Tu âs cirût la peraule
bilengâl monolengâl cognons
Tu âs cirût la peraule
florido
torne indaûr

bilengâl

florido adi.
  • 1

    adi. florît, in flôr Copie

    [CO] (che al è tal plen de sô vivarosetât)
    la vegetazione è florida = la vegjetazion e je in flôr oppure floride
  • 2

    adi. vivarôs, rubest Copie

    [CO] (che al pant energjie e vigôr)
    è stata una presenza florida = e je stade une presince vivarose oppure rubeste

    adi. florit Copie

    (che e pant salût)
    una giovane florida = une zovine floride
  • 3

    adi. vivarôs, prospar, florit Copie

    [CO] (che al sta ben, siôr)
    una florida economia = une economie floride
  • 4

    adi. vivarôs, vîf, florit, florît, sflorît Copie

    [CO] (plen di vite e di espression)
    uno stile florido = un stîl vivarôs oppure sflorît

monolengâl

vîf adi.
Che al à vite
esemplis
"dut il mulin si sdrumà te roie. [...] Une jone cjadude a traviars dal jet e veve copât sâr Cecco. Done Ane le gjavarin fûr vive par miracul, jê e un frutin di tete"
gjavât fûr di "La mulinarie" di Catarine Percude
"[tornant dal cjamp di concentrament] al è rivât adore a fâi savê ae mame che al jere vîf e intent a tornâ"
gjavât fûr di "Storie di Min" di Ivano Urli
"al tirà sù i bregons e al lassà viodi la gjambe ancjemò fassade, lui le palpave come par sigurâsi che e jere ancjemò vive e no di len"
gjavât fûr di "Sul agâr" di Pieri Menis
vîf adi.
Che al è ancjemò presint, in vore
sinonims
corint, presint
esemplis
"une ricercje su ce che al è restât in dì di vuê dai benandants e, plui in gjenerâl, su lis tradizions che a son restadis ancjemò vivis tal Friûl di vuê"
gjavât fûr di "Il cine furlan" di Fabian Ros
vîf adi.
Plen di snait
sinonims
brilant, dinamic, ferbint, gjubiâl, imburît, morbinôs, pevarin, spiritôs, spirtât, svelt, vitâl
esemplis
"fruts discolçs e peçotôs, ma vîfs e svelts come noglarûi"
gjavât fûr di "La rive di Sant Pieri" di Maria Forte
vîf adi.
Caraterizât di moviment
esemplis
"se o vignîs une dì sù par ca, o lin a sentâsi dongjelaltris sul rivâl grant dal Luri, in cueste di soreli, a sintî cemût che e cjante la aghe vive de mê tiere furlane"
gjavât fûr di "La aghe da pît la cleve" di Dino Virgili
vîf adi.
Caraterizât di energjie, fuarce, ancje contrast
sinonims
gnervôs, vivarôs, ferbint
esemplis
"tante la int intervignude e une vore vîf il dibatit dopo de presentazion"
gjavât fûr di "Atlant dai servizis sanitaris e sociosanitaris in Friûl" di Silla Stel
vîf adi.
Che al à un nivel, une gradazion fuarte intune cualchi carateristiche
sinonims
brilant, caric, cjalcjât, cjalt, cjariât, imbuît, infogât, penç, sflandorôs, slusint
esemplis
"tal coridôr a jentravin i rais dal soreli di un barcon de bande dal amont, e il paviment al veve riflès cun colôrs vîfs"
gjavât fûr di "I prâts des Savodagnis" di Agnul di Spere
vîf adi.
Che al è ben presint inte memorie (fig.)
sinonims
fuart, presint
esemplis
"il non di Fausto [Schiavi] al è ancjemò vîf intor pal Friûl, cundut che la sô azion politiche tal Moviment e je durade sì e no cinc agns"
gjavât fûr di "Tal non di Fausto Schiavi" di Adrian Cescje
vîf adi.
[TS] (sport) De bale, in diviers sports, inmò in zûc
sinonims
bon
vîf s.m.
Persone che e je in vite
esemplis
"il predi al slargjava la binidission sui vîfs e sui muarts"
gjavât fûr di "I cjans di not" di Novella Cantarutti
""Oh ce lusôr di lune plene, un vîf e un muart e cjaminin iniseme""
gjavât fûr di "El pat di sposâsi - Tiaris di Acuilee" di Popolâr
vîf s.m.
Part sensibile dal cuarp o da la anime (ancje fig.)
esemplis
"la tiere sbregade, come feridis sul vîf"
gjavât fûr di "La aghe da pît la cleve" di Dino Virgili
"il sanc i è lât sù tal cjâf e, come se le vessin scoreade sul vîf"
gjavât fûr di "Chei di Muraie" di Pieri Menis
detulis
"al vâl plui un mus vîf che no un dotôr muart"
"cui che al è muart al è in foran, cui che al vîf al mangje pan"
"cui vîf su la cjar muarte, cui sun chê vive, cui sun chê rabiose"
"dulà che no si va di vîfs, si va di muarts"
"fin che si è vîfs no si è muarts"
"fin che si è vîfs si à sperance di viodisi"
"i mus si mangjiju vîfs"
"l'aur al è la sepulture dal om vîf"
"miôr un mus vîf che no un dotôr muart"
"picjâts suntun claut ma vîfs"
"si vîf une volte sole e daspò muarts no si campe une ore"
"trê feminis par cjase: une vive, une muarte, une picjade daûr de puarte"
torne sù

cognons

Florido
Cognon presint a San Florean (comun di Cjasarse), dulà che al è documentât dal 1575 (Luchini, 1995). Al pues vignî dal non di persone Flòrido (dal latin floridus “florît"), ma al podarès ancje jessi un tentatîf di italianizazion, o, miôr, di venetizazion dal non di persone Flurît: di fat, si cjate scrit ancje Floriti e Florito (e duncje al sarès di pronunziâlu Florìdo). Tes pergamenis de plêf di Dardâc (Perfetti e Goi, 1979) al è un Florido q. Davide tal 1368 e un Florido q. Francesco Forte tal 1416. A Barbean, comun di Spilimberc, dal Cinccent al Sietcent si cjatin sedi Fiorito, Florido che Fioritto (Spagnolo, 1994). Tal SL o vin Florida e Floridus de Malacinpicha. La forme feminine Florìda e je a Dilignidis di Soclêf. Tal Schedari Corgnali: 1301 Florido de Ragonia; 1331 nob. Floridus q. Guarienti de Flagonia (Corgnali); 1338 Fluridam uxorem a Manià; secul XIV Flurida uxor Danielis e jere a stâ a Udin; 1412 donna Floridia a San Vît; 1486 Florida uxor a Pordenon; 1525 Matheus Floride a Entrampo; 1667 Toffolo di Florida a Frisanc; 1938 Florida 11 fameis a Dilignidis di Soclêf.
torne sù