Tu âs cirût la peraule
bilengâl monolengâl
Tu âs cirût la peraule
distinguere
torne indaûr

bilengâl

distinguere v.tr.
  • 1

    v.tr. diferenziâ, cognossi, sincirâ, distingui, dicerni Copie

    [FO] (ricognossi un ogjet diferent di un altri a mieç dal intelet o di chei altris sens di percezion)
    distinguere i buoni dai cattivi = distingui chei bogns di chei triscj
    distinguere il vero dal falso = cognossi la veretât de bausie
    riuscire a distinguere una pianta dall'altra = rivâ a dicerni une plante di chê altre

    v.tr. diferenziâ, distingui Copie

    (fâ une precisazion, meti in evidence lis diferencis, spec. intune discussion, intune resonade)
    distinguere a seconda delle situazioni = distingui oppure diferenziâ daûr des situazions
    distinguere caso per caso = distingui câs par câs
  • 2

    v.tr. olmâ, cognossi, distingui, dicerni Copie

    [FO] (ricognossi cun precision, determinâ cui o ce che al è o se al è)
    distinguere una barca tra le onde = olmâ oppure rivâ a viodi une barcje tal mieç des ondis
    distinguere una figura controluce = distingui une figure cuintrilûs
    non distinguere un viso al buio = no dicerni une muse tal scûr
  • 3

    v.tr. scompartî, disparselâ Copie

    [FO] (dividi)
  • 4

    v.tr. marcâ, diferenziâ, distingui Copie

    [FO] (fâ ricognossibil)
    distinguere con un diverso colore = diferenziâ oppure marcâ cuntun colôr diviers
    distinguere con un timbro = marcâ oppure distingui cuntun timbri
  • 5

    v.tr. distingui, fâ cognossi Copie

    [FO] (fâ diviers)
    le sue imprese lo hanno distinto come un eroe = lis sôs impresis lu àn distint oppure fat cognossi tant che un eroi

    v.tr. distingui, fâ cognossi Copie

    (ancje iron.)
    il suo brutto carattere lo distingue sempre = il so caratarat lu fâs cognossi simpri

locuzions

    non distinguere il bianco dal nero
  • no cognossi il blanc dal neriCopie
    [CO] (no capî nuie)

