Tu âs cirût la peraule
bilengâl monolengâl
Tu âs cirût la peraule
finire
torne indaûr

bilengâl

finire v.tr., v.intr., s.m.
  • 1

    v.tr. finî Copie

    (esaurî une dade di timp)
    finire una settimana di lavoro = finî une setemane di lavôr

    v.tr. finî, rivâ insom Copie

    (ancje ass.)
    verrò quando avrò finito = o vignarai cuant che o varai finît oppure cuant che o sarai rivât insom

    v.tr. finî Copie

    [FO] (puartâ ae fin, concludi)
    finire un lavoro = finî un lavôr
    finire un libro = finî un libri
  • 2

    v.tr. finî Copie

    [CO] (copâ une persone o une bestie massime se za feride o in agonie)
    finire col colpo di grazia = finî cul colp di gracie
  • 3

    v.tr. finî Copie

    [FO] (interompi o concludi)
    devi finire la telefonata = tu âs di finî la telefonade

    v.tr. finî Copie

    (denant di 'di' e infinît, cessâ)
    finiscila di piangere = finissile di vaî oppure vonde vaî
    quando la finisci di fare rumore? = cuant le finissistu di fâ confusion?

    v.tr. finî Copie

    (ancje impers.)
    ha finito di piovere = al à finît di plovi
  • 4

    v.tr. finî Copie

    [FO] (consumâ dal dut)
    finire la pasta = finî la paste
  • 5

    v.intr. finî Copie

    [FO] (jessi, rivâ ae fin, concludisi)
    l'anno scolastico è finito = l'an scolastic al è finît
    lo spettacolo è finito tardi = il spetacul al è finît tart
    questo caldo finirà presto = chest cjalt al finirà in curt
    tra loro è tutto finito = fra di lôr al è finît dut

    v.intr. finî Copie

    (massime cun ande menaçose, par mostrâ consecuencis che no plasin)
    la cosa non finisce qui = la cuistion no finìs culì

    v.intr. finî Copie

    (par segnâ che alc nol à continuazion, no 'nd è plui sperance, nol è plui rimedi)
    è finita = e je finide

    v.intr. finî Copie

    [CO] (murî)
  • 6a

    v.intr. finî Copie

    [FO] (jessi, concludisi intune cierte maniere)
    il cappello finisce a punta = il cjapiel al finìs a ponte
    il giardino finisce con una siepe = il zardin al finìs cuntune cise
  • 6b

    v.intr. butâsi, finî Copie

    [FO] (butâsi, confluî)
    il fiume finisce nel mare = il flum si bute tal mâr
    il sentiero finisce nel bosco = il troi si bute tal bosc
  • 6c

    v.intr. finî Copie

    [FO] (jessi, rivâ, capitâ, sore dut in mût acidentâl)
    è finito all'ospedale = al è finît tal ospedâl
    siamo finiti tutti a casa di Paolo = o sin finîts ducj a cjase di Pauli
  • 7

    v.intr. finî Copie

    [FO] (jessi, vê une cierte conclusion, un ciert esit)
    la sua avventura è finita bene = la sô aventure e je finide ben
    le trattative sono finite con un nulla di fatto = lis tratativis a son finidis in nuie

    v.intr. finî, lâ a finîle Copie

    (cuntun ûs impers.)
    finisce che mi arrabbio = al finìs oppure al va a finîle che mi inrabii
  • 8

    v.intr. finî Copie

    [FO] (di cdn., cjatâsi intune cierte cundizion, pal solit negative)
    è finito in un pasticcio = al è finît in fastidis
    finire in manicomio = finî tal manicomi
    finire in prigione = finî in preson
    finire sul giornale = finî tal gjornâl
    qui va a finir male = chi e va a finîle mâl

    v.intr. finî Copie

    (cul complement predicatîf dal subiet)
    ha studiato tanto per finire disoccupato = al à studiât cetant par finî disocupât

    v.intr. finî Copie

    (cun daûr 'a' e l'infinît)
    è finito a lavorare per il negozio del vicino = al è finît a vore tal negozi dal vicin
  • 9

    v.intr. finî Copie

    [FO] (esaurîsi, jessi dal dut consumât, vendût, fruiât)
    è finita la frutta = a son finidis lis pomis
  • 10

    v.intr. lâ, finî, lâ a finîle Copie

    [FO] (jessi, vignî a cjatâsi intun ciert puest)
    dove sono finite le chiavi? = dulà sono ladis a finîle lis clâfs?
  • 11

    v.intr. finî Copie

    [FO] (jessi, denant di 'con' o 'per' e infinît, rivâ a une cierte decision, a un ciert risultât)
    finimmo per rimanere = o vin finît cul restâ
    ha finito col cedere = al à finît cul molâ

    v.intr. butâsi, finî Copie

    (ancje impers.)
    finirà per nevicare = al finirà par neveâ oppure si butarà in nêf
  • 12

    s.m. finî Copie

    [CO] (dome sing., fin, terminazion, tiermin)
    sul finire della strada = sul finî de strade

