Tu âs cirût la peraule
bilengâl monolengâl
Tu âs cirût la peraule
frangia
torne indaûr

bilengâl

frangia s.f.
  • 1

    s.f. franze, pinie Copie

    [AD] (furniment di viestis o blancjarie di cjase, fat di strichis minudis di tiessût che a vegnin fûr dal ôr)
    un asciugamano con la frangia = un suieman cu la franze oppure cu la pinie

    s.f. franze, pinie Copie

    (ornament ricamât o a crossè zontât sul ôr di un tiessût)
    una tovaglia con la frangia di pizzo = un mantîl cu la franze di picet
  • 2

    s.f. franze, pinie Copie

    [AD] (çuf di cjavei sul cerneli)
    tagliarsi la frangia = taiâsi la franze oppure la pinie
  • 3

    s.f. creste Copie

    [CO] (zonte, bilisie, ornament fat a di un scrit)

    s.f. creste Copie

    (particolâr precîs di un fat contât)
    raccontando aggiunge spesso molte frange di fantasia = contant al zonte dispès tantis crestis di fantasie
  • 4

    s.f. ale Copie

    [CO] (tal lengaç politic, piçule fazion dentri di un partît o di un moviment)
    una frangia estremista = une ale estremiste
  • 5

    s.f. franze Copie

    [TS] ot. (tai fenomens di interference e difrazion, ognidune des bandis luminosis e scuris alternadis)
  • 6

    s.f. franze Copie

    [TS] gjeogr. (no com., fasse viers l'esterni di une regjon)
  • 7

    s.f. franze Copie

    [TS] gjeofis. (part de atmosfere de Tiere esterne, li che e passe a la corone solâr esterne)

monolengâl

ale s.f.
(a-le)
Orghin dal svol dai uciei o ancje di altris animâi
esemplis
"il colomp, par un moment, al restave incjantât, al bateve lis alis par tornâlis a industriâ"
gjavât fûr di "Cjase di Dalban" di Maria Forte
"la pavee cu lis alis come l'arc di sant Marc"
gjavât fûr di "Un bosc cence colôrs" di Franca Mainardis
" il fol sgangagnât al someave un gnotul cu lis alis a bandon"
gjavât fûr di "Come tai romançs" di Alan Brusini
Viôt ancje: svuale
ale s.f.
(a-le)
Tai di cjar dai uciei, che al corispuint al lôr orghin par svolâ
esemplis
"o vin mangjât une mignestrine di fidelins, mieze ale di poleç, un panetin fof"
gjavât fûr di "Viaç a Vignesie" di Arturo Feruglio
ale s.f.
(a-le)
[CO] (aer.) Part dal avion che e fâs di sostegn aerodinamic
esemplis
"l'avion al cjapave scûr e aiar tes alis viertis"
gjavât fûr di "Cjase di Dalban" di Maria Forte
"o sin stâts colpîts te ale di man çampe!"
gjavât fûr di "Sense" di Checo Tam
ale s.f.
(a-le)
Orghin di moviment dai pes
sinonims
alute
esemplis
"[i pes] a movevin a pene a pene lis alis"
gjavât fûr di "A pescje tal suei" di Lucio Perès
ale s.f.
(a-le)
Situazion protete, controlade, ma ancje sometude a une autoritât (fig.)
sinonims
difese, favôr, protezion, ripâr, sotet
esemplis
"lui al vûl ducj cuiets e mugnestris sot lis alis dal Imperial Regio Governo"
gjavât fûr di "Int di masnade" di Alviero Negro
"a rivavin des vilis lontanis, cressudis sot lis alis de Plêf antighe"
gjavât fûr di "La aghe da pît la cleve" di Dino Virgili
ale s.f.
(a-le)
Part dal cjapiel che si slargje infûr
esemplis
"- Bundì, siôr cont - cu la man dongje la ale dal cjapiel, parcè che e je creance saludâ"
gjavât fûr di "La aghe da pît la cleve" di Dino Virgili
ale s.f.
(a-le)
Part laterâl o che e da infûr di un alc
sinonims
bande, braç, branc
esemplis
"la fabriche e lassave viodi i segns de violence: une ale sdrumade dal fûc, i veris dai barcons ducj fracassâts"
gjavât fûr di "Sul agâr" di Pieri Menis
"si à cirût di fâ sunâ chei grups che a volevin intune des dôs alis dal capanon o pûr ancje tai doi tendons"
gjavât fûr di "La maree nere" di Checo Tam
ale s.f.
(a-le)
[TS] (edil.) Ogni plan inclinât dal cuviert
esemplis
"al jere ancjemò frediç sot chê ale di tet mâl dât dongje"
gjavât fûr di "La aghe da pît la cleve" di Dino Virgili
"il gjat, passant dongje dal stali di mestri 'Sef, a si decît a sgripiâsi sù pal tet, che cu lis alis di paie al tocjave cuasi par tiere"
gjavât fûr di "Il prin gjat a Glemone" di Luigi Gortani
ale s.f.
(a-le)
Part di un barcon o di une puarte che si cumbine cul telâr
esemplis
"lis frutatis si intardin [...], si fermin sot une ale di puarton a ridi a fuart"
gjavât fûr di "La aghe da pît la cleve" di Dino Virgili
ale s.f.
(a-le)
[TS] (milit.) Part laterâl di un esercit tal cjamp di bataie
ale s.f.
(a-le)
Tal lengaç politic, piçule fazion dentri di un partît o di un moviment
sinonims
bande, fazion
esemplis
"il no dal re piemontês aes cinc domandis fatis indenant dal Parlament sart al da plui fuarce ae ale radicâl dal moviment patriotic "
gjavât fûr di "Oms di libertât" di Carli Pup
ale s.f.
(a-le)
[TS] (sport) Fasse laterâl tun cjamp di balon o di altris sports di scuadre
esemplis
"o vin provât a butâ jù la nazionâl di chenti di simpri: in puarte Dino Zoff, difese a cuatri cun Tarcisio Burgnich, Fulvio Collovati, Ivano Blason e Alfredo Foni; su lis alis Gino Colaussi e Ezio Pascutti [...]"
gjavât fûr di "Zuiadôrs furlans te storie de nazionâl di balon" di Feliciano Medeot
ale s.f.
(a-le)
Contor di clâr che si viôt ator di une lûs
esemplis
"il pavêr dal ferâl al veve une ale curte di lusôr"
gjavât fûr di "Sul cjar di Pauli Gurin" di Maria Forte
ale s.f.
(a-le)
Sensazion no masse ben definide causade di alc o di cualchidun
sinonims
ombre, atmosfere, clime, espression, lûs, ande
esemplis
"chês vôs, cussì, di colp, in chel cidin di lune, a metin intor ne sì ne no, une ale di contentece, une vene di ligrie"
gjavât fûr di "Sabide di fruts" di Dino Virgili
"cemût mai cheste ale di misteri?"
gjavât fûr di "Lis peraulis furlanis spiegadis... par inglês" di Dree Venier
ale s.f.
(a-le)
Ande di superioritât
sinonims
paronance, prepotence, presunzion, ande
esemplis
"al alçà il cerneli e vie cul stomi infûr, cuntune ale di braùre"
gjavât fûr di "La aghe da pît la cleve" di Dino Virgili
"ce ale, eh, chei Batistons!"
gjavât fûr di "La aghe da pît la cleve" di Dino Virgili
detulis
"cui che al scjampe al à lis alis"
"la gjambe dal poleç e la ale dal cjapon"
"o vin une ale di pâs e une di salût"
"prin di dî une peraule, bisugne bati la ale tant che il gjal"
torne sù
torne sù