Hai cercato la parola
bilingue monolingue
Hai cercato la parola
frizzare
Torna indietro

bilingue

frizzare
  • 1

    v.intr. becâ, becâ in bocje Copia

    [CO] (massime di robe di bevi, piçâ in bocje par vie des bufulutis di gas)
    una limonata che frizza = une limonade che e beche in bocje
  • 2

    v.intr. piçâ Copia

    [CO] (di sostance metude su la piel, dâ une sensazion di pontutis lizeris che a sponzin)
    un disinfettante che frizza = un disinfetant che al pice
  • 3

    v.intr. becuçâ Copia

    [CO] (di aiar e sim., fâ une sensazion di fresc)
    in montagna l'aria frizza anche d'estate = in mont l'aiar al becuce ancje di Istât
  • 4

    v.intr. cisâ Copia

    [CO] (di cuarp une vore cjalt metût te aghe, fâ boli la aghe dongje cuntun sunsûr particolâr)
  • 5

    v.intr. becâ, becuçâ Copia

    [CO] (di batude, vê un spirt avonde ironic o sarcastic)
    le sue battute frizzano = lis sôs batudis a bechin

monolingue

becâ v.tr.
(be-câ)
Di uciei, bati, colpî o cjapâ cul bec
esempi
"une cheche dispetose che mi becave i sghirets e jo o scjampavi"
da "Come tai romançs" di Alan Brusini
"bechimi, bechimi il deit, gardilinut!..."
da "I Turcs tal Friûl" di Pier Paolo Pasolini
becâ v.tr.
(be-câ)
Ancje di personis, mangjuçâ alc, mangjâ pôc (fig.)
esempi
"i fruts si sentarin là intor par becâ un bocognut ancje lôr"
da "Il me paîs" di Federigo Comelli
becâ v.tr.
(be-câ)
Rivâ a cjatâ e cjapâ, in particolâr di sorprese o cdn. che al cîr di no fâsi cjapâ (fig.)
sinonimi
brancâ, brincâ, cjapâ, cjoli, çafâ, çufâ, gafâ, gaspâ, gatamâ, imbrancâ, pescjâ, piâ, cjatâ a nolis, cjatâ in cove, cucâ, dâ la gafe, scuaiâ
esempi
"a ti, zaromai, ti àn par disertôr. Se nus bechin, par ben che nus vadi, nus menin in Gjermanie"
da "Trê feminis" di Gianni Gregoricchio
"il guvier nol mancjave di cirî e di becâ chei tâi che no fasevin il lôr dovê"
da "Cuintristorie dal Friûl fin sot la Italie" di Josef Marchet
becâ v.tr.
(be-câ)
Rivâ a centrâ un bersai (fig.)
sinonimi
centrâ, cjoli, rivâ, cjapâ
esempi
"mi strissinavi su la nêf par no fâmi becà des fusiladis"
da "Come tai romançs" di Alan Brusini
becâ v.tr.
(be-câ)
Di robe di mangjâ, fâ un efiet in bocje che al somee sponzi, tant che il pevar, il pevaroncin e v.i. (fig.)
esempi
"stait atents che [il cren] al beche une vore"
da "Jerbis salvadiis inte cusine furlane" di Giorgio Pascoli
becâ v.tr.
(be-câ)
Dâ fastidi, provocâ cdn. (fig.)
sinonimi
stocâ, stomblâ, stuzigâ, sustâ
esempi
""Pardabon al è dai venezians che tu âs voie ancjemò di pretindi justizie, Cenci?" lu beche des voltis Jacum Manente"
da "Madalene" di Franco Marchetta
proverbi
"cui che al nas di gjaline al beche par tiere, se no no je gjaline vere"
"la bisse e à becât il çarlatan"
"la lipare e à becât il çarlatan"
"ogni moscje e beche"
"salamandrie becant, agonie sunant"
Torna in Cima
Torna in Cima