Hai cercato la parola
bilingue monolingue
Hai cercato la parola
farsi
Torna indietro

bilingue

farsi , ,
  • 1a

    v.pronom.intr. vignî Copia

    (ancje impers.)
    si fa buio = al ven scûr

    v.pronom.intr. deventâ Copia

    [CO] (cun valôr copulatîf)
    il tuo ragazzo si è fatto grande = il to frutat al è deventât grant
    la cosa si fa pericolosa = la robe e devente pericolose
  • 1b

    v.pronom.intr. fâsi Copia

    [CO] (cun valôr copulatîf, metisi tune cundizion o cjapâ sù un rûl)
    un apprendista che si sta facendo = un aprendist che al è daûr a fâsi oppure a imparâ
  • 1c

    v.pronom.intr. deventâ, fâsi Copia

    [CO] (ass., deventâ competent in alc)
    quel medico si è fatto, mi fido = chel miedi si è fat oppure al è deventât, mi fidi
  • 2

    v.pronom.intr. stâ, metisi Copia

    [CO] (cun daûr un averbi di lûc, metisi intune cierte posizion o intun sît)
    fatti da parte = metiti in bande

    v.pronom.intr. vignî, fâsi viodi, fâsi infûr Copia

    (comparî li che e je une viertidure de abitazion)
    fatti alla finestra = ven oppure fâti viodi sul barcon
    si fece all'uscio = e vignì su la puarte
  • 3

    v.pronom.intr. fâsi Copia

    [CO] (drogâsi)
    quello si fa = chel si fâs
  • 4

    v.pronom.intr. fâsi Copia

    [CO] (cun funzion causative)
    bisogna farsi ubbidire = bisugne fâsi ubidî

    v.pronom.intr. lassâsi Copia

    (dit di alc, che al è facil o plasevul di sei fat)
    questo vino si fa bere = chest vin si lasse bevi
  • 5

    v.pronom.tr. fâsi Copia

    (in tantis loc.)
    farsi i capelli = fâsi i cjavei
    farsi il bagno = fâsi il bagn
    farsi una fumata = fâsi une fumade

    v.pronom.tr. fâsi Copia

    (percori)
    si è fatta molta strada = si è fate tante strade

    v.pronom.tr. passâ, fâsi Copia

    (passâ un ciert timp)
    si è fatto un periodo di vacanza = si è fat oppure al à passât un periodi di vacancis

    v.pronom.tr. fâ, fâsi Copia

    [CO] (cun valôr intensîf, fâ alc)
    si sono fatti una gran bevuta = a àn fate oppure si son fate une grant bevude
  • 6

    v.pronom.tr. fâ, procurâsi Copia

    [CO] (fâ che al sucedi alc a se stes)
    si è fatto un buco nel calzetto = al à fate une buse tal cjalçut
    si è fatto un graffio sulla mano = al à fate oppure si è procurade une sgrifade su la man
  • 7

    v.pronom.tr. fâsi Copia

    [CO] (cun complement predicatîf dal obiet)
    si è fatto nemico il direttore = si è fat nemì il diretôr oppure al à fat che il diretôr i deventi nemì
  • 8

    v.pronom.tr. fâsi Copia

    [CO] (fâ che si formi une idee di alc tal cjâf)
    si è fatta una cattiva idea sul mio conto = si è fate une brute idee sul gno cont
  • 9

    v.pronom.tr. fâsi Copia

    [CO] (dâ dongje alc che si desidere)
    si è fatta la barca = si è fate oppure al à dade dongje la barcje
    si è fatto il ragazzo = si è fat il morôs oppure e à dât dongje il morôs
  • 10

    v.pronom.tr. fâsi Copia

    [CO] (mangjâ o bevi, massime cun plasê)
    si è fatta la bevuta in compagnia = si è fate la bevude in compagnie
  • 11

