Hai cercato la parola
bilingue monolingue cognomi
Hai cercato la parola
frescura
Torna indietro

bilingue

frescura
  • 1

    s.f. fresc, frescum, frescure Copia

    [CO] (clime, temperadure biele frescje)
    godersi la frescura della sera dopo un caldo giorno d'estate = gjoldisi il fresc de sere dopo di une dì cjalde di Istât

monolingue

fresc adi.
Che al à temperadure avonde basse, cence rivâ a jessi frêt e podint ancje jessi plasevul
esempi
"al jere cuasi scûr te sere frescje di Setembar"
da "I forescj" di Alan Brusini, Gian Paolo Linda
"l'aiar net, fresc, daspò di une gnot di burlaçs, la matine biele"
da "Cjantâ pe vile" di Laurin Zuan Nardin
"la bire che e coreve jù frescje pal gargat"
da "Une letare par Bepo" di Pieri Menis
fresc s.m.
Temperadure avonde basse ma che e pues ancje jessi plasevule
esempi
"l'ultin toc di strade prin dal rocul al jere ombrenûl, e il so fresc mi à fat ben"
da "Memoriis di politiche linguistiche" di Adrian Cescje
fresc s.m.
Puest o cundizion dulà che la temperadure e je avonde basse, ma e pues fâ plasê
esempi
"chê zoventût se gjoldeve tor une taule ben furnide di grazie di Diu, culà al fresc sot une piargule di ue nere"
da "La Madalene" di Zuan Lurinçon
"e une butilie di blanc, ise za in fresc?"
da "SIP" di Laurin Zuan Nardin
"sentaitsi intant ca difûr al fresc sun chest scagnut"
da "Meni Fari" di Luigi Gortani
fresc s.m.
Di alc di mangjâ, a pene fat, prontât, metût in vendite, cence procediments di conservazion
sinonimi
gnûf, zovin
esempi
"la Cinccent di Rino, che e procurave il pan fresc ogni buinore a dute la mularie"
da "Faliscjis" di Cristina Noacco
"o stevi miôr sì, là sù, cui miei, in mieç des monts, a passon cu lis pioris, pan di siale, lat fresc, lat piât, aghe risultive"
da "Lassait che mi sbrochi!" di Pieri Somede dai Marcs
"une fuiace di farine di sorc cuinçade cun spongje frescje"
da "Chei di Muraie" di Pieri Menis
"se o cjolês un folp fresc, netaitlu de robe di dentri e conzelaitlu: in cheste maniere la cjar e sarà plui tenare"
da "Polbo á feira – Folp a la galiziane" di Sandri Carrozzo
"lis comaris i puartavin cui un salam, cui un pôcs di ûfs frescs, cui un balet di spongje, cui une gjaline, cui un mezut di farine"
da "Il miracul des panolis" di Angelo Covazzi
fresc adi.
Di rosis, a pene viertis e ancjemò su la plante, o a pene cjoltis sù e no secjadis
esempi
"la balaustre plene di rosis frescjis"
da "Chei di Muraie" di Pieri Menis
"e veve intorsi il plui biel vistît de fieste e une rose frescje tai cjavei"
da "Il cûr te tiere" di Dino Virgili
fresc adi., s.m.
Di vernîs, tinte, stabilidure e v.i., dade sù di pôc
sinonimi
resint
esempi
"al veve une vecje Torpado mieze rusine e cu lis mantiis di cuar. Le veve pene piturade cuntun lavôr “a cjandele” ven a stâi al veve brusât la vernîs frescje fasint des riis"
da "La muart e Svualdin" di Milio dai cjans
fresc adi.
Resint, nassût, vignût, sucedût di pôc, o che al à a pene fat une cierte azion e v.i.
sinonimi
crei, de ultime ore, di zornade, gnûf, gnûf resint, resint
esempi
"voie di fermâsi par pognisi su la jerbe frescje e lassâ che il mont al vadi par so cont"
da "Trê feminis" di Gianni Gregoricchio
"a àn cjapât il troi dal Fontanon par scurtâle, pescjant la nêf frescje colade vie pe gnot"
da "Funerâl a Pâl Piçul" di Pieri Menis
