Hai cercato la parola
bilingue monolingue
Hai cercato la parola
frequentato
Torna indietro

bilingue

frequentato ,
  • 2

    adi. plen, frecuentât Copia

    [CO] (di lûc, locâl public, localitât, li che e va tante int)
    un ristorante molto frequentato = un ristorant un grum frecuentât oppure un ristorant simpri plen

monolingue

plen adi.
Di contignidôr o spazi, che al à dentri dut ce che al pues tignî
sinonimi
colm, folcjât, incolm, jemplât
esempi
"un buinç cjamât di doi cjaldîrs di ram plens di aghe"
da "Grivôr" di Franca Mainardis
"salams e formadi e polente e socol e boçons plens di vin"
da "La "Fieste dai Roncs"" di Meni Ucel
"si vicinà a la statue de Madone, al cjalà il plat plen di palanchis e di vincjutis e a 'nt cjapà sù dôs sgranfis"
da "I furlans e lis sagris" di Riedo Pup
plen adi.
Che al à tantis robis dentri, intor, parsore e v.i.
sinonimi
fodrât, folcjât, colm, incolm, jemplât
esempi
"mio barbe ornitolic, vedran, al viveve cu la mari (mê none) intune cjase plene di grabatui, libris, gjornâi, scjaipulis"
da "MILAGRO!" di Checo Tam
"la sô femine ae casse [...] pronte sui bêçs cu lis mans plenis di anei, a contâju, a sierâju tal cassetin che al sune"
da "Par stradis lungjis" di Alan Brusini
plen adi.
Che al à bondance di alc, sedi in riferiment a robis materiâls che a robis imateriâls
sinonimi
cjamât, cjariât
esempi
"la none [di Casanova] lu jude ancje plui indevant, cuant che al è a studiâ ae Universitât di Padue e al è, come ducj i students, plen di debits"
da "Friûl e furlans te Histoire de ma vie di Giacomo Casanova" di Pierluigi Visintin
"al jere plen di storiis e barzaletis di contâ, adatis a cualsisei situazion"
da "Ombris tal infinît" di Carlo Sgorlon
"une zornade plene di novitâts"
da "Loreak, flôrs e cinise" di Fabian Ros
""Lassimi stâ, cjâr tu: o soi plen di facendis""
da "Florean dal Palaç, I, 6" di Guido Antonioli
plen adi.
Che al à une carateristiche, une sensazion, un sintiment e v.i. che si fâs sintî cun grande fuarce (fig.)
esempi
"ducj i fruts si strenzevin un cul altri plens di pôre"
da "La aghe dal Ariul" di Maria Forte
"poesiis, a voltis umoristichis, a voltis plenis di amôr pe nature"
da "Pieri Çorut" di Roberto Jacovissi
""Mi pâr che ogni robe e à la sô fin e che cui che nol mûr, si tornilu a viodi! " - al sentenziave Checo, plen di sodisfazion"
da "Cretevierte" di Roberto Ongaro
plen adi.
Che al à mangjât tant (fam.)
sinonimi
passût, suplît, sglonf
esempi
"a Mestre a van a mangjâ. [...] une pacjade di pes di mâr, che il frutat al jere plen come un gût"
da "Pieri dì Remanzâs in gjite" di Anonim
plen adi.
Che al à bevût tant di robe alcoliche (fam.)
sinonimi
cjoc
esempi
"cuant che tu sês plen, tu tornis a cjase misurant la strade e fevelant a fuart di bessôl"
da "Lis predicjis dal muini" di Josef Marchet
"daûr, tal puest nobil / tal lûc di favôr / plui plen di une cope / al rugne el Dotôr"
da "Ai piombi" di Romeo Battistig (?)
plen adi.
Che al è fat di materiâl ancje dentri, che nol è vueit
sinonimi
penç
esempi
"modons plens"
plen adi.
Ben in cjar
sinonimi
cicinôs, penç, stagn, tarondin, taront, toful, fis, salt, dûr, sglonf
esempi
"a viodilu te lûs cuiete dal mezât, la muse plene, la vôs mosside e la cjaladure turchine, al dave cussins a la anime"
da "L'aventari pal barcon" di Maria Forte
"un sen plen tant che il marmul"
da "Eivissa mon amour" di Fabian Ros
plen adi.
Di timp, che al è za indevant o che al è tal moment plui alt o centrâl
esempi
"a jevavin denant dì in plen Invier; ancje parcè che al jere plui frêt te cjamare cu lis lastris di carton, che no abàs, in cjase o te stale"
da "I furlans e i frutins" di Riedo Pup
"o vevi viodût un gnotul che mi svolave parsore dal cjâf in plene dì"
da "Neapolis" di Checo Tam
plen adi.
Tal fem., che e spiete un piçul o un frut (pop.)
sinonimi
dopli, incinte, gravide
esempi
"a àn veglât te stale tantis gnots in spiete che al nassi un vidielut, no coparan mai une manze plene"
da "Ocjo di no pintîsi" di Riedo Pup
"ogni volta che al torna, ogni volta i soi plena / - un frut inta panza e vot sù pa schena"
da "Taresia di Val Vezil" di Giorgio Ferigo
plen s.m.
Part centrâl o fase plui alte, fuarte, complete e v.i.
sinonimi
colm, cûr
esempi
"la ocasion che al spietave e rivà tal plen dal Istât"
da "Cretevierte" di Roberto Ongaro
"o cirivi di figurâmi mê mari cul so pas franc, intal plen de sô zoventût - cussì, cemût che mi visavi di une fotografie di chei agns"
da "Trê feminis" di Gianni Gregoricchio
plen s.m.
Cjarie complete
esempi
"al torne indaûr cul plen di benzine e cuntune steche di spagnolets"
da "Zenvrâr. Il mês dal Unpardoi" di Bete di Spere
plen s.m.
Misture di mangjative, pal solit taçade o masanadis, che si met dentri di pastis, tortis, cjar e v.i.
sinonimi
farse
esempi
"il strudel cussì bon, cul plen che al si dislideva in bocja"
da "Il pan da la Guda" di Novella Cantarutti
"dindiat cul plen"
da "Menù di Natale - Friuli nel Mondo, XIV, 374" di Anonim
proverbi
"al fale ancje l'altâr sul predi cun dute la int plene di glesie"
"cjantâ no si po ben cuant che il stomi nol è plen"
"di bogns proponiments al è plen cjadaldiaul"
"di buine volontât al è plen cjadaldiaul"
"il cjamp plen di jerbaç e il prât grintôs a palesin il paron oziôs"
"il cjamp plen di jerbatis e il prât grintôs a palesin il paron oziôs"
"in cjase plene si sta pôc a fâ di cene"
"l'om al cjante cuant che al è plen e la bote cuant che e je vueide"
"la canicule se e cjate vueits i agârs ju implene, se ju cjate plens ju disvuede"
"no si po vê il caratel plen e la massarie cjoche"
"no si po vê la femine cjoche e il caratel plen"
"o di fen o di vene la panze e à di sei plene"
"o di stranc o di fen, il stomi al à di sei plen"
"panze plene no i crôt a panze vueide"
"par che al sedi plen bisugne che al spandi"
"pôc e bon e plen un podin"
"si da la rassadorie cuant che e je plene la misure"
"si sta pôc a fâ di cene cuant che la cjase e je plene"
"stale plene e cjast plen, stale vueide e cjast vueit"
"une volte plui valeve cui che lungje le saveve, cumò al vâl ogni cretin che al à plen il so tacuin"
Torna in Cima
Torna in Cima