Tu âs cirût la peraule
bilengâl monolengâl cognons
Tu âs cirût la peraule
galà
torne indaûr

bilengâl

galà s.m.inv.
  • 1

    s.m.inv. riceviment, fieste Copie

    [CO] (cerimonie uficiâl mondane)
    il galà europeo della canzone = la fieste europeane de cjançon
    un galà a palazzo reale = un riceviment tal palaç reâl

locuzions

    di gala
  • di galeCopie
    [CO] (une vore elegant e siôr)
    una festa di gala = une fieste di gale
    • gala luminosa
  • gale luminoseCopie
    [TS] mar. (gale cun lampadinis eletrichis invezit che bandieris)
    • serata di gala
  • sere di galeCopie
    [CO] (spetacul, fieste, bal e v.i. une vore elegant e organizât cun solenitât)
    un vestito meraviglioso, perfetto per una serata di gala = un vistît maraveôs, perfet par une sere di gale

monolengâl

fieste s.f.
(fies-te)
Zornade che e celebre une solenitât religjose
sinonims
inovâl, sagre, solenitât
esemplis
"o si cjatìn insiemi culì, de Cjargne e di altris bandis dal Friûl par cheste fieste de Sense e des Crôs a Sant Pieri"
gjavât fûr di "Il popul furlan al à ancjemò nostalgjie des robis bielis e santis" di Francesc Placerean
"in ocasion de fieste di Ermacore e Fortunât, Int Furlane e presentà la publicazion dal Vanzeli di N. S. Jesù Crist, voltât par furlan dal grêc di pre Checo Placerean"
gjavât fûr di "Memoriis di politiche linguistiche" di Adrian Cescje
fieste s.f.
(fies-te)
Zornade dulà che si celebre une solenitât civîl o une cierte categorie di personis o un aniversari particolâr
esemplis
"i furlans pal mont si riunissin a Einsiedeln, in Svuizare, par une zornade di fieste, in compagnie"
gjavât fûr di "Fûr che al vegni cui che al è stât" di Riedo Pup
"la zornade dai 3 di Avrîl, la “Fieste de Patrie dal Friûl”"
gjavât fûr di "La Patrie, la Fieste e la propueste di leç regjonâl" di Marc Stolf
fieste s.f.
(fies-te)
Zornade che no si va a vore o a scuele
esemplis
"une volte, la int no veve fat confusion fra fieste e dîs de vore, come cumò"
gjavât fûr di "I furlans e la mode" di Riedo Pup
fieste s.f.
(fies-te)
Cjatade di plui personis che si dan dongje pal gust di stâ in compagnie o par celebrâ alc
sinonims
fraie
esemplis
"Lenart al veve di metisi in mascare par lâ ae fieste dai siei amîs"
gjavât fûr di "Eracsam" di Spirt Anonim
"il re al clame ducj i princips e i rês, e al fâs une grande fieste"
gjavât fûr di "Maletegne" di Andreina Nicoloso Ciceri
"Stiefin lu veve invidât a une piçule fieste, che lui e i siei amîs dal grop culturâl a vevin inmaneât par stâ une ore in compagnie, par scambiâsi ideis e opinions, par mangjâ insiemi une bocjade"
gjavât fûr di "Il sium di Lissandri" di Franca Mainardis
fieste s.f.
(fies-te)
Robe, situazion, ocasion che al fâs stâ contents (fig.)
sinonims
bacan, consolazion, content, felicitât, fraie, gaudie, gjoldude, glorie, gust, legrece, legrecûr, plasê
esemplis
"mi visi cuant che si cjapave sù e si vendemave: ce fieste là di Zuan!"
gjavât fûr di "Zuan Jeremie" di Riedo Pup
"al jere il mês di Mai, fieste di rosis, di colôrs e di bon odôr"
gjavât fûr di "Sul agâr" di Pieri Menis
detulis
"a fiestis di Nadâl, ognidun al so cjavedâl"
"al è mâl fâ vilie daspò de fieste"
"cui che al lavore la fieste, e je tante tampieste"
"cui che nol sa balâ che nol ledi su la fieste"
"e vâl plui la fieste in famee che no la sagre dal paîs"
"Epifanie, lis fiestis e mene vie"
"fieste pe setemane e fâs la panze sclagne"
"in cjase dai poltrons e je simpri fieste"
"la veretât o di fieste o di dîs di vore tant che il vueli e ven parsore"
"ogni dì no je fieste"
"pai poltrons e je simpri fieste"
torne sù