monolengâl

cognossi v.tr.
(co-gno-ssi)
Savê cui che al è cdn., ce non che al à, ce che al fâs, ce sorte di persone che e je e v.i., par vie che si si è presentâts e frecuentâts, in maniere plui o mancul profonde
esemplis
"o ai cognossût personis come i professôrs Giovanni Frau, un galantom, Silvana Fachin Schiavi, une persone iluminade e dotade di un sens di colaborazion straordenari, Gianpaolo Gri, Cesare Scalon, Piera Rizzolatti, cence contâ Rienzo Pellegrini che al jere stât gno professôr cuant che o jeri student"
gjavât fûr di "Piçulis storiis di mafie furlane" di Sandri Carrozzo
"o voi e mi presenti al comendatôr Castellani furlan e grant galantom, che o vevi cognossût une volte par afârs di nodâr"
gjavât fûr di "A è lade cussì..." di Pieri Somede dai Marcs
"pôcs a savevin a Sante Marie cui che al jere Gjovani Favot, ma ducj lu cognossevin par Gjovanin Valente"
gjavât fûr di "Il conducente" di Ivano Urli
Viôt ancje: conossi, canossi
cognossi v.tr.
(co-gno-ssi)
Vê a ce fâ pe prime volte cun cdn., jessi presentât
esemplis
"ma dulà vevial cognossût chê zovine bionde cul tailleur celest? No si visave"
gjavât fûr di "Il dì celest" di Checo Tam
cognossi v.tr.
(co-gno-ssi)
Fâ esperience di alc
sinonims
vê
esemplis
"la grant part e veve cognossude la fam in chei agns, ma la int e saveve che nol jere nissun tant che i presonîrs par vê patide une fam acanide e alore ur puartave di cjase ai internâts cualchi pagnut"
gjavât fûr di "Storie di Min" di Ivano Urli
"Pieri Çorut, amì di Catarine Percude, al à cognossût une grande popolaritât"
gjavât fûr di "Pieri Çorut" di Roberto Jacovissi
cognossi v.tr.
(co-gno-ssi)
Massime in frasis neg., vê une cierte carateristiche, une cierte inclinazion (fig.)
sinonims
savê
esemplis
"al jere pôc ce dî, Milie cuant che si meteve, no cognosseve fadie"
gjavât fûr di "Si disarès che e je inventade" di Pieri Menis
"il piês nol cognòs limits, cemût che o savìn masse ben"
gjavât fûr di "La «marcetta su Gorizia» e altro marciume" di Marc Stolf
cognossi v.tr.
(co-gno-ssi)
Identificâ cun precision, ricuardâ o determinâ la identitât di cdn. o di alc
sinonims
ricognossi
esemplis
"siôr paron, gjo, no mi cognossial? …: Agnul! no si visial di Agnul, dal prenar?…"
gjavât fûr di "L'armistizi dal '16" di Riedo Pup
"cuant che al fo tai ultins, il plevan al domandà di viodilu. Quilin al çavariave, ma al rivà a cognossi il predi"
gjavât fûr di "I furlans e la religjon" di Riedo Pup
"di Trivignan ancje chês: lis cognòs tal vistî. A Trivignan a van dutis a ûs di siore"
gjavât fûr di "La plui biele" di Catarine Percude
"tu vevis la muse tant che un butaç, di no cognossiti, cent feridis"
gjavât fûr di "I ribei" di Alan Brusini
cognossi v.tr.
(co-gno-ssi)
Fâ une distinzion daûr di ciertis carateristichis
sinonims
dicerni, diszontâ, scompartî, sincirâ
esemplis
"cognossi i foncs bogns di chei mats"
"o vin cjatât cemût che si pues cognossi un diftonc di un jat"
gjavât fûr di "La division in silabis dai sufìs -sion e -zion tal Grant Dizionari Bilengâl Talian - Furlan" di Paolo Roseano
cognossi v.tr.
(co-gno-ssi)
Acuarzisi di sintiments, pinsîrs e v.i. (fig.)
sinonims
capî, cucâ, intraviodi, inacuarzi, nasâ
esemplis
"i displaseve di murî, ma no si lassave cognossi"
cognossi v.tr.
(co-gno-ssi)
Vê un complès di cognizions organizadis suntun alc, massime par vêlis studiadis o par jessi stâts informâts
sinonims
savê
esemplis
"ce cognossìno, te realtât, de vite di chei furlans che a jerin ta chei agns par di là dal clap?"
gjavât fûr di "La seconde Irlande" di Carli Pup
"sei l'esecutîf che senatôrs e senatoris in chê ocasion a vevin mostrât di no cognossi ni l'articul 6 de Costituzion («La Republiche e tutele lis minorancis linguistichis cun normis specifichis»)"
gjavât fûr di "Furlan in Rai. L’ordin dal dì e il disordin di ducj i dîs" di Marc Stolf
cognossi v.tr.
(co-gno-ssi)
Vê nozions che a pemetin di fâ alc, savê fâ
sinonims
savê
esemplis
"a dilunc une trate di strade ju compagne un corîr che al cognòs cemût lâ di scuindon par boscs e valadis fin a dret di un sît destinât"
gjavât fûr di "Storie di Min" di Ivano Urli
cognossi v.tr.
(co-gno-ssi)
Vê une relazion sentimentâl o sessuâl
esemplis
"Rosute no veve mai cognossût un om, parcè che sô mari i veve simpri dit che tal paîs no si à di fâsi fevelâ"
gjavât fûr di "Il svindic di Rosute" di Alan Brusini
detulis
"a la ocasion si cognòs i amîs"
"cuant che al ven il mâl si cognòs il ben pierdût"
"cuant che si vierç il fassinâr, si cognòs cemût che a àn filât i cavalîrs"
"cui che al cognòs il mont e nol è bon al vîf di mincjon"
"dal cjant si cognòs il rusignûl"
"dal lavôr si cognòs il mestri"
"de plume si cognòs l'uciel"
"de semence si cognòs la plante"
"i amîs si cognossiju tes dibisugnis"
"i parincj si cognossiju a fassis, a gnocis e a cassis"
"il bon soldât si lu cognòs in vuere"
"il brâf soldât si lu cognòs in vuere"
"il vin si lu cognòs tal savôr e il pan tal colôr"
"il violìn che al fâs la danze si cognòs ce sun che al à"
"Jugn, lui, avost, femine no cognòs"
"l'amôr, il fûc e la tos prest si cognòs"
"l'om nol cognòs il cûr e la ment dal altri om"
"l'om si cognòs cui fats e no cu lis cjacaris"
"l'om si lu cognòs in trê robis: tal zûc, tal matrimoni, tal test"
"la invidie e je une malatie che si fâs cognòs daurman"
"la necessitât no cognòs leç"
"lis personis si cognossilis tal voli"
"nissun om nol cognòs il cûr dal altri om"
"no si cognòs il ben che cuant che si lu à pierdût"
"nol baste cognossi la creance, bisugne ancje savê doprâle"
"ogni uciel nol cognòs il gran"
"par cognossi il biel, bisugne viodi il brut"
"par cognossi il furp, al vûl un furp e mieç"
"prin di cognossi ben un, bisugne mangjâ cun lui un stâr di sâl"
"prin di cognossi la int di cjase, bisugne mangjâ cun lôr un stâr di sâl"
"puar chel uciel che nol cognòs il gran"
"se tu vûs cognossi la fie, cjale la mari"
"si cognòs il ben co al è finît e plui nol ven"
"si cognòs il valôr de salût co si è malâts"
"tal sun si cognòs lis cjampanis"
"tes disgraciis si cognòs cui che al vûl ben"
"tes disgraciis si cognòs i amîs"
"tes robis di pôc si cognòs i amîs"
torne sù
torne sù