    v.pronom.tr. fâsi Copia

    [CO] (vê un rapuart sessuâl)
    si è fatta quel ragazzo = si è fate chel frutat
  • 12

    v.pronom.tr. fâsi Copia

    [CO] (scambiâsi)
    si fanno le carezze = si fasin lis cjarecis oppure si cjarecin
    si fanno le coccole = si fasin i figots oppure si figotin
  • 13

    s.m. deventâ, fâsi, divignî Copia

    [TS] (il divignî des robis)
    la filosofia greca studiò il farsi delle cose = la filosofie greghe e studià il fâsi oppure il divignî des robis

locuzioni

    andare a farsi benedire
  • lâ a fâsi benedîCopia
    [CO] (lâ in malore)
    vai a farti benedire! = va là a fâti benedî!
    • andare a farsi fottere
  • lâ a dâ vie il cûl, lâ a fâsi fotiCopia
    [CO] (spec. tal imperatîf, tant che formule di ofese)
    • andare a farsi friggere
  • [CO] (vedi andare al diavolo)
    • da farsi
  • [CO] (ce che si à di fâ intune cierte situazion)
    una riunione per discutere sul da farsi = une riunion par decidi ce fâ
    • farsi animo
  • tignîsi sù, fâsi cûr fuart, fâ cûr fuartCopia
    [CO] (cjapâ cûr)
    fatti animo = tegniti sù si fece animo e raccontò tutto a suo padre = si fasè il cûr fuart e e contà dut a so pari
    • farsi aria
  • fâsi aiar, svintulâsiCopia
    [CO] (movisi l'aiar denant de muse par fâsi fresc)
    • farsi aspettare
  • fâsi spietâ, fâsi suspirâ, lassâsi spietâ, intardâsiCopia
    [CO] (jessi tart intant che altris a spietin)
    l'estate quest'anno si fa proprio aspettare = l'Istât chest an si fâs propit suspirâ oppure si intarde
    • farsi avanti
  • fâsi indenant, fâsi dongje, vignî al viers, fâsi indevant, avanzâsiCopia
    [CO] (vignî dongje svicinantsi)
  • fâsi indenant, fâsi indevantCopia
    [CO] (proponi se stes, massime par ricevi o fâsi dâ une incjarie)
  • fâsi indenant, butâsi fûr, fâsi indevantCopia
    [CO] (cirî di metisi in viste)
    • farsi beffe
  • gabâCopia
    [CO] (-)
    si sono fatti beffe di lui = lu àn gabât
    • farsi bello
  • fâsi biel, furnîsi, lustrâsi, metisi in cuince, puzinâsi, sbilitâsi, slicâsiCopia
    [CO] (curâ il so aspiet)
    passa ore a farsi bella = e passe oris a fâsi biele
  • fâ il bielCopia
    [CO] (fâsi viodi biel par inmagâ une persone)
    e tutta la sera che si fa bello con le ragazze = e je dute la serade che si fâs biel cu lis fantatis
    • farsi carico
  • cjapâ sù il caricCopia
    [CO] (cjapâsi une responsabilitât)
    si è fatto carico dell'istruzione dei figli = al à cjapât sù il caric de istruzion dai fîs
    • farsi coraggio
  • tignîsi sù, fâsi cûr fuart, fâsi anim, fâsi fuart, fâsi un cûr fuartCopia
    [CO] (dâsi cûr e sigurece)
    bisogna che ti faccia coraggio e vada avanti = bisugne che tu ti tegnis sù oppure che tu ti fasis anim oppure che tu ti fasis fuart e tu ledis indenant
    • farsi da parte
  • tirâsi in bandeCopia
    [CO] (lassâ spazi a di chei altris)
    fatti da parte, per favore = tiriti in bande, par plasê
  • tirâsi in bande, tirâsi indaûr, clamâsi fûrCopia
    (tirâsi indaûr, ritirâsi di une cuistion)
    il terzo candidato si è fatto da parte = il tierç candidât si à clamât fûr
    • farsi da sé
  • fâsi bessôl, fâsi dal nuieCopia
    [CO] (costruî une posizion economiche e sociâl dignitose o une vore impuartante cul partî dal bas e cence jutoris)
    è un uomo che si è fatto da sé = al è un om che si è fat bessôl
    • farsi dal nulla
  • vignî fûr dal nuieCopia