cognons

Galante
Di galant, sorenon che si riferive a une persone che si vistive cuntun stîl ricercjât (NP). Rapelli 1995, dongje dal significât di “galant" al ripuarte ancje la acezion antighe “onest, leâl". Chest cognon al è une vore slargjât in Cjanâl, ven a stâi a San Francesc, la frazion plui a Nord dal comun di Vît. In cheste frazion e je une borgade che e cjape il non di Galanz (= Galants). Si lu cjate ancje a Udin, San Vît dal Tiliment, Clausêt, Pordenon, Spilimberc. Une volte al jere ancje a Percût (1564 Pietro Galant) e a Cjampfuarmit (1579 don Daniele Galante; 1588 Antonio q. Francesco Gallantio) (Fantini e Romanello 2002). Intal Schedari Corgnali: 1555 Bastian Galant de Montenars; 1938 Galante 14 fameis in Comun di Cjastelgnûf e 9 fameis a Clausêt.
fonts
1523, ai 11 di Avost Giacomo Galant de Campoformio (ASU Fondo Sbruglio busta 3); 1564, ai 2 di Jugn Pietro Galant di Giac. di Percût adun cun Gio. Maria Moro dal stes paîs, parcè che a vevin robât vin al nobil Fabricio della Frattina, a son condanâts “a star appesi per le mani alla finestra della Curia, con due boccali al collo ciascuno e la domenica dalla mattina a mezzodì a star legati a un albero sulla piazza di Percoto con detti boccali al collo” (Fantini e Romanello, 2002); 1570, ai 24 di Avost pre Daniele Galante di Cjampfuarmit al ven nomenât econom di Çuian dopo de muart di pre Gio. Batta Scaruffo (Fantini e Romanello, 2002); 1582 Valentino di Antonio Galant q. Zuanne q. Bastian q. Michele da Montenars sposa Maria di Piero detto Manin q. Damiano Galant (Filze); 1650 Heredi Gio. Batta Gallant di Campoformio lavora terreni dei nobb. Zucco (ASU Zucco 59); 1651 Ser Baldassar Galante, fittuale Fraterna SS.mo Rosario di Clauzetto (ASU CRS 189/2). Dal Sietcent a son presints a Cjabie e a Udin rivâts di Clausêt: 1747, ai 5 di Avost don Pietro Galante Leschiutta del Sig. Antonio da Cabia – il padre gli fa patrim. eccl. (Patrimoni); 1779, ai 2 di Març Sig. Giacomo Galante q. Giovanni – oriundo da Clauset abit. a Udine (AB). 1815 Giuseppe Gallante nato in Mieli nel 1796, figlio di Gio. commerciante in Guttenstein, sposa Cattarina Della Pietra di Calgareto (A.P. Comelians); 1962 (Nazzi, 1992).
Galassi, Galasso
Forsit tant che Gall (viodi), cu la zonte dal sufìs -as. Al podarès corispuindi, duncje, a Gallàs (viodi). Par La Stella 1993 al è une variante setentrionâl antighe dal non Galeazzo. Cence dismenteâ, però, che Galasso al pues jessi stât un non di persone daûr de mode dal romanç cavaleresc: Galasso, fi di Lancillotto, al è il cavalîr “pûr", destinât a fâ la plui grande e la ultime des impresis, chê dal Sant Graal. Cui che al met in struc miôr dute la facende al è Rapelli 1995: “di un non di persone che al ricuarde un personaç des liendis cavalereschis francesis, Galahad, fi di Lancillotto; chel non al à vût variis formis in Italie, par esempli Galasso tal Venit (cjatât in documents padoans), Galeazzo e Galateo. Intal Schedari Corgnali: 1350 Galatio q. d.ni Pandolfi de Cauriacho; 1464 Ser Galassij de Goritia; 1469 Simione Gallasij a Glemone; 1471 Gallassio sindico et procurat. Sancti Petri Martiri di Udin. A Glemone tal 1546 Joannes Franciscus filius Simonis Gallassi. La forme Galassi si le cjate a Codroip, Torse (Pucinie), Udin, Tisane. Galasso al è tipic di Tisane (Perteade); si lu cjate ancje a Rivis Darcjan (a Gjavons, tal 1765, si pain a Domenico Galasso L 50 per sapi e sabion per il muro del Cimiterio), Roncjis, San Michêl dal Tiliment, Udin, Lignan, Pordenon, San Zorç da la Richinvelde, Spilimberc, Fossalte, Vilote (Cjons) (chi tal 1619 Paulo Gal de Chions fittuale nobb. Panigai).
