Tu âs cirût la peraule
bilengâl monolengâl
Tu âs cirût la peraule
farsi
torne indaûr

bilengâl

farsi v.pronom.intr., v.pronom.tr., s.m.
  • 1a

    v.pronom.intr. vignî Copie

    (ancje impers.)
    si fa buio = al ven scûr

    v.pronom.intr. deventâ Copie

    [CO] (cun valôr copulatîf)
    il tuo ragazzo si è fatto grande = il to frutat al è deventât grant
    la cosa si fa pericolosa = la robe e devente pericolose
  • 1b

    v.pronom.intr. fâsi Copie

    [CO] (cun valôr copulatîf, metisi tune cundizion o cjapâ sù un rûl)
    un apprendista che si sta facendo = un aprendist che al è daûr a fâsi oppure a imparâ
  • 1c

    v.pronom.intr. deventâ, fâsi Copie

    [CO] (ass., deventâ competent in alc)
    quel medico si è fatto, mi fido = chel miedi si è fat oppure al è deventât, mi fidi
  • 2

    v.pronom.intr. stâ, metisi Copie

    [CO] (cun daûr un averbi di lûc, metisi intune cierte posizion o intun sît)
    fatti da parte = metiti in bande

    v.pronom.intr. vignî, fâsi viodi, fâsi infûr Copie

    (comparî li che e je une viertidure de abitazion)
    fatti alla finestra = ven oppure fâti viodi sul barcon
    si fece all'uscio = e vignì su la puarte
  • 3

    v.pronom.intr. fâsi Copie

    [CO] (drogâsi)
    quello si fa = chel si fâs
  • 4

    v.pronom.intr. fâsi Copie

    [CO] (cun funzion causative)
    bisogna farsi ubbidire = bisugne fâsi ubidî

    v.pronom.intr. lassâsi Copie

    (dit di alc, che al è facil o plasevul di sei fat)
    questo vino si fa bere = chest vin si lasse bevi
  • 5

    v.pronom.tr. fâsi Copie

    (in tantis loc.)
    farsi i capelli = fâsi i cjavei
    farsi il bagno = fâsi il bagn
    farsi una fumata = fâsi une fumade

    v.pronom.tr. fâsi Copie

    (percori)
    si è fatta molta strada = si è fate tante strade

    v.pronom.tr. passâ, fâsi Copie

    (passâ un ciert timp)
    si è fatto un periodo di vacanza = si è fat oppure al à passât un periodi di vacancis

    v.pronom.tr. fâ, fâsi Copie

    [CO] (cun valôr intensîf, fâ alc)
    si sono fatti una gran bevuta = a àn fate oppure si son fate une grant bevude
  • 6

    v.pronom.tr. fâ, procurâsi Copie

    [CO] (fâ che al sucedi alc a se stes)
    si è fatto un buco nel calzetto = al à fate une buse tal cjalçut
    si è fatto un graffio sulla mano = al à fate oppure si è procurade une sgrifade su la man
  • 7

    v.pronom.tr. fâsi Copie

    [CO] (cun complement predicatîf dal obiet)
    si è fatto nemico il direttore = si è fat nemì il diretôr oppure al à fat che il diretôr i deventi nemì
  • 8

    v.pronom.tr. fâsi Copie

    [CO] (fâ che si formi une idee di alc tal cjâf)
    si è fatta una cattiva idea sul mio conto = si è fate une brute idee sul gno cont
  • 9

    v.pronom.tr. fâsi Copie

    [CO] (dâ dongje alc che si desidere)
    si è fatta la barca = si è fate oppure al à dade dongje la barcje
    si è fatto il ragazzo = si è fat il morôs oppure e à dât dongje il morôs
  • 10

    v.pronom.tr. fâsi Copie

    [CO] (mangjâ o bevi, massime cun plasê)
    si è fatta la bevuta in compagnia = si è fate la bevude in compagnie
  • 11

    v.pronom.tr. fâsi Copie

    [CO] (vê un rapuart sessuâl)
    si è fatta quel ragazzo = si è fate chel frutat
  • 12

    v.pronom.tr. fâsi Copie

    [CO] (scambiâsi)
    si fanno le carezze = si fasin lis cjarecis oppure si cjarecin
    si fanno le coccole = si fasin i figots oppure si figotin
  • 13