    [CO] (rivâ a fâsi une posizion partint di nuie)
    • farsi dei problemi
  • fâsi problemis, sidiâsi, bacilâ, fastidiâCopia
    [CO] (cjapâsi a cûr une cuistion)
    Gurin fumava la pipa distaccato, senza farsi problemi oltre un certo limite = Gurin al fumave la pipe distacât, cence sidiâsi oppure fastidiâ plui di tant ti fai troppi problemi per gente che non merita = tu bacilis masse par int che no merete
    • farsi delle idee
  • fâ un pinsîrCopia
    [CO] (iludisi su la disponibilitât o sui sintiments di cdn.)
    si era fatta delle idee su di lui prima di sapere che era sposato = e veve fat un pinsîr su di lui prime di savê che al jere maridât
    • farsi desiderare
  • lassâsi desiderâCopia
    [CO] (jessi pôc disponibil par un incuintri o sim.)
  • fâsi desiderâ, lassâsi desiderâCopia
    [CO] (fâsi spietâ)
    è da un'ora che si fa desiderare = al è di une ore che si lasse desiderâ
    • farsi forte
  • zovâsi, poiâsiCopia
    [CO] (vê vantaç)
    farsi forte del proprio carisma = poiâsi sul oppure zovâsi dal propri carisme
    • farsi forza
  • fâsi cûr fuart, fâ cûr fuart, fâ un cûr fuart, fâsi un cûr fuartCopia
    [CO] (tignîsi sù)
    in questi momenti bisogna farsi forza e sopportare = in chescj moments si scuen fâ cûr fuart e sopuartâ
    • farsi furbo
  • jessî di badocli, sveâsiCopia
    [CO] (discjantâsi)
    dopo quell'esperienza si è fatto furbo = daspò di chê esperience al è jessût di badocli fatti furbo, non vedi che ti prendono in giro? = sveiti, no viodistu che ti menin ator?
    • farsi gioco
  • menâ ator, cjoli vie, menâ pal boro, cjolisi cjançonCopia
    [CO] (divertîsi aes spalis di un)
    si sono fatti gioco di lui = lu àn cjolt vie
    • farsi giorno
  • cricâ dì, tacâ dìCopia
    [CO] (impers., vignî dì)
    si fa giorno = al criche dì
    • farsi i capelli
  • fâ i cjaveiCopia
    [CO] (taiâsi o petenâsi i cjavei)
    dove vai a farti i capelli? = indulà vâstu a fâ i cjavei? mi sono fatta i capelli stamattina e sono già tutti spettinati = o ai fat i cjavei di buinore e o soi za dute sgjavelade
    • farsi il culo
  • fâsi il cûlCopia
    [CO] (impegnâsi un grum)
    si è fatto il culo per passare un esame = si è fat il cûl par passâ un esam
    • farsi il sangue cattivo
  • [CO] (vedi guastarsi il sangue)
    • farsi il segno della croce
  • insegnâsi, segnâsi, fâsi il segn de crôsCopia
    [CO] (tocjâ cu la man drete il cerneli il pet e lis spalis fasint une crôs)
    • farsi in là
  • tirâsi in bande, sghindâsiCopia
    [CO] (metisi di bande)
    si è fatto in là = si è sghindât oppure tirât in bande
    • farsi in quattro
  • butâsi in cuatriCopia
    [CO] (impegnâsi cetant)
    farsi in quattro per finire il lavoro = butâsi in cuatri par finî il lavôr
    • farsi l'amante
  • dâ dongje l'amant, fâsi l'amant, dâ dongje la amante, fâsi la amanteCopia
    [CO] (cirî une relazion extraconiugâl)
    • farsi la barba
  • fâsi la barbe, radâsi, barbirâsiCopia
    [CO] (taiâsi la barbe)
    • farsi la guerra
  • dâsi cuintri, fâsi la vuere, fasi cuintri, contrastâsi, rebecâsiCopia
    [CO] (mutuâl)
  • dâsi cuintri, fasi cuintri, lotâsi, fâsi vuereCopia
    [CO] (mutuâl, combatisi)
    Francia e Germania si fecero guerra = France e Gjermanie si faserin vuere oppure si lotarin
    • farsi largo
  • fâsi strade, fâsi place, fâsi puestCopia
    (lâ indenant spec. te cariere, superant i ostacui e lis dificoltâts)
