Hai cercato la parola
bilingue monolingue
Hai cercato la parola
falso
Torna indietro

bilingue

falso , ,
  • 1

    s.m. fals Copia

    [FO] (ce che nol è vêr)
    ha dichiarato il falso = al à declarât il fals

    av. fals Copia

    [CO] (in mût fals)
    le sue insistenze ci suonano falso = lis sôs insistencis nus sunin di fals
  • 1a

    adi. fals, falât Copia

    [FO] (che nol è vêr, nol è just)
    gira una falsa diceria = e zire une vôs false
    si erano fatti una falsa opinione su di lui = si vevin fat un judizi falât su di lui
  • 1b

    adi. fals, pustiç Copia

    [FO] (diviers di ce che si vûl fâ viodi, e che al scuint ce che si à par mans)
    questa è una falsa interpretazione che svia = cheste false interpretazion e puarte fûr di strade
    questa tua intenzione è falsa = cheste tô intenzion e je pustice

    adi. fals, mat Copia

    (che al disledrose e al sfuarce suns, colôrs e v.i.)
    un sapore falso = un savôr pustiç
    una luce falsa che stravolge i colori = une lûs false che e sledrose i colôrs

    adi. fals, distuart Copia

    (fig.)
    li hanno calunniati, presentandoci sotto una falsa luce = ju àn metûts a mâl cul presentâju sot di une lûs false
  • 1c

    adi. fals, çondar, strassomeât Copia

    [FO] (alc di alterât, di contrafat rivuart ae sô norme)
    parlava con una voce falsa = al fevelave cuntune vôs false
    suona come una campana falsa = al sune tant che une cjampane çondare
  • 1d

    adi. fals, mat Copia

    [FO] (di alc, che nol ven ben)
    dal violino uscì un suono falso = il violin al butà un sun fals
  • 2

    adi. fals, pustiç Copia

    [FO] (falsificât di pueste)
    ha capelli falsi = al à une cjavelade pustice
    per entrare hanno adoperato una chiave falsa = par jentrâ a àn doprade une clâf false

    adi. fals, mat, fint Copia

    (dit di un prodot o di une costruzion che a simiotin il gust di une ete che no je la lôr)
    la cattedrale è costruita in un falso gotico = la catedrâl e je fate sù tun fals gotic

    s.m. fals Copia

    [CO] (copie di une vore di art, document, firme)
    nei mercatini d'antiquariato, bisogna fare attenzione ai falsi = tai marcjaduts des antigaiis si à vuardâsi dai fals
  • 3

    s.m. fals Copia

    [TS] (reitât di falsificazion o par vê declarât cuintri il vêr in judizi o in ats publics)
  • 3a

    adi. bausâr, fals, sfuarçât Copia

    [FO] (di un sintiment, cence scletece, palesât par fente)
    cantava, ma con un'allegria falsa = al cjantave, ma cuntune ligrie sfuarçade
    ci sta vicino, ma è una falsa amicizia = al ven dongje, ma e je une amistât false

    adi. fals, sfuarçât Copia

    (une posizion di ambiguitât e malstâ)
    ci siamo messi in una falsa posizione = o sin lâts a finîle intun stât fals
    mi trovo in una condizione falsa = mi cjati a jessi tune cundizion sfuarçade
  • 3b

    adi. bausâr, fals Copia

    [FO] (di persone cognossude pe falsetât)
    è falso e c'è poco da fidarsi = al è un om fals e al è pôc ce fidâsi
    è una persona falsa = al è un bausâr
    più falso di così non si può = al è plui fals di une monede di Buie
  • 3c

    adi. fals Copia

    (che al testemonee, ancje par bêçs, ce che nol à viodût)
    finalmente si è scoperto che era un falso testimone = al fin si è discuviert che al jere un testemoni fals

    adi. fals Copia

    [FO] (di cdn., che al fâs fente di jessi ce che nol è)
    un falso professionista = un fals professionist
  • 4

