Tu âs cirût la peraule
bilengâl monolengâl cognons
Tu âs cirût la peraule
fumo
torne indaûr

bilengâl

fumo s.m., adi.inv.
  • 1

    s.m. fum Copie

    [FO] (residui gasôs de combustion che al puarte in sospension particulis in forme di nûl grîs o blanc)
    dalla cenere saliva ancora un filo di fumo = de cinise e butave sù ancjemò une glagn di fum
    fumo denso = fum penç
    il fumo che esce dal camino = il fum che al ven fûr dal camin
    il fumo dell'incenso = il fum dal incens
    il fumo della legna bagnata = il fum dai lens bagnâts
  • 2

    s.m. fum Copie

    [FO] (spec. tal sing., prodot de combustion dal tabac e sim.)
    il cappotto puzza di fumo = il capot al puce di fum
    il locale è pieno di fumo = il locâl al è plen di fum
  • 3

    s.m. fum, fumâ Copie

    [FO] (dome tal sing., il fumâ)
    il fumo provoca il cancro = il fum al prodûs il cancar
  • 4

    s.m. fum, fumane Copie

    [FO] (spec. tal pl., alterazion dal umôr)
    era in preda ai fumi della rabbia = i veve vignût sù il fum oppure al veve lis fumanis pe rabie
  • 5

    s.m. fum Copie

    [FO] (spec. tal lengaç dai zovins, droghe lizere che si fume, p.e. marihuana)
    hai del fumo? = âstu fum?
  • 6

    s.m. fum Copie

    [CO] (vapôr, esalazion, polvar)
    il fumo dei calcinacci crollati improvvisamente = il fum dai rudinaçs sdrumâts jù intun moment
    il fumo dell'acqua bollente = il fum de aghe bulinte

    s.m. fum Copie

    (aparence e no sostance)
    molto fumo e poco arrosto = plui fum che no cjarsons
  • 7

    s.m. fum Copie

    [CO] (aparence vueide di sens)
    le sue idee sono solo fumo = lis sôs ideis a son dome che fum
  • 8

    adi.inv. fumul Copie

    [CO] (dal colôr dal fum)
    un vestito color fumo = un vistît fumul

locuzions

    andare in fumo
  • lâ strucj, lâ in sbrui, lâ in fum, lâ in vieri, finîle a spiç, lâ a finîle a spiç, lâ a spiç, lâ di sbris, lâ in brût, lâ sui cops, lâ sù pal stecCopie
    [CO] (sfantâsi, lâ in nuie)
    tutto il lavoro è andato in fumo = dut il lavôr al è lât sù pal stec
    • camera a fumo
  • [TS] tecn. (cjale cassa a fumo)
    • cassa a fumo
  • casse dal fum, cjamare dal fumCopie
    [TS] tecn. (intune cjalderie, compart li che a van i fums de combustion)
    • fumo di Londra
  • fumul scûrCopie
    [CO] (colôr grîs scûr)
  • fumul scûrCopie
    (di colôr grîs scûr)
    un completo fumo di Londra = un complet fumul scûr
    • fumo passivo
  • fum passîfCopie
    [CO] (fum che al ven dai spagnolets fumâts di chei altris che al fâs mâl ancje a di cui che nol fume ma che lu respire)
    i danni del fumo passivo sono rilevanti = i dams dal fum passîf a son rilevants
    • mandare in fumo
  • mandâ in fum, mandâ in vieri, fâle finî a spiç, fâ lâ a spiç, fâ lâ di sbris, mandâ in brût, mandâ in brudet, fâ lâ sù pal stec, fâ lâ sui copsCopie
    [CO] (impedî alc o disfâlu)
    • mandare nuvole di fumo
  • bugâCopie
    [CO] (-)
    • pieno di fumo
  • spandon, plen di fum, svanton, plen di aiars, sglonfonCopie
    [CO] (cui che si da une vore di impuartance ancje se al vâl pôc)
    è pieno di fumo ma vale poco = al è svanton ma al vâl pôc
    • segnale di fumo
  • segnâl di fumCopie
    [CO] (segnâl mandât midiant di un sisteme codificât di nûi di fum, doprât dai natîfs de Americhe)
    avvisare di un pericolo con segnali di fumo = visâ di un pericul cun segnâi di fum
    • tanto fumo e poco arrosto
  • plui fum che no cjarsons, plui fum che no macarons, plui fum che no rostCopie
    [CO] (tante mostre e pocje sostance)
    • tubo di fumo
  • [TS] tecn. (cjale tubo di fiamma)
    • vedere come fumo negli occhi
  • viodi tant che il fum tai voi, vê tant che il fum tai voiCopie
    [CO] (no rivâ a sopuartâ, vê in antipatie)
    non chiamarlo qui, lo vedo come fumo negli occhi = no stâ a clamâlu chi, che lu ai tant che il fum tai voi
    • vendere fumo
  • butâ fum tai voi, vendi, striçâ cevolis tai voi, fumCopie
    [CO] (contâ bausiis, svantâ merits che no son)
    è capace solo di vendere fumo = al è bon dome di butâ fum tai voi
    • venditore di fumo
  • menerostCopie
    [CO] (smafar che al svante merits che no son)

