Tu âs cirût la peraule
bilengâl monolengâl cognons
Tu âs cirût la peraule
dotto
torne indaûr

bilengâl

dotto s.m.
  • 1

    s.m. condote, canâl, condot, vâs Copie

    [TS] anat. (struture anatomiche çondare cun parêts spec. cilindrichis pal passaç dai licuits organics come la linfe, il sanc, prodots di secrezion e di escrezion)
    dotto epatico = condot epatic
    dotto linfatico = canâl linfatic

locuzions

    dotto deferente
  • deferent, canâl deferentCopie
    [TS] anat. (intal aparât gjenitâl masculin, canâl che al met in colegament il testicul cu la vissiute seminâl)

monolengâl

canâl s.m.
(ca-nâl)
Cors di aghe artificiâl o cun arzins o struturis artificiâls
sinonims
roie, tai, fossâl
esemplis
"il canâl de Ledre"
"canâl navigabil"
"canâl di irigazion"
"canâl di alimentazion"
"canâl di bonifiche"
"sgjavâ un canâl"
"lis viciniis a vevin di proviodi a tignî lis stradis, i canâi e in cierts câs ancje lis fortificazions"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"a Vignesie i canâi a rapresentin une seconde cualitât di stradis"
gjavât fûr di "Viaç a Vignesie" di Arturo Feruglio
Viôt ancje: cjanâl
canâl s.m.
(ca-nâl)
[CO] (gjeogr.) Cors di aghe artificiâl che al unìs doi mârs
esemplis
"il canâl di Panama"
"il canâl di Suez"
canâl s.m.
(ca-nâl)
[TS] (mar.) Percors segnât di bois par barcjis e nâfs
canâl s.m.
(ca-nâl)
(gjeogr.) Toc di mâr tra dôs tieris
esemplis
"il canâl di Sicilie"
canâl s.m.
(ca-nâl)
[CO] (anat.) Condot a forme di tubul
sinonims
condot, tubul, vâs, vie
esemplis
"canâl uretrâl"
"canâl biliâr"
canâl s.m.
(ca-nâl)
Mieç di comunicazion o di difusion di notiziis, in particolâr te telecomunicazion
sinonims
canâl di informazion
esemplis
"un canâl radio"
"cambiâ canâl"
"un dai problemis cu la presince di tancj canâi al è chel de visibilitât: za cumò e je une lote par rivâ a jessi un dai prins nûf canâi tal telecomant"
gjavât fûr di "Interviste a Fabio Pizzul" di Dree Venier
canâl s.m.
(ca-nâl)
Mieç che al puarte alc o che al controle une dinamiche, un moviment (fig.)
esemplis
"cirî gnûfs canâi di finanziament"
"difûr dai canâi uficiâi, e nassè tal 1952 la Scuele libare furlane"
gjavât fûr di "Il furlan tes scuelis e te universitât" di Odorico Serena
canâl s.m.
(ca-nâl)
[CO] (tecn.) Condote sgjavade e regolade di une portele che e mene la aghe cuintri des palis dal mulin
canâl s.m.
(ca-nâl)
[CO] (tecn.) Part ingjavade di un mecanisim, che e conten e e invie il moviment di altris parts
esemplis
"il canâl de cidule"
torne sù

cognons

Dotto
Forme aferetiche di nons tant che Guidotto, Leonardotto, Corradotto, e v.i. Si lu cjate a Monfalcon, Manià, Mortean, Udin (plui slargjât tal Venit). Intal Schedari Corgnali: 1401 heredum Dotti Mauri a Vençon; 1452 presb. Bartholomeus Dotto Ser Fereschi de Dottis de Tarvisio, ad presens rector ecclesie Sancti Martinj de Prodolono; 1559 Philippi q. Dotti capellarij de Canipa di Tumieç.
fonts
1599 eredi q. Sebast. delli Dotto di Pantianicco abit. a Pozzuolo (ACR 545/2); 1614 Bastian Dotto di Morteano fittuale nobb. Colloredo (ASU Perusini 693.7); 1690 Dom.co e Vido Dotti da Pedrina fittuali Sigg. Popaite della Possessione nuova detta La Cadorina (ASU Popaite 7.22); 1726 Giuseppe Dotto da Cervignano – Capomastro, lavorò nella basilica d’Aquileia a revisione coperto (AB).
Dottór, Dottori
La sô base e je il sostantîf "dotôr", riferît soredut a un jurist e academic in gjenerâl, pluitost che a un "miedi" (CI 703). Dottor si lu cjate a Cividât (ma e je une forme massime trevisane); Dottori si lu cjate a Savogne dal Lusinç e a Gurize (tipic de Italie centrâl).
fonts
1524 Blasuttus q. Joannis dotoris in Vicinia Zuiano (ASU Perusini 694.4); 1652 Batta Dotor della Vicinia di Brazzano (ASU CRS 175/2); 1795 Rev. Antonio Dottori di Monfalcon della Pieve di S. Lorenzo di Ronchi di Monfalcone (ACAU 738).
Dòttolo
Al è probabil che al vegni di un diminutîf di Dot, forme aferetiche di nons tant che Guidot o Vidot (di Vît, tant che Vidon, Vidus, e v.i.), Lenardot, Coradot, Baldot, e v.i. Il cognon al è documentât a Curnin (Forgjarie) a tacâ dal 1570 cun Nicolò q. Daniele Dottolo (Biasutti, 1976).
fonts
1696 Dom.co Dottolo di Cornino, fittuale Fraterna di Sant’Antonio da Padova di Cornino (ASU CRS 209); 1699 Lonardo Dottolo, cameraro Fraterna SS. Rosario di Cornino (ASU CRS 209).
torne sù