Tu âs cirût la peraule
bilengâl monolengâl
Tu âs cirût la peraule
fanale
torne indaûr

bilengâl

fanale s.m.
  • 1

    s.m. lûs, ferâl Copie

    [AD] (dispositîf che al mande lûs par fâ viodi ce che al è ator o par segnâ la presince di veicui)
    accendere i fanali di posizione della macchina = impiâ lis lûs di posizion de machine
    il fanale della barca = il ferâl oppure la lûs de barcje
    il fanale della bicicletta = la lûs de biciclete

locuzions

    fanale a trappola
  • ferâl di segnalazionCopie
    [TS] mar. (ferâl par comunicâ in Morse di lontan cuntun schermi che si alce e si sbasse)
    • fanale di coda
  • [CO] (cjale fanalino di coda)

monolengâl

ferâl s.m.
(fe-râl)
Dispositîf, che al pues jessi fis, di puartâ ator o di picjâ, formât di un telâr, pal solit di metal, cun lastris trasparentis che al ten dentri une lum o une lampadine
sinonims
lampion, lanterne
esemplis
"siore Lise i mandave incuintri cualchidun di cjase, cul ferâl impiât"
gjavât fûr di "Cjase di Dalban" di Maria Forte
"sul cjanton de casarme al vignive fûr il braç dal ferâl che, vie pe gnot, al iluminave la beorcje"
gjavât fûr di "La aghe da pît la cleve" di Dino Virgili
"fûr si viodeve lis lûs dai ferâi che a lustravin il stradon jenfri doi cisons di pins scuasit neris"
gjavât fûr di "Tal ospedâl" di Amedeo Giacomini
Viôt ancje: ferâr
ferâl s.m.
(fe-râl)
Ce che al ilumine, che al da lûs, cognossince, vite e v.i. (fig.)
esemplis
"il canocjâl / che a mi àn prestât / al è il ferâl / da veretât"
gjavât fûr di "Strolegheçs" di Pieri di Sant Denêl
"al è sflurît il Patriarcjât che par secui al è stât il ferâl de fede cristiane tal cûr de Europe"
gjavât fûr di "Il vescul di Rome nol ven a Nordest" di Redazion La Patrie dal Friûl
ferâl s.m.
(fe-râl)
Cele insom dal tor, dulà che a stan lis cjampanis
esemplis
"la «grande» e disgote i siei bots malinconics jù dal ferâl dal tor"
gjavât fûr di "Cjavut e alis" di Dino Virgili
"pe scjalute di len carulide al va sul ferâl dal cjampanili"
gjavât fûr di "La ultime baronade" di Pieri Somede dai Marcs
ferâl s.m.
(fe-râl)
Butilie di vin (fig.)
sinonims
butilie, veri, boce
esemplis
"dopo il tiarç o cuart ferâl, a son deventâts ducj i trê pluitost suturnos"
gjavât fûr di "Fusetis" di Osiride Secco
"in cuant a vin, za no covente discori; a 'nd ere doi ferâi"
gjavât fûr di "Un gustâ diplomatic" di Giovanni Gortani
ferâl s.m.
(fe-râl)
Persone une vore alte (fig.)
esemplis
"un ferâl di om"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
ferâl s.m.
(fe-râl)
[CO] (med.) Cundizion patologjiche li che un volt dal intestin, ancjemò dentri dal peritoneu, al finìs fûr de sô posizion naturâl e si sburte tal scrot
sinonims
ernie scrotâl, balon, roture, pilote
torne sù
torne sù