    s.m. deventâ, fâsi, divignî Copie

    [TS] filos. (il divignî des robis)
    la filosofia greca studiò il farsi delle cose = la filosofie greghe e studià il fâsi oppure il divignî des robis

locuzions

    andare a farsi benedire
  • lâ a fâsi benedîCopie
    [CO] (lâ in malore)
    vai a farti benedire! = va là a fâti benedî!
    • andare a farsi fottere
  • lâ a dâ vie il cûl, lâ a fâsi fotiCopie
    [CO] (spec. tal imperatîf, tant che formule di ofese)
    • andare a farsi friggere
  • [CO] (cjale andare al diavolo)
    • da farsi
  • [CO] (ce che si à di fâ intune cierte situazion)
    una riunione per discutere sul da farsi = une riunion par decidi ce fâ
    • farsi animo
  • tignîsi sù, fâsi cûr fuart, fâ cûr fuartCopie
    [CO] (cjapâ cûr)
    fatti animo = tegniti sù si fece animo e raccontò tutto a suo padre = si fasè il cûr fuart e e contà dut a so pari
    • farsi aria
  • fâsi aiar, svintulâsiCopie
    [CO] (movisi l'aiar denant de muse par fâsi fresc)
    • farsi aspettare
  • fâsi spietâ, fâsi suspirâ, lassâsi spietâ, intardâsiCopie
    [CO] (jessi tart intant che altris a spietin)
    l'estate quest'anno si fa proprio aspettare = l'Istât chest an si fâs propit suspirâ oppure si intarde
    • farsi avanti
  • fâsi indenant, fâsi dongje, vignî al viers, fâsi indevant, avanzâsiCopie
    [CO] (vignî dongje svicinantsi)
  • fâsi indenant, fâsi indevantCopie
    [CO] (proponi se stes, massime par ricevi o fâsi dâ une incjarie)
  • fâsi indenant, butâsi fûr, fâsi indevantCopie
    [CO] (cirî di metisi in viste)
    • farsi beffe
  • gabâCopie
    [CO] (-)
    si sono fatti beffe di lui = lu àn gabât
    • farsi bello
  • fâsi biel, furnîsi, lustrâsi, metisi in cuince, puzinâsi, sbilitâsi, slicâsiCopie
    [CO] (curâ il so aspiet)
    passa ore a farsi bella = e passe oris a fâsi biele
  • fâ il bielCopie
    [CO] (fâsi viodi biel par inmagâ une persone)
    e tutta la sera che si fa bello con le ragazze = e je dute la serade che si fâs biel cu lis fantatis
    • farsi carico
  • cjapâ sù il caricCopie
    [CO] (cjapâsi une responsabilitât)
    si è fatto carico dell'istruzione dei figli = al à cjapât sù il caric de istruzion dai fîs
    • farsi coraggio
  • tignîsi sù, fâsi cûr fuart, fâsi anim, fâsi fuart, fâsi un cûr fuartCopie
    [CO] (dâsi cûr e sigurece)
    bisogna che ti faccia coraggio e vada avanti = bisugne che tu ti tegnis sù oppure che tu ti fasis anim oppure che tu ti fasis fuart e tu ledis indenant
    • farsi da parte
  • tirâsi in bandeCopie
    [CO] (lassâ spazi a di chei altris)
    fatti da parte, per favore = tiriti in bande, par plasê
  • tirâsi in bande, tirâsi indaûr, clamâsi fûrCopie
    (tirâsi indaûr, ritirâsi di une cuistion)
    il terzo candidato si è fatto da parte = il tierç candidât si à clamât fûr
    • farsi da sé
  • fâsi bessôl, fâsi dal nuieCopie
    [CO] (costruî une posizion economiche e sociâl dignitose o une vore impuartante cul partî dal bas e cence jutoris)
    è un uomo che si è fatto da sé = al è un om che si è fat bessôl
    • farsi dal nulla
  • vignî fûr dal nuieCopie
    [CO] (rivâ a fâsi une posizion partint di nuie)
    • farsi dei problemi
  • fâsi problemis, sidiâsi, bacilâ, fastidiâCopie
    [CO] (cjapâsi a cûr une cuistion)
