Tu âs cirût la peraule
bilengâl monolengâl
Tu âs cirût la peraule
evadere
torne indaûr

bilengâl

evadere v.intr., v.tr.
  • 1

    v.intr. scjampâ Copie

    [AD] (scjampâ di une preson)
    sono evasi quattro detenuti = a son scjampâts cuatri presonîrs
  • 2

    v.intr. scjampâ, gjavâsi fûr, tirâsi fûr Copie

    [AD] (scjampâ di une situazion là che si sta mâl)
    le vacanze mi permetteranno di evadere dalla monotonia = lis vacancis mi permetaran di gjavâmi fûr de monotonie
  • 3

    v.tr. davuelzi Copie

    [TS] burocr. (puartâ ae conclusion)
    hanno evaso la pratica solo ora = a àn davuelte la pratiche dome cumò

    v.tr. disbratâ, sbratâ Copie

    (rispuindi ae corispondence, a un reclam)
    bisogna evadere la corrispondenza dell'ultima settimana = bisugne disbratâ la corispondence de ultime setemane
  • 4

    v.tr. scjuvî, evadi Copie

    [AU] (fâ di mancul di frontâ alc, une situazion)
    evadere le proprie responsabilità = scjuvî lis sôs responsabilitâts

    v.tr. evadi Copie

    (fâ di mancul di paiâ)
    è accusato di aver evaso le tasse = al è acusat di vê evadudis lis tassis

