Tu âs cirût la peraule
bilengâl monolengâl
Tu âs cirût la peraule
duplicato
torne indaûr

bilengâl

duplicato p.pass., adi., s.m.
  • 2

    s.m. dopli, duplicât Copie

    [CO] (copie di un document che e covente par sostituîlu)
    un duplicato della carta d'identità = un dopli oppure un duplicât de cjarte di identitât

    s.m. dopli Copie

    (copie esate di alc)
    è il duplicato di suo padre = al è il dopli di so pari

monolengâl

dopli adi.
(do-pli)
Che al è dôs voltis plui grant
esemplis
"al tornave jù cu la velocitât dople di un altri"
gjavât fûr di "Ricuarts e inlusions" di Enrico Martina
"i tocjava fâ dopla fuarça par superâlu"
gjavât fûr di "Il me paîs" di Federigo Comelli
dopli adi.
(do-pli)
Formât di doi elements compagns o simii
sinonims
zimul
esemplis
"la dople pagjine “Maman” sul setemanâl "Il Friuli", cun leturis, curiositâts e zûcs par frutins"
gjavât fûr di "La lenghe furlane tai mieçs di comunicazion" di Erika Adami
"par une cleve a pene di rive jù, al jere il boscut dal rocul, imbraçât di ca e di là des doplis filis di çamars"
gjavât fûr di "Memoriis di politiche linguistiche" di Adrian Cescje
dopli adi.
(do-pli)
[BF] Di femine, che e spiete un frut, soredut se no je maridade (fig.)
sinonims
plen
dopli adi.
(do-pli)
Che al à lis stessis carateristichis di alc altri, soredut di alc che si à za
sinonims
compagn
esemplis
"scambiâ lis figurinis doplis"
dopli adi., s.m.
(do-pli)
Di alc o cdn., che nol è sclet, che al plate la veretât
sinonims
ambigui, cuviert, di dôs musis, ipocrit, bausâr, fals
esemplis
"te bielece di Geneviève cumò plui di mai o vualmavi alc di dopli e di pericolôs"
gjavât fûr di "Il dolfin" di Carlo Sgorlon
dopli s.m.
(do-pli)
Sclope di cjace di dôs canis
sinonims
doplet, doplete
esemplis
"al lave daûr dal cjan, e cuant che lu viodeve in ferme, al tirave jù il dopli e al stave in spiete, fer ancje lui"
gjavât fûr di "Prime di sere" di Carlo Sgorlon
dopli s.m.
(do-pli)
Butilion di doi litris
esemplis
"al passe il timp e cul timp i doplis dal friularo poderôs che al travane il bultric"
gjavât fûr di "Viaç a Vignesie" di Arturo Feruglio
dopli s.m.
(do-pli)
[BF] Tiessût bilisiât pe blancjarie di cjase
esemplis
"lasse fûr il dopli che nol è ancjemò ben sut"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
dopli s.m.
(do-pli)
[TS] (lit.) Rituâl liturgjic plui nobil e solen
dopli s.m.
(do-pli)
[TS] (lit.) Sun di cjampanis tipic de fieste grande
esemplis
"lis cjampanis, che a vevin sunât in dopli cuasi dut il dì, si jerin fermadis"
gjavât fûr di "A jerin lagrimis" di Pieri Somede dai Marcs
dopli adi.
(do-pli)
[TS] (bot.) Di orghin vegjetâl o animâl, dividût a metât
esemplis
"çucul dopli"
dopli adi.
(do-pli)
[TS] (bot.) Di rose, che e à i stams che a cjapin la forme di pics
esemplis
"lis stroncjis pustotis tal ricès des muraiis, a devin violis doplis par meti tai creps su lis taulis preparadis"
gjavât fûr di "Come tai romançs" di Alan Brusini
dopli adi.
(do-pli)
[TS] (ling.) Di sun, spec. di consonante, che e dure di plui di chê semplice
esemplis
"par talian e je une consonante dople che e ven dividude"
gjavât fûr di "La division in silabis dai sufìs -sion e -zion tal Grant Dizionari Bilengâl Talian - Furlan" di Paolo Roseano
dopli s.m.
(do-pli)
[TS] (sport) Tal tenis e tal ping pong, partide cun cuatri zuiadôrs, doi cuintri doi
esemplis
"zuiâ un dopli"
dopli s.m.
(do-pli)
[TS] (sport) Tal canotaç, la canoe cun doi vogadôrs
sinonims
doi a doi, doi di cubie
dopli s.m.
(do-pli)
[TS] (zûcs) Tal bridge, dôs cjartis cul stes pâl
dopli s.m.
(do-pli)
[TS] (zûcs) Tai scacs, situazion li che un toc a 'nd menace doi di chel altri colôr
esemplis
"cuant al è il cjaval che al atache doi tocs tal stes moment, si dîs che il cjaval al da “un dopli”."
gjavât fûr di "Zuìn di scacs" di Nilde Teresa Negro
dopli s.m.
(do-pli)
[TS] (zûcs) Tal domino, toc che al à chel stes numar tes dôs caselis
dopli s.m.
(do-pli)
[TS] (tipogr.) Peraule ripetude par erôr
dopli s.m.
(do-pli)
[TS] (let.) Aspiet in oposizion e complementâr di une persone o di un personaç de leterature
esemplis
"[il cjapitani] mi veve contât dal so sintiment che al esistès un dopli di se, un altri cjapitani che nol veve mai dadis lis dimissions de armade"
gjavât fûr di "Il dolfin" di Carlo Sgorlon
dopli s.m.
(do-pli)
[TS] (teatr.) Part assegnade a di un atôr che a 'nd à za une altre te stesse rapresentazion
torne sù
torne sù