fonts
1472 fra Galassio q. Ser Nichilo da Aviano (AB); 1487 in Latisanotta Consorti della Negra, Castelati e Galassij fittuali nobb. Colloredo (ASU Perusini 546.3); 1498 pre Galassio benef. in Rodeano (ANU 275); 1499, ai 25 di Jugn don Angelo Galassio benef. di Madrisio Varmo – a seguito di lunga contesa con Giovanni de Contardis veronese, risoltasi a suo favore, esige il quartese di Rovereto (Litteram); don Angelo Galassio muore nel 1505 (Arch. Patr. 601); 1500, ai 11 di Jugn testamento di Ioannina figlia del q. nob. Bernardo di Cordovado e ved. del q. Ser Galassio da S. Daniele (ANU 3894); 1510 Orlando q. Giac. Galassi da Rodeano (ANU 3894); 1526, ai 25 di Mai Daniele, Simone, Giovanni e Domenico f.lli q. Leonardo fabbro da Rodeano in lite con Giovanni di Iacotino Galassio (ANU 3894); 1530 Leonardo Giacomini Galasso detto Cargna da Rodeano era pastore dei nobb. Cecchini in S. Daniele (AB); 1537 Ser Leonardo Galassi q. Iacomini Galassii di Rodeano abit. S. Daniele affitta campo dell’Ulmo a Simone q. Biasio de Zuchulo di Rodeano (AB); 1611 Biasio Galas (ancje Gallas, Galassi, -o) di Rodeano (ACAQ 893); 1620 m.° Bortolomio Galasso, gastaldo della Fraterna dei Battuti di Pordenon (ASU CRS 367/2); 1631, ai 13 di Jugn don Antonio Gallasso (o Gallatius) di Udine – dimissorie per suddiaconato (Mandatorum); 1620 Domenica di Zuanuto di Gio. Antonio Della Bella anni 93 q. Giovanni q. Gio. Antonio da Terenzano sposa Giacomo Galassi (Extraordinariorum); 1665 Antonio Gallasso officiale Vicinia di Rodeano (ASU CRS 839/2); 1704 consegnato formento a Lorenzo Campanaro per il maso della Possession Gallassa (ASU CRS 250/3); 1816 Antonio Gallasso di Giacomo nato in Villa Orba nel 1787, murero, sposa Lucia Vuarano di Giovanni, contadina da Villa Orba (A.P. Vissandon); 1819 Sebastiano Galasso di Ant. nato nel 1797 in Latisana, villico, sposa Pasqua Valvason di Dom.co da Cesarolo (A.P. Tisane); 1968 Alberto Galasso al è a stâ a Domanins, oriunt di Ligugnane (Luchini, 1982).
Galànda
Galande al è il feminin di galant, ma al vûl dî ancje “persone che si vistìs cuntun stîl ricercjât". Al è presint a Udin e a Azide (San Pieri dai Sclavons).
fonts
1643, ai 3 di Avost Mattia Galanda da Azzida debitore di £ 500 verso due di Udine (AAU Filze); 1660 Costantino Galanda f. di Ser Gregorio da Azzida – teste in Cividale (ACR 172/1); 1669, ai 17 di Jugn Giacomo fig.lo del q. Simon della Gallanda di Campoformio sposa Dom.ca fig.la di Franc.co Canciano di Bressa (A.P. Bresse) Galant al jere un cognon antîc di Cjampfuarmit, che al è finît ae fin dal Sîscent; 1672, al 1n di Mai Sig. Urbano Galanda furlano da S. Pietro Schiavoni è al servizio del vesc. di Treviso (Filze); 1685 abitava a Roma ove era al servizio del Card. Ottoboni – fa documentare la sua libertà per sposarsi (AAU Filze); 1784 Gius. Gallanda di Azzida fitt. nobb. de Puppi (ASU Coll.-Mels III parte 33); 1999 Giacomo Galanda, nassût a Udin tal 1975, al è campion di Europe cu la scuadre nazionâl taliane di bale tal zei (Nazzi, 2002).
torne sù