Hai cercato la parola
bilingue monolingue
Hai cercato la parola
finanche
Torna indietro

bilingue

finanche
  • 1

    av. pûr, fin, fintremai, ancje, parfin, sin Copia

    [BU] (rinfuarcitîf di 'anche')
    finanche gli amici più sicuri lo avevano deluso = fintremai i amîs plui sigûrs lu vevin deludût

monolingue

ancje av.
(an-cje)
Cun significât che al pues cambiâ un pôc daûr dal contest, in zonte, in plui, te stesse maniere, come altris, come in altris situazions e v.i.
sinonimi
ancje dongje, ancjemò, ancjemò dongje, ancjemò sore, ben, di soreplui, inmò, oltri, par dongje, par prionte, par soremarcjât, par zonte, pûr, fintremai, gnes
esempi
"no volarès che al fos ancje gno fi fra chei che a son tignûts di voli"
da "Int di masnade" di Alviero Negro
"une traduzion e covente ancje par strenzi un leam tra lenghis e culturis"
da "Note dal curadôr ae traduzion dal Infier di Dante" di Sandri Carrozzo
"la domande e jere, come che e je ancje vuê, une di chês che no si puedin meti di bande"
da "Un Friûl difarent: i 90 mhz di Onde Furlane" di Max Mauro
Vedi anche: ancj, encje, encj
ancje av.
(an-cje)
Cun funzion di rinfuarcî coniunzions
esempi
"un procès tecnologjic di miniaturizazion ma ancje un cambiament dai parametris fisics dal materiâl"
da "Aplicazions des celis organichis nanostruturadis" di Lorenzo Marcolini
"al jere deventât un grant siôr; ma ancje al veve metût sù la creste"
da "Il solt dal Signôr" di Catarine Percude
"des nestris bandis e ancje inaltrò"
da "Spara Jurij spara (Giovanni, Debora, Pieri & C.)" di Marc Stolf
ancje av.
(an-cje)
Par rinfuarcî une declarazion
sinonimi
fintine, fintremai, infin, insin, adiriture, fin
esempi
"dal mâl e dal malan e varès podût ancje lâ piês"
da "Storie di Min" di Ivano Urli
ancje av.
(an-cje)
Spec. ripetût, par dî pussibilitât, probabilitât che alc al sucedi
esempi
"o crôt che in nissune part dal mont si cjati popui plui pacjifics dal nestri. Di pacjifics compagn, ancje ancje; ma di pacjifics di plui, impussibil"
da "I furlans e la pâs" di Riedo Pup
ancje coniun.
(an-cje)
Cun funzion concessive
esempi
"alore Gusto al capì che ancje savint, bignave fâ fente di no savê "
da "Il muc" di Roberto Ongaro
proverbi
"ancje chest an mâl e po mai plui ben"
"ancje cheste e je fate, al diseve chel che al veve maçât so pari"
"ancje i barcons a àn i veris"
"ancje i 'sâfs si puartin un cul altri"
"ancje il boie al è mestri"
"ancje il cjan cul menâ la code si vuadagne la spese"
"ancje il jeur al vîf a jerbe"
"ancje il just si inçopede siet voltis in dì"
"ancje il lat di vacje al è blanc"
"ancje il lôf al cîr la sô cove"
"ancje il mus si disgose par fâi un cjant a la morose"
"ancje il Signôr al è dismontât di mus par cjapâ sù un fasûl"
"ancje il Signôr al è furlan: se nol paie vuê, al paie doman"
"ancje il soreli al à lis sôs maglis"
"ancje il soreli al bat tes pocis e no si sporcje"
"ancje il voli al vûl la sô part"
"ancje in cusine i cjaldîrs e àn lis orelis"
"ancje la aghe sporcje e distude la sêt"
"ancje la sperance e à levan"
"ancje lis bolps vielis si lis cjape"
"ancje Març al scuen fâ lis sôs marçadis"
"ancje un vuarp al à cjatât un fier di cjaval"
"ancje une fassine se e je ben leade e pâr une regjine"
"ancje une fassine, ben vistude e pâr une regjine"
"ancje une jone co e je vistude e pâr une done"
"ancje vuê mâl, e po mai altri ben"
"ce che al ven cence fadie, in pôc timp ancje al va vie"
"cui che al à il mâl al à ancje lis sblefis"
"cui che al ten cont dal pôc al ten cont ancje dal trop"
"cul timp si fâs dut: ancje il mont al è fat un pôc par volte"
"e je braùre ancje a savêsi mantignî in caratar"
"la caritât ancje al diaul e je ben fate"
"Sant Scugnî al è ancje murî"
"se il timp al è seren, ancje cu la borse flape si sta ben"
Torna in Cima
Torna in Cima