    si è fatto largo senza rispettare nessuno = si è fat strade cence rispietâ nissun
  • fâsi strade, fâsi place, fâsi puestCopia
    [CO] (lâ indenant vierzintsi un passaç)
    si è fatto largo a gomitate = si è fate place cui comedons si fece largo tra i curiosi = al furigà oppure si fasè strade jenfri i curiôs
    • farsi le ossa
  • imparâ il mistîr, fâsi i vuesCopia
    [CO] (fâ pratiche, soredut intal lavôr)
    deve ancora farsi le ossa = al à ancjemò di fâsi i vues si sta facendo le ossa come amministratore pubblico = al è daûr a imparâ il mistîr di aministradôr public
    • farsi le unghie
  • fâsi lis ongulisCopia
    [CO] (curâsi lis ongulis, taiâlis, limâlis e v.i.)
  • fâsi lis ongulisCopia
    [CO] (dai gjats, uçâsi lis ongulis)
    il gatto si fa sempre le unghie su quel tronco = il gjat si fâs simpri lis ongulis ta chel tronc
    • farsi male
  • fâsi mâlCopia
    [CO] (-)
    non farti male con quell'arnese = no stâ a fâti mâl cun chel argagn
    • farsi notare
  • fâsi viodi, butâsi fûr, fâsi cognossi, fâsi inacuarzi, imparêsi, fâsi notâ, fâsi cjalâCopia
    [CO] (fâsi viodi, deventâ cognossût)
    si è fatto notare per il suo impegno = si è fat cognossi pal so impegn
    • farsi notte
  • [CO] (vedi fare notte)
    • farsi ombra
  • fâsi ombreneCopia
    [CO] (parâsi dal soreli)
    si faceva ombra sugli occhi col cappello = si faseve ombrene sui voi cul cjapiel
    • farsi onore
  • fâsi onôrCopia
    [CO] (mostrâ grancj merits)
    farsi onore nella propria professione = fâsi onôr inte sô profession
    • farsi pagare
  • fâsi paiâCopia
    [CO] (scuedi)
    non riesce a farsi pagare da quel cliente = nol rive a fâsi paiâ oppure a scuedi di chel client
    • farsi piccolo
  • involuçâsi sù, lâ intune buse di mûrCopia
    [CO] (platâsi)
    si vergognava e si è fatto piccolo = si vergognave e al è lât intune buse di mûr
    • farsi pregio
  • preseâsi, fâ agradimentCopia
    [CO] (svantâsi o mostrâ agradiment di alc)
    mi faccio pregio della vostra amicizia = mi presei oppure o fâs agradiment de vuestre amicizie
    • farsi prendere la mano
    farsi riconoscere
  • fâsi cognossiCopia
    [CO] (compuartâsi, ancje in forme negative, in mût che altris si visin)
    devi sempre farti riconoscere, non ti comporti mai bene! = tu âs simpri di fâti cognossi, no tu ti contegnis mai ben!
    • farsi rispettare
  • fâsi rispietâCopia
    [TS] (no sopuartâ ofesis, abûs, ats di maleducazion)
    non è capace di farsi rispettare = nol è bon di fâsi rispietâ
  • fâsi rispietâCopia
    [CO], [TS] (fâ che chei altris a vedin rispiet o sudizion)
    • farsi saltare le cervella
  • traisi pal cjâfCopia
    [CO] (copâsi cuntun colp di arme di fûc tal cjâf)
    • farsi scrupolo
  • vê rivuart, fâsi scrupulCopia
    [CO] (premurâsi)
    ci siamo fatti scrupolo di avvertire del nostro arrivo = si vin fat scrupul di visâ che o rivavin
    • farsi scudo
  • difindisi, parâsiCopia
    [CO] (doprâ tant che difese)
    si faceva scudo di scuse piuttosto improbabili = si parave daûr di scusis avonde balarinis
    • farsi sentire
  • fâsi valê, fâsi sintî, meti sù lis mostacjis, spiçâ lis mostacjis, meti sù lis moschetis, spiçâ lis moschetisCopia
    [CO] (difindi cun fuarce lis sôs resons)
    fatti sentire da chi di dovere = fasiti sintî di cui che al covente
  • dâ gnovis, fâsi sintîCopia
    [CO] (metisi in contat cun cdn., fâ savê cemût che si è)
