Tu âs cirût la peraule
bilengâl monolengâl cognons
Tu âs cirût la peraule
frego
torne indaûr

bilengâl

frego s.m.
  • 1

    s.m. tai, tres Copie

    [CO] (segn, linie di pene, di lapis, massime par scancelâ o par ruvinâ)
    cancellare i nomi degli eliminati con un frego = scancelâ i nons dai eliminâts cuntun tres
  • 2

    s.m. mont, davoi, grum, tasse, sglavinade, sglavin Copie

    [CO] (in loc.av., cun denant l'art.indef., cuantitât grande)
    alla festa c'era un frego di gente = te fieste al jere un sglavin di int
  • 3

    s.m. tai, sfris Copie

    [BU] (segn, cicatrîs che e ruvine la muse o altris parts dal cuarp)

    s.m. vergogne Copie

    [OB] (pont di disonôr)

monolengâl

vergogne s.f.
(ver-go-gne)
Sintiment di turbament e mortificazion profonde che al à cdn. o par vê vude esponude la sô intimitât o savint che un compuartament o une situazion che lu rivuardin a son mâl judicâts
esemplis
"jê che e veve cjapât sù tal pecjât, sepulide vive te vergogne dal disonôr"
gjavât fûr di "La aghe da pît la cleve" di Dino Virgili
"ce vergogne che lis lôr rognis a vessin passât lis puartis di cjase!"
gjavât fûr di "La tiere di Lansing" di Maria Forte
"la pôre dal doman si zontave a la vergogne di jessi li a slungjâ la man come un puar"
gjavât fûr di "Prime di sere" di Carlo Sgorlon
Viôt ancje: vergonze
vergogne s.f.
(ver-go-gne)
Sens di imberdei, di sudizion, di protezion di se stes e v.i. tipic des personis timidis
sinonims
pudôr, sudizion
esemplis
"chel pinsîr i smolà lis lagrimis, cence vergogne"
gjavât fûr di "Cjase di Dalban" di Maria Forte
"l'amôr e la vergogne no van dacuardi intai paîs e cussì lôr a son lâts vie, bandonant la compagnie, lis cjacaris e lis scusis"
gjavât fûr di "Faliscjis" di Cristina Noacco
"al veve un pocje di vergogne a vierzi dal dut il so cûr"
gjavât fûr di "Il sium di Lissandri" di Franca Mainardis
vergogne s.f.
(ver-go-gne)
Pierdite dal onôr, dal rispiet public
sinonims
disonôr
esemplis
"tu no stâ contâle a di nissun, nancje a Nene, che i miei fruts no sepin mai, mai il pês de vergogne che je colade su la nestre cjase"
gjavât fûr di "Resurezion a Pontinie" di Pieri Somede dai Marcs
vergogne s.f.
(ver-go-gne)
Cjosse o persone che e je cause o reson di disonôr
sinonims
infamie, vituperi
esemplis
"si cjamin la cussience di colpis, di vergognis, di birbantariis"
gjavât fûr di "Lis predicjis dal muini" di Josef Marchet
"a misdì al jere za çurul e la sere in bale. «Tu sês une vergogne… » e tontonave done Pine"
gjavât fûr di "Chei di Muraie" di Pieri Menis
vergogne s.f.
(ver-go-gne)
Ancje e soredut tal pl., lis parts intimis (eufem.)
esemplis
"o cirivi di taponâmi lis vergognis tirant injù la maie che mi rivave sì e no al boton de panze"
gjavât fûr di "I forescj" di Alan Brusini, Gian Paolo Linda
""Cjo un peçot, biadaç - dissal - taponiti almancul la vergogne!" e i butà un sbrendul di cjamesate che se leàs tor la panze"
gjavât fûr di "Titon dai siet pecjâts mortâi" di Dino Virgili
detulis
"cuant che la ambizion e galope, la vergogne e monte in grope"
"cui che al vîf cence onôr al mûr cence vergogne"
"prometi e no mantignî e je vergogne di no dî"
"tante vergogne a domandâ che a neâ"
torne sù

cognons

Fregolènt
Si lu cjate tal Friûl ocidentâl e al ven de zone di Trevîs (slargjât massime a Pieve di Soligo e Sernaglia della Battaglia); di interpretazion no clare (CI 797).
Fregonese
Al vûl dî di cualchidun che al è "origjinari di Fregona", comun de provincie di Trevîs e ancje frazion di Canale d’Agordo (BL). Cognon avonde difondût tal Venit (presint a man çampe de Plâf tal secul XVI); te nestre regjon al è a Cordenons, Daçan, Pordenon, Roncjis di Monfalcon, Purcie, Udin, Gurize, San Vît, Çarvignan. Tal 1575 Antonio Fregonese a Vinûf di Fontanefrede; tal 1713 Lorenzo Fregonese, cameraro della Fraterna della B.V. della Centura di Dannon (ASU CRS 6).
Fregonàs
Probabile variante di Fregonese (viodi), ven a stâi “origjinari di Fregona ", comun de zone di Trevîs e frazion di Canale d’Agordo (BL). I etnics formâts cul sufìs -às no son tant rârs: glemonàs (di Glemòne), vasinàs (di Vasìnas “Vasinis" tal comun di Trasaghis), peonàs (di Peònis tal comun di Trasaghis), vençonàs (di Vençon), e v.i. Il cognon si lu cjate a Fontanefrede (tal 1575 un Antonio Fregonese a Vinûf) e a Sacîl.
fonts
1579 al nas a Cjanive Zuan-Angelo Fregonas di Battista e di Ursula Masutti q. Pietro (Luchini 1997); par Luchini: di Fregona di San Cassiano sul Meschio. 1774 Zandomenico q. Pietro Fregona, debitore Fraterna del SS.mo Rosario di Coltura di Polcenigo (ASU CRS 195/4); 1815 Valentin Pollet di Pasquale nato a Cavolano nel 1794, villico, sposa Antonia Fregonàs nata a Francenigo e figlia di Andrea di Sacile (A.P. Sacîl); 1817 muore Sebastiano Fregonàs di Antonio di anni 34, villico, vativo di S. Cassiano di Mesco e domic. in Sacile (A.P. Sacîl); 1826 Lorenzo Fregonas nato in Sacile nel 1804, villico, figlio di Pietro di Fratta, sposa Pasqua Maso nata in Cavolano nel 1805 e domic. in Sacile, villica, figlia di Francesco di Fregona (A.P. Sacîl).
torne sù