    Gurin fumava la pipa distaccato, senza farsi problemi oltre un certo limite = Gurin al fumave la pipe distacât, cence sidiâsi oppure fastidiâ plui di tant ti fai troppi problemi per gente che non merita = tu bacilis masse par int che no merete
    • farsi delle idee
  • fâ un pinsîrCopie
    [CO] (iludisi su la disponibilitât o sui sintiments di cdn.)
    si era fatta delle idee su di lui prima di sapere che era sposato = e veve fat un pinsîr su di lui prime di savê che al jere maridât
    • farsi desiderare
  • lassâsi desiderâCopie
    [CO] (jessi pôc disponibil par un incuintri o sim.)
  • fâsi desiderâ, lassâsi desiderâCopie
    [CO] (fâsi spietâ)
    è da un'ora che si fa desiderare = al è di une ore che si lasse desiderâ
    • farsi forte
  • zovâsi, poiâsiCopie
    [CO] (vê vantaç)
    farsi forte del proprio carisma = poiâsi sul oppure zovâsi dal propri carisme
    • farsi forza
  • fâsi cûr fuart, fâ cûr fuart, fâ un cûr fuart, fâsi un cûr fuartCopie
    [CO] (tignîsi sù)
    in questi momenti bisogna farsi forza e sopportare = in chescj moments si scuen fâ cûr fuart e sopuartâ
    • farsi furbo
  • jessî di badocli, sveâsiCopie
    [CO] (discjantâsi)
    dopo quell'esperienza si è fatto furbo = daspò di chê esperience al è jessût di badocli fatti furbo, non vedi che ti prendono in giro? = sveiti, no viodistu che ti menin ator?
    • farsi gioco
  • menâ ator, cjoli vie, menâ pal boro, cjolisi cjançonCopie
    [CO] (divertîsi aes spalis di un)
    si sono fatti gioco di lui = lu àn cjolt vie
    • farsi giorno
  • cricâ dì, tacâ dìCopie
    [CO] (impers., vignî dì)
    si fa giorno = al criche dì
    • farsi i capelli
  • fâ i cjaveiCopie
    [CO] (taiâsi o petenâsi i cjavei)
    dove vai a farti i capelli? = indulà vâstu a fâ i cjavei? mi sono fatta i capelli stamattina e sono già tutti spettinati = o ai fat i cjavei di buinore e o soi za dute sgjavelade
    • farsi il culo
  • fâsi il cûlCopie
    [CO] (impegnâsi un grum)
    si è fatto il culo per passare un esame = si è fat il cûl par passâ un esam
    • farsi il sangue cattivo
  • [CO] (cjale guastarsi il sangue)
    • farsi il segno della croce
  • insegnâsi, segnâsi, fâsi il segn de crôsCopie
    [CO] (tocjâ cu la man drete il cerneli il pet e lis spalis fasint une crôs)
    • farsi in là
  • tirâsi in bande, sghindâsiCopie
    [CO] (metisi di bande)
    si è fatto in là = si è sghindât oppure tirât in bande
    • farsi in quattro
  • butâsi in cuatriCopie
    [CO] (impegnâsi cetant)
    farsi in quattro per finire il lavoro = butâsi in cuatri par finî il lavôr
    • farsi l'amante
  • dâ dongje l'amant, fâsi l'amant, dâ dongje la amante, fâsi la amanteCopie
    [CO] (cirî une relazion extraconiugâl)
    • farsi la barba
  • fâsi la barbe, radâsi, barbirâsiCopie
    [CO] (taiâsi la barbe)
    • farsi la guerra
  • dâsi cuintri, fâsi la vuere, fasi cuintri, contrastâsi, rebecâsiCopie
    [CO] (mutuâl)
  • dâsi cuintri, fasi cuintri, lotâsi, fâsi vuereCopie
    [CO] (mutuâl, combatisi)
    Francia e Germania si fecero guerra = France e Gjermanie si faserin vuere oppure si lotarin
    • farsi largo
  • fâsi strade, fâsi place, fâsi puestCopie
    (lâ indenant spec. te cariere, superant i ostacui e lis dificoltâts)
    si è fatto largo senza rispettare nessuno = si è fat strade cence rispietâ nissun
  • fâsi strade, fâsi place, fâsi puestCopie
    [CO] (lâ indenant vierzintsi un passaç)
