Tu âs cirût la peraule
bilengâl monolengâl cognons
Tu âs cirût la peraule
fagotto
torne indaûr

bilengâl

fagotto s.m.
  • 1

    s.m. fagot Copie

    [TS] mus. (imprest musicâl a flât, fat di len)

locuzions

    fare fagotto
  • fâ sant Martin, fâ i fagots, fâ il fagot, fâ la valîsCopie
    [CO] (cjapâ sù e lâ)
    ha fatto fagotto e se n'è andato = al à fat i fagots e al è lât vie

monolengâl

fagot s.m.
(fa-got)
Cuantitât di robe fate sù, spec. par jessi puartade vie
sinonims
çacule, invoi, involt, voluç
esemplis
"al puartave, parsore une spadule, un stomblaç gropolôs e in ponte un fagotut involuçât tun façolet di cjâf"
gjavât fûr di "Cjase di Dalban" di Maria Forte
"cetancj «Diu jal mereti siorute» che e lassave daûr di se, massime cuant la mê femine i meteve tun fagotut cualchi robe di vistîsi"
gjavât fûr di "Caritât" di Pieri Somede dai Marcs
fagot s.m.
(fa-got)
[TS] (mus.) Strument musicâl a flât, di len, cun lenghete dople, sisteme di clâfs e cinc busis
esemplis
"dai siei struments, cetant ricercjâts tal so timp, nus restin dodis flauts di varie grandece, cutuardis obois e un fagot"
gjavât fûr di "Giovanni Maria Anciuti: di Fors Disore a Milan" di Alessio Screm
torne sù

cognons

Fagotto
Al è probabil che al derivi di fagotto “involuç", ma ancje “persone malmontade tal compuartâsi e tal vistîsi", peraule di origjin francese atestade tal talian dome cul tacâ dal secul XVI (l'imprest musicâl cul non identic al è documentât tal talian dal 1585). De Felice 1978 al met chest cognon te liste di chei che a vegnin di faggio, il famôs arbul. Si lu cjate massime a Puart e, mancul, a Gruâr, Cint e Pordenon (culì ancje tant che Fagotti).
torne sù