SuperDizionari

Tu âs cirût la peraule

fregiare

bilengâl

fregiare v.tr.

onorâ v.tr.
(o-no-râ)

Dâ onôr, ricognossi i merits cun rispiet e amirazion, ancje in mût public e uficiâl

esemplis

"la Italia, vignuda tal so paîs, si à recuardât di dut al ben che la Catinuta a veva fat e la à onorada come che meretava"

gjavât fûr di "Catinuta" di Ugo Pellis

"parfin i citadins di Udin a vevin onorade la blave e a vevin clamât cul so non une biele place de citât"

gjavât fûr di "I furlans e la blave" di Riedo Pup

onorâ v.tr.
(o-no-râ)

Jessi motîf di onôr

esemplis

"no je chê la int che e onore la tiere dai siei paris"

gjavât fûr di "Fevelâ par dibant" di Josef Marchet

""Che al lavori, Ferui, e che si tormenti, par onorâ la Furlanie !…""

gjavât fûr di "Can da la ue di Titute" di Arturo Feruglio

onorâ v.tr.
(o-no-râ)

Compuartâsi in maniere di fâ viodi che si presein i merits, lis cualitâts di cdn. o la sô persone, ancje in formulis di cortesie o sim.

esemplis

""Che al sepi che il governadôr… al onore dispès la nestre cjase… e nus è facil rivâ fin a Viene… a nô…""

gjavât fûr di "Int di masnade" di Alviero Negro

onorâ v.tr.
(o-no-râ)

Rispietâ e meti in vore i tiermins di un contrat, di un acuardi, di un impegn e sim.

esemplis

"i tornave tal cjâf il pat fat cul diaul e al viodeve, ogni dì di plui, a vignî dongje la ore di scugnî onorâlu"

gjavât fûr di "Cretevierte" di Roberto Ongaro

"pre Bepo al è lât predi parcè che al jere convint de sô vocazion e de sô mission e al à onorât par dute la vite cheste sô sielte"

gjavât fûr di "Mestri di resistence inteletuâl" di Antoni Beline

detulis

"cui che al onore i abits, i abits a onorin il paron"

"onorimi se tu vûs che ti onori"

torne sù