    si è fatto largo a gomitate = si è fate place cui comedons si fece largo tra i curiosi = al furigà oppure si fasè strade jenfri i curiôs
    • farsi le ossa
  • imparâ il mistîr, fâsi i vuesCopie
    [CO] (fâ pratiche, soredut intal lavôr)
    deve ancora farsi le ossa = al à ancjemò di fâsi i vues si sta facendo le ossa come amministratore pubblico = al è daûr a imparâ il mistîr di aministradôr public
    • farsi le unghie
  • fâsi lis ongulisCopie
    [CO] (curâsi lis ongulis, taiâlis, limâlis e v.i.)
  • fâsi lis ongulisCopie
    [CO] (dai gjats, uçâsi lis ongulis)
    il gatto si fa sempre le unghie su quel tronco = il gjat si fâs simpri lis ongulis ta chel tronc
    • farsi male
  • fâsi mâlCopie
    [CO] (-)
    non farti male con quell'arnese = no stâ a fâti mâl cun chel argagn
    • farsi notare
  • fâsi viodi, butâsi fûr, fâsi cognossi, fâsi inacuarzi, imparêsi, fâsi notâ, fâsi cjalâCopie
    [CO] (fâsi viodi, deventâ cognossût)
    si è fatto notare per il suo impegno = si è fat cognossi pal so impegn
    • farsi notte
  • [CO] (cjale fare notte)
    • farsi ombra
  • fâsi ombreneCopie
    [CO] (parâsi dal soreli)
    si faceva ombra sugli occhi col cappello = si faseve ombrene sui voi cul cjapiel
    • farsi onore
  • fâsi onôrCopie
    [CO] (mostrâ grancj merits)
    farsi onore nella propria professione = fâsi onôr inte sô profession
    • farsi pagare
  • fâsi paiâCopie
    [CO] (scuedi)
    non riesce a farsi pagare da quel cliente = nol rive a fâsi paiâ oppure a scuedi di chel client
    • farsi piccolo
  • involuçâsi sù, lâ intune buse di mûrCopie
    [CO] (platâsi)
    si vergognava e si è fatto piccolo = si vergognave e al è lât intune buse di mûr
    • farsi pregio
  • preseâsi, fâ agradimentCopie
    [CO] (svantâsi o mostrâ agradiment di alc)
    mi faccio pregio della vostra amicizia = mi presei oppure o fâs agradiment de vuestre amicizie
    • farsi prendere la mano
    farsi riconoscere
  • fâsi cognossiCopie
    [CO] (compuartâsi, ancje in forme negative, in mût che altris si visin)
    devi sempre farti riconoscere, non ti comporti mai bene! = tu âs simpri di fâti cognossi, no tu ti contegnis mai ben!
    • farsi rispettare
  • fâsi rispietâCopie
    [TS] (no sopuartâ ofesis, abûs, ats di maleducazion)
    non è capace di farsi rispettare = nol è bon di fâsi rispietâ
  • fâsi rispietâCopie
    [CO], [TS] (fâ che chei altris a vedin rispiet o sudizion)
    • farsi saltare le cervella
  • traisi pal cjâfCopie
    [CO] (copâsi cuntun colp di arme di fûc tal cjâf)
    • farsi scrupolo
  • vê rivuart, fâsi scrupulCopie
    [CO] (premurâsi)
    ci siamo fatti scrupolo di avvertire del nostro arrivo = si vin fat scrupul di visâ che o rivavin
    • farsi scudo
  • difindisi, parâsiCopie
    [CO] (doprâ tant che difese)
    si faceva scudo di scuse piuttosto improbabili = si parave daûr di scusis avonde balarinis
    • farsi sentire
  • fâsi valê, fâsi sintî, meti sù lis mostacjis, spiçâ lis mostacjis, meti sù lis moschetis, spiçâ lis moschetisCopie
    [CO] (difindi cun fuarce lis sôs resons)
    fatti sentire da chi di dovere = fasiti sintî di cui che al covente
  • dâ gnovis, fâsi sintîCopie
    [CO] (metisi in contat cun cdn., fâ savê cemût che si è)
    fatti sentire più spesso = fasiti sintî plui dispès
    • farsi sera
  • [CO] (cjale fare sera)
