SuperDizionari

Tu âs cirût la peraule

eterno riposo

bilengâl

eterno riposo

recuie s.f., s.m.
(re-cu-ie)

Orazion pai muarts, par che a polsin te pâs di Diu

esemplis

"al tirà jù il cjapiel, al disè une «recuie», come che al faseve par ducj i muarts"

gjavât fûr di "Vigji Brusin" di Riedo Pup

"o disarai un recuie par chê puare anime"

gjavât fûr di "A uciei cu lis archetis" di Pieri Menis

recuie inter.
(re-cu-ie)

Dopo dal non o de indicazion di une persone muarte, par augurâi di polsâ in pâs

esemplis

"un siôr tracagnot, cun tant di barbe, che al semee don Pedro el defont imperatôr dal Brasîl, recuie"

gjavât fûr di "Viaç a Vignesie" di Arturo Feruglio

"jo mi visi, di frut, che al jere ancjemò vîf gno von - recuie! - e gno barbe Martin"

gjavât fûr di "Lis predicjis dal muini" di Josef Marchet

recuie adi.inv.
(re-cu-ie)

Dopo dal non o de indicazion di une persone, par segnâ che no je plui, che e je muarte

sinonims

biel, puar, biât, cjâr, quondam

esemplis

"so pari recuie al jere stât par agnorums a cjace di gjai e di cjavrûi"

gjavât fûr di "Come tai romançs" di Alan Brusini

recuie s.f.
(re-cu-ie)

Pâs eterne des animis dongje di Diu

esemplis

"«Signôr, dait la pâs ai vîfs e la recuie ai puars muarts»"

gjavât fûr di "Cjasute dai ricuarts" di Pieri Menis

recuie s.f.
(re-cu-ie)

Stât di calme, di mancjance di lavôr, di impegns, di sfuarçs, di tensions, di preocupazions e v.i.

sinonims

cidin, cidinôr, cuiete, polsade, polse, respîr, ricrei, rifin, sbaldiment, tregue, calme, pâs, poste

esemplis

"o speravi di cjatâ finalmentri recuie al roseament di anime che mi à compagnade par scuasit trê agns"

gjavât fûr di "Trê feminis" di Gianni Gregoricchio

"juste di gnot si veve un moment di recuie"

gjavât fûr di "La libertât" di Checo Tam

torne sù