Hai cercato la parola
bilingue monolingue
Hai cercato la parola
girare
Torna indietro

bilingue

girare ,
  • 1

    v.intr. burlâ, zirâ Copia

    [FO] (movisi sul propri as)
    la trottola girava = il pirli al burlave
  • 1a

    v.tr. zirâ Copia

    [FO] (fâ movi alc ator dal propri as)
    gira quella chiave = zire chê clâf
    girare un interruttore = zirâ un cric
  • 1b

    v.tr. messedâ Copia

    [FO]
    girare la minestra = messedâ la mignestre
  • 1c

    v.tr. zirâ, voltâ Copia

    [FO] (zirâ di chê altre bande)
    girare pagina = voltâ pagjine

    v.tr. zirâ, voltâ Copia

    (zirâ te direzion contrarie)
    girare la schiena = voltâ la schene

    v.tr. savoltâ, ribaltâ, voltâ, rivoltâ Copia

    (voltâ cui pîts par aiar)
    gira il secchio = ribalte il seglot
  • 1d

    v.tr. indreçâ, zirâ, voltâ Copia

    [FO] (orientâ)
    gira il televisore verso di me = zire il televisôr viers di me

    v.tr. dreçâ, zirâ, voltâ Copia

    (zirâ di une bande o intor)
    girare la testa e osservare = zirâ il cjâf e osservâ
  • 1e

    v.tr. zirâ, voltâ, zirâ e voltâ Copia

    [FO] (presentâ un argoment intun altri mût)
    girare il discorso = zirâ il discors
    non girarmi il discorso = no stâ zirâmi e voltâmi il discors
  • 2

    v.tr. zirâ Copia

    [FO] (visitâ)
    girare il Friuli = zirâ il Friûl

    v.tr. zirâ Copia

    (visitâ un daûr di chel altri)
    girare per negozi = zirâ pes buteghis

    v.intr. zirâ Copia

    [FO] (movisi ator di alc)
    la Terra gira intorno al Sole = la Tiere e zire ator dal Soreli
  • 3

    v.tr. passâ, voltâ Copia

    [FO] (lâ tor ator)
    girare un promontorio = passâ un promontori

    v.intr. cercenâ, cenglâ, zirâ Copia

    [FO] (jessi tor ator)
    una ciocca di capelli le girava intorno all'orecchio = une bandete i zirave ator de orele
  • 4

    v.tr. zirâ Copia

    [FO] (cjapâ dentri tor ator)
    la strada gira tutta la montagna = la strade e zire oppure cengle dute la montagne

    v.intr. zirâ, voltâ Copia

    [FO] (cambiâ direzion)
    la strada gira a destra = la strade e zire oppure e volte a man drete
  • 5a

    v.tr. passâ Copia

    [CO] (stramudâ)
    girare una chiamata = passâ une clamade

    v.intr. zirâ Copia

    [FO] (lâ ator)
    girare per la città = zirâ pe citât

    v.intr. zirâ, balinâ Copia

    (passâ pal cjâf)
    ha un pensiero che gli gira in testa = al à une idee che e i zire oppure i baline pal cjâf

    v.intr. bati, zirâ Copia

    (deventâ mat)
    che? ti gira? = ti zirie? oppure le batistu?
  • 5b

    v.intr. zirâ Copia

    [FO] (frecuentâ)
    qui intorno gira un brutto tipo = culì ator al è che al zire un brut sogjet

    v.tr. zirâ Copia

    [TS] (trasferî un assegn o une cambiâl firmantlis)
    girare un assegno = zirâ un assegn
    girare una cambiale = zirâ une cambiâl
  • 6

    v.tr. zirâ Copia

    [TS] (filmâ)
    girare un film = zirâ un cine

    v.intr. slargjâsi, zirâ, spandisi, jessi ator, jessi fûr Copia

    [FO] (di alc, difondisi)
    gira una brutta influenza = e je ator une brute influence
    gira una voce = e je fûr une vôs
  • 7

