Hai cercato la parola
bilingue monolingue
Hai cercato la parola
dolenti note
Torna indietro

bilingue

dolenti note
  • 1

    loc.s.f.pl. crôs Copia

    [CO] (fats che a displasin)
    ed ora veniamo alle dolenti note = e cumò vignìn aes crôs

monolingue

crôs s.f.
(stor.) Tal timp dai Romans e di altris popui antîcs, suplizi e imprest di suplizi, fat di doi pâi di len incrosâts là che il condanât al jere inclaudât o picjât pes conolis
esempi
"i ribei presonîrs, dopo de disfate di Spartac dal 71 p. di C., a son stâts metûts in crôs dilunc de vie Apie jenfri Capue e Rome"
crôs s.f.
Simbul dal cristianisim, ancje in rapresentazions di diviersis dimensions e materiâi
esempi
"al murì la Sierade, e cui bêçs de pension, ingrumâts, i faserin nome une crôs di piere, cul so non parsore"
da "Dreute" di Riedo Pup
"vê tor dal cuel une cjadenute cuntune crôs di aur"
crôs s.f.
Dolôr, pene grande
sinonimi
cruzi, cruzie, patiment, pene, soference, via crucis, torment
esempi
"lis crôs passadis, la miserie, chel zirâ cun ogni timp pai paîs par une bocjade, le vevin scunide, ingrispade e ridote piel e vues:"
da "Caritât" di Pieri Somede dai Marcs
crôs s.f.
Persone che e cause preocupazion, pene, dolôr, fastidi e v.i. (fig.)
sinonimi
cjastì di Diu, cruzi, diambar, flagjel, tribul, pinitince, torment
esempi
"Lisute, invezit, e jere la sô crôs. Nassude mâl; cuntune gjambute plui curte che le disombolave e i dave une ande malegraciose"
da "La fie çuete" di Maria Forte
"ma parcè stâstu intal frêt? Ma sêstu mat? E cence scarpis? Tu ti cjapis une polmonite, tu, frut, crôs di Diu! Ven dentri, no!"
da "Il rucjin" di Laurin Zuan Nardin
crôs s.f.
Segn, forme o struture fate di dôs liniis che si cjatin tal pont centrâl di almancul une des dôs, formant cuatri angui di novante grâts
esempi
"a àn dome di meti une crôs suntun modul prestampât"
da "L'Antifurlan" di Sandri Carrozzo
"cemût nus rapresentino chei siôrs che o vin sburtâts a Rome? Lu podìn domandâ, parcè che ancje noaltris o vin, scuasi ducj, fate la crosute su la schede des votazions"
da "Rapresentants dal popul" di Josef Marchet
Vedi anche: crôsj
proverbi
"a Sante Crôs pan e coculis"
"a Sante Crôs pan e nolis"
"a vê il morôs e je une crôs, a no vêlu a son dôs"
"al pâr che la sô crôs a sedi la plui grande ma se si cjale chê di chei altris si torne a cjoli sù la sô"
"cuant che la femine si spose, l'om al à di puartâ la crôs"
"cui che al puarte la crôs nol po cjantâ messe"
"il diaul co al viôt la crôs al scjampe"
"il diaul nol disfe crôs"
"no si po cjantâ e puartâ la crôs"
"ogni cjase e à la sô crôs"
"ognidun al à la sô crôs e cui che no le à se fâs bessôl"
"prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean"
"se la crôs no si vûl che e pesi, si à di puartâle e no di strissinâle"
"se no si à la crôs, si le fâs di bessôi"
"se o lin a puartâ la nestre crôs in place, o tornìn a cjase cu la nestre"
"une crôs si à di vêle"
Torna in Cima
Torna in Cima