SuperDizionari

Tu âs cirût la peraule

farsi

torne indaûr

bilengâl

farsi v.pronom.intr., v.pronom.tr., s.m.

1a

v.pronom.intr. vignî

(ancje impers.)

si fa buio = al ven scûr

v.pronom.intr. deventâ

[CO] (cun valôr copulatîf)

il tuo ragazzo si è fatto grande = il to frutat al è deventât grant
la cosa si fa pericolosa = la robe e devente pericolose

1b

v.pronom.intr. fâsi

[CO] (cun valôr copulatîf, metisi tune cundizion o cjapâ sù un rûl)

un apprendista che si sta facendo = un aprendist che al è daûr a fâsi oppure a imparâ

1c

v.pronom.intr. deventâ, fâsi

[CO] (ass., deventâ competent in alc)

quel medico si è fatto, mi fido = chel miedi si è fat oppure al è deventât, mi fidi

2

v.pronom.intr. stâ, metisi

[CO] (cun daûr un averbi di lûc, metisi intune cierte posizion o intun sît)

fatti da parte = metiti in bande

v.pronom.intr. vignî, fâsi viodi, fâsi infûr

(comparî li che e je une viertidure de abitazion)

fatti alla finestra = ven oppure fâti viodi sul barcon
si fece all'uscio = e vignì su la puarte

3

v.pronom.intr. fâsi

[CO] (drogâsi)

quello si fa = chel si fâs

4

v.pronom.intr. fâsi

[CO] (cun funzion causative)

bisogna farsi ubbidire = bisugne fâsi ubidî

v.pronom.intr. lassâsi

(dit di alc, che al è facil o plasevul di sei fat)

questo vino si fa bere = chest vin si lasse bevi

5

v.pronom.tr. fâsi

(in tantis loc.)

farsi i capelli = fâsi i cjavei
farsi il bagno = fâsi il bagn
farsi una fumata = fâsi une fumade

v.pronom.tr. fâsi

(percori)

si è fatta molta strada = si è fate tante strade

v.pronom.tr. passâ, fâsi

(passâ un ciert timp)

si è fatto un periodo di vacanza = si è fat oppure al à passât un periodi di vacancis

v.pronom.tr. fâ, fâsi

[CO] (cun valôr intensîf, fâ alc)

si sono fatti una gran bevuta = a àn fate oppure si son fate une grant bevude

6

v.pronom.tr. fâ, procurâsi

[CO] (fâ che al sucedi alc a se stes)

si è fatto un buco nel calzetto = al à fate une buse tal cjalçut
si è fatto un graffio sulla mano = al à fate oppure si è procurade une sgrifade su la man

7

v.pronom.tr. fâsi

[CO] (cun complement predicatîf dal obiet)

si è fatto nemico il direttore = si è fat nemì il diretôr oppure al à fat che il diretôr i deventi nemì

8

v.pronom.tr. fâsi

[CO] (fâ che si formi une idee di alc tal cjâf)

si è fatta una cattiva idea sul mio conto = si è fate une brute idee sul gno cont

9

v.pronom.tr. fâsi

[CO] (dâ dongje alc che si desidere)

si è fatta la barca = si è fate oppure al à dade dongje la barcje
si è fatto il ragazzo = si è fat il morôs oppure e à dât dongje il morôs

10

v.pronom.tr. fâsi

[CO] (mangjâ o bevi, massime cun plasê)

si è fatta la bevuta in compagnia = si è fate la bevude in compagnie

11

v.pronom.tr. fâsi

[CO] (vê un rapuart sessuâl)

si è fatta quel ragazzo = si è fate chel frutat

12

v.pronom.tr. fâsi

[CO] (scambiâsi)

si fanno le carezze = si fasin lis cjarecis oppure si cjarecin
si fanno le coccole = si fasin i figots oppure si figotin

13

s.m. deventâ, fâsi, divignî

[TS] filos. (il divignî des robis)

la filosofia greca studiò il farsi delle cose = la filosofie greghe e studià il fâsi oppure il divignî des robis

locuzions

andare a farsi benedire

lâ a fâsi benedî

[CO] (lâ in malore)

vai a farti benedire! = va là a fâti benedî!

andare a farsi fottere

lâ a dâ vie il cûl, lâ a fâsi foti

[CO] (spec. tal imperatîf, tant che formule di ofese)

andare a farsi friggere

[CO] (cjale andare al diavolo)

da farsi

[CO] (ce che si à di fâ intune cierte situazion)

una riunione per discutere sul da farsi = une riunion par decidi ce fâ

farsi animo

tignîsi sù, fâsi cûr fuart, fâ cûr fuart

[CO] (cjapâ cûr)

fatti animo = tegniti sù si fece animo e raccontò tutto a suo padre = si fasè il cûr fuart e e contà dut a so pari

farsi aria

fâsi aiar, svintulâsi

[CO] (movisi l'aiar denant de muse par fâsi fresc)

farsi aspettare

fâsi spietâ, fâsi suspirâ, lassâsi spietâ, intardâsi

[CO] (jessi tart intant che altris a spietin)

l'estate quest'anno si fa proprio aspettare = l'Istât chest an si fâs propit suspirâ oppure si intarde

farsi avanti

fâsi indenant, fâsi dongje, vignî al viers, fâsi indevant, avanzâsi

[CO] (vignî dongje svicinantsi)

fâsi indenant, fâsi indevant

[CO] (proponi se stes, massime par ricevi o fâsi dâ une incjarie)

fâsi indenant, butâsi fûr, fâsi indevant

[CO] (cirî di metisi in viste)

farsi beffe

gabâ

[CO] (-)

si sono fatti beffe di lui = lu àn gabât

farsi bello

fâsi biel, furnîsi, lustrâsi, metisi in cuince, puzinâsi, sbilitâsi, slicâsi

[CO] (curâ il so aspiet)

passa ore a farsi bella = e passe oris a fâsi biele

fâ il biel

[CO] (fâsi viodi biel par inmagâ une persone)

e tutta la sera che si fa bello con le ragazze = e je dute la serade che si fâs biel cu lis fantatis

farsi carico

cjapâ sù il caric

[CO] (cjapâsi une responsabilitât)

si è fatto carico dell'istruzione dei figli = al à cjapât sù il caric de istruzion dai fîs

farsi coraggio

tignîsi sù, fâsi cûr fuart, fâsi anim, fâsi fuart, fâsi un cûr fuart

[CO] (dâsi cûr e sigurece)

bisogna che ti faccia coraggio e vada avanti = bisugne che tu ti tegnis sù oppure che tu ti fasis anim oppure che tu ti fasis fuart e tu ledis indenant

farsi da parte

tirâsi in bande

[CO] (lassâ spazi a di chei altris)

fatti da parte, per favore = tiriti in bande, par plasê

tirâsi in bande, tirâsi indaûr, clamâsi fûr

(tirâsi indaûr, ritirâsi di une cuistion)

il terzo candidato si è fatto da parte = il tierç candidât si à clamât fûr

farsi da sé

fâsi bessôl, fâsi dal nuie

[CO] (costruî une posizion economiche e sociâl dignitose o une vore impuartante cul partî dal bas e cence jutoris)

