Tu âs cirût la peraule
bilengâl monolengâl
Tu âs cirût la peraule
flash
torne indaûr

bilengâl

flash s.m., adi.inv.
  • 1a

    s.m. lamp Copie

    [TS] fotogr. (lamp di lûs fuarte che al covente par iluminâ e fâ fotografiis se no je avonde lûs naturâl)
  • 1b

    s.m. lamp Copie

    [TS] fotogr. (dispositîf che al fâs chê lûs)
  • 2

    adi.inv. lamp Copie

    [TS] gjorn. (notizie curte, par solit une vore impuartante)
    la radio ha dato la notizia flash dell'attentato = la radio e à dât la notizie lamp dal atentât
  • 3

    s.m. balon publicitari Copie

    [TS] graf. (tes imagjins publicitariis, sorte di balon blanc li che si metin i messaçs che a àn di vê plui impuartance)
  • 4

    s.m. ton, sclop Copie

    [CO] (sensazion fuarte a pene daspò di vê cjapât ciertis droghis pesantis)

    s.m.

    (emozion fuarte)
    ho rivisto i fumetti di quando ero bambino, che flash! = o ai tornât a viodi i fumets di cuant che o jeri frut, robononis!

    s.m. lamp Copie

    (ricuart imburît)
    non mi ricordavo la risposta, ma dopo ho avuto un flash e l'ho indovinata = no mi visavi la rispueste juste, ma po o ai vût un lamp e le ai intivade

monolengâl

lamp s.m.
Lûs fuarte e improvise produsude di scjariis eletrichis jenfri i nûi o jenfri cîl e tiere
sinonims
tarlup
esemplis
"i lamps a sfrissavin di fûc i nûi e i tons a stocavin e a sglovavin mieç mont"
gjavât fûr di "La rive di Sant Pieri" di Maria Forte
"plovisine minudine / lizerine, / tu vens ju cussì cidine / senze tons e senze lamps, / e tu dâs di bevi ai cjamps"
gjavât fûr di "La plovisine" di Pieri Çorut
lamp s.m.
Cualsisei lûs fuarte, improvise e curte, ancje ripetude
sinonims
barlum, incei, lampade, slusicament, tarlupade, tarlup, slusorade, stralûs
esemplis
"il tren aromai al coreve a lunc tal scûr. Cuant che si passà parmìs di une autostrade, a jentrarin lamps di lûs"
gjavât fûr di "In viaç di domenie" di Agnul di Spere
lamp s.m.
Timp une vore curt (fig.)
sinonims
moment, amen, credo, istant, nuie, jesus
esemplis
"a galop, intun lamp, e à fate la strade e si è fermade dongje di lui"
gjavât fûr di "Fra Silvio" di Pieri Somede dai Marcs
"al pareve che a vessin vût lis tarmis di no podê stâ fers un lamp e tasê nancje un moment"
gjavât fûr di "Nadâl ancje par Gjelmin" di Pieri Menis
"spietait un lamp, che o ai di contâusint une di gnove"
gjavât fûr di "Lis predicjis dal muini" di Josef Marchet
"a lavoravin di un scûr al altri cence un lamp di padin"
gjavât fûr di "I Catanas" di Meni Ucel
lamp s.m.
Persone, bestie o robe une vore svelte (fig.)
sinonims
frece, fuset, saete
esemplis
"âstu za finît? Tu sês un lamp!"
lamp s.m.
Espression vive dai voi che e mostre un ciert sintiment, intindiment e v.i. (fig.)
sinonims
lûs, ombre
esemplis
"e fevelave cun lôr e un lamp di inteligjence al comparive tai siei voi"
gjavât fûr di "Nardon e Vigjute di Nani" di Pieri Somede dai Marcs
"a i era scjampât dai voi un lamp di gust"
gjavât fûr di "Li clâfs" di Novella Cantarutti
"il frutat al rivà cuntun lamp di salvadi te cjaladure e l'odôr garp di chel pastiel di vin tal flât"
gjavât fûr di "La aghe da pît la cleve" di Dino Virgili
lamp s.m.
[BF] Cjalade svelte,
sinonims
voli, voglade, cuc, cjalade, cjalon
esemplis
"o voi a dâ un lamp su la fieste e o torni dal moment"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
lamp s.m.
Rivelazion improvise, il pandisi improvîs di une idee, di une comprension (fig.)
sinonims
iluminazion, intuizion, ispirazion, idee
esemplis
"[la statue de Madone e veve] la muse dolce come tal ricuart. Dolce come la uve. La uve!... Un lamp... une idee... Sì, chê e veve di sei «la Madone de uve»!"
gjavât fûr di "Il Bide di Miot" di Maria Forte
lamp s.m.
Moment di vite che si torne a vivi te memorie (fig.)
sinonims
ricuart
esemplis
"a sintî chê cjançon mi è vignût un lamp di cuant che o jerin fruts"
detulis
"cuant che a son fûr madracs e carbons, si è sigûrs di lamps e tons"
"daspò dal lamp il ton"
"ogni lamp al à il so ton"
"Sante Barbare e Sant Simon vuardaitnus dal lamp e dal ton"
torne sù
torne sù