    • farsi sotto
  • [CO] (cjale farsi avanti)
    • farsi strada
  • [CO] (cjale farsi largo)
    • farsi tirare
  • fâsi freâ la panze, fâsi fâ la bielevoie, fâsi tirâCopie
    [CO] (fâsi ingolosî)
  • fâsi tirâCopie
    [TS] sport (tes corsis di bici o moto, tatiche di stâ daûr di un concorint)
    si è fatto tirare la volata = si à fat tirâ la volade
    • farsi un baffo
  • [CO] (cjale farsene un baffo)
    • farsi un cruccio
  • [CO] (metisi une vore in pinsîr o cruziâsi)
    suo figlio ha lasciato l'università e lui se n'è fatto un cruccio = so fi al à molade la universitât e par lui e je une crôs
    • farsi un nome
  • fâsi un nonCopie
    [CO] (deventâ innomenât)
    Pierluigi Cappello si è fatto un nome nella letteratura contemporanea = Pierluigi Cappello si è fat un non inte leterature di vuê
    • farsi un obbligo
  • sintîsi obleâtCopie
    [CO] (sintî che si scuen fâ alc par resons etichis, di agrât, di dovê o sim.)
    mi sono fatto un obbligo di rimanere accanto a lui = mi soi sintût obleât di restâ dongje di lui
    • farsi un problema
  • [CO] (cjale farsi dei problemi)
    • farsi un'idea
  • fâsi une ideeCopie
    [CO] (cognossi, valutâ alc tai siei aspiets gjenerâi)
    prima di accettare il lavoro è meglio farsi un'idea su quanto durerà = prime di cjapâ sù il lavôr al è miôr di fâsi une idee su cetant che al durarà
    • farsi una legge
  • fâsi une leçCopie
    [CO] (imponisi une norme di compuartament)
    • farsi una ragione
  • metile vie, dâsi la pâs, fâsi une reson, meti il cûr in pâs, fâsi resonCopie
    [CO] (rassegnâsi)
    non si fa una ragione di dover partire = no si fâs reson di scugnî partî
    • farsi valere
  • (cjale farsi sentire)
  • fâsi valê, metisi sul sicCopie
    [CO] (di cdn. mostrâ il so valôr)
    con tua suocera dovevi farti valere = cun tô madone tu vevis di fâti valê si fa valere troppo = si met masse sul sic
    • farsi vedere
  • fâsi viodi, vignî dongje, vignî al viersCopie
    [CO], [TS] (mostrâsi li che par solit un al va)
    non si fa mai vedere, non sarà mica malato? = nol ven mai al viers, nol saraial mighe malât?
  • (forme negative di comant)
    non farti più vedere! = vami fûr dai voi e no stâ tornâ!
  • fâsi viodiCopie
    [CO] (lâ a fâ une visite mediche)
    per quel dolore dovresti farti vedere dal dottore = par chel dolôr tu varessis di lâ a fâti viodi dal miedi
  • fâsi viodi, dâ tal voli, dâ tal nâs, imparêsiCopie
    [CO] (metisi in mostre)
    è un tipo che si fa vedere troppo = al è un che al da masse tal nâs oppure che si fâs viodi masse
    • farsi vendetta
  • rafâsiCopie
    [CO] (svindicâsi)
    si è fatto vendetta da solo = si è rafat di bessôl
    • farsi vento
  • svintulâsi, sofletâsiCopie
    [CO] (fâsi aiar)
    si stava facendo vento con il ventaglio = si svintulave cul parefresc
    • farsi vivo
  • fâsi viodi, vignî dongjeCopie
    [CO] (di cdn., passâ, frecuentâ, dâ notiziis di se)
    fatti vivo ogni tanto! = fasiti viodi ogni tant!
    • mandare a farsi benedire
  • [CO] (cjale mandare al diavolo)
    • mandare a farsi fottere
  • [CO], [TS] (cjale mandare al diavolo)
    • mandare a farsi friggere
  • [CO] (cjale mandare al diavolo)
    • non farsi niente
  • no fâsi nuieCopie
    [CO] (no fâsi mâl)
    è caduto ma non si è fatto niente = al è colât ma no si à fat nuie

