Tu âs cirût la peraule
bilengâl monolengâl cognons
Tu âs cirût la peraule
gioia
torne indaûr

bilengâl

gioia s.f.
  • 1

    s.f. gust, felicitât, gjonde Copie

    [FO] (sintiment di contentece)
    impazzire di gioia = vê gust che mai
  • 2a

    s.f. stele, rose Copie

    [FO] (reson di felicitât, ancje tant che apelatîf une vore afetuôs)
    gioia, mi ascolti? = la mê rose oppure stele, mi scoltistu?
    la gioia della famiglia = la stele de famee
  • 2b

    s.f. plasê, biel Copie

    [FO] (sodisfazion)
    le gioie della vita = i plasês de vite

locuzions

    darsi alla pazza gioia
  • fâ bacan, butâle in polche, buzarâ la cjavale, mateâCopie
    [CO] (divertîsi in dutis lis manieris pussibilis)
    è tempo che tu la smetta di darti alla pazza gioia = e je ore che tu le finissis di butâle in polche

monolengâl

stele s.f.
(ste-le)
Cuarp celest che al mande lûs proprie
esemplis
"dome par rivâ tal sisteme di Alpha Centauri (la stele plui dongje dopo dal Soreli) a volaressin 500 mil agns"
gjavât fûr di "Spazio 1999" di Checo Tam
"il cîl al jere biel net, e i someà che lis stelis a fossin plui grandis che mai"
gjavât fûr di "I prâts des Savodagnis" di Agnul di Spere
"a racuei ti voi lis stelis / tal grant prât dal firmament; / jempli il zei cu lis plui bielis / e po torni dal moment"
gjavât fûr di "Serenade" di Emilio Nardini
stele s.f.
(ste-le)
Cualsisei figure o robe che e vedi une forme a pontis, che pal solit si pues inscrivi tun cercli
esemplis
"une dì di chês fredis, di chês cu la glace che e fâs lis stelis sui veris"
gjavât fûr di "Cretevierte" di Roberto Ongaro
"un cjaruç di olm fis, verdulin di colôr, che al fumave la beche cun dôs ruedis ben cercladis, i muiûi cu la stele dai rais lavorâts"
gjavât fûr di "Il cjaruç dai Bas" di Dino Virgili
stele s.f.
(ste-le)
Magle taronde blancje tal cerneli di un cjaval o di une vacje o sim.
stele s.f.
(ste-le)
Simbul che al marche la categorie di ristorants e albiercs intune scjale di un a cinc
esemplis
"[un turist contemporani tipic] al sielç un timp di permanence plui alt de medie (une setemane), ma al cîr la cualitât, selezionant struturis pal plui a 4 stelis"
gjavât fûr di "La odissee di un potenziâl turist interessât al Friûl multiculturâl" di Roberto Pensa
stele s.f.
(ste-le)
Ancje tant che entitât sorenaturâl che e pues decidi il destin o judâ (fig.)
esemplis
"«Tu, fantacina, che a ti dein ben li steli!» «Encja a vô, sior.»"
gjavât fûr di "Il maestri di teraçs" di Novella Cantarutti
stele s.f.
(ste-le)
Sorenon di afiet doprâts cu la persone che si vuelii ben, cui fîs, cui animâi e v.i. (fam.)
sinonims
anime, stelute, vite, cûr, curisin, curon, lûs, biel, stelon, stelone
esemplis
"je passade la mê stele: / mandi, mandi, la mê biele"
gjavât fûr di "Sacheburache" di Zuan Nazzi Matalon, Ottorino Burelli
"par me tu sês un tocut di stele, un suspîr di amôr, une robe dolce che e rive fin insom"
gjavât fûr di "Chê dì che al neveà a Vignesie" di Agnul di Spere
stele s.f.
(ste-le)
Personaç une vore cognossût, in particolâr tal mont dal spetacul
esemplis
"il festival al à ospitât plui di 40 stelis cinematografichis che a vignivin di 11 diferents paîs asiatics"
gjavât fûr di "Profii_festival" di Fabian Ros
detulis
"cui che al à a cjase donzelis, che nol cjali lis stelis"
torne sù

cognons

Gioia
Dal non di persone identic, ma inte Italie meridionâl a son ciertis localitâts che si clamin Gioia e di li al podarès rivâ il cognon. Al è presint a Udin; plui slargjât inte Italie meridionâl.
torne sù