"
gjavâ v.tr.
(gja-vâ)
Vê un risultât, spec. un util, un vantaç e v.i. (fig.)
sinonims
gjavâ fûr, rigjavâ, otignî, tirâ
esemplis
"[...] ciarts possidents e mi àn preât / di mandâur ploie, se no fra cualchi dì / il sorturc al è lât. / Dolç di cûr, ur ai dit subit di sì; / [...] / [...] / Furlans, se o vês maniere cun Çorut, / rivais a gjavâi dut"
gjavât fûr di "Il Stroilic furlan par l'an 1852" di Pieri Çorut
"oms e feminis di ogni etât a puedin gjavâ vantaçs fasint ogni dì ativitât fisiche"
gjavât fûr di "Metiti in moto!" di Guglielmo Pitzalis
gjavâ v.tr.
(gja-vâ)
Pensâ o calcolâ alc partint di cierts dâts, elements, ideis, resonaments e v.i. (fig.)
sinonims
dedusi, gjavâ fûr, rigjavâ
esemplis
"dai risultâts di cheste ricercje i legjislatôrs e i aministradôrs a podaran gjavâ informazions che ju podaran indreçâ tes lôr sieltis"
gjavât fûr di "Efiets economics e ocupazionâi des leçs di tutele de lenghe furlane" di Sandri Carrozzo, Linda Picco
gjavâ v.tr.
(gja-vâ)
[TS] (zûcs) Cjapâ un numar in zûcs a estrazion
esemplis
"la int e començave a ingrumâsi su la place par «viodi a gjavâ la tombule»"
gjavât fûr di "Chei di Muraie" di Pieri Menis
detulis
"a Sant Simon si gjave il râf e il raviçon"
"a volê gjavâ i clauts cui dincj si reste sdenteâts"
"al è miôr che si brusi la cjase pluitost di gjavâ un miluçâr"
"al è miôr gjavâ il sterp che no mangjâ la nole verde"
"dal poç si gjave la aghe"
"gjave e no met, la fontane a va a sec"
"il mat al bute il clap tal poç e il savi al scuen gjavâlu"
"il mont al è fat a scarpet: cui lu gjave e cui lu met"
"l'om sdegnôs al semene difidencis, l'om pazient lis gjave"
"no bisugne gjavâi lis surîs di bocje ai gjats"
"no meti e gjavâ, dut cuant in curt al va"
"no si po gjavâ sanc dal mûr"
"nuie si met, nuie si gjave"
"puar chel om che si lasse gjavâ i bregons"
"ravi, ravi: cui che si 'nd vûl, si 'nd gjavi; ravi, raveti: cui che si 'nd vûl, si 'nd meti"
"Sant Josef al plante la cuche, Sant michêl le gjave dute"
"un gjave, un met e un sù pal stec"
"une gjave, une met, une picje sù pal stec"
"une ridade e gjave un claut de casse"
torne sù
torne sù