Tu âs cirût la peraule
bilengâl monolengâl
Tu âs cirût la peraule
fumoso
torne indaûr

bilengâl

fumoso adi.
  • 1

    adi. fumôs Copie

    [CO] (che al è plen di fum)
    ci ritrovammo in un ambiente angusto e fumoso = si sin cjatâts intun ambient stret e fumôs
  • 2

    adi. fumôs Copie

    [CO] (che al prodûs fum o che al bute fûr vapôr)
    il drago aveva narici fumose e denti aguzzi = il dragon al veve narilis fumosis e dincj spiçots
  • 3

    adi. fuart, di buine schene Copie

    [LE] (di vin, che al à une gradazion alcoliche alte, che al incjoche)
  • 4

    adi. intorteât, involuçât, fumatôs, fumôs Copie

    [CO] (complicât di capî)
    ha uno stile fumoso che rende difficile la lettura = al à un stîl fumôs che al fâs dificile la leture
  • 5

    adi. fumatôs, fumôs Copie

    [CO] (cence consistence, cence sostance)
    si è presentato con un progetto fumoso, senza carattere = si è presentât cuntun progjet fumatôs, cence schene
  • 6

    adi. sussiegât, crestôs, svantôs Copie

    [BU] (plen di supierbie)
    era un tipo fumoso, pieno di se = al jere un stamp svantôs, plen di se