monolengâl

passâ v.intr.
(pa-ssâ)
Lâ par un puest o traviers di un o plui elements cence fermâsi, o ancje in sens gjeneric o cuntune relazion spaziâl che no je traviers, ma dongje, parsore, in bande e v.i.
esemplis
"e viôt e e sint a passâ par aiar i aeroplans. E sint a dî che a bombardin di sgrisulâsi"
gjavât fûr di "Storie di Vera" di Ivano Urli
"Pieri al montà su di un bus che al passave par li"
gjavât fûr di "Tal ospedâl" di Amedeo Giacomini
"a passavin autos che a menavin int in place, tai cafês, in glesie pe Messe"
gjavât fûr di "Vivi a Codroip" di Agnul di Spere
passâ v.intr.
(pa-ssâ)
Lâ intun puest par pôc timp prime di tornâ a lâ vie
sinonims
fâ un salt
esemplis
"Mine, prin di lâ in glesie, e passave in bancje"
gjavât fûr di "Il sium di Lissandri" di Franca Mainardis
""O ai viodude la femine dal Girlando: je passade in Preture par firmâ il ricognossiment dal so quondam""
gjavât fûr di "Ah! la provincie" di Sandri Di Suald
passâ v.intr.
(pa-ssâ)
Lâ indenant rispiet a une dificoltât, un ostacul, un esam e v.i. (fig.)
esemplis
"l'acuardi al jere che ducj i partîts a varessin presentât un sôl candidât comun, che al sarès automatichementri passât cul 100% dai vôts"
gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"Ricut al à dodis agns e nol è ancjemò passât di prime"
gjavât fûr di "Lis predicjis dal muini" di Josef Marchet
passâ v.intr.
(pa-ssâ)
[TS] (zûcs) Intai zûcs di cjartis, fâ di mancul di zuiâ la sô man
passâ v.intr.
(pa-ssâ)
Mudâ posizion, lâ di un puest, une cundizion, une compagnie e v.i. a une altre (ancje fig.)
sinonims
lâ
esemplis
"[Di Cjaurià] di sostignidôr de Dc tai agns 80 al jere passât cul Pci"
gjavât fûr di "Memoriis di politiche linguistiche" di Adrian Cescje
" i todescs, passâts di aleâts a nemîs, a copavin ducj chei che a cjatavin o ju depuartavin in Gjermanie"
gjavât fûr di "Faliscjis" di Cristina Noacco
passâ v.intr.
(pa-ssâ)
Jessi considerât intune cierte maniere
esemplis
"Milio Vuaraç al jere za anzian cuant che il Fassio, cuntune firme, lu fasè passâ par volontari e lu spedì a Rodi"
gjavât fûr di "I furlans e il mâr" di Riedo Pup
"in cierts moments, il vêr, si pues dîlu dome se al passe par matetât, tant di cjapâlu in ridi"
gjavât fûr di "Cjase di Dalban" di Maria Forte
"o sin rivâts al pont che si passe par stupits o par mats o par bausârs se no si fasisi paiâ su la brucje un plasê, un servizi"
gjavât fûr di "Lis predicjis dal muini" di Josef Marchet
passâ v.intr.
(pa-ssâ)
Mudâ di proprietât dilunc dal timp (ancje fig.)
esemplis
"la filande di Çampâr [...] agns daspò e passà a Josef Zanon, che al veve vierte une seconde filande, e plui tart al fi so Antoni"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"«Tenle cont… [une monede antighe]» i veve dit. «Al è un ricuart di famee, al è passât di man in man cuissà di cetantis gjenerazions […]»"
gjavât fûr di "Chei di Muraie" di Pieri Menis
passâ v.intr.
(pa-ssâ)
Di timp, no jessi plui tal presint
esemplis
"a jerin passâts doi mês da la ultime volte che Nardon al veve fevelât cun Vigjute"
gjavât fûr di "Nardon e Vigjute di Nani" di Pieri Somede dai Marcs
"passâts altris vincjesiet agn, il Diaul in persone si presente al nestri om, e i dîs che al fasi il plasê di lâ cun lui"
gjavât fûr di "Meni Fari" di Luigi Gortani
passâ v.intr.
(pa-ssâ)
Cessâ di lâ indevant, di esisti
sinonims
cessâ, finî, sparî, lâ vie
esemplis
"mi jere passade la voie di zuiâ"
gjavât fûr di "Il dolfin" di Carlo Sgorlon
"a Tunina a i era vignût un pô di matetât e che al coventava spetâ che a i fos passada"
gjavât fûr di "Li Anzuliti" di Novella Cantarutti