    fatti sentire più spesso = fasiti sintî plui dispès
    • farsi sera
  • [CO] (vedi fare sera)
    • farsi sotto
  • [CO] (vedi farsi avanti)
    • farsi strada
  • [CO] (vedi farsi largo)
    • farsi tirare
  • fâsi freâ la panze, fâsi fâ la bielevoie, fâsi tirâCopia
    [CO] (fâsi ingolosî)
  • fâsi tirâCopia
    [TS] (tes corsis di bici o moto, tatiche di stâ daûr di un concorint)
    si è fatto tirare la volata = si à fat tirâ la volade
    • farsi un baffo
  • [CO] (vedi farsene un baffo)
    • farsi un cruccio
  • [CO] (metisi une vore in pinsîr o cruziâsi)
    suo figlio ha lasciato l'università e lui se n'è fatto un cruccio = so fi al à molade la universitât e par lui e je une crôs
    • farsi un nome
  • fâsi un nonCopia
    [CO] (deventâ innomenât)
    Pierluigi Cappello si è fatto un nome nella letteratura contemporanea = Pierluigi Cappello si è fat un non inte leterature di vuê
    • farsi un obbligo
  • sintîsi obleâtCopia
    [CO] (sintî che si scuen fâ alc par resons etichis, di agrât, di dovê o sim.)
    mi sono fatto un obbligo di rimanere accanto a lui = mi soi sintût obleât di restâ dongje di lui
    • farsi un problema
  • [CO] (vedi farsi dei problemi)
    • farsi un'idea
  • fâsi une ideeCopia
    [CO] (cognossi, valutâ alc tai siei aspiets gjenerâi)
    prima di accettare il lavoro è meglio farsi un'idea su quanto durerà = prime di cjapâ sù il lavôr al è miôr di fâsi une idee su cetant che al durarà
    • farsi una legge
  • fâsi une leçCopia
    [CO] (imponisi une norme di compuartament)
    • farsi una ragione
  • metile vie, dâsi la pâs, fâsi une reson, meti il cûr in pâs, fâsi resonCopia
    [CO] (rassegnâsi)
    non si fa una ragione di dover partire = no si fâs reson di scugnî partî
    • farsi valere
  • (vedi farsi sentire)
  • fâsi valê, metisi sul sicCopia
    [CO] (di cdn. mostrâ il so valôr)
    con tua suocera dovevi farti valere = cun tô madone tu vevis di fâti valê si fa valere troppo = si met masse sul sic
    • farsi vedere
  • fâsi viodi, vignî dongje, vignî al viersCopia
    [CO], [TS] (mostrâsi li che par solit un al va)
    non si fa mai vedere, non sarà mica malato? = nol ven mai al viers, nol saraial mighe malât?
  • (forme negative di comant)
    non farti più vedere! = vami fûr dai voi e no stâ tornâ!
  • fâsi viodiCopia
    [CO] (lâ a fâ une visite mediche)
    per quel dolore dovresti farti vedere dal dottore = par chel dolôr tu varessis di lâ a fâti viodi dal miedi
  • fâsi viodi, dâ tal voli, dâ tal nâs, imparêsiCopia
    [CO] (metisi in mostre)
    è un tipo che si fa vedere troppo = al è un che al da masse tal nâs oppure che si fâs viodi masse
    • farsi vendetta
  • rafâsiCopia
    [CO] (svindicâsi)
    si è fatto vendetta da solo = si è rafat di bessôl
    • farsi vento
  • svintulâsi, sofletâsiCopia
    [CO] (fâsi aiar)
    si stava facendo vento con il ventaglio = si svintulave cul parefresc
    • farsi vivo
  • fâsi viodi, vignî dongjeCopia
    [CO] (di cdn., passâ, frecuentâ, dâ notiziis di se)
    fatti vivo ogni tanto! = fasiti viodi ogni tant!
    • mandare a farsi benedire
  • [CO] (vedi mandare al diavolo)
    • mandare a farsi fottere
  • [CO], [TS] (vedi mandare al diavolo)
    • mandare a farsi friggere
  • [CO] (vedi mandare al diavolo)
    • non farsi niente
  • no fâsi nuieCopia
    [CO] (no fâsi mâl)
    è caduto ma non si è fatto niente = al è colât ma no si à fat nuie