è un uomo che si è fatto da sé = al è un om che si è fat bessôl

farsi dal nulla

vignî fûr dal nuie

[CO] (rivâ a fâsi une posizion partint di nuie)

farsi dei problemi

fâsi problemis, sidiâsi, bacilâ, fastidiâ

[CO] (cjapâsi a cûr une cuistion)

Gurin fumava la pipa distaccato, senza farsi problemi oltre un certo limite = Gurin al fumave la pipe distacât, cence sidiâsi oppure fastidiâ plui di tant ti fai troppi problemi per gente che non merita = tu bacilis masse par int che no merete

farsi delle idee

fâ un pinsîr

[CO] (iludisi su la disponibilitât o sui sintiments di cdn.)

si era fatta delle idee su di lui prima di sapere che era sposato = e veve fat un pinsîr su di lui prime di savê che al jere maridât

farsi desiderare

lassâsi desiderâ

[CO] (jessi pôc disponibil par un incuintri o sim.)

fâsi desiderâ, lassâsi desiderâ

[CO] (fâsi spietâ)

è da un'ora che si fa desiderare = al è di une ore che si lasse desiderâ

farsi forte

zovâsi, poiâsi

[CO] (vê vantaç)

farsi forte del proprio carisma = poiâsi sul oppure zovâsi dal propri carisme

farsi forza

fâsi cûr fuart, fâ cûr fuart, fâ un cûr fuart, fâsi un cûr fuart

[CO] (tignîsi sù)

in questi momenti bisogna farsi forza e sopportare = in chescj moments si scuen fâ cûr fuart e sopuartâ

farsi furbo

jessî di badocli, sveâsi

[CO] (discjantâsi)

dopo quell'esperienza si è fatto furbo = daspò di chê esperience al è jessût di badocli fatti furbo, non vedi che ti prendono in giro? = sveiti, no viodistu che ti menin ator?

farsi gioco

menâ ator, cjoli vie, menâ pal boro, cjolisi cjançon

[CO] (divertîsi aes spalis di un)

si sono fatti gioco di lui = lu àn cjolt vie

farsi giorno

cricâ dì, tacâ dì

[CO] (impers., vignî dì)

si fa giorno = al criche dì

farsi i capelli

fâ i cjavei

[CO] (taiâsi o petenâsi i cjavei)

dove vai a farti i capelli? = indulà vâstu a fâ i cjavei? mi sono fatta i capelli stamattina e sono già tutti spettinati = o ai fat i cjavei di buinore e o soi za dute sgjavelade

farsi il culo

fâsi il cûl

[CO] (impegnâsi un grum)

si è fatto il culo per passare un esame = si è fat il cûl par passâ un esam

farsi il sangue cattivo

[CO] (cjale guastarsi il sangue)

farsi il segno della croce

insegnâsi, segnâsi, fâsi il segn de crôs

[CO] (tocjâ cu la man drete il cerneli il pet e lis spalis fasint une crôs)

farsi in là

tirâsi in bande, sghindâsi

[CO] (metisi di bande)

si è fatto in là = si è sghindât oppure tirât in bande

farsi in quattro

butâsi in cuatri

[CO] (impegnâsi cetant)

farsi in quattro per finire il lavoro = butâsi in cuatri par finî il lavôr

farsi l'amante

dâ dongje l'amant, fâsi l'amant, dâ dongje la amante, fâsi la amante

[CO] (cirî une relazion extraconiugâl)

farsi la barba

fâsi la barbe, radâsi, barbirâsi

[CO] (taiâsi la barbe)

farsi la guerra

dâsi cuintri, fâsi la vuere, fasi cuintri, contrastâsi, rebecâsi

[CO] (mutuâl)

dâsi cuintri, fasi cuintri, lotâsi, fâsi vuere

[CO] (mutuâl, combatisi)

Francia e Germania si fecero guerra = France e Gjermanie si faserin vuere oppure si lotarin

farsi largo

fâsi strade, fâsi place, fâsi puest

(lâ indenant spec. te cariere, superant i ostacui e lis dificoltâts)

si è fatto largo senza rispettare nessuno = si è fat strade cence rispietâ nissun

fâsi strade, fâsi place, fâsi puest

[CO] (lâ indenant vierzintsi un passaç)

si è fatto largo a gomitate = si è fate place cui comedons si fece largo tra i curiosi = al furigà oppure si fasè strade jenfri i curiôs

farsi le ossa

imparâ il mistîr, fâsi i vues

[CO] (fâ pratiche, soredut intal lavôr)

deve ancora farsi le ossa = al à ancjemò di fâsi i vues si sta facendo le ossa come amministratore pubblico = al è daûr a imparâ il mistîr di aministradôr public

farsi le unghie

fâsi lis ongulis

[CO] (curâsi lis ongulis, taiâlis, limâlis e v.i.)

fâsi lis ongulis

[CO] (dai gjats, uçâsi lis ongulis)

il gatto si fa sempre le unghie su quel tronco = il gjat si fâs simpri lis ongulis ta chel tronc

farsi male

fâsi mâl

[CO] (-)

non farti male con quell'arnese = no stâ a fâti mâl cun chel argagn

farsi notare

fâsi viodi, butâsi fûr, fâsi cognossi, fâsi inacuarzi, imparêsi, fâsi notâ, fâsi cjalâ

[CO] (fâsi viodi, deventâ cognossût)

si è fatto notare per il suo impegno = si è fat cognossi pal so impegn

farsi notte

[CO] (cjale fare notte)

farsi ombra

fâsi ombrene

[CO] (parâsi dal soreli)

si faceva ombra sugli occhi col cappello = si faseve ombrene sui voi cul cjapiel

farsi onore

fâsi onôr

[CO] (mostrâ grancj merits)

farsi onore nella propria professione = fâsi onôr inte sô profession

farsi pagare

fâsi paiâ

[CO] (scuedi)

non riesce a farsi pagare da quel cliente = nol rive a fâsi paiâ oppure a scuedi di chel client

farsi piccolo

involuçâsi sù, lâ intune buse di mûr

[CO] (platâsi)

si vergognava e si è fatto piccolo = si vergognave e al è lât intune buse di mûr

farsi pregio

preseâsi, fâ agradiment

[CO] (svantâsi o mostrâ agradiment di alc)

mi faccio pregio della vostra amicizia = mi presei oppure o fâs agradiment de vuestre amicizie

farsi prendere la mano

[CO] (cjale lasciarsi prendere la mano)

farsi riconoscere

fâsi cognossi

[CO] (compuartâsi, ancje in forme negative, in mût che altris si visin)

devi sempre farti riconoscere, non ti comporti mai bene! = tu âs simpri di fâti cognossi, no tu ti contegnis mai ben!

farsi rispettare

fâsi rispietâ

[TS] (no sopuartâ ofesis, abûs, ats di maleducazion)

non è capace di farsi rispettare = nol è bon di fâsi rispietâ

fâsi rispietâ

[CO], [TS] (fâ che chei altris a vedin rispiet o sudizion)

farsi saltare le cervella

traisi pal cjâf

[CO] (copâsi cuntun colp di arme di fûc tal cjâf)

farsi scrupolo

vê rivuart, fâsi scrupul

[CO] (premurâsi)

ci siamo fatti scrupolo di avvertire del nostro arrivo = si vin fat scrupul di visâ che o rivavin

farsi scudo

difindisi, parâsi

[CO] (doprâ tant che difese)

si faceva scudo di scuse piuttosto improbabili = si parave daûr di scusis avonde balarinis

farsi sentire

fâsi valê, fâsi sintî, meti sù lis mostacjis, spiçâ lis mostacjis, meti sù lis moschetis, spiçâ lis moschetis

[CO] (difindi cun fuarce lis sôs resons)

fatti sentire da chi di dovere = fasiti sintî di cui che al covente

dâ gnovis, fâsi sintî

[CO] (metisi in contat cun cdn., fâ savê cemût che si è)

fatti sentire più spesso = fasiti sintî plui dispès

farsi sera

[CO] (cjale fare sera)

farsi sotto

[CO] (cjale farsi avanti)

farsi strada

[CO] (cjale farsi largo)

farsi tirare

fâsi freâ la panze, fâsi fâ la bielevoie, fâsi tirâ

[CO] (fâsi ingolosî)

fâsi tirâ

[TS] sport (tes corsis di bici o moto, tatiche di stâ daûr di un concorint)

si è fatto tirare la volata = si à fat tirâ la volade

farsi un baffo

[CO] (cjale farsene un baffo)

farsi un cruccio

[CO] (metisi une vore in pinsîr o cruziâsi)

suo figlio ha lasciato l'università e lui se n'è fatto un cruccio = so fi al à molade la universitât e par lui e je une crôs

farsi un nome

fâsi un non

[CO] (deventâ innomenât)

Pierluigi Cappello si è fatto un nome nella letteratura contemporanea = Pierluigi Cappello si è fat un non inte leterature di vuê

farsi un obbligo

sintîsi obleât

[CO] (sintî che si scuen fâ alc par resons etichis, di agrât, di dovê o sim.)

mi sono fatto un obbligo di rimanere accanto a lui = mi soi sintût obleât di restâ dongje di lui

farsi un problema

[CO] (cjale farsi dei problemi)

farsi un'idea

fâsi une idee

[CO] (cognossi, valutâ alc tai siei aspiets gjenerâi)

prima di accettare il lavoro è meglio farsi un'idea su quanto durerà = prime di cjapâ sù il lavôr al è miôr di fâsi une idee su cetant che al durarà

farsi una legge

fâsi une leç

[CO] (imponisi une norme di compuartament)

farsi una ragione

metile vie, dâsi la pâs, fâsi une reson, meti il cûr in pâs, fâsi reson

[CO] (rassegnâsi)

non si fa una ragione di dover partire = no si fâs reson di scugnî partî

farsi valere

(cjale farsi sentire)

fâsi valê, metisi sul sic

[CO] (di cdn. mostrâ il so valôr)

con tua suocera dovevi farti valere = cun tô madone tu vevis di fâti valê si fa valere troppo = si met masse sul sic

farsi vedere

fâsi viodi, vignî dongje, vignî al viers

[CO], [TS] (mostrâsi li che par solit un al va)

non si fa mai vedere, non sarà mica malato? = nol ven mai al viers, nol saraial mighe malât?

(forme negative di comant)

non farti più vedere! = vami fûr dai voi e no stâ tornâ!

fâsi viodi

[CO] (lâ a fâ une visite mediche)

per quel dolore dovresti farti vedere dal dottore = par chel dolôr tu varessis di lâ a fâti viodi dal miedi

fâsi viodi, dâ tal voli, dâ tal nâs, imparêsi

[CO] (metisi in mostre)

è un tipo che si fa vedere troppo = al è un che al da masse tal nâs oppure che si fâs viodi masse

farsi vendetta

rafâsi

[CO] (svindicâsi)

si è fatto vendetta da solo = si è rafat di bessôl

farsi vento

svintulâsi, sofletâsi

[CO] (fâsi aiar)

si stava facendo vento con il ventaglio = si svintulave cul parefresc

farsi vivo

fâsi viodi, vignî dongje

[CO] (di cdn., passâ, frecuentâ, dâ notiziis di se)

fatti vivo ogni tanto! = fasiti viodi ogni tant!

mandare a farsi benedire

[CO] (cjale mandare al diavolo)

mandare a farsi fottere

[CO], [TS] (cjale mandare al diavolo)

mandare a farsi friggere

[CO] (cjale mandare al diavolo)

non farsi niente

no fâsi nuie

[CO] (no fâsi mâl)

è caduto ma non si è fatto niente = al è colât ma no si à fat nuie

monolengâl

fâ v.tr.

Produsi, creâ, meti dongje

esemplis

"i nevôts di Meni a son rivâts ducj a fâ la cjase"

gjavât fûr di "I furlans e Sant Martin" di Riedo Pup

"e saveve fâ tant biei dissens te lavagne cui zes di colôr"

gjavât fûr di "Emme come mamma" di Dino Virgili

"une sdrume di cjamps clapignôs, [...] no fasevin vonde blave nancje par mangjâ"

gjavât fûr di "I furlans e la blave" di Riedo Pup

"dilunc de prime vuere mondiâl scuasi dutis lis cjampanis dal Friûl a forin fondudis: il bronç al fo doprât par fâ canons"

gjavât fûr di "Il sun de fieste" di Monika Pascolo

fâ v.tr.

Ancje ass., parturî

sinonims

parturî, prolî, meti al mont, dâ a lûs, dâ in lûs, fiâ, fiolâ, parî

esemplis

"i umign a davin une man a fâ ae puare bestie: a tiravin cu lis cuardis par dute la stale e po lis vôs legris, e il vidiel bagnât par tiere"

gjavât fûr di "La aghe da pît la cleve" di Dino Virgili

"e misturave la slacare dal bevaron, e, dongje, la Sante e spietave par puartâlu ae vacje che e veve fat"

gjavât fûr di "Cjase di Dalban" di Maria Forte

fâ v.tr.

Cun sens gjeneric al pues riferîsi a cetantis azions, sedi concretis che astratis, che a puedin jessi specificadis di un complement

esemplis

"no si puedin fâ propuestis se prime no si fâs une analisi"

gjavât fûr di "La promozion de lenghe furlane sui mass media" di Erika Adami

"dute la compagnie a fâ fieste cjase dai nuviçs"

gjavât fûr di "Storie di Min" di Ivano Urli

"e cussì, vuere. E i furlans a àn scugnût fâle"

gjavât fûr di "I furlans e la pâs" di Riedo Pup

"se o vessin fat ricors o saressin lâts a pericul di vinci, ma di no vê avonde personâl par dâ un bon servizi"

gjavât fûr di "Piçulis storiis di mafie furlane" di Sandri Carrozzo

"cuant che al murì, al clamà il plevan e al fasè test tes sôs mans"

gjavât fûr di "Beâts i viei" di Riedo Pup

"a vevin fat la lôr sielte di scuindon e cence che nissun no ju podès fermâ"

gjavât fûr di "Mode" di Spirt Anonim

fâ v.tr.

Dâ a cdn. o a alc une cierte cualitât, situazion, cundizion

esemplis

"o sin puars contadins, ma chest frutin nus fâs siôrs e contents"

gjavât fûr di "La sûr" di Pieri Somede dai Marcs

"Jacu Berart al lu vevin fat sindic subit dopo zûts via i Mucs"

gjavât fûr di "Il Bolp" di Novella Cantarutti

fâ v.tr.

Dî

esemplis

"al mi cjale cu la muse dure e cence bati cee al mi fâs: - Cjare lui, siôr nodâr, jo no ai tancj scrupui"

gjavât fûr di "Interès malandret" di Pieri Somede dai Marcs

fâ v.tr.

Vê une cierte opinion su alc o cdn.

esemplis

"no ti fasevi cussì coragjôs"

gjavât fûr di "Sense" di Checo Tam

fâ v.tr.

Cjapâ sù une abilitât, une sensibilitât

esemplis

"salacor al à tant fat il voli al piçul e la orele al cidin che nol è il plui adat e competent a judicâ chestis robis cussì grandis"

gjavât fûr di "Sant Jacum, là che al finìs il mont" di Antoni Beline

"o varês ben di scomençâ une volte, se o volês tornâ a fâ la man"

gjavât fûr di "Prime di sere" di Carlo Sgorlon

fâ v.intr.

Puartâ indevant un ciert lavôr, vê une cierte capacitât o profession

esemplis

"di profession al faseve l'avocat"

gjavât fûr di "L'om che al pierdeve pinsîrs pe strade" di Fabian Ros

"si inzegnavin a fâ i veterinaris, i purcitârs, i marangons, i muredôrs"

gjavât fûr di "I furlans e la culumie" di Riedo Pup

fâ v.intr.

Soredut, ma no dome, cun ûs impers., riferît aes cundizions di timp meteorologjic

esemplis

" il barcon che al deve sul puiûl al jere viert, stant che al faseve une vore cjalt"

gjavât fûr di "Faliscjis" di Cristina Noacco

"chê gnot al tirave un aiar di fâ pôre e dentri dal ostel al faseve frêt"

gjavât fûr di "Un Friûl difarent: i 90 mhz di Onde Furlane" di Max Mauro

"il fogolâr pront a difindi la famee dal Invier, par tant che al vueli fâ criùre"

gjavât fûr di "Cjase di Dalban" di Maria Forte

"se chest timp a nol fâs ploie / jo doman o ai di partî / ma o partìs di male voie / e il gno cûr tal lassi a ti"

gjavât fûr di "Se chest timp" di Popolâr

fâ v.intr.

In interogativis, costruzions cun "a" e un infinît, podê, jessi in stât, rivâ a un ciert risultât

esemplis

"nol saveve cemût fâ a consolâ chês puaris creaturis"

gjavât fûr di "Par une lengate" di Pieri Somede dai Marcs

"«E tu, cemût fâstu a savêlu? » i diseve mê mari"

gjavât fûr di "Come tai romançs" di Alan Brusini

fâ v.tr.

In costruuzions causativis

esemplis

"il lari al fâs capî a mots di jemplâ il sac"

gjavât fûr di "La rambe" di Fabian Ros

"o ai fat peâ il cjan cu la cjadene curte"

gjavât fûr di "Prime di sere" di Carlo Sgorlon

"Salvi, che o ai fat vignî di Florence, al à fevelât de problematiche scolastiche tes tantis situazions minoritariis"

gjavât fûr di "Memoriis di politiche linguistiche" di Adrian Cescje

fâ v.tr.

Lassâsi fâ alc

esemplis

"dut un lâ fûr e dentri dal ospedâl e dal 1990 incà Rosane e à fat cinc operazions"

gjavât fûr di "Faliscjis" di Cristina Noacco

fâ s.m.

Il puartâ insom alc, compliment concret, in gjenar in confront cu la teorie

sinonims

fat, azion, pratiche

esemplis

"li cjacaris a son une robe, ma dopo il fâ al è une altre"

"la esperience e ven dome cul fâ"

gjavât fûr di "Speciâl" di Carli Pup

fâ s.m.

Moment li che alc al tache o si complete

esemplis

"sul fâ de gnot a traviersavin un cjamp di luvins"

gjavât fûr di "La maledizion dai luvins" di Catarine Percude

fâ s.m.

Maniere di compuartâsi

sinonims

mût, maniere, ande

esemplis

"ognidun al veve il fâ, la muse, la vôs adatade a contâlis"

gjavât fûr di "Cjase Basse" di Dino Virgili

detulis

"a brusâ lens verts, si fâs fum e no fûc"

"a fâ bon pan, al vûl bon gran"

"a fâ caritât, no si devente puars"

"a fâ chel che no si devi, al ven chel che no si credi"

"a fâ il cont cence l'ostîr, si fasilu dôs voltis"

"a fâ il pas plui lunc de gjambe, si romp il cavalot"

"a fâ pan i vûl levan"

"a fâ un plasê, si cjape doi displasês"

"a fasin simpri il mâl plui grant di ce che al è"

"a fuarce di fâ, si impare"

"a fuarce di grans di ue, si fâs un cuinç di vin"

"a impaçâsi cui fruts, si fâs lis mans di mierde"

"a ingomein i fruts che a fasin di umign, a ingomein i umign che a fasin di fruts"

"a la ostarie si fâs il cont prin di lâ vie"

"a preâ e altri ben no fâ, a cjadaldiaul no si fâs di mancul di lâ"

"a Sant Blâs ogni gjaline l'ûf e fâs"

"a volê fâ robe no bisugne vê pôre dal diaul"

"a vuelin dôs robis par fâ stâ ben une cjase: predi e purcit"

"a vuelin fats a fâ umign"

"a vuelin siet umign a fâ une cjase, e baste une femine a strucjâle"

"aghe e vidriûl si fâs vin par dut il Friûl"

"aghe sante e tiere a fasin pantan"

"aghe, diete e serviziâl fâs vuarî di ogni mâl"

"al è bon no chel che al fevele ben ma chel che lu fâs"

"al è mâl tant fâle che lassâle fâ"

"al è miôr ricevilis che no fâlis"

"al è plui gust a fâle che no a mangjâle"

"al sa ben il signôr parcè che no ur à fat i dincj a lis 'savis"

"al vâl plui un a fâ che no cent a comandâ"

"al vûl che al fasi cui che al à man in paste"

"al vûl inzen ancje a fâ la polente cul len"

"al vûl lat a fâ formadi"

"al vûl levan par fâ pan"

"al vûl mistîr a fâ cuincîr"

"altri al è il dî, altri al è il fâ"

"amôr al fâs amôr, crudeltât lu consume"

"ancje il mus si disgose par fâi un cjant a la morose"

"ancje Març al scuen fâ lis sôs marçadis"

"barbe ben savonade e je mieze fate"

"bêçs fâs bêçs e nuie fâs nuie"

"bisugne copâ chê gjaline che e fâs l'ûf e po lu bêf"

"bisugne fâ ben par mâl"

"bisugne fâ di necessitât virtût"

"bisugne fâ il pas seont la gjambe"

"bisugne fâ il salût seont il cjapiel"

"bisugne fâ la barbe prin par se e po, se al vanze timp, ancje a chei altris"

"bisugne fâ la cjalce seont il pît"

"bisugne fâ la roste denant che e vegni la aghe"

"bisugne lassâi fâ a chel che al è parsore dai cops"

"bisugne pensâ prin di dî e prin di fâ"

"bisugne rompi i ûfs se si vûl fâ la fertaie"

"bisugne savê fâ il levan par vê bon pan"

"buine bocje a fâs bon ardiel"

"ce che al è just di fâ, bisugne fâlu e vonde, magari murî di fam"

"ce che al è permetût di zovin, no si po fâlu di vieli"

"ce che al fâs il Signôr al è dut ben fat"

"ce che nol è bon par se, no fâjal a nissun"

"ce che nol fâs il Signôr al fâs il sartôr"

"ce che si po fâ vuê, no metii non doman"

"ce che si sa, si fâs; ce che no si sa, si impare"

"cence fature no si fâs nuie"

"cence levan no si fâs pan"

"cerviel al fâs cerviel"

"chê che al da il Signôr si le puarte vulintîr, chê che si fâs di bessôi e je plui pesante di puartâ"

"cjacaris no fasin lasagnis"

"cjar e fâs cjar e jerbe a fâs mierde"

"cjar viere e fâs bon brût"

"cjase che si fâs in place o masse alte o masse basse"

"clap che si môf nol fâs muscli"

"cu la pazience il pedoli al à fat il zîr dal mont"

"cu la pazience si fâs dut"

"cualchi len al nas par indorâ, cualchidun par bati il mus e cualchidun par fâ coronis"

"cuant che a 'nd è masse parons, si po fâ ce che si vûl"

"cuant che a son fats i debits, lis surîs no ju mangjin"

"cuant che al è di fâ ben no son, cuant che al è di fâ mâl no si sparagnin"

"cuant che al è timp di fâ, fâs cence stâ a spietâ"

"cuant che il mus nol à fate la code di trente agns, no le fâs altri"

"cuant che il pari al fâs carnevâl, i fis a fasin cuaresime"

"cuant che il paron al distude il lusôr, al fâs par dâje tal nâs al servidôr"

"cuant che la gjaline e cjante, segn che e à fat l'ûf"

"cuant che la piore e à fat il mâl, par chel che e vâl e crepe"

"cuant che si dîs fasarai, si è sigûrs di no fâ mai"

"cuant che si metisi a fâ cjapiei, e nas la int cence cjâf"

"cuant che si vîf, si à di fâ in maniere che a vivin ancje chei altris"

"cui al è par indorâ sants, cui par fâ sacodâi di mus"

"cui bogns si fâs ce che si vûl, cui triscj miôr che si po"

"cui centesims si fâs la svanzighe"

"cui che al à bêçs di no savê ce fâ, che si meti a litigâ o a fabricâ"

"cui che al à bêçs di no savê ce fâ, che si meti in lît o a fabricâ"

"cui che al à çocs al po fâ stielis"

"cui che al à fat il mâl che al fasi la pinitince"

"cui che al à fat il mont al po disfâlu"

"cui che al à la mescule in man al fâs la polente a so mût"

"cui che al à pôc fîl che al fasi cjalçuts e no cjalcis"

"cui che al à pocje tele che al fasi curte la cjamese"

"cui che al à un sôl cjamp al fâs un ort, cui che al à un sôl fi al fâs un porc"

"cui che al è usât a fâ il mâl, lu pense"

"cui che al è usât a fâlis, lis pense"

"cui che al fâs al fale, cui che al mene al strucje"

"cui che al fâs al fale, cui che nol fâs al strafale"

"cui che al fâs ben al à ben"

"cui che al fâs ben al cjate ben e cui che al fâs mâl al cjate mâl"

"cui che al fâs ben lu cjate"

"cui che al fâs da se al fâs par trê"

"cui che al fâs fabricâ al à bêçs in casse, cui che al fâs piturâ ind à di masse"

"cui che al fâs il cont denant l'ostîr lu fâs dôs voltis"

"cui che al fâs il mâl lu cjate"

"cui che al fâs il prin al paie il bocâl di vin"

"cui che al fâs il to mistîr no ti è mai amì"

"cui che al fâs la fuesse pai altris al è il prin a lâ dentri"

"cui che al fâs la robe no le mangje"

"cui che al fâs lis leçs al à di rispietâlis"

"cui che al fâs lis robis cun amôr al è un grant dotôr"

"cui che al fâs marcjadanzie al fâs scuacarie"

"cui che al fâs pezarie al mangje il so"

"cui che al fâs robe al robe"

"cui che al fâs une bausie si impegne a fânt cent"

"cui che al paie debits al fâs capitâi"

"cui che al po fâ vuê che nol spieti doman"

"cui che al prepare la buse pai altris se fâs par se"

"cui che al robe nol fâs robe"

"cui che al sa fâ al sa ancje comandâ"

"cui che al sa fâ la cite al sa fâ ancje il mani"

"cui che al va e torne al fâs bon viaç"

"cui che al vinç se stes al fâs une grant vitorie"

"cui che al vûl fâ ce che nol po al cjate ce che nol vûl"

"cui che al vûl provâ lis penis dal infier che al fasi di Istât il fari e il cjaradôr di Invier"

"cui che di lunis nol fâs tant che di domenie nol è nassût di buine femine"

"cui che ju fâs che sai nici"

"cui che ju fâs no ju mangje e cui che ju mangje no ju fâs"

"cui che le fâs le spiete"

"cui che le fâs pai altris le fâs par se"

"cui che lis fâs, lis dismentee"

"cui che lis pense lis fâs, cui che lis fâs lis pense"

"cui che no lis à fatis di carnevâl lis fâs di cuaresime"

"cui che no lis fâs di zovin lis fâs di vieli"

"cui che no lis fâs in chest mont i tocje di fâlis in chel altri"

"cui che nol fale nancje nol fâs"

"cui che nol fâs cuant che al po, daspò nol po fâ cuant che al volarès"

"cui che nol fâs il grop al piert il pont"

"cui che nol fâs prin al fâs daspò"

"cui che nol sa fâ nol sa nancje comandâ"

"cui che nol scomence nol fâs nuie"

"cui che nol ten cont dal centesim nol rive a fâ il solt"

"cui che plui al dîs mancul al fâs"

"cui che si scuse cence jessi interogât al fâs clâr il so pecjât"

"cui che si svante dal ben fat al piert il merit"

"cui che tal fîl nol fâs il grop al piert il pont"

"cui cjamps si fâs la cjase, nome cu la cjase si mangje i cjamps"

"cui grans si fâs il stâr"

"cui le fâs, cui le cjate fate e cui le disfe"

"cui no le capìs, cui nol vûl capîle e cui fâs di no capîle"

"cui triscj bisugne fâ miôr che si po, cui bogns si fâs cemût che si vûl"

"cuintri torints e potents no sta fâ laments"

"cul bon fâs ce che tu vûs, cul trist ce che tu pûs"

"cul bon vin si fâs bon asêt"

"cul fâ lavorâ si va in malore"

"cul fâ plasês tu cuistis amîs, cul dî il vêr nemîs"

"cul fâ si fale e a fuarce di falâ si impare"

"cul fâ si fale e cul falâ si impare"

"cul timp si fâs dut: ancje il mont al è fat un pôc par volte"

"cun nuie no si fâs nuie"

"cun trops pôcs si fâs un grum"

"cuntun len sôl no si fâs fûc"

"da la plui grant montagne al ûf de ruie, ce che tal mont al è fat, nol è par nuie"

"daspò cene une prese di tabac e fâs la plene"

"daspò fat ognidun al da consei"

"daspò fat ognidun al sa fâ"

"dî di no e fâ di sì"

"dî e no fâ al è tant che tasê"

"di une çocje di vuar no si po fâ lum"

"dije a la femine e lassii fâ al diaul"

"dispès il diaul al insegne a fâlis ma no a platâlis"

"Diu al è chel che al à fat ancje il mani des cjariesiis"

"Diu al lasse fâ"

"Diu al sa ben parcè che no ur à fat i dincj ai crots"

"Diu ju fâs po il diaul ju compagne"

"Diu ju fâs po ju compagne"

"Diu mieze zornade le passe a fâlis, e chê altre mieze a dâlis"

"doi pôcs e un nie a puedin bastâ a fâ siôrs"

"dome cu la farine no si fâs pan"

"domenie di ulîf ogni uciel al fâs il nît"

"dongje dal stran no stâ fâ fûc"

"dôs feminis e une ocje a fasin un marcjât"

"ducj i sants no fasin miracui"

"dûr cun dûr no si fâs mûr"

"dûr cun dûr nol fâs bon mûr"

"dut si fâs pe fabriche dal pitic"

"e je une grant fadie a fâ il siôr e cence vê nie"

"e vûl tele a fâ cjamesis"

"erôr nol fâs paiament"

"fâ ben e lassâ dî"

"fâ ben par mâl"

"fâ dì dal dì e gnot de gnot"

"fâ e disfâ al è dut un lavorâ"

"fâ e disfâ e je dute vore"

"fâ e disfâ, si impare a lavorâ"

"fâ il mistîr dal Michelaç: mangjâ, bevi e lâ a spas"

"fâ justizie al è scomençâ une buine strade"

"fâ, savê fâ e dâle di intindi a son lis trê colonis dal mont"

"fami fatôr un an e se no mi fâs siôr, gno dam"

"farine blancje a fâs bon pan, tiere nere e fâs bon gran"

"fâs ai altris ce che tu volaressis fat a ti"

"fâs ce che tu âs di fâ e lis cjacaris de int no stâ abadâ"

"fâs e tâs"

"fâs il ben cence cjalâ a cui"

"fâs il ben e lasse dî"

"fâs un pas a la volte e va lontan"

"fâs vuê ce che tu varessis di fâ doman"

"fasarai al è fradi di no fâ mai"

"fat il trente si po fâ ancje il trenteun"

"fate la gracie si à in cûl il sant"

"fate la leç, pensade la malizie"

"fate la leç, pensât l'ingjan"

"fieste pe setemane e fâs la panze sclagne"

"gjaline rosse e fâs bon brût"

"gjaline trepule e fâs un ûf in dì"

"gjaline viere a fâs bon brût"

"gjaline viere no fâs ûfs"

"i bogns che a vadin in paradîs in tiere no si sa ce fâ di lôr"

"i debits che si fâs par bondance, si ju paie par cjaristie"

"i debits no si ju paie in chê dì che si ju fâs"

"i grancj umign a fasin i grancj fats"

"i lens verts a fasin fum"

"i litighents a fasin il past e i avocats lu mangjin"

"i scherçs a vuelin fats a timp e lûc"

"i umign a fasin la robe ma la robe no fâs i umign"

"i viei a vuelin che ancje i zovins a fasin come lôr"

"i vûl inzen a fâ la mignestre cul len"

"i vûl saût a fâ scliçots"

"il baraç nol fâs fîcs"

"il baraç nol fâs narançs"

"il ben al sta cun cui che al fâs ben par mâl"

"il ben che si fâs al vignarà ricompensât"

"il benefici nol à di sei fat par fuarce"

"il bon i crôt a ducj, il trist al fâs ducj come lui"

"il bon marît al fâs buine la muîr"

"il centesim al è piçulit ma a sparagnâlu al fâs profit"

"il ciroic dulinciôs al fâs la plaie verminose"

"il clap che nol fâs muscli al è un mâl clap"

"il cristian al à di fânt di ogni man"

"il dî nol va cul fâ"

"il diaul al insegne a fâ lis pignatis ma no i tapons"

"il diaul nol è mai tant brut che lu fasin"

"il diaul nol è mai tant neri che lu fasin"

"il fum si viôt dulà che a fasin fûc"

"il jet cjalt al fâs la mignestre frede"

"il jet no si lu fâs par durmî une sole sere"

"il mâl al sta cun cui che al fâs mâl par ben"

"il mâl nol è mai tant grant che si lu fâs"

"il mani de pale al fâs piâ judizi"

"il martar là che al sta nol fâs dam"

"il miedi e il speziâr a puedin fâ grant mâl"

"il miedi e il speziâr di inzen a puedin fâ gran ben"

"il mistîr dal matrimoni plui si lu fâs e plui si lu dispare"

"il mulinâr al met il Signôr difûr par che nol viodi ce che al fâs dentri"

"il mus che nol à fat la code di trente agns no le fâs plui"

"il pôl nol fâs fîcs"

"il pôl nol fâs narançs"

"il pôl nol fâs pomis"

"il prin an di matrimoni o che si inmalisi o che si fâs un coni"

"il prin miâr di florins al è dificil di fâ, chei altris daspò a vegnin bessôi"

"il semenâ tart se al fâs bon prodot e je une sorte"

"il servidôr al à di fâ ce che il paron al comande"

"il Signôr al sa ce che al fâs"

"il Signôr ju fâs e il diaul ju compagne"

"il Signôr prin ju fâs e po ju compagne"

"il stupit al fâs il mâl par ridi"

"il vin al fâs bon sanc"

"il violìn che al fâs la danze si cognòs ce sun che al à"

"in cjase plene si sta pôc a fâ di cene"

"in miezore si impare a fâ i siôrs"

"intric al strolic a fâ lunaris"

"l'abit nol fâs il frari"

"l'amôr ind fâs fâ di ogni colôr"

"l'ignorant al fâs il mâl par ridi"

"l'insult al è di cui che lu fâs e no di cui che lu ricêf"

"l'om al fâs la robe, po la robe e fâs l'om"

"l'om che nol lavore al impare a fâ mal"

"l'om che si fâs piore il lôf lu mangje"

"l'onôr nol fâs bulî la cite"

"l'ûf fat e bevût al vâl un scût, l'ûf fat e mangjât al vâl un ducât"

"l'ultin vistiari nus al fasin cence sachetis"

"la aghe no fâs magle"

"la asenade e je di cui che le fâs e no di cui che le ricêf"

"la bolp no fâs mai mâl là che e à la tane"

"la buine cjar e fâs putrope sbrume"

"la buine femine a fâs la cjase, la triste le disfâs"

"la buine muîr a fâs il bon marît"

"la cjase che a fâs caritât no larà mai in malore"

"la cjase dai contents e je ancjemò di fâ, e no cjatin claps di fabricâ"

"la cjase dai contents e je di fabricâ e nissun no le rive adore di fâ"

"la cjavre che no fasi vuere cul leon"

"la cjavre no po fâ vuere cul leon"

"la coce in siorie e fâs plui sunsûr"

"la compagnie a fâs fâ trop"

"la dibisugne a fâs l'om lari"

"la dibisugne a fâs l'om mestri"

"la dibisugne e fâs l'om inzegnôs"

"la etât a fâs l'om"

"la fam e fâs dolç l' amâr"

"la femine daben e fâs la cjase, la femine mate le disfe"

"la femine e fâs l'om"

"la femine e fâs l'om o pûr lu disfâs"

"la frascje biele no fâs buine la ufierte"

"la galere e la preson no fâs mai nissun di bon"

"la gjaline e cjante co e à fat l'ûf"

"la ligrie bisugne fâle in famee"

"la ligrie e fâs armonie"

"la lune ur fâs lusôr ai laris e ai inamorâts"

"la mari dalose e fâs la fie pedoglose"

"la miserie a fâs fâ trop"

"la miserie a fâs tristerie"

"la miserie e la necessitât a fasin l'om lari"

"la muart e fâs ducj compagns"

"la necessitât e fâs l'om inzegnôs"

"la necessitât e fâs l'om mestri"

"la necessitât e fâs la industrie"

"la nêf daspò Nadâl no fâs solâr"

"la nêf denant Nadâl e fâs solâr"

"la ocasion e fâs l'om lari"

"la ocasion e fâs l'om mestri"

"la peraule e fâs l'om"

"la piore no po fâ vuere cul leon"

"la preson no fâs mai nissun di bon"

"la prime digjestion si le fâs in bocje"

"la prime volte si po fâje al pari eterni"

"la robe no je di cui che le fâs ma di cui che le gjolt"

"la robe si fâs lavorant e si disfe zirandolant"

"la trope confidence e fâs mancjance di rispiet"

"la union e fâs la fuarce"

"la vacje dal puar e crepe e chê dal siôr ind fâs dôs"

"la vacje nere e fâs il vidiel blanc"

"la vilanie e je di chel che le fâs, no di chel che le ricêf"

"la vore fate ben nissun domande cetant timp che si à stât a fâle"

"lasse che a disin ce che a vuelin e fâs ce che al va ben"

"lasse che cui che al sa a ce fâ si distrighi"

"lasse che e cjanti la ciale, tu fâs come la furmie"

"lasse lis feminis che a fasin pan, fruts e lissie"

"lassimi puare, ti fasarai ric"

"libri sierât al fâs l'om leterât"

"lis belecis a fasin plui biel"

"lis cjacaris lungjis a fasin la gnot curte"

"lis disgraciis a fasin fâ trop"

"lis disgraciis no fasin bon bevi"

"lis feminis a fasin la code di cjaval par no someâ vacjis"

"lis robis fatis di gnot, si lis viôt di dì"

"lis robis fatis in presse no valin une vesse"

"lis scarpis si fasilis su la forme"

"lis vacjis si fasin la une la altre"

"mai fâ mâl cu la sperance di vê ben"

"mâl no fâ, pôre no vê"

"mâl si fâs, mâl si pense"

"mats, feminis, paron, timp e cûl fâs ce che al vûl"

"miedi pietôs al fâs la plaie puçolente"

"mierde montade in scagn o che a puce o che a fâs dam"

"mignestre riscjaldade a fâs dolôr di panze"

"miôr une robe fate che no cent di fâsi"

"miserie a fâs industrie, industrie a fâs bondance, bondance a fâs massepassudance e massepassudance a torne a fâ miserie"

"miserie a fâs miserie"

"muart un pape si 'nt fâs un altri"

"nancje il mont nol è stât fat dut intune dì"

"necessitât e fâs virtût"

"nissun nol è deventât mai puar par fâ caritât"

"nissun nol è obleât di plui di chel che al è tignût a fâ"

"nissun nol fâs miracui"

"nissun nol va a cirî par fâ caritât"

"no bisugne fâ il diaul plui neri di ce che al è"

"no bisugne fâlis, par che no saltin fûr"

"no bisugne fâsi fâ gole de robe a bon marcjât"

"no bisugne mai fâ confronts"

"no fâ mâl cun sperance di vê ben"

"no fâs mâl la cualitât ma la cuantitât"

"no je mai fate la leç che pensât nol sei l'ingjan"

"no mai fâ un mûr se si viôt un clap cu la ponte infûr"

"no si à di fâ caritât cu la robe dal comun"

"no si fâs il tet par une sole ploie"

"no si insegnii a fâ l'ûf a la gjaline"

"no si paie i debits in chê dì che si ju fâs"

"no si po fâ di Crist e bati batecui"

"no si po fâ pan cul brût dal ledan"

"no si po nudrî e fâ formadi"

"no si po vendi il lat e fâ formadi"

"no stâ fâ il mâl se no tu vûs sei odeât"

"no stâ fâ mâl cun sperance di vê ben"

"no stâ fâ mâl se tu vûs vê ben"

"no stâ fâur ai altris ce che no ti pâr bon a ti"

"no stâ fâur ai altris ce che no tu vûs che ti fasin a ti"

"no stâ insegnâi a fâ l'ûf a la gjaline"

"no vûl grant fadie a fâ il coion"

"nol baste vê reson, bisugne fâle intindi"

"nol mûr mai chel che al à fat la robe che nol sedi nassût chel che al à di mangjâle"

"nome cun gaine no si fâs nuie"

"nûl e cûl al fâs ce che al vûl"

"nule vie nule al fâs nule"

"o vin di fâ come i cops che si dan di bevi un cul altri"

"ogni biel bal al stufe, ogni bon pan al fâs la mufe"

"ogni biel zûc al stufe, ogni bon pan al fâs la mufe"

"ogni farine no je buine par fâ ostiis"

"ogni jerbe e fâs la sô semence e ogni len la sô pome"

"ogni zocul al à di fâ il so sgrip"

"ogni zocul al fâs il so salt"

"ognidun al po fâ ce che al vûl"

"ognidun che al fasi ce che al po"

"ognidun che al fasi il so mistîr"

"pachis di mari no fasin bote"

"par che al sedi bon il cafè a vuelin trê robis: cualitât, cuantitât e savêlu fâ"

"par comandâ si à di savê fâ"

"par fâ bêçs no bisugne vê pôre dal diaul"

"par fâ bisugne scomençâ"

"par fâ il fat so ognidun al è bon"

"par fâ il predi al covente: orele di marcjadant, bocje di purcit e schene di mus"

"par fâ lis fotis nol è mai masse tart"

"par fâ pan i vûl farine e levan"

"par fâ robe al vûl levan"

"par fâ une fote al è simpri timp"

"par grande che e sedi la çocje a fuarce di fâ setiç si consume"

"par nuie nissun nol fâs nuie"

"par podê ben comandâ, bisugne savê fâ"

"par un soldât no lassin di fâ vuere"

"peraulis e blestemis no fasin pôre"

"plui si è, mancul si fâs"

"pluitost di fâi ben a un vilan, spuditi te man"

"preâ e ben no fâ, al è tant che blestemâ"

"prin di fâ e di dî bisugne pensâ ce che al po vignî"

"prin di lâ a cjoli il purcit, si à di fâ il cjôt"

"putrops pôcs a fasin un trop"

"robe e fâs robe e mierde a fâs mierde"

"Sant Blâs il frêt al fâs la pâs"

"Sant Blâs ogni gjalinate e fâs"

"Sant Blâs se al cjate glace le disfâs, se no 'nt cjate ind fâs"

"Sant Martin al fâs il so fin"

"Sant Valantin al fâs il malefin"

"se a 'nt fos, se a 'nd ves, se a 'nt sarès a son trê sants che no fasi miracui"

"se il mus nol à fat la code di vincj agns, no le fâs plui"

"se no si à la crôs, si le fâs di bessôi"

"se no si capìs che si à di volêsi ben in chest mont, no si capìs ce che si è vignûts a fâ"

"se no si po fâ come che si volarès, si scuen fâ come che si pues"

"se no tu vûs che lis sepin, fâs di mancul di fâlis"

"se si met a fâ cjapiei, la int a nas cence cjâf"

"se si po fâ une once di ben, si à di fâlu"

"se tu fâs ce che ti dîs, tu larâs in paradîs; se tu fâs ce che o fâs jo, no tu vâs ni tu ni jo"

"se tu fasis debits tu cuistis parons, se tu fasis credits tu pierdis amîs"

"se tu vûs ben, fasilu"

"se tu vûs vê ben, fasilu"

"se Zenâr nol zenare e Fevrâr nol fevrare, Març mâl al fâs e mâl al pense"

"si à di fâ la roste prin che a vegni la aghe"

"si fâs ce che si po"

"si fâs ce che si pues e no ce che si volarès"

"si fâs e si dîs e la muart e tire pai pîts"

"si fâs e si tâs"

"si lis pense di sincîrs e si lis fâs di cjocs"

"si scuen fâ di necessitât virtût"

"si sta pôc a fâ di cene cuant che la cjase e je plene"

"si sta pôc a fâ il pan cuant che al è il levan"

"sintî ducj e po fâ a so mût"

"soç e mont a fasin il cûl taront"

"sporc e mont a fasin il cûl taront"

"sta cul to avuâl se tu vûs fâ bon carnevâl"

"tâl si fâs, tâl si spiete"

"tal ultin tabâr no fasin sachetis"

"tic tac, al fâs il cjaliâr; finît di ticâ, finît di mangjâ"

"tiere nere a fâs bon pan, tiere blancje e fâs ledan"

"tiere nere e fâs bon gran, farine blancje a fâs bon pan"

"tiere nere e fâs bon gran, tiere blancje a lasse murî di fam"

"tiere nere e fâs bon gran, tiere blancje e fâs murî di fam"

"tiere rosse e fâs bon gran, tiere blancje a lasse murî di fam"

"tiere sante e aghe sante a fasin pantan"

"trê fumatis a fasin une ploie"

"trê pâi a fasin la forcje"

"trê ploiis a fasin une montane"

"tu fâs ce che tu puedis e lassii a Diu cure dal rest"

"ultin di carnevâl al po fâlu cualunche basoâl"

"un biel viodi al fâs bon crodi"

"un cjâf cence lenghe al è nome di fâ brût"

"un disordin al fâs un ordin"

"un flôr nol fâs Primevere"

"un len sôl nol fâs fûc"

"un mat ind fâs cent"

"un pecjât fat int une ore, in cent agns no si ripare"

"un pôl nol fâs narançs"

"un sterp al fâs plui sortis di nolis"

"une biele scarpe a fâs une biele çavate"

"une cisile no fâs istât"

"une ete le fâs e une ete le mangje"

"une sole cocule no fâs sunsûr"

"une volte parom si scuen fâle ducj"

"zunâ e altri ben no fâ, a cjase dal diaul no si lasse di lâ"

torne sù

bilengâl

v.pronom.intr. vignî

v.pronom.intr. deventâ

v.pronom.intr. fâsi

v.pronom.intr. deventâ, fâsi

v.pronom.intr. stâ, metisi

v.pronom.intr. vignî, fâsi viodi, fâsi infûr

v.pronom.intr. fâsi

v.pronom.intr. fâsi

v.pronom.intr. lassâsi

v.pronom.tr. fâsi

v.pronom.tr. fâsi

v.pronom.tr. passâ, fâsi

v.pronom.tr. fâ, fâsi

v.pronom.tr. fâ, procurâsi

v.pronom.tr. fâsi

v.pronom.tr. fâsi

v.pronom.tr. fâsi

v.pronom.tr. fâsi

v.pronom.tr. fâsi

v.pronom.tr. fâsi

s.m. deventâ, fâsi, divignî

locuzions

monolengâl