"lu viodeve come vuarît di un mâl, la muse no plui ingropade, i voi une altre volte lusorôs, insome il piês al someave passât par simpri"
gjavât fûr di "Par stradis lungjis" di Alan Brusini
passâ v.intr.
(pa-ssâ)
Murî
sinonims
lâ, murî, spirâ
esemplis
"la bisnone è passade in un suspîr"
gjavât fûr di "La Ave" di Ercole Carletti
passâ v.intr.
(pa-ssâ)
Jessi sopuartât, perdonât
esemplis
"[Nino, l'om di Vera] dopo zuiât si pierdeve vie cui amîs de scuadre tornant dongje a straoris. Passe une volte, passin dôs, la tierce Vera lu clame adoremus"
gjavât fûr di "Veruska" di Ivano Urli
passâ v.tr.
(pa-ssâ)
Traviersâ, superâ, lassâ indaûr e v.i. (ancje fig.)
sinonims
lassâ, lassâ indaûr, superâ, traviersâ
esemplis
"a Chiasso no si viodè doganîrs, ni talians ni svuizars. Passât Chiasso, il tren aromai al coreve a lunc tal scûr"
gjavât fûr di "In viaç di domenie" di Agnul di Spere
"[un forest par lâ di Udin in "Jugoslavie"] al passe la Tor, Remanzâs, la ferade e al rive a Cividât"
gjavât fûr di "No impaçâsi" di Riedo Pup
"il Benevento al vinç e al passe l’Udin in classifiche"
gjavât fûr di "Udinese – Benevento 0-2" di Marc Stolf
passâ v.tr.
(pa-ssâ)
Rivâ o jessi là di là, parsore, superiôr e v.i. (ancje fig.)
sinonims
superâ
esemplis
" i vâs a vignivin cuets intun ambient ridutôr (vâl a dî cun pôc ossigjen) a temperaduris che no passavin i 700 grâts"
gjavât fûr di "La preistorie in Friûl" di Andrea Pessina, Gaetano Vinciguerra
"un “export” che al passe i sîscent milions di euros ad an"
gjavât fûr di "Dal setôr dal len un dramatic chivalì" di Redazion il Diari
passâ v.tr.
(pa-ssâ)
Movi o fâ movi a traviers, dentri o intune altre relazion spaziâl
sinonims
meti
esemplis
"il presonîr al mangjave une volte in dì di un plat che nus passavin a traviers i gatars de puarte"
gjavât fûr di "Storie di Min" di Ivano Urli
passâ v.tr.
(pa-ssâ)
Fâ lâ di une posizion, cundizion, funzion, di un sisteme e v.i. a di une altre o fâ rivâ a une cierte posizion, cundizion e v.i.
sinonims
meti
esemplis
"il plevan Vuarint [...] al vignì gjavât di Glemone e passât cjaluni a Cividât"
gjavât fûr di "Gran Dio benedite l' Italia" di Riedo Pup
"il furlan al à une scriture convenzionâl [...] che le àn passade a leç politics di diviersis crodincis politichis"
gjavât fûr di "Presentazion DOF piçul" di Zorç Cadorin
passâ v.tr.
(pa-ssâ)
Fâ vê
sinonims
dâ
esemplis
"i secjave che il predi nol lavoràs, e i rincresseve di passâi il cuartês"
gjavât fûr di "I furlans e i predis" di Riedo Pup
"Vignesie e rispuindè che [...] al plui e varès lassât al patriarcje il guvier temporâl di Sant Vît e di Sant Denêl e i varès passâts, come indenitât, trê mil ducâts ad an"
gjavât fûr di "Cuintristorie dal Friûl fin sot la Italie" di Josef Marchet
"une lenghe duncje no pues jessi considerade dome un imprest par passâ informazions"
gjavât fûr di "Pseudopragmatisim linguistic" di Sandri Carrozzo
passâ v.tr.
(pa-ssâ)
Fâ fevelâ cun cdn., meti in comunicazion
esemplis
"la sô assistente mi passe par telefon propit Sandra Pizzolitto Pupatello"
gjavât fûr di "Interviste a Sandra Pizzolitto Pupatello" di Christian Romanin
passâ v.tr.
(pa-ssâ)
Rivâ a frontâ cun sucès une prove, une dificoltât, un ostacul e v.i. (fig.)
sinonims
superâ
esemplis
"par rivâi [aes gnovis leçs di tutele dal furlan e dal solven] si à vût di passâ cuntun sfuarç no di pôc ducj i pidiments fats indenant massime di cierts rapresentants politics e sindicâi"
gjavât fûr di "Pai dirits linguistics in Friûl - Vignesie Julie 2008-2013" di Comitât 482
"passâ un esam di abilitazion par jentrâ intune tabele professionâl"
gjavât fûr di "Memoriis di politiche linguistiche" di Adrian Cescje