    v.intr. lâ, zirâ Copia

    [FO] (lâ ben)
    oggi la borsa gira bene = vuê la borse e va ben oppure e va
  • 8

    v.intr. zirâ Copia

    [FO] (funzionâ)
    il motore gira male = il motôr al zire mâl
  • 9

    v.intr. voltâsi Copia

    [TS] (dal vin, pierdi il so savôr, lâ di mâl)
    il vino è girato, buttalo via = il vin si è voltât, butilu vie

locuzioni

    far girare i coglioni
  • fâ zirâ i coions, fâ zirâ i balons, fâ saltâ sù la grinte, fâ invelegnâ, fâ vignî sù il fum, fâ vignî il futar, rompi i tabarsCopia
    [CO] (stiçâ)
    • far girare la testa
  • fâ deventâ mat, fâ pirlâ, fâ zirâ il cjâf, fâ pierdi il cjâfCopia
    (fâ pierdi il sintiment, fâ inamorâ)
  • fâ zirâ il cjâfCopia
    [CO] (fâ inzirli)
    la grappa gli fa girare la testa = la sgnape i fâs zirâ il cjâf
    • far girare le palle
  • [CO] (vedi far girare i coglioni)
    • far girare le scatole
  • [CO] (vedi far girare i coglioni)
    • girare a vuoto
  • pierdi timp, zirâ a vueit, remenâsiCopia
    (fâ alc cence vê risultâts bogns)
    sembra che lavori tanto, ma gira a vuoto = al somee che al lavori tant, ma si remene
  • zirâ a vueitCopia
    [CO] (di ruede o argagn, zirâ libar cence jessi peât a altris mecanisims)
    il perno sta girando a vuoto = il pivot al è che al zire a vueit
    • girare al largo
  • cjoli la volte a larc, cjapâ la volte a larc, tirâsi a larcCopia
    [CO], [TS] (no svicinâsi)
    gira al largo da quel bar, c'è sempre brutta gente = tiriti a larc di chel bar, e je simpri brute int
    • girare attorno
  • [CO] (vedi girare intorno)
    • girare i coglioni
  • [CO], [TS] (vedi girare le scatole)
    • girare il mondo
  • zirâ il mont, zirâ la Calabrie, lâ par dut il montCopia
    [CO] (lâ pal mont)
    aveva girato il mondo in quegli anni = al veve zirade la Calabrie in chei agns
    • girare intorno
  • zirâ ator, lâ atorCopia
    [CO], [TS] (frontâ alc in maniere indirete)
    girava attorno alla questione = al zirave ator de cuistion
  • zirâ ator, zirâ intorCopia
    [CO] (cirî di cjapâ contat cun cdn.)
    gli girava attorno per avere un appuntamento = i zirave ator par vê un apontament
    • girare l'angolo
  • voltâ cjanton, voltâ il cjanton, fâ il cjantonCopia
    [CO] (passâ un cjanton)
    l'ho perso di vista quando ha girato l'angolo = lu ai pierdût di viste cuant che al à voltât oppure al à fat il cjanton
    • girare l'anima
  • [CO], [TS] (vedi girare le scatole)
    • girare la frittata
  • [CO] (vedi rivoltare la frittata)
    • girare la testa
  • lâ fûr di cjâf, zirâ il cjâfCopia
    (espression par indicâ un compuartament che al podarès fâ dome un che al fâs il mat)
    gli gira la testa a quello? = i zirial il cjâf a chel li oppure vadial fûr di cjâf chel li?
  • zirâ il cjâfCopia
    [CO] (vê inzirli)
    ho bevuto troppo, mi gira la testa = o ai bevût masse, mi zire il cjâf
    • girare le palle
  • [CO] (vedi girare le scatole)
    • girare le scatole
  • zirâsi i coions, zirâsi i balons, zirâsi lis balisCopia
    [CO] (jessi une vore sustât)
    se gli girano le scatole la vedi brutta = se i zirin lis balis tu le viodis peloche
    • girare qua e là
  • zirâ ca e là, lâ