Tu âs cirût la peraule
bilengâl monolengâl cognons
Tu âs cirût la peraule
folla
torne indaûr

bilengâl

folla s.f.
  • 1

    s.f. int, fulugne Copie

    [FO] (numar grant di personis)
    la piazza era piena di folla = la place e jere plene di int
    una folla di curiosi = une fulugne di curiôs

    s.f. marmaie Copie

    (basse int)
    parole utili per ubriacare la folla = peraulis buinis par incjocâ la marmaie
  • 2

    s.f. sdrume Copie

    [FO] (grup numerôs di int)
    una folla di amici stava intorno ai festeggiati = une sdrume di amîs e steve ator dai festezâts
  • 3

    s.f. sdrume, plene Copie

    [FO] (grande cuantitât di pinsîrs, sintiments e sim.)
    una folla di preoccupazioni = une sdrume di preocupazions
  • 4

    s.f. fulugne Copie

    [TS] sient. (intun di elements di nature varie, pal solit atomics o subatomics)
    consideriamo questa folla di particelle = cjapìn in considerazion cheste fulugne di particulis

locuzions

    bagno di folla
  • bagn di intCopie
    [CO] (il contat di une persone innomenade cun tante int)
    quando l'attrice è arrivata in piazza, l'aspettava un bagno di folla = cuant che la atore e je rivade in place, le spietave un bagn di int

monolengâl

plene s.f.
(ple-ne)
Nivel massim o nivel une vore plui alt dal normâl che e rivin lis aghe di un flum, in gjenar par vie di ploie fuarte e seguitive
sinonims
montane, brentane
esemplis
"che anzit, la plene de Fele, jessude rabiose tal 2003 a mangjâ fûr Valcjanâl e Cjanâl dal Fier, nus servissi di insegnament"
gjavât fûr di "Cuintristorie dal Nûfcent 2000-2010" di Angelo Floramo
"l'Ariul, cu lis plenis de ploie o l'intric sut dai siei claps, i lens indarintâts e la tiessidure de cise, al jere un bon confin"
gjavât fûr di "La aghe dal Ariul" di Maria Forte
"al rivà sul ôr dal Cormôr in plene"
gjavât fûr di "Vigji il cuintribandîr" di Pieri Menis
plene s.f.
(ple-ne)
Grande cuantitât di personis che a jemplin un puest
sinonims
fuligate, sdrume, daidai, pestefole, pestefruce, badaluc, drughe, flote, frache, fulugne, grum, sdrum, colmace, fole
esemplis
"in glesie, Messe grande cjantade, in tierç, une plene di chês, fintremai difûr sot i olms dal sagrât"
gjavât fûr di "La aghe da pît la cleve" di Dino Virgili
"[la opare] jersere è lade in sene, / e o vin vût une plene!… / L'istès che lis sardelis erin fis"
gjavât fûr di "Bolzan e la sô sagre" di Pieri Çorut
plene s.f.
(ple-ne)
Grande cuantitât o intensitât di cualsisei robe o fenomen (fig.)
sinonims
montane, brentane, colme
esemplis
"lis peraulis no rivaressin a esprimi la plene di ce che il cûr al rive a sintî"
gjavât fûr di "Trê feminis" di Gianni Gregoricchio
plene s.f.
(ple-ne)
Grande bevude di alcolics, cun ducj i efiets produsûts dal alcul (pop.)
sinonims
cjoche, simie, çusse, pipine, bale, plombe, susine, piruce, strissule, parussule, civuite, sfisie, steche, sborgne, cuete, implombade, incjocade, invreasade, sbrosigne
esemplis
"ogni sere al è in plene"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"“Ce plene, cjo!” “Eh, sì!” “O ai ancjimò il cjâf grues tant che une coce marine… Ce ore jerie?”"
gjavât fûr di "Il pari" di Laurin Zuan Nardin
detulis
"daspò cene une prese di tabac e fâs la plene"
"no si da mai la rassade se no je plene la mezine"
"un biel predicjâ il dizun a panze plene"
torne sù

cognons

Folla
Fole, cussì come fol, al vûl dî “fol". Dut câs, nol è di escludi une derivazion par aferesi di (To)fola, feminin di Tòful, che al è la forme aferetiche di Cristòful “Cristoforo". La scriture Folla par Fola e jere te prassi dai scrivans di une volte che a vevin gust di zontâ cualchi dople. Cognon tipic di Aquilee; al è ancje a Çarvignan, Vile Vicentine, San Ganzian.
fonts
1805 Antonio Folla a Percoto (Corgnali); 1809 Giacomo Folla colono in Ruda (ASU Della Torre/B 30).
Folladore, Folledore
Come Foladore (viodi). Tal 1439 un Nicolò q. Odorico folladore al jere a stâ a Povolâr, tal atuâl comun di Comelians (Gortani, 1898). La forme Folladore si le cjate a Gardiscje; Folledore a Bertiûl.
fonts
1655, ai 28 di Jugn Gherardo Folladore da Sacile (ACAU – Inc. pr. 294); 1776 Antonio q. Ant. q. Dom. q. Ant. Folledore da Oseacco sposa Zuana di Zuanne Buttulo (Filze); 1780 Maria di Domenico di Lenart detto Vanot da Oseacco sposa Antonio Folledor (Filze).
torne sù