Tu âs cirût la peraule
bilengâl monolengâl
Tu âs cirût la peraule
dividere
torne indaûr

bilengâl

dividere v.tr.
  • 1a

    v.tr. dividi, scompartî Copie

    [FO] (scomponi, distingui in parts)
    dividere a metà = dividi a metât
  • 1b

    v.tr. dividi, scompartî Copie

    [FO] (separâ in plui parts ambients e v.i., spec. midiant struturis architetonichis)
    dividere un armadio in scomparti = scompartî un armaron in casselis
    dividere una casa in più stanze = dividi une cjase in plui stanziis

    v.tr. dividi Copie

    (fâ di confin, di element divisori)
    i Pirenei dividono lo stato francese da quello spagnolo = i Pireneus a dividin il stât francês di chel spagnûl
    il fiume divide la città = il flum al divît la citât
  • 2

    v.tr. dividi, scompartî Copie

    [FO] (ripartî in grups)
    dividere i libri per categoria = dividi i libris par categorie
    i giocatori sono stati divisi in squadre = i zuiadôrs a son stâts dividûts in scuadris
  • 3a

    v.tr. dividi, separâ Copie

    [FO] (disseparâ, distingui)
    dividere i fiori dalle foglie = separâ lis rosis des fueis
    dividere i fogli bianchi da quelli colorati = dividi i sfueis blancs di chei colorâts
  • 3b

    v.tr. dividi, disseparâ Copie

    [FO] (tignî distant, slontanâ)
    dividere il figlio dai genitori = dividi il fi dai gjenitôrs

    v.tr. dividi, disseparâ Copie

    (intervignî par meti fin a une barufe)
    sono intervenuto per dividerli = o soi intervignût par dividiju
  • 4

    v.tr. dividi, scompartî Copie

    (ripartî in maniere juste)
    dividere il guadagno = scompartî il vuadagn
    dividere tutte le spese = dividi dutis lis spesis

    v.tr. dividi Copie

    (vê o gjoldi alc cun altris)
    divido la camera con mio fratello = o divît la cjamare cun mio fradi

    v.tr. dividi, scompartî Copie

    [FO] (distribuî, spartî)
    dividere la merce = scompartî la robe
    dividere la vincita = dividi la vincite
  • 5

    v.tr. dividi Copie

    [FO] (vê, meti in comun un sintiment, une emozion e v.i.)
    dividere un dolore coi parenti = dividi oppure spartî un dolôr cui parincj
    ho diviso la mia gioia con te = o ai dividût la mê contentece cun te

    v.tr. dividi Copie

    (no volê vê nuie a ce fâ cun cdn.)
    non ho niente da dividere con te = no ai nuie di ce dividi cun te
  • 6

    v.tr. dividi, disseparâ, meti cuintri Copie

    [FO] (produsi rivalitât e disconcuardie)
    è l'eredità che li divide = e je la ereditât che ju divît oppure ju met cuintri
  • 7a

    v.tr. dividi Copie

    [TS] mat. (calcolâ lis voltis che un numar al conten un altri)
    dieci diviso due = dîs dividût par doi

    v.tr. dividi Copie

    (ancje ass.)
    devi dividere per risolvere il problema = tu âs di dividi par risolvi il probleme
  • 7b

    v.tr. dividi Copie

    [TS] mat. (jessi contignût un numar intîr di voltis intun altri numar intîr)
    il due divide sei volte il dodici = il doi al divît sîs voltis il dodis
  • 8

    v.tr. dividi Copie

    [TS] agr. (tai contrats di metadie, spartî i prodots agricui tra il fituâl e il paron)

locuzions

    macchina a dividere
  • machine di dividiCopie
    [CO], [TS] mec. (machine par tirâ lis divisions des scjalis su regui e circui graduâts)