"e jere in jê une voie frescje di doprâsi par une famee dute sô"
da "Cjase di Dalban" di Maria Forte
"se moche [...] convint di vê vût da fâ cuntun mat vignût fresc fresc di Sant Svualt"
da "Viaç a Vignesie" di Arturo Feruglio
"masse grant il displasê, masse fonde la feride, masse fresc il fat"
da "Cretevierte" di Roberto Ongaro
fresc adi.
Cun daspò la prep. "di", al pant une cundizion o azion a pene finide
esempi
"vin di lâ insiemi là di chê femine frescje di part, che no somee tant ben"
da "Vilie di Nadâl" di Pieri Somede dai Marcs
"la bataie pe costituzion de Universitât in Friûl, che e jere frescje di un grant sucès"
da "Un Friûl difarent: i 90 mhz di Onde Furlane" di Max Mauro
"la Cjarte Costituzionâl de Republiche taliane, ancjemò frescje di ingjustri, e stabilìs un ordenament autonomistic pes regjons che a formin il Stât"
da "...e la leç e je salve" di Josef Marchet
"cence savê si inacuarzè di cjareçâ chel mûr fresc di malte"
da "Il mâl dal mûr" di Lucio Perès
fresc adi.
In fuarce, in salût, par vie di no jessi stât fruiât dal timp o di alc di brut
sinonimi
biel, florît, in flôr, in salût, prospar, resint, rubest, san
esempi
"musis zovinis cun bocje frescje e voi plens di lûs"
da "Cjase di Dalban" di Maria Forte
"cuant che lu à menât dongje, [il mus] al jere dibot un puieri, fresc e vivarôs tant che l'arint vîf"
da "Lis predicjis dal muini" di Josef Marchet
"cul passâ dai agns, si fasìn simpri plui debii, simpri plui smamîts, simpri plui flaps e la nestre piel frescje e devente come peleote"
da "I mîts di Babylonie" di Checo Tam
"che l'amôr fresc che o vês vuê no us bandoni mai te vite"
da "Cuant che tal matrimoni al è l'amôr cristian, li al è verementri Diu" di Francesc Placerean
fresc adi.
Che al à lis bielis cualitâts di ce che al è gnûf
esempi
"chel aiarin imbombât di odôrs frescs e gnûfs"
da "La "Fieste dai Roncs"" di Meni Ucel
fresc adi.
Di cdn., che al à ancjemò fuarcis, no strac
sinonimi
distracât, in forme, in fuarce, in salût, polsât, svelt
esempi
"Eliseo al le sù cence fature, par vie che al jere ancjemò fresc di fuarcis"
da "Prime di sere" di Carlo Sgorlon
"mandâ reparts frescs sul front"
fresc adi.
Naturâl, spontani, no artificiôs, no masse elaborât
sinonimi
spontani, vîf, vivarôs, gjenuin, naturâl
esempi
"un mût di scrivi fresc e svelt"
fresc s.m.
[TS] (pit.) Strât di stabilidure no sut dal dut che si piture sore cun colôrs a aghe
fresc s.m.
[TS] (tess.) Tiessût lizêr di lane par vistiari estîf
proverbi
"a cjaval vieli i plâs la jerbe frescje"
"e vâl plui une rose frescje che no un scovul"
"il pes al vûl fresc"
Torna in Cima

cognomi

Frescura
Raro cognome di difficile interpretazione. Sappiamo solo che nel 1295 è documentato un Frescura (nome di persona) de Toriano (Torreano presso Cividale). Nel 1318 Daniele cramaro dicto Frescura da Gemona; nel 1700 documentato in Cadore (Biasutti). Nello Schedario Corgnali: 1288 Odolrico Bugesii frescura de Civitate; 1295 Frescura de Toriano; 1815, 15 luglio Osualdo Frascura detto Riz fu Osualdo, nato nel 1776 in Grea Provincia di Belluno, mugnajio, vedovo di Cattarina Zambelli, cattolico, sposa Maria Barnabò-Fontana nata a Domegge nel 1791 (A.P. Domegge di Cadore). Si trova a Gemona e Cividale, ma è soprattutto cadorino.
Torna in Cima