Tu âs cirût la peraule
bilengâl monolengâl
Tu âs cirût la peraule
docile
torne indaûr

bilengâl

docile adi.
  • 1

    adi. dolç, mugnestri Copie

    [AU] (che al va daûr a ce che i comandin chei altris)
    docile di carattere = di caratar mugnestri
    una ragazza docile e non scapestrata = une fantate mugnestre e no cjaviestre

    adi. mugnestri Copie

    (di bestie, ubidiente)
    un cavallo docile = un cjaval mugnestri
  • 2

    adi. ubidient, sometût Copie

    [AU] (di alc, che si adate a sei doprât par cualchi vore o finalitât)
    uno scalpello docile alle mani dell'artista = un scarpel ubidient oppure sometût ae man dal artist

    adi.

    (che si lasse meti a puest)
    capelli docili al pettine = cjavei che si lassin petenâ

    adi.

    (che al va ben di lavorâ)
    legno docile alla pialla = len bon oppure che al va ben di splanâ
    un metallo docile = un metal pleadiç oppure dolç
  • 3

    adi. pront Copie

    [AU] (che al impare di corse)
    un ingegno docile = un inzen pront
    un'intelligenza docile = une inteligjence pronte

monolengâl

dolç adi.
Che al à il savôr principâl diferent di salât, garp e amâr, tant che il zucar o la mîl
esemplis
"aliments plens di gras e zucars a son calorics e a puedin fâ ingrassâ e puartâ al diabete: si scuen sbassâ il consum di aliments e bevandis dolcis"
gjavât fûr di "Mangje san 2" di Guglielmo Pitzalis
"[tai cjarsons] in gjenerâl si metin dentri ancje ingredients dolçs e speziâts, che a riclamin guscj medievâi e rinassimentâi"
gjavât fûr di "Une regjon di cerçâ" di Sandri Carrozzo
"dôs butiliis di vin di Cipri, dolç e une vore fuart"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"il savôr des cartufulis todescjis nol è amâr, ma scuasit dolç"
gjavât fûr di "Jerbis salvadiis inte cusine furlane" di Giorgio Pascoli
Viôt ancje: doç
dolç s.m.
Robe di mangjâ, ancje fate cun preparazions complessis, che e à il savôr carateristic dal zucar, mîl o sim.
esemplis
"lis “gubanis”, cun mudaments di nons, a son il dolç tipic de Pasche intune vore di paîs de Europe orientâl"
gjavât fûr di "La gubane, o ben la fortune di jessi la puarte de Europe orientâl" di Sandri Carrozzo
"si vistivin di gale e a preparavin il tratament, il te, il cafè, il whisky, i dolçs sul taulin indorât"
gjavât fûr di "Ombris tal infinît" di Carlo Sgorlon
"la zent a na podeva spindi bêçs in dolçs e goloseçs che Luc al era bon da fâ"
gjavât fûr di "Il pan da la Guda" di Novella Cantarutti
dolç adi.
Di savôr delicât, no fuart e no becant
esemplis
"sparcs blancs dolçs"
dolç adi.
Che al è biel par cualchi altri sens che nol sedi il gust, che al dâ bielis sensazions (fig.)
sinonims
delicât, deliziôs, dulinciôs, graciât, graciôs, soâf
esemplis
"lis ruedis a griavin sun chel glerein di stelis cuntun sun dolç come une musiche"
gjavât fûr di "Il cjaradôr des animis" di Dino Virgili
"nol rivave a gjavâsi di intorsi il ricuart di chel sium stramp, plen di imagjins inmagadis e dolcis"
gjavât fûr di "Grivôr" di Franca Mainardis
dolç adi.
Che nol è tant in pendence (fig.)
sinonims
lizêr
esemplis
"a drete invezit, viers la mont, la rive e je plui dolce e lis cjasis a son a plui filis"
gjavât fûr di "I forescj" di Alan Brusini, Gian Paolo Linda
"une cleve dolce che e lave jù a pierdisi te plagne lavorade"
gjavât fûr di "La tiere di Lansing" di Maria Forte
dolç adi.
Che al mostre rispiet, zentilece, no agressîf ni risupiôs (fig.)
sinonims
amabil, bon, civîl, civilin, complasent, cortesan, creançât, degnevul, jentrant, manierôs, mugnestri, plasevul, tratîf, zentîl
esemplis
"il paron al deventave mol di suste se une femine, massime zovenute, si presentave là di lui: al jevave in pîts, i dave la man, le faseve sentâ, al fevelave dolç"
gjavât fûr di "La aghe da pît la cleve" di Dino Virgili
dolç adi.
Che al fâs sintî afiet, tenarece (fig.)
sinonims
afetuôs, amabil, dulinciôs, tenar
esemplis
"une bussade dolce in prin, ma che e deventà simpri plui infogade e convulsive"
gjavât fûr di "Il muc" di Roberto Ongaro
"sâstu - i diseve a Meni cun vôs dolce - o ai fat meti la scunute dongje il nestri jet: e je cussì biele chê scunute che tu âs volût comprâ pal nestri frutin"
gjavât fûr di "Il segno" di Pieri Somede dai Marcs
dolç adi.
Che i si vûl ben, spec. tes espressions di afiet (fig.)
sinonims
amât, cjâr, biel
esemplis
"vô sês il mio cjâr ben, il dolç mio flât"
gjavât fûr di "II, 12" di Ermes di Colorêt
dolç adi.
Che nol fâs patî, che nol da consecuencis negativis o che al à mancul aspiets negatîfs rispiet a altris robis de stesse sorte
sinonims
bon, moderât
esemplis
"provâ cuntune cure dolce"
"gjinastiche dolce"
"[Cleobi e Biton] si indurmidirin stracs sui scjalins, e a passarin dal sium ae muart dolce"
gjavât fûr di "Viaç aes origjins dal Logos" di Adrian Cescje
detulis
"cui che al à amâr in bocje nol po spudâ dolç"
"daspò dal dolç al ven l'amâr"
"il dolç al è sul fonts"
"la fam e fâs dolç l' amâr"
"no si po gloti amâr e spudâ dolç"
"no si po vê il dolç cence l'amâr"
torne sù
torne sù