monolingue

fâsi v.pron.tr.
(fâ-si)
Fâ, preparâ, fabricâ e v.i. par se, cui mieçs, cu lis capacitâts che si à, ancje tes diviersis pussibilitâts di verp analitic (ancje fig.)
esempi
"nol veve nuie in salate, e Rita e capive che nol veve timp di stâ a fâse, salacor nancje voie, e i ufrì un plat di cocins cul vueli."
da "Prime di sere" di Carlo Sgorlon
"doprâ imprescj par fâsi di bessôi argagns e zugatui"
da "I furlans e i frutins" di Riedo Pup
"cumbinâ un sflic di tiere di proprietât e fâsi sù, magari un tic a la volte, une cjase"
da "La cjase dai contents" di Roman Michelot
"il jet tu tal fasis [...] doi minûts prin di lâ a pogniti"
da "La Gjis" di Meni Ucel
fâsi v.pron.tr.
(fâ-si)
Fâ une cierte azion che e à un interès o un cualchi efiet pal subiet stes
esempi
"tu ti fasis une schirie di domandis, di chês che salacor prime no ti passavin nancje pal sintiment"
da "Il lôf" di Fabian Ros
"Julius Cesar si fasè une doce, si insavonà, si resentà, si suià"
da "Eivissa mon amour" di Fabian Ros
fâsi v.pron.intr.
(fâ-si)
Di plui personis, fâ alc cun reciprocitât
esempi
"fâsi la promesse di jessi amîs par dute la vite"
"no fâsi concorence dibant"
da "Piçulis storiis di mafie furlane" di Sandri Carrozzo
fâsi v.pron.intr.
(fâ-si)
Cuntun predicatîf, cjapâ une cierte cualitât, funzion, posizion e v.i.
esempi
"il segretari al si fâs seri in muse e al fâs un pas indaûr cuasi par dâmi plui puest"
da "A è lade cussì..." di Pieri Somede dai Marcs
"vie pai agns e tacà a fâsi suspietose e curiose, e a meti la lenghe pardut"
da "L'om misteriôs" di Antescûr
"si è convertît e si è fat frari"
da "Une conference di padre Gemelli" di Pieri Somede dai Marcs
"al è propite li, inte comunitât de Plêf o de Vicinie, che il popul si fâs sisteme inte gjestion dal ambient, de economie, de societât e duncje de politiche"
da "Ri-cognossi la autonomie" di Angelo Floramo
fâsi v.pron.tr.
(fâ-si)
Cuntun predicatîf, fâ cjapâ a cdn. o a alc. une cierte cualitât, funzion, posizion e v.i. che e à interès pal subiet
esempi
"impegnâsi a fâsi lôr amîs e a fâsai amîs; a cuistâ la lôr amicizie e la lôr stime"
da "Politiche estare dal Friûl" di Riedo Pup
fâsi v.pron.intr.
(fâ-si)
Vignî, rivâ intun ciert puest
esempi
"si è fat sul antîl [...] Al à saludât Jacumin: «O ai gust di vioditi», i dîs"