monolengâl

fuart adi.
Bon di sopuartâ un sfuarç fisic grant, di tignî ae fadie
sinonims
drugul, gaiart, gnervorût, gnervût, possent, robust, vivarôs
esemplis
"un zovin boscadôr che nol veve inmò la barbe, ma al jere za ben tressât e fuart tant che un rôl"
gjavât fûr di "Cretevierte" di Roberto Ongaro
"un biel zovin, fuart e grues, come un leon"
gjavât fûr di "No je plui vive" di Dolfo Zorzut
"alt e dret che si stuarzeve come un venc, legri e fuart che no i faseve pôre nissune fadie"
gjavât fûr di "Sul agâr" di Pieri Menis
fuart adi.
Di une part dal cuarp, robust, muscolôs
sinonims
drugul, gaiart, gnervorût, gnervût, muscolôs, possent, robust, vivarôs
esemplis
"braçs fuarts chei che le acolzerin e le cjaparin sù tant che e fos stade une pipine"
gjavât fûr di "Cretevierte" di Roberto Ongaro
fuart adi.
Di une part dal cuarp o di une part di alc, grande, bondante
sinonims
bocon, bondant, gjenerôs, grant, grues
esemplis
"alt e di spalis largjis, une ponte di barbe bionde sot la bocje fuarte e blancje di dincj al veve une zoventût che e incjantave"
gjavât fûr di "Cjase di Dalban" di Maria Forte
fuart adi.
Che al fâs alc cun fuarce, intensitât, insistence, costance e v.i.
sinonims
acanît, fis, fissât, grant, grues
esemplis
"un fumadôr fuart"
"e dispecolave cun impegn une lungje sfilze di de profundis e di jaculatoriis par ducj i siei vons e ancje par se; che jê e jere fuarte di glesie"
gjavât fûr di "Cjase di Dalban" di Maria Forte
fuart adi.
Che al compuarte l'ûs de fuarce, de violence, de prepotence
sinonims
brusc, decîs, dûr, garp, trist, violent, prepotent
esemplis
"la polizie, cirint di mandâ vie dai zovins che si jerin sentâts sul pedrât e dopre lis manieris fuartis cun cjariis e dant jù manganeladis"
gjavât fûr di "Il fotogram mancjant. Un Friûl cence memorie storiche audiovisive" di Fabian Ros
fuart adi.
Che al à un podê, une posizion di domini, di favôr e v.i.
esemplis
"un guvier fuart"
"metisi cuintri dai podês fuarts"
fuart adi.
Che al fâs stât su di une cundizion, cualitât, poie e v.i.
esemplis
"fuarts di une storie che e viodè i nestris vins agradîts in dutis lis corts de Europe, i produtôrs di Oslavie e di Lucinîs a son la ponte di diamant pe riscuvierte e pe valorizazion da la enogastronomie gurizane"
gjavât fûr di "www3.comune.gorizia.it/turismo/fn/il-vin" di Aministrazion Publiche
fuart adi., s.m.
Che, cui che al è bon di sopuartâ dificoltâts, dotât di volontât e fuarce morâl
sinonims
determinât, salt, dûr, energjic, fer, robust
esemplis
"si sa che la calme e la trancuilitât a son lis virtûts dai fuarts"
gjavât fûr di "Balon: crodi, ubidî e paiâ" di Riedo Pup
"sot di chê parence lizere, si platave un caratar, sì dolç e zentîl, ma fuart"
gjavât fûr di "Trê feminis" di Gianni Gregoricchio
fuart adi.
Di alc, che al ten bot ai sfuarçs mecanics, al ûs, che nol mole e no si romp
sinonims
dûr, fis, robust, salt
esemplis
"il len di agacie al è une vore fuart"
"vistîts di tiessût fuart"
fuart adi.
Di alc di materiâl o imateriâl, che al à tante intensitât intune des sôs carateristichis, e in particolâr inte sô carateristiche principâl
sinonims
penç, pesant, possent, potent, violent
esemplis
"[il formadi di mont al] à un gust fuartut, che al tint al amâr"
gjavât fûr di "Il formadi di mont" di Oscar Puntel
"colôrs scûrs e segns fuarts, come chei di Caravaggio"
gjavât fûr di "Faliscjis" di Cristina Noacco
"ogni tant un ton plui fuart al pandeve che cualchi cassele di munizions e veve cjapât fûc e tonât"
gjavât fûr di "Il muc" di Roberto Ongaro
"une Adler dodis cilindris e sîs puescj che, une volte in moto, e tremave tai veris celestins, cun dentri un fuart odôr di bachelite"
gjavât fûr di "Come tai romançs" di Alan Brusini
fuart adi., s.m.
Di odôr, che al da fastidi, che al è trist, in particolâr di robe fermentade, di garp e v.i.
esemplis
"il levan al à lavorât masse e il pan al sa di fuart"
"il vin al à cjapât di fuart"
fuart adi.
Che al à grande cuantitât, dimension, impuartance e v.i.
sinonims
alt, grant, impuartant, rilevant
esemplis
"il so om al veve cjatade juste la division parcè che al veve za vût sumis fuartis dal pari"
gjavât fûr di "Mabile la Lunghine" di Maria Forte
"organisims finanziaris autogjestîts e cun fuarte partecipazion popolâr"
gjavât fûr di "Guide par un consum just e solidâl" di Buteghe dal Mont, Luche Nazzi
fuart adi.
Di alc, che al vâl, che al à un efiet, une cualitât positive
sinonims
bon, salt, san
esemplis
"al covente meti in rêt dutis lis esperiencis fatis, individuâ i erôrs e i ponts fuarts e corezi lis liniis gjenerâls e i plans detaiâts"
gjavât fûr di "Planificazion linguistiche tal mont de sanitât" di Sandri Carrozzo
fuart adi.
Di cdn., che al à capacitâts, cognossincis, competencis e v.i. intun ciert setôr
esemplis
"jessi fuart in matematiche"
"jessi fuart tai sports"
fuart adi.
Che al fâs impression par une cualitât o capacitât, o ancje par simpatie (coloc.)
sinonims
famôs, bulo, babio
esemplis
"ce fuarte che e je Catine! e fâs murì di ridi!"
fuart adi.
[TS] (gram.) Di categorie gramaticâl, che te flession e pues cambiâ ancje la lidrîs
fuart av.
Cun fuarce, intensitât, bondance e v.i.
esemplis
"il barbe Tite che al strenzeve fuart la scorie e lis brenis par tignî fer il cjaval che al sgriave la tiere"
gjavât fûr di "Cjase di Dalban" di Maria Forte
"la ploie e bat fuart tai veris, l'aiar al sivile pes fressuris"
gjavât fûr di "Un pugn di moscjis" di Pieri Somede dai Marcs
fuart s.m.
Dome sing., ce che si rive a fâ miôr
sinonims
cantin, pont fuart
esemplis
"no che no lessin dacuardi, dome che la comunicazion verbâl no jere il nestri fuart"
gjavât fûr di "Un blanc e un neri" di Igor Londero
fuart s.m.
Dome sing., moment, fase di alc cun plui fuarce, intensitât e v.i.
sinonims
colm, plen
esemplis
"l'è sul fuart de la etât, e par stature / al è un bocon di diaul che al fâs paùre"
gjavât fûr di "Ai furlans" di Pieri Çorut
"i lens sa i taia sul vecju di luna; sul fuart [di lune] a no i art parcè che a i buta la aga"
gjavât fûr di "Un compit par furlan" di AAVV
detulis
"al zighe plui fuart cui che al à tuart"
"arc di Sant Marc o bontimp o ploie fuart"
"cui che al à tuart al zighe plui fuart"
"fuart cui che no si lasse vinci dal pudôr, plui fuart cui che no si lasse vinci de necessitât"
"se tu vûs vê reson, zighe fuart"
torne sù
torne sù