Hai cercato la parola
bilingue monolingue
Hai cercato la parola
dolciume
Torna indietro

bilingue

dolciume
  • 1

    s.m. dolç, dolçarie, dolçum Copia

    [CO] (robe di mangjâ dolce)
    una bottega di dolciumi = une buteghe di dolçs

monolingue

dolç adi.
Che al à il savôr principâl diferent di salât, garp e amâr, tant che il zucar o la mîl
esempi
"aliments plens di gras e zucars a son calorics e a puedin fâ ingrassâ e puartâ al diabete: si scuen sbassâ il consum di aliments e bevandis dolcis"
da "Mangje san 2" di Guglielmo Pitzalis
"[tai cjarsons] in gjenerâl si metin dentri ancje ingredients dolçs e speziâts, che a riclamin guscj medievâi e rinassimentâi"
da "Une regjon di cerçâ" di Sandri Carrozzo
"dôs butiliis di vin di Cipri, dolç e une vore fuart"
da "Friûl e furlans te Histoire de ma vie di Giacomo Casanova" di Pierluigi Visintin
"il savôr des cartufulis todescjis nol è amâr, ma scuasit dolç"
da "Jerbis salvadiis inte cusine furlane" di Giorgio Pascoli
Vedi anche: doç
dolç s.m.
Robe di mangjâ, ancje fate cun preparazions complessis, che e à il savôr carateristic dal zucar, mîl o sim.
esempi
"lis “gubanis”, cun mudaments di nons, a son il dolç tipic de Pasche intune vore di paîs de Europe orientâl"
da "La gubane, o ben la fortune di jessi la puarte de Europe orientâl" di Sandri Carrozzo
"si vistivin di gale e a preparavin il tratament, il te, il cafè, il whisky, i dolçs sul taulin indorât"
da "Ombris tal infinît" di Carlo Sgorlon
"la zent a na podeva spindi bêçs in dolçs e goloseçs che Luc al era bon da fâ"
da "Il pan da la Guda" di Novella Cantarutti
dolç adi.
Di savôr delicât, no fuart e no becant
esempi
"sparcs blancs dolçs"
dolç adi.
Che al è biel par cualchi altri sens che nol sedi il gust, che al dâ bielis sensazions (fig.)
sinonimi
delicât, deliziôs, dulinciôs, graciât, graciôs, soâf
esempi
"lis ruedis a griavin sun chel glerein di stelis cuntun sun dolç come une musiche"
da "Il cjaradôr des animis" di Dino Virgili
"nol rivave a gjavâsi di intorsi il ricuart di chel sium stramp, plen di imagjins inmagadis e dolcis"
da "Grivôr" di Franca Mainardis
dolç adi.
Che nol è tant in pendence (fig.)
sinonimi
lizêr
esempi
"a drete invezit, viers la mont, la rive e je plui dolce e lis cjasis a son a plui filis"
da "I forescj" di Alan Brusini, Gian Paolo Linda
"une cleve dolce che e lave jù a pierdisi te plagne lavorade"
da "La tiere di Lansing" di Maria Forte
dolç adi.
Che al mostre rispiet, zentilece, no agressîf ni risupiôs (fig.)
sinonimi
amabil, bon, civîl, civilin, complasent, cortesan, creançât, degnevul, jentrant, manierôs, mugnestri, plasevul, tratîf, zentîl
esempi
"il paron al deventave mol di suste se une femine, massime zovenute, si presentave là di lui: al jevave in pîts, i dave la man, le faseve sentâ, al fevelave dolç"
da "La aghe da pît la cleve" di Dino Virgili
dolç adi.
Che al fâs sintî afiet, tenarece (fig.)
sinonimi
afetuôs, amabil, dulinciôs, tenar
esempi
"une bussade dolce in prin, ma che e deventà simpri plui infogade e convulsive"
da "Il muc" di Roberto Ongaro
"sâstu - i diseve a Meni cun vôs dolce - o ai fat meti la scunute dongje il nestri jet: e je cussì biele chê scunute che tu âs volût comprâ pal nestri frutin"
da "Il segno" di Pieri Somede dai Marcs
dolç adi.
Che i si vûl ben, spec. tes espressions di afiet (fig.)
sinonimi
amât, cjâr, biel
esempi
"vô sês il mio cjâr ben, il dolç mio flât"
da "II, 12" di Ermes di Colorêt
dolç adi.
Che nol fâs patî, che nol da consecuencis negativis o che al à mancul aspiets negatîfs rispiet a altris robis de stesse sorte
sinonimi
bon, moderât
esempi
"provâ cuntune cure dolce"
"gjinastiche dolce"
"[Cleobi e Biton] si indurmidirin stracs sui scjalins, e a passarin dal sium ae muart dolce"
da "Viaç aes origjins dal Logos" di Adrian Cescje
proverbi
"cui che al à amâr in bocje nol po spudâ dolç"
"daspò dal dolç al ven l'amâr"
"il dolç al è sul fonts"
"la fam e fâs dolç l' amâr"
"no si po gloti amâr e spudâ dolç"
"no si po vê il dolç cence l'amâr"
Torna in Cima
Torna in Cima