passâ v.tr.
(pa-ssâ)
Stâ intune cierte maniere par une cierte dade di timp o intune cierte situazion
sinonims
fâ, stâ, lâ
esemplis
"al jere zovin, e al veve gust di passâ cualchi ore di libertât la sere"
gjavât fûr di "Orazions" di Meni Ucel
"i siôrs a passavin lis lôr vacancis in culine là che a vevin cjistiei e coloniis cun vignâi e zardins, cun boscs e roiuçs"
gjavât fûr di "I furlans e lis feriis" di Riedo Pup
passâ v.tr.
(pa-ssâ)
[CO] (gastr.) Fâ lâ par un tamês o tratâ cuntun imprest di cusine par fâ vê une consistence fine e vualive
esemplis
"bulî lis patatis, passâlis e messedâ cun farine, ûfs e sâl"
gjavât fûr di "Jerbis salvadiis inte cusine furlane" di Giorgio Pascoli
passâ v.tr.
(pa-ssâ)
[CO] (gastr.) Someti a un cualchi tratament che al compuarte une azion svelte, cun moviment e contat
esemplis
"passâ la cjar in padiele"
"fâ a daduts un pet di poleç e passâju te farine"
gjavât fûr di "Cusine etniche, parinte strete de cusine furlane" di Margherita Timeus
passâ v.tr.
(pa-ssâ)
Movi mantignint il contat
sinonims
freâ, sfreâ, freolâ, sfreolâ
esemplis
"cun man lizere, e scomençà a netâlu: i passave il peçotut su lis feridis"
gjavât fûr di "Il muc" di Roberto Ongaro
passâ v.tr.
(pa-ssâ)
Someti a un cualchi tratament
esemplis
"passâ un test cul coretôr"
passâ v.tr.
(pa-ssâ)
Someti ae atenzion par cjatâ ce che al interesse
sinonims
cjalâ, spulzinâ, lei
esemplis
"al passave cul dêt ogni non, par sigurâsi di no dismenteâ nuie"
gjavât fûr di "Il Bide di Miot" di Maria Forte
"o vin provât a passâ cun calme dute la sfilze dai manifescj che a forin publicâts an par an, cun decrets e proviodiments dal guvier"
gjavât fûr di "Cuintristorie dal Friûl fin sot la Italie" di Josef Marchet
detulis
"a Sant Benedet la cisile e passe sot il tet, passe no passe, il frêt nus lasse"
"a volê trai il ves plui grant de buse o che il ves nol passe o che la buse si sprece"
"al è passât il timp che a colave la mane"
"al è passât il timp di lâ a moris"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"ce che al passe al ingrasse"
"cuant che a passin i codons, i uciei a finissin"
"cui che al vûl cjapâ ducj i uciei che a passin no 'nt cjape nissun"
"dal dâ al vê e passe une biele diference"
"dal dit al fat al passe un grant trat"
"Diu mieze zornade le passe a fâlis, e chê altre mieze a dâlis"
"dulà che si passe la etât biele ogni piere a fevele"
"dut al passe fûr che il mani dal furducjin"
"i è passade ancje a Napoleon che al veve i spirons di aur"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"i passarà se i è passade ancje a napoleon che al veve i spirons di aur"
"i vedui il prin dì a vain, il secont se passin, il tierç se ridin"
"il timp al passe e la muart e ven"
"il timp al passe e no si po fermâlu"
"joibe stade, setemane passade"
"miôr passâ par stupits che par masse svelts"
"misdì di vile o che al passe o che nol rive"
"ogni an al passe un an"
"ogni dì e passe chê zornade"
"passade la cincuantine a 'nd è une ogni matine"
"passade la cjoche si sint la bote"
"passade la doie, tornade la voie"
"passade la trentine a van in vuaìne"
"passât il glotidôr, passât ogni savôr"
"passât il trenteun no lis vûl plui nissun"
"passât il volt di Clement, nissun no ti à iniment"
"passâts i sessante agns si torne fruts"
"passe un, passe cent"
"prin di Nadâl il frêt nol è rivât, daspò Nadâl il frêt al è passât"
"Sant Gregori pape la cisile a passe la aghe, passâ o no passâ e je ore di arâ"
"se no passe, metii un stec a la volte"
"un bon avocat al fâs passâ par cjan ancje il gjat"
"voltât il cjanton, passade la passion"
torne sù
torne sù