    adi. fals Copia

    [TS] (te logjiche matematiche, che al corispuint al valôr di veretât che si opon a vêr)

    s.m. fals Copia

    [TS] (linie di pression sui cartons de cuvierte di un libri, dongje la cueste, par zirâju miôr)
  • 5

    adi. fals Copia

    [TS] (orghin che al è simil a un altri, ma cuntune funzion o nature divierse)
    la farfalla aveva occhi falsi sulle ali = la pavee e veve voi fals su lis alis

locuzioni

    biancone falso
  • trifule falseCopia
    [TS] (fonc di colôr rossit che al somee la trifule)
    • falso allarme
  • alarme falsCopia
    [CO] (fat negatîf che al podeve sucedi ma che nol è sucedût)
    si temeva una grandinata ma è stato un falso allarme = si veve pôre di une tampiestade ma al è stât un alarme fals
    • falso magro
  • [CO] (cui che al à une figure snele ma che al à ancje gras cence che si viodi)
    è un falso magro = al pâr magri ma nol è
    • lama a taglio e falso taglio
  • lame di tai e falsCopia
    [CO] (lame cul tai di une bande e fin a un tierç o un cuart di chê altre)
    • passo falso
  • scjalin, buzare, capele, falope, maronCopia
    [CO] (sielte o azion malpensade)
    ha fatto un passo falso = al à fat maron le aveva indovinate tutte, poi ha fatto un passo falso = i jerin ladis dutis dretis, po al à falât il scjalin