monolengâl

scjampâ v.intr.
(scjam-pâ)
Lassâ di corse un puest, soredut par no patî un dam o par slontanâsi di un pericul
sinonims
batise, brusâ il paion, filâ, filâse, filâ vie, fuî, lâ vie, mocâ, mocâle, mocâle vie, mocâse, mocâse vie, niçâse, niçâse vie, sbignâle, sbignâse
esemplis
"Lise lu cjape e ti comence a pestâlu, ma il frut al rive a scjampâi des mans e si met a cori jù pal curtîl"
gjavât fûr di "Tinut di Libro" di Pieri Menis
"i sin rivâts a pena a scjampà. Dal solâr al lun di luna i ai jodût i Turcs rivâ ta la grava"
gjavât fûr di "I Turcs tal Friûl" di Pier Paolo Pasolini
scjampâ v.intr.
(scjam-pâ)
Rivâ a salvâsi, ancje cence une azion di slontanâsi o par câs
esemplis
"di dute chê int, tresinte e plui personis, no scjamparin de ruvine che la vedue cul so fi e doi altris fruts"
gjavât fûr di "La fuiace de Madone" di Catarine Percude
scjampâ v.intr.
(scjam-pâ)
Gjavâsi fûr di une situazion negative (fig.)
sinonims
lâ vie, slontanâsi
esemplis
"li che o voi, la int e à bisugne di nô: a 'nd è lavôr par dutis chês che come me a scjampin de miserie"
gjavât fûr di "Se Diu al vûl" di Antescûr
scjampâ v.intr.
(scjam-pâ)
Lâ vie di premure (iperb.)
sinonims
cori, cori vie, lâ, lâ vie
esemplis
"cumò o scuen scjampâ che o ai un che mi spiete"
gjavât fûr di "Cretevierte" di Roberto Ongaro
scjampâ v.intr.
(scjam-pâ)
Dal timp, passâ svelt (fig.)
sinonims
cori, filâ, lâ, lâ vie
esemplis
"i agns a scjampin"
scjampâ v.intr.
(scjam-pâ)
Lâ vie, lâ al mancul, sparî (fig.)
sinonims
passâ
esemplis
"a pensâ dulà che [il vin] al jere stât par tant timp [tune tombe], la gole e scjampave"
gjavât fûr di "Doi pizighets e un lari" di Pieri Menis
scjampâ v.intr.
(scjam-pâ)
Colâ di man o no jessi plui controlât
sinonims
sbrissâ
esemplis
"un reful i fe scjampâ un moment il rem da lis mans: si pleià la barcja sot chel impit del vint"
gjavât fûr di "Il me paîs" di Federigo Comelli
scjampâ v.intr.
(scjam-pâ)
Vignî dit o scrit, ancje se nol pâr bon, se nol è just, coret e v.i.
sinonims
sbrissâ
esemplis
"dineâ di vê viodût e sintût, cul terôr di lassâsi scjampâ une mieze peraule, un suspîr, une esitance"
gjavât fûr di "Madalene" di Franco Marchetta
"bon, va ben, e scjampe ancje cualchi blesteme…"
gjavât fûr di "Sul florî" di AAVV
scjampâ v.intr.
(scjam-pâ)
Di espression, azion e sim., no podê jessi stratignude
esemplis
"Catine e fasè muse contegnose, ma i scjampave di ridi"
gjavât fûr di "Trê feminis" di Gianni Gregoricchio
"i scjampà un berli, sigûr plui di sorprese che di pôre"
gjavât fûr di "L'om misteriôs" di Antescûr
scjampâ v.intr.
(scjam-pâ)
Ancje cun subiet sotintindût, di stimul fisiologjic, fâsi sintî
esemplis
"mi scjampe di fâ 'sisin"
"cumò i scjampave une biele cagade"
gjavât fûr di "La invasion" di Checo Tam
scjampâ v.intr.
(scjam-pâ)
No jessi viodut, notât o capît (fig.)
sinonims
cori vie, passâ vie, sbrissâ
esemplis
"agne Ursule, e veve di viodi dut ce che al jentrave e ce che al jessive [...] no i scjampave nuie di ce che al sucedeve in chê cjase"
gjavât fûr di "Agne Ursule" di Pieri Menis
"a mê mari no i jere scjampade la ande di cjoli vie di lui"
gjavât fûr di "Trê feminis" di Gianni Gregoricchio
scjampâ v.intr.
(scjam-pâ)
Lâ fûr di cjâf, no jessi ricuardât (fig.)
esemplis
"i scjampave de memorie ancje il so non di Rite"
gjavât fûr di "Come tai romançs" di Alan Brusini
scjampâ v.intr.
(scjam-pâ)
Refudâsi di cognossi o di frontâ alc (fig.)
esemplis
"il pelegrinaç nol à mai di jessi un scjampâ de realtât, ma une fuarce par tornâ te realtât"
gjavât fûr di "Sant Jacum, là che al finìs il mont" di Antoni Beline
scjampâ v.tr.
(scjam-pâ)
Evitâ
esemplis
"Zuan lu cirive e lu scjampave tal stes timp. Alc i faseve pôre e alc lu tirave in chel om"
gjavât fûr di "La tiere di Lansing" di Maria Forte
detulis
"a messe là che al sune, a scjaldâsi là che al fume, a mangjâ là che al è pan e scjampâ là che si dan"
"cui che al cor al cor e cui che al scjampe al svole"
"cui che al scjampe al à lis alis"
"cui che al scjampe un pont, ind scjampe mil"
"dai al cjan cuant che al scjampe"
"dal destin no si scjampe"
"de man di Diu no si scjampe"
"ducj a àn coraç cuant che il lôf al scjampe"
"il diaul co al viôt la crôs al scjampe"
"il trist al scjampe ancje se nissun no i cor daûr"
"la peraule che e scjampe e sa indulà che e va"
"no bisugne lassâ scjampâ il jeur par pôre di ruvinâi la piel"
"no si à di sierâ la chebe co l'uciel al è scjampât"
"no stâ corii daûr a cui che al scjampe"
"no stâ spietâ di sierâ il cjôt daspò scjampade la purcite"
"par salvâ la piel no stâ lassâ scjampâ il jeur"
"par scjampâ de miserie si à di lâ là che a son cjamins che a fumin e no cjampanii che a sunin"
"trê robis a fasin scjampâ la int di cjase: il fum, la triste muîr e la cjase discuvierte"
"trê robis a fasin scjampâ la int di cjase: la cusine fumose, la femine rabiose e la cjase discuvierte"
torne sù
torne sù