da "Pensâ mâl" di Meni Ucel
fâsi v.pron.intr.
(fâ-si)
Deventâ reâl, o complet, o rivâ insom di un cicli e v.i., ancje daûr di un ciert procediment
sinonimi
nassi, realizâsi, vignî, deventâ
esempi
"la Lune si veve fate nûf voltis"
da "La lune te stele" di Gianfranco Pellegrini
fâsi v.pron.intr.
(fâ-si)
Deventâ madûr
sinonimi
madressi, madressisi, madurî, madurîsi, morestâ
esempi
"tal celâr, la cjanive de casere, il formadi di mont al polse e si fâs"
da "Il formadi di mont" di Oscar Puntel
fâsi v.pron.tr., v.pron.intr.
(fâ-si)
Cjapâ stupefacents (zerg.)
esempi
"fâsi un acit"
"si faseve di eroine, ma cumò al è net"
fâsi v.pron.intr.
(fâ-si)
Cun funzion causative, produsi une azion che e à interès pal subiet o lassâ che e sucedi
esempi
"al pâr che la patrie e sei buine di fâsi cognossi, di fâsi volê ben e di fâsi servî nome cu lis vueris"
da "I furlans e la patrie" di Riedo Pup
"la Regjine e je il toc plui fuart e che al pues controlâ plui caselis. Duncje si à di stâ atents di no fâsal cjapâ masse adore"
da "Zuìn di scacs" di Nilde Teresa Negro
fâsi v.pron.tr.
(fâ-si)
Dâ dongje alc che si vûl o che al covente (coloc.)
sinonimi
procurâsi, comprâ, comprâsi, cjoli, cjolisi, cjapâ, cjapâsi
esempi
"cui bêçs de stagjon si è fat la machine"
fâsi v.pron.tr.
(fâ-si)
Vê un rapuart sessuâl (pop.)
esempi
"a sintîlu lui si è fat dutis lis fantatis de discoteche..."
proverbi
"avâr agricultôr, no si è mai fat siôr"
"ce che al è fat al è fat, nol è di fâsi"
"cui che al è fat siôr cul vendi fritulis che nol ledi a vendi colaçs"
"cui che al vûl une buine fantate che se fasi"
"cui che si fâs piore il lôf lu mangje"
"fami fatôr un an e se no mi fâs siôr, gno dam"
"fati piore e il lôf ti mangjarà"
"il diaul cuant che al devente vieli si fâs eremite"
"il timp che si fâs di gnot nol dure trop, chel che si fâs a misdì al dure dut il dì"
"l'onôr al è di cui che sal fâs"
"nol è mai stât l'ultin di carnevâl che no sedi fate o par fâsi la lune di Fevrâr"
"ogni mês si fâs la lune, ogni dì si impare une"
"ognidun al à la sô crôs e cui che no le à se fâs bessôl"
"par rivâ a ciertis altecis o bisugne fâsi cais o ben jessi acuilis"
"timp fat di gnot, se al dure une ore al dure trop"
Torna in Cima
Torna in Cima