monolengâl

fum s.m.
Gas che al derive de combustion, che al puarte in sospension particulis in forme di vapôr, che al pues jessi di diviers colôrs
esemplis
"la flame dal fogolâr e jere biele, e il fum, plen di alis, al jentrave tal cjant de nape"
gjavât fûr di "La tiere di Lansing" di Maria Forte
"une glagn di fum, un fîl di fum"
"la glesie cu la puarte spalancade dulà che al jessive ancjemò, a ondadis, il fum dal incens de messe"
gjavât fûr di "Un macet di sanmartinis" di Pieri Menis
""Sperin che il fum al vadi a soreli jevât!" "Cuant che il fum al va a soreli jevât: cjape il sac e va a marcjât. Se al va a soreli a mont: cjape il sac e va pal mont." "
gjavât fûr di "La foghere" di Luciano Rocco
"il diaul al saltà dentri berlant e butant fum di solfar pe bocje e pal cûl"
gjavât fûr di "Cretevierte" di Roberto Ongaro
Viôt ancje: fun, fump
fum s.m.
Dome tal sing., il fumâ tabac
esemplis
"il fum, tirât a pet cun gust, i dave un plasevul inzirli che al parave vie poiantsi tal mûr"
gjavât fûr di "Tal ospedâl" di Amedeo Giacomini
"une buse di ostarie cun puce di fum e di bago"
gjavât fûr di "Come tai romançs" di Alan Brusini
fum s.m.
Esalazion di vapôr
sinonims
vapôr
esemplis
"si voltà sorepinsîr [...] a dâ une voltade ae polente che e butave sbufs di fum che a nasavin za di stiç"
gjavât fûr di "La tiere di Lansing" di Maria Forte
fum s.m.
Nûl di polvar, spec. tirât sù di un veicul
esemplis
"stradis lungjis e blancjis che no finivin plui e il fum che si lassave daûr la moto come une stele comete"
gjavât fûr di "Par stradis lungjis" di Alan Brusini
fum s.m.
Alterazion dal umôr par vie de rabie (fig.)
sinonims
fumate
esemplis
"cjale no stâ nancje a fevelâmi che tu mi âs za fat vignî sù il fum!"
fum s.m.
Aparence cence sostance
esemplis
"lis sôs promessis a son dome fum"
"“Plui fum che no cjarsons…”, al diseve cualchidun rangagnôs"
gjavât fûr di "Cjase di Dalban" di Maria Forte
fum s.m.
Ande di cui che si svante, di cui che al è braurin
sinonims
albasie, supierbie, braùre
esemplis
"vergjinele de taviele / senze il fum de la ambizion / je modeste simpri e biele"
gjavât fûr di "La plovisine" di Pieri Çorut
"a 'nd è che cun grant fum si tignin sù / e discorin de Chine, e dal Perù, / ne vidût àn il Сormôr fûr di Puscuel"
gjavât fûr di "I, 207" di Ermes di Colorêt
fum s.m., adi.inv.
Colôr grîs scûr
sinonims
cinisin, fumul
esemplis
"un capot colôr fum"
detulis
"a brusâ lens verts, si fâs fum e no fûc"
"a impaçâsi cun canaie, la mignestre e pie di fum"
"al tocje di lassâ lâ la aghe injù e il fum insù"
"bisugne lassâ lâ la aghe injù e il fum insù"
"bocje e fum a consumin dut"
"dai cjamins al ven fûr fum"
"fra l'amôr e il fum no si viôt nancje la lum"
"i lens verts a fasin fum"
"il fum al fâs deventâ biei"
"il fum al va a riviel, al va dongje dal plui biel"
"il fum al va par traviers, al va là che a son i bêçs"
"il fum si viôt dulà che a fasin fûc"
"la aghe e va injù, il fum insù e la fortune par traviers"
"lasse che il fum al ledi insù e la aghe injù"
"lasse lâ la aghe injù e il fum insù"
"nol è stiç che nol dei fum"
"trê robis a fasin scjampâ la int di cjase: il fum, la triste muîr e la cjase discuvierte"
torne sù