locuzions

    finire a carte quarantotto
    finire a gambe all'aria
  • [CO], [TS] (cjale andare a gambe all'aria)
    • finire a gambe levate
    finire a tarallucci e vino
  • lâ a finîle di amionsCopie
    [CO], [TS] (finî in mût banâl e conciliant, soredut di barufe che e someave fuarte)
    fra politici va sempre a finire a tarallucci e vino = fra politics e va simpri a finîle di amions
    • finire al camposanto
  • [CO] (cjale andare al camposanto)
    • finire al Creatore
  • lâ cul SignôrCopie
    [CO] (murî)
    è finito al Creatore = al è lât cul Signôr
    • finire al tappeto
  • [CO] (cjale andare al tappeto)
    • finire all'altro mondo
  • [CO] (cjale andare all'altro mondo)
    • finire all'ospizio
  • finî tal ospizi, finî tal ricovarCopie
    [CO] (jessi ricoverât di vieli intun ospizi, finî in miserie cuant che si è viei)
    • finire di soffrire
  • finî di patîCopie
    [CO] (murî)
    • finire in commedia
  • butâle in comedie, butâle in ridi, butâle in staiareCopie
    [CO] (finî in ridicul, soredut dite di une situazion che e varès di jessi une vore serie)
    con lui non si può fare un discorso serio perché finisce sempre in commedia = cun lui no si po fâ un discors seri parcè che le bute simpri in comedie
    • finire in niente
  • lâ in sbrui, lâ sù pal stec, la in nuie, lâ in vacje, lâ in bufuleCopie
    [CO] (no dâ nissun risultât)
    quella storia è finita in niente = chê storie e je lade in nuie
    • finire nelle grinfie
  • [CO] (cjale cadere nelle mani)
    • finire nelle mani
  • [CO] (cjale cadere nelle mani)
    • finire sulla bocca di tutti

