Tu âs cirût la peraule
bilengâl monolengâl cognons
Tu âs cirût la peraule
gioia
torne indaûr

bilengâl

gioia s.f.
  • 1

    s.f. zoie Copie

    [CO] (spec. tal pl., ogjet ornamentâl preziôs)
  • 2

    s.f. tesaur Copie

    [CO] (persone o robe une vore amade)
    quella casa è la sua gioia = chê cjase e je il so tesaur
  • 3

    s.f. zoie Copie

    [TS] arm. (rinfuarç taront di metal che si meteve une volte ae volade e ae culate des artiliariis)

locuzions

    darsi alla pazza gioia
  • fâ bacan, butâle in polche, buzarâ la cjavale, mateâCopie
    [CO] (divertîsi in dutis lis manieris pussibilis)
    è tempo che tu la smetta di darti alla pazza gioia = e je ore che tu le finissis di butâle in polche

monolengâl

zoie s.f.
(zo-ie)
Corone di rosis e fueis, soredut di meti tal cjâf o tor dal cuel
sinonims
corone, ghirlande
esemplis
"lis gnocis si fasin [...] balant lu nuviç e la nuviço cun bielis zoiis di virduro"
gjavât fûr di "Esercizis di version de scuele di nodârs di Cividât" di Anonim
"jê si platà la muse e e scomençà a zigâ, e Fidrì i sbregà vie la blonde, la zoie di rosis, il vistît blanc di nuviçâl"
gjavât fûr di "La «Bielissime»" di Dino Virgili
zoie s.f.
(zo-ie)
Cualsisei robe che e stedi tor ator, che e fasi un zîr o sim. (fig.)
sinonims
corone, zîr, cercli, circul, anel
esemplis
"place Sant Jacum cu la sô zoie di sotpuartis un pôc scrofâts e, tal mieç, i colôrs des barachis"
gjavât fûr di "La tiere di Lansing" di Maria Forte
"intor al era dome monts: na grant zoa cilistina di spiçs che a sbregavin il ciel, di plans verts e, pi abàs, li faldi scuri dai boscs"
gjavât fûr di "La aga di Plan da li steli" di Novella Cantarutti
zoie s.f.
(zo-ie)
Piere preziose, soredut lavorade, o altri ornament preziôs
sinonims
zoiel
esemplis
"sot de pleche une buse, e te buse une cassele… [...] A jerin i bêçs: napoleons di aur, zoiis, pierutis preseadis, un tesaur!"
gjavât fûr di "La aghe da pît la cleve" di Dino Virgili
"la cassefuart plene di zoiis e aur e je stade sfuarçade"
gjavât fûr di "Contis sot spirt" di Raffaele Serafini
torne sù

cognons

Gioia
Dal non di persone identic, ma inte Italie meridionâl a son ciertis localitâts che si clamin Gioia e di li al podarès rivâ il cognon. Al è presint a Udin; plui slargjât inte Italie meridionâl.
torne sù