cognons

Fumi, Fumis, Fumo
Al è probabil che al vegni dal non antîc di persone Fum o Flum, forme masculine di Fùmia (tal 1546 une Fumia a Tarcint), variante di Eufèmia (viodi ancje Flumiani): tal 1311 legavit ecclesie sancte Phumie de Segniaco (e je la glesie di Sante Eufemie a Segnà). No je di escludi une divignince direte di un masculin Eufèmi. Une altre ipotesi e je che al puedi vignî di Fumèo, variante di Tomèo, che al ven di Bartolomeo (De Felice, 1978). Tal Schedari Corgnali: Fumie = S. Eufemia; 1265 Donna Fumia (o Fumie) a Glemone; 1271 Odorlico dicto Fùmo a Glemone; 1393 Fumia dicta nigra de Cavalicho; 1397 dominam Fumiam relictam Venitti de Valvasono. La forme Fumi e je a Zui (Formeâs e Sece: 1540 Giacoma q. Giacomo Fumi di Sezza ved. q. Domenico de Romanis) e a Tumieç. Fumis, che al manten un stîl latin (ma nol è di escludi un sufìs -ìs, come in Brunisso, Menìs, e vie indenant), al à une cierte difusion te zone bisiache (Roncjis, Monfalcon, Foian e Redipulie, Starançan, Turiac, San Pieri dal Teritori), ma e je documentade la divignince de Cjargne. Maurizio Puntin mi sugjerìs che al puedi vignî dal furlan "fùmis" che al è un imprest di fier dai cjaliârs. Tal 1694 a Monfalcon: Fumis disse esser entrato Degano di Ronchi di sotto e giurò l’osservanza delle leggi... (Archivi municipâl di Monfalcon). Fumo si lu cjate a Rude.
fonts
1474, ai 26 di Setembar m.° Giovanni Fumi di Sezza abit. a Venezia dona suoi diritti a don Pietro q. Biagio Lischiute di Zuglio (nodâr Daniele Ermacora); 1540 Giacoma q. Giac. Fumi di Sezza ved. q. Dom. de Romanis (ACR 851/1); 1511, ai 18 di Novembar Casanova. Giac. Fumi acquista Terreno in Sezza (ASU Perg. Sicorti); 1604, ai 17 di Fevrâr don Nicolò Fumis curato di Moraro – in lite col pievano di Gorizia (Extraordinariorum); 1635 Gio. Pietro di Antonio Facci q. Pietro q. Antonio de Sezza sposa Domenica Fumi di Paolo pure di Sezza (Filze); 1680, ai 17 di Avost Ser Gio. Batta e Germanio f.lli q. Ser Giac. Fumo di Rudda (o Ruda) perseguiti con processo criminale – nominano proc. il cognato m.° Giac. Fabro di Perteole per vender terre e pagare spese (ANU 3620); 1734, ai 21 di Jugn don Gio. Giacomo Fumis da Ronchis di Monfalcone – il padre Franc. gli fa patrim. eccl. duc. 1014 (Patrimoni); 1746, ai 5 di Jugn approvato ad esame confessore – ottimo esemplare (Filze); 1743 m.° Antonio Fumo del Consiglio Vicinia di Ruda (ACAU 718/6); 1751 Leonardo Fumo della Vicinia di Attimis (ASU CRS 15/1); 1755, ai 12 di Dicembar don Francesco Fumis da Selz di Ronchi di Monfalcone ottiene di celebrare due messe settim. nella chiesa di S. Domenica VM in Selz invece che nella parr. di Ronchi (Decreti); 1764 Gio. Batta Fumis, cameraro della Scuola del SS.mo Sacramento del Duomo di Monfalcone (ASU Susanna 45); 1770 Luca Fumi, fitt. Ven. Scuola del SS. Rosario di Annone Veneto (ASU CRS 6); 1809 Antonio Fumo brazzante in Ruda e Giuseppe Fumo brazzante in Corno (ASU Della Torre/B 30).
Fùmolo
Dal adietîf fumul che al vûl dî "di colôr dal fum, grîs". Si dîs ancje di une persone che e à i cjavei blancs. Al podarès ancje jessi un diminutîf dal non antîc di person Fum (viodi Fumi). Chest cognon al è a Udin, Grau (1685 Battista Fumulo), Felet e Monfalcon. Par Grau, Scaramuzza 2001 al dîs: “La famee Fumolo e je documentade a Malisane sul imprin dal Sîscent. O pensìn che e sedi stade a servizi dai Strassolts, feudataris di chês campagnis, parcè che int di chê Famee e je dispès santule di batisim dai frutins dai Fumolo. Mistro Francesco Fumul (il cognon al mudarà cualchi an plui tart in Fumulo e, ai prins dal Votcent, in Fumolo), nassût a Malisane tal 1639, si è maridât a Grau tal 1665 cun Antonia Todaro e di cheste cubie al ven il ram dai Fumolo clamâts Brusaboschi. Invezit, di Battista nassût a Malisane tal 1644, maridât cuntune cierte Maddalena, al ven il ram dai Stroli ".
fonts
1585 Heredi q. Mattia Fumulo – loro Lascito a Chiesa di S. Georgio di Noiâr (ACAU 717/5); 1635, ai 24 di Zenâr Gio. Batta Fumulo q. Battista di Filettis (Biasutti: forsit Feletto) hora habitante Paderno sposa Maria q. Paulo Culavetta di Paderno (Matrim. Padier); 1692 Sebastiano e f.lli q. Ser Gio. Batta Fumolo di Paderno oriundi di Felettis (AB); 1751 Leonardo Fumo della Vicinia di Attimis (ASU CRS 15/1); 1799 Domenico di Sebast. Fumulo di Paderno sposa Domenica di Giac. Fasan pure di Paderno (Filze); 1805 Rev. Giuseppe Fumulo Parroco di S. Pietro a Udine (ACAU 732/1); 1822 Giuseppe Fumulo q. Dom. co, fittuale Co. Florio in Paderno (ASU Florio 254).
torne sù