monolengâl

finî v.tr.
(fi-nî)
Puartâ ae fin, ae conclusion, fâ fin insom
sinonims
compî, completâ, concludi, sierâ, terminâ, ultimâ
esemplis
"cuant che Eliseo al veve finît une vore, il vecjo i dave alc, e ogni volte si meteve i ocjâi, al tirave fûr il tacuin e al contave dîs voltis lis cjartis di cent e di mil"
gjavât fûr di "Prime di sere" di Carlo Sgorlon
"par plasê, tornìn a cjase. O finissarìn il zîr une altre volte"
gjavât fûr di "Pre Pitin" di Antoni Beline
finî v.tr., v.intr.
(fi-nî)
In costruzions cun "di" e infinît, puartâ insom une azion
sinonims
cessâ, molâ, lassâ, finîle
esemplis
"la clape e veve finît di mangjâ e, jevâts in pîts, i fantats si parecjavin a là"
gjavât fûr di "Il muc" di Roberto Ongaro
"e veve volût finî di studiâ a Triest, une lauree in lenghis"
gjavât fûr di "La salamandrie tal fûc" di Carlo Tolazzi
finî v.tr.
(fi-nî)
Copâ une persone o une bestie massime se za feride o in agonie (fig.)
esemplis
"dopo de fusilade dal ploton di esecuzion, l'uficiâl al finive il condanât cuntun colp di pistole"
finî v.tr.
(fi-nî)
Fâ patî, butâ intune brute cundizion
sinonims
copâ, butâ jù, sassinâ, tudâ, disfâ
esemplis
"o vevi propri il cjâf a nolis; è dut colpe des disgraciis che mi àn biel finide chest an"
gjavât fûr di "La ospitalitât" di Luigi Gortani
finî v.tr.
(fi-nî)
Fâ in mût che alc al sedi definitîf e che al vedi efiet
sinonims
fâ, sierâ
esemplis
"«[...] al è siôr Simon che ti spiete» dissè la Ulive «Chel al è seneôs di finî l'afâr»"
gjavât fûr di "La tiere di Lansing" di Maria Forte
finî v.tr.
(fi-nî)
Sierâ tant che tiermin o confin
sinonims
sierâ
esemplis
"chê muraia maestosa de lis Alpis che finissin la Italia"
gjavât fûr di "Il me paîs" di Federigo Comelli
finî v.intr.
(fi-nî)
Jessi te fin, rivâ ae fin, concludisi
sinonims
cessâ, concludisi, dismeti, murî, sierâsi, terminâ
esemplis
"intant al jere finît il bal e Nicola le puartave daprûf il banc domandant ce che e voleve bevi"
gjavât fûr di "Il svindic di Rosute" di Alan Brusini
"la vuere e je finide, al diseve, e si à di perdonâ"
gjavât fûr di "Faliscjis" di Cristina Noacco
"Tal an 1500, ae muart dal cont Leonart, la dinastie dai conts di Gurize e finìs e la Contee e passe sot dai Asburc"
gjavât fûr di "Autonomie tal Friûl austriac" di Ferruccio Tassin
finî v.intr.
(fi-nî)
Vê une cierte forme o maniere di jessi te fin, te terminazion, te estension e v.i.
sinonims
lâ a finî
esemplis
"il mûr, di une bande e di chê altre, al finive in dôs toratis"
gjavât fûr di "La aghe da pît la cleve" di Dino Virgili
finî v.intr.
(fi-nî)
Butâsi, confluî
sinonims
butâsi, lâ, lâ a finî
esemplis
"il roiâl dal so mulin, rigjavât dal Luri, al finive intun palût plen di cjanis e di crots"
gjavât fûr di "La aghe da pît la cleve" di Dino Virgili
finî v.intr.
(fi-nî)
Jessi, rivâ, capitâ, sore dut in mût acidentâl o cence vê volût
sinonims
capitâ, lâ, lâ a finî
esemplis
"in ce puest jerio finît? Se almancul o ves cjatât une indicazion di podê capî"
gjavât fûr di "Sense" di Checo Tam
finî v.intr.
(fi-nî)
Cjatâsi intune cierte cundizion, pal solit negative
sinonims
lâ, lâ a finî
esemplis
"Toni Aiz, al finì in galere a vite nome par vê sberlât «abasso Mussolini»"
gjavât fûr di "Chei di Cjasarse" di Alan Brusini
"dopo vê fat tantis strambariis chel puar om al à finît tal manicomi e là al è stât sierât cuatri agns"
gjavât fûr di "Strambariis" di Pieri Somede dai Marcs
"la gnove, come che o savês, e finì su ducj i gjornâi "
gjavât fûr di "L'om che al pierdeve pinsîrs pe strade" di Fabian Ros
finî v.intr.
(fi-nî)
Vê une cierte evoluzion o conclusion o risultât
sinonims
lâ, lâ a finî
esemplis
"cuntune trame che a moments e sfilie il surealisim e che e finìs in tragjedie"
gjavât fûr di "Festival di Pesaro 50+1" di Fabian Ros
"il Micul al finì par tiere, butât jù di un sganaf [...] Reson o tuart, lis partidis dal Bulo a finivin cussì che ducj i siei resonaments si ingrumavin tes mans"
gjavât fûr di "Il Bulo di Crodio" di Maria Forte
finî v.intr.
(fi-nî)
Rezint costruzions cul infinît, jessi o vê tant che risultât, tant che conclusion di un ciert procediment
esemplis
"la cuistion dai «Trê cjapitui» e finì cul dividi il patriarcjât"
gjavât fûr di "Cuintristorie dal Friûl fin sot la Italie" di Josef Marchet
"la sô vitorie su la muart che e finìs cul jessi ancje la nestre vitorie su la muart"
gjavât fûr di "Crist resurît al colme dute la sperance dal om" di Francesc Placerean
"se al starà inmò te barache al finirà par malâsi pardabon"
gjavât fûr di "Cjase di fitâ" di Pieri Somede dai Marcs
finî s.m.
(fi-nî)
Fin, moment, pont, puest dulà che alc o cdn. al finìs
sinonims
fin, finâl
esemplis
"cuant che a forin sul finî des cjasis a taiarin fûr pai prâts"
gjavât fûr di "Il muc" di Roberto Ongaro
"sul finî de matine Laurinç al le a cjaminâ de bande de campagne"
gjavât fûr di "I prâts des Savodagnis" di Agnul di Spere
detulis
"ce che no si vûl finî si fâs di mancul di començâ"
"cuant che a passin i codons, i uciei a finissin"
"cuant che a vegnin i sivilots a finissin i uciei"
"cuant che no si rive a dî: "glorie di Diu!" al è finît dut"
"cuant che no si vûl finî si fâs di mancul di tacâ"
"cuant che si scomence mâl, si finis piês"
"cui che al mûr al finìs di patî"
"cui che al scomence mâl al finìs piês"
"cui che al scomence masse voris no 'nt finìs nissune"
"cui che al scomence une vore in dì di vinars no le finìs plui"
"cui che ben al scomence ben al finìs"
"cui che nol sa sbassâsi a timp e lûc le finìs cul cjâf sbûs"
"cui che nol scomence nol finìs"
"finide la messe, brusade la cjandele"
"finide la zornade, finît il lavôr; finide la gnot, finît il ripôs"
"finîts i lens, si raspin lis stielis"
"i sants lu scomencin e Sant Andree lu finìs"
"mai no si scomence mai no si finìs"
"miôr no dî che scomençâ e no finî"
"miôr polente che e dure che no pan che al finìs"
"muarte la piore e je finide la lane"
"pic pic, il taiepiere nol deventarà mai ric: finît di picâ, finît di mangjâ"
"se il gjal al cjante daspò di misdì, il bontimp al è par finî"
"si scomence cul pôc e si finìs cul trop"
"tic tac, al fâs il cjaliâr; finît di ticâ, finît di mangjâ"
"une robe si sa cemût che e scomence ma no cemût che e finìs"
torne sù
torne sù