Tu âs cirût la peraule
bilengâl monolengâl
Tu âs cirût la peraule
fortunale
torne indaûr

bilengâl

fortunale s.m., adi.
  • 1

    s.m. burascje, burlaç Copie

    [CO] (manifestazion atmosferiche estreme cun precipitazions e aiar une vore fuart)
    la nave era sballottata dal fortunale = la nâf e jere sdrondenade de burascje

monolengâl

burlaç s.m.
(bur-laç)
Manifestazion atmosferiche cun precipitazions e aiar une vore fuart
sinonims
bissebove, bovadice, burascjade, codebuie, rogan, seon, sgoif, straleche, stravint, tristimp, rogant
esemplis
"tirait dongje i fens che vuê si distache un brut burlaç"
gjavât fûr di "La tiere di Lansing" di Maria Forte
"il burlaç al coreve come une magne vosant dal mâr aes montagnis e si ribaltave su la tiere di fâle tremâ"
gjavât fûr di "Par stradis lungjis" di Alan Brusini
"Zuan al jere il vêr sapient dal timp. O vuei dî dal tristimp, dal burlaç, dal stravint, dal tulmignon, de bovadice, de codeboie. Un mestri tal sintî prime di ducj la burascjade, tal nasâ la tampieste"
gjavât fûr di "La rive di Sant Pieri" di Maria Forte
burlaç s.m.
(bur-laç)
Situazion di contrast fuart, barufe violente (fig.)
sinonims
barufe, montafin
esemplis
"e someave une robe di passaç, un burlaç come ducj, ma invezit se veve segnade daûr de orele. Di in chê dì no mi à mai dit une peraule, ni a gustâ ni a cene, ni in glesie ni fûr"
gjavât fûr di "Pre Pitin" di Antoni Beline
burlaç s.m.
(bur-laç)
Cundizion o situazion dificile o pericolose (fig.)
esemplis
"no ducj chei siôrs aquileiês che a jerin scjampâts là jù [a Grau], a tornarin indaûr dopo passât il burlaç [la invasion dai Uns di Atile]"
gjavât fûr di "Cuintristorie dal Friûl fin sot la Italie" di Josef Marchet
"l'an passât si sintive ancjemò la clime dal dopovuere: robariis ogni gnot, cualchi sclop di revolvar o di sten dibot ogni sere [...]. Cumò al pâr istès che il burlaç si sei un fregul dislontanât: si fâs un passut a la volte"
gjavât fûr di "Lis predicjis dal muini" di Josef Marchet
burlaç s.m.
(bur-laç)
Savoltament psicologjic e morâl (fig.)
sinonims
messedament, mulin, rivoltament, savoltament, conturbie
esemplis
"te lôr anime dome burlaç; massime in chê dal vieli, scjassade di chê gnove cence misure [che il fi al ves copade une femine]"
gjavât fûr di "La gnot di Radeschi" di Maria Forte
detulis
"daspò dal burlaç al ven il soreli"
"ogni maridaç il so burlaç"
torne sù
torne sù