Tu âs cirût la peraule
bilengâl monolengâl cognons
Tu âs cirût la peraule
fola
torne indaûr

bilengâl

fola s.f.
  • 1

    s.f. flabe, conte Copie

    [LE] (conte di fantasie o de tradizion popolâr)
  • 2

    s.f. fufigne, stoc, storie, luianie Copie

    [CO] (notizie false, bausie, peteç)
    sono tutte fole! = a son dome storiis oppure stocs!

monolengâl

luianie s.f.
(lu-ia-ni-e)
Preparazion fate di cjar masanade, pal solit di purcit, e insacade in budiei luncs e avonde fins, di mangjâ cuete
esemplis
"passant dongje il buteghîr di place Sant Jacum, ai vedût di chei tocs di panzete, e une file di luianiis che fasevin la biele voie"
gjavât fûr di "L'avocat e la luianie" di Pieri Somede dai Marcs
"servît cu la polente, il litum al va di gale cu la luianie o cul salam intal asêt"
gjavât fûr di "Jerbis salvadiis inte cusine furlane" di Giorgio Pascoli
"a jerin picjadis stangjis di salams e di luianie a suiâ"
gjavât fûr di "Il forest" di Pieri Menis
Viôt ancje: luiane, luanie, luiagne, luagne
luianie s.f.
(lu-ia-ni-e)
Scrit o discors o resonament lunc o simpri compagn e che al interesse pôc (fig.)
sinonims
broade, brût lunc, mignestre, sope, 'suf, panade
esemplis
""Baste, baste, ce luianie, tu mi âs stufât [...]""
gjavât fûr di "Un pugn di moscjis" di Pieri Somede dai Marcs
"a mi mi plâs cence tantis luianiis; o soi pe robe semplice, jo"
gjavât fûr di "Il muc" di Roberto Ongaro
luianie s.f.
(lu-ia-ni-e)
Robe che e ven dite o contade ma che e je false o ilusorie (fig.)
sinonims
bausie, bombe, bufule, buzare, cabule, conte, falope, finte, fote, pancjanade, sflandocje, truc, bale, storie, flabe
esemplis
"che un popul al scjafoi un altri e che al vadi a implantâsi tun paîs forest par «puartâ la civiltât» e je une di chês luianiis che si scrivin sui libris di scuele"
gjavât fûr di "Cuintristorie dal Friûl fin sot la Italie" di Josef Marchet
"e dopo pretindi che la trupe e continui a crodi a la luianie de vuere pe difese de patrie"
gjavât fûr di "Tal non di Raffaella afârs e guviers" di Riedo Pup
detulis
"a son plui dîs che no luianiis"
"cui che al à picjât lis luianiis lis dispicje"
"no si cjate lis luianiis picjadis"
"pal mont no si cjate lis luianiis picjadis"
"Pasche tafanie e je buine la luianie"
"Pasche tafanie si mangje la luianie"
torne sù

cognons

Foladore
Forme venetizade di follatore “foladôr". La foladure e je une operazion par strenzi e indurî lis piecis di lane metintlis sot pression, sfreolantlis e cun azions chimichis midiant di soluzions alcalinis o acits. Foladòr al è ancje cui che al fole la ue. Cognon une vore difondût e presint massime te zone di Vicence; te nestre regjon al è a Gurize. Viodi ancje Folladore. Tal Schedari Corgnali: 1361 q. Siminis folatoris de q.druvio 1505 Simon Folador a Verzegnis; 1517 Antonio Folador a Chiaizis; 1529 Jndri del Folador a Lucinins; 1567 Franc. Folador a Pordenon; 1938 Foladore 9 fameis a Resie, di chestis 7 a Oseac.
torne sù