monolengâl

dividi v.tr.
(di-vi-di)
Discomponi in tocs, in parts
sinonims
discomponi, disparselâ, frazionâ, sezionâ
esemplis
"dividi une linie in segments"
"dividi il pierçul in doi e gjavâ il vues"
"la cuistion dai «Trê cjapitui» e finì cul dividi il patriarcjât: in Aquilee (o a Cividât) un patriarcje schismatic favorît dai Langobarts; a Grau un patriarcje unît sot la protezion dai bizantins"
gjavât fûr di "Cuintristorie dal Friûl fin sot la Italie" di Josef Marchet
dividi v.tr.
(di-vi-di)
Fâ che alc che al jere ugnul al vedi plui parts
sinonims
scompartî, articolâ, frazionâ
esemplis
"al dividè il ministeri in cuatri dipartiments: fantarie e cavalarie, artiliarie e gjenîrs, intendence, aministrazion"
gjavât fûr di "Zuan Batiste Cavedalis - Une vite esemplâr" di Giovanni Pillinini
"la sale grande si pues dividi in doi locâi cuntune paradane"
dividi v.tr.
(di-vi-di)
Fâ di confin, di element di distinzion e v.i.
sinonims
separâ, isolâ, scompartî, spartâ, disisolâ
esemplis
"al è un sempliç porton di len che al divît la cjase dal plevan di dut il rest"
gjavât fûr di "Madalene" di Franco Marchetta
"la aghe dal Luri e faseve un grant arc che al cjapave dentri dut il ronc dai Batistons e lu divideve dal paîs"
gjavât fûr di "La aghe da pît la cleve" di Dino Virgili
dividi v.tr.
(di-vi-di)
Meti i elements di un grup in plui grups plui piçui
sinonims
dicerni, diferenziâ, disparselâ, dispartî, distingui, diszontâ, spartî
esemplis
"ogni scuadre e à 16 tocs che a vegnin dividûts in cheste maniere: 1 Re, 1 Regjine, 2 Rocs, 2 Alfîi, 2 Cjavai e 8 Pedons"
gjavât fûr di "Zuìn di scacs" di Nilde Teresa Negro
dividi v.tr.
(di-vi-di)
Fâ une selezion slontantant cierts elements
sinonims
disseparâ, separâ, tirâ vie, meti in bande, gjavâ, curâ, dicerni
esemplis
"dividi lis pomis maduris di chês indaûr"
dividi v.tr.
(di-vi-di)
Vê la percezion dai limits di robis diferentis tra di lôr
sinonims
separâ, disseparâ, distingui, dicerni, diferenziâ
esemplis
"ducj chescj pinsîrs le vevin ridote a vivi intun stât di confusion fra i doi monts, chel dai vîfs e chel dai muarts, chel de sperance e chel dal sconfuart, chel de realtât e chel dai siums. No rivave plui a dividiju fra di lôr"
gjavât fûr di "Il muc" di Roberto Ongaro
"cussì no si capìs plui nie. No si rive a dividi la semule dal forment"
gjavât fûr di "Evelin" di Gianfranco Pellegrini
dividi v.tr.
(di-vi-di)
Fâ in maniere che elements o personis che a jerin insiemi, dongje, cuintri e v.i. no sedin plui dongje
sinonims
separâ, slontanâ, parâ in bande
esemplis
"ogni volta che lis dôs barcjis pareva che dovessin tocjâsi, una gnova ondada lis divideva indaûr"
gjavât fûr di "Il me paîs" di Federigo Comelli
"un don di Diu che al scugnive pûr rivâ une zornade, par dividi chei fradis che si maçavin, par salvâ la zoventût"
gjavât fûr di "La Madone de Pâs" di Maria Forte
dividi v.tr.
(di-vi-di)
Fâ in parts di assegnâ o di cjapâ un pôc parom
sinonims
dâ fûr, dispartî, dispensâ, distribuî, spartî
esemplis
"cuant che il defont sindic Reglan al veva dividût i boscs dal cumun in lots, un par famea, il bosc di Viea a i era tocjât ai Specars"
gjavât fûr di "I cjans di not" di Novella Cantarutti
"i fîs di Meni de Coste, dopo tant timp, si jerin dâts dongje par dividi ce che al jere restât: tocs di tiere ca e là"
gjavât fûr di "Destins" di Pieri Menis
dividi v.tr.
(di-vi-di)
Vê, meti in comun un sintiment, une emozion e v.i. (fig.)
sinonims
spartî, condividi, vê part, dâ part, meti a part
esemplis
"Meni al divideve cun ducj lôr cheste gjonde"
gjavât fûr di "Trê feminis" di Gianni Gregoricchio
"il pês de mê situazion al jere masse fuart in chel moment, e jo o vevi bisugne di dividilu cun ognidun"
gjavât fûr di "Il dolfin" di Carlo Sgorlon
dividi v.tr.
(di-vi-di)
Produsi disconcuardie (fig.)
sinonims
slontanâ, separâ, distacâ, meti cuintri
esemplis
"une femine nus veve dividûts, ancje se di jê cumò no mi impuartave plui nuie"
gjavât fûr di "Il dolfin" di Carlo Sgorlon
dividi v.tr.
(di-vi-di)
[FO] (mat.) Calcolâ lis voltis che un numar al conten un altri
esemplis
"il diametri si calcole dividint la circonference par 3,14"
dividi v.tr.
(di-vi-di)
[CO] (mat.) Jessi contignût un numar just di voltis intun altri numar intîr
esemplis
"il trê nol divît il vot"
detulis
"par grande che e sedi la fertaie cuant che si è in putrops a dividile, la fete e tocje piçule"
torne sù
torne sù