monolingue

mat adi., s.m.
Che, cui che al à une menomazion des facoltâts mentâls
sinonimi
dement, psicopatic, scuilibrât
esempi
"[Freud] al fo un dai prins a usmâ la esistence di plui personalitâts intun individui. Chestis ideis i vignirin cul cirî di judâ e di studiâ lis personis gnervosis e i mats che al veve in cure"
da "Il cjâf dai furlans" di Franc Fari
"al barbote chel altri e se moche tal palaç dai telefons, convint di vê vût da fâ cuntun mat vignût fresc fresc di Sant Svualt"
da "Viaç a Vignesie" di Arturo Feruglio
"Guri al zigà a fuart, come mat"
da "La aghe da pît la cleve" di Dino Virgili
mat adi., s.m.
Cun ûs averbiâl o in locuzions averbiâls o in comparazions al pues dâ valôr di superlatîf
esempi
"Febo al coreve come un mat intes braidis, saltant i riui come un zupet"
da "Domenie di cjace" di Checo Tam
"i mucs che e jerin li parsore, su la crete plui alte, a traevin come mats"
da "Tinut di Libro" di Pieri Menis
"o soi stufe mate ancje jo, plui di te"
da "Co l'amôr al cimie" di Costantino Smaniotto
"une gole mate di maridâsi"
da "A la oselade" di Pieri Somede dai Marcs
"par parâsi dal scjafoiaç dal dopodimisdì, no mancjavin di lâ a nadâ te sfondare di Montagnôl. O gjoldevin di mats"
da "Tal Cuar" di Lucio Perès
mat adi., s.m.
Stramp
sinonimi
estrôs, matucel, maturli, strambel, stramp, stravagant
esempi
"une lûs zale, cjalde come l'aur, che e lave a dissegnâ schiribiçs e formis matis su lis colonis, sui mûrs, su lis musis de int"
da "Il pignarûl" di Pieri Menis
mat adi.
Che nol è stabil, che no si rive a capî, a previodi, a individuâ e v.i.
sinonimi
balarin, maturli, morbit, strambel, stramp
esempi
"no si capìs ben… e je une lûs mate che e cambie colôr, che e somee saltâ di ca e di là tra lis ramascjis di pôi"
da "Cirî gnot" di Checo Tam
mat adi.
No vêr, no autentic
sinonimi
contrafat, fals, falsificât
esempi
"al prove a muardi cui dincj la monede di arint par viodi se e je mate"
da "Come tai romançs" di Alan Brusini
"la lidrîs [di tale] si gjave di Sierade; e je une vore mare (une volte si doprave come surogât, par fâ il cafè mat)"
da "Jerbis salvadiis inte cusine furlane" di Giorgio Pascoli
"e veve ancjemò intor il vistît di fieste e ator dal cuel un fîl di perlis matis"
da "Prime di sere" di Carlo Sgorlon
mat adi.
Di part dal cuarp, malformade, mâl cressude o che e funzione mâl
esempi
"cjar mate"
"ongule mate"
"passe une ore impins cu la sô gjambe mate, cuntun braç su lis spalis di mê mari che i faseve di sbacjo"
da "Come tai romançs" di Alan Brusini
"il gno cûr mat, il so bati ledrôs, i mancjaments, il flât che nol torne"
da "Cui sêstu?" di Laurin Zuan Nardin
mat adi.
Di plante, salvadie o lassade cressi a salvadi vie e che no da pomis buinis
esempi
"dilunc dal cei da la aghe la jerbe mate e jere folte e grasse"
da "La aghe da pît la cleve" di Dino Virgili
mat s.m.
[BF] (tecn.) Piertie che si pues movi sù e jù par aurî aghe in cierts poçs
proverbi
"a cui che al cjale il so fat, no si po dâi dal mat"
"a cuinçâ la salate al vûl un mat a meti il vueli e un savi l'asêt"
"a un mat, un mat e mieç"
"ai mats e ai parons nissun no ur comande"
"al è miôr un cjaval fat che no un puieri mat"
"al sa plui un mat a cjase sô che no un savi a cjase di altris"
"bielis peraulis e cjatîfs fats a incjanin savis e mats"
"ce colpe aie la gjate se la massarie e je mate?"
"cjace che no si viôt e je cjace mate"
"cu lis bielis peraulis e i bruts fats si ingjane savis e mats"
"cui che al cjante in taule e in jet al è un mat perfet"
"cui che al è mat che si fasi leâ"
"cui che al è mat nol vuarìs mai e se al vuarìs al è fortunât assai"
"cui che al sta in fidance dai altris al pie di mat"
"cui che i da il dêt al mat, al vûl il dêt cun dut il braç"
"di carnevâl ogni mat al vâl"
"di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense"
"ducj à gust di viodi mats in place ma no dai siei"
"femine pelose o mate o virtuose"
"fi sôl: o mat o lôf"
"fidance di altris, cjapiel di mat"
"i fruts e i mats a àn simpri l'agnul custodi a vuardâju"
"i mats no àn stagjon ni di Istât ni di Invier"
"il mat al bute il clap tal poç e il savi al scuen gjavâlu"
"il mont al è un ospedâl di mats"
"la femine daben e fâs la cjase, la femine mate le disfe"
"la femine savie e drece la cjase e la mate le strucje"
"la robe no sta cui mats"
"mat di piçul, om di grant"
"mat di zovin, om di grant"
"mats e fruts a puedin dî ce che a vuelin"
"mats, feminis, paron, timp e cûl fâs ce che al vûl"
"ni cun mats ni cun baraçs no bisugne impaçâsi"
"ogni mat al pâr savi cuant che al tâs"
"par cuinçâ ben il lidric al vûl: pal vueli un avâr, pal asêt un moderât e a messedâlu un mat"
"rispiet pai viei, pazience cui mats e sopuartâ lis malis lenghis"
"se la massarie e je mate, no stâ dâi la colpe a la gjate"
"sperance dai altris, cjapiel di mat"
"un mat a meti il vueli, un savi a meti l'asêt"
"un mat al fâs mateâ cent savis"
"un mat ind fâs cent"
"un solt butât vie di un mat, al è racolt di un savi"
"une ore ogni mat al lavore"
Torna in Cima
Torna in Cima