Tu âs cirût la peraule
bilengâl monolengâl
Tu âs cirût la peraule
fibra tessile
torne indaûr

bilengâl

fibra tessile
  • 1

    loc.s.f. fibre tessile, fibre Copie

    [CO], [TS] tess. (sostance di forme filiose naturâl o artificiâl che e pues sei filade e po tiessude)

monolengâl

fibre s.f.
(fi-bre)
[TS] (biol.) Struture dai tiessûts dai animâi, di forme slungjade, sfiliose, elastiche, flessibile e resistente
esemplis
"il cerviel di diestre e chel di çampe a son in comunicazion fra di lôr cuntun miliart di fibris gnervosis"
gjavât fûr di "Il cjâf dai furlans" di Franc Fari
fibre s.f.
(fi-bre)
Complès dai caratars psicofisics
sinonims
grene, vite, gnerf
esemplis
"la atmosfere chenti e je pesante, cussì che e fâs deventâ la fibre plui rilassade e mancul disponude a sopuartâ lis fadiis"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
fibre s.f.
(fi-bre)
Singul filament o complès di filaments che si puedin doprâ tant che materie prime par fâ filâts e tiessûts
esemplis
"lis stofis a jerin di lanial e raion, no tignivin ni cjalt ni frêt, lis fibris artificiâls [sintetichis] no jerin cognossudis a chei timps"
gjavât fûr di "Pôre de colpe" di Alma Marega Frattini
fibre s.f.
(fi-bre)
[TS] (tecn.) Carton une vore compat, resistent e impermeabil, doprât, soredut une volte, par fâ valîs, cassis e v.i.
sinonims
carton fibre, fibre vulcanizade
esemplis
"passade la stazion di Reane Eliseo al tirà jù de rêt la valîs di fibre e al si invià de bande de puarte"
gjavât fûr di "Prime di sere" di Carlo Sgorlon
"la cartele e jere di fibre, dure plui che no il corean"
gjavât fûr di "Îr e doman" di Gianni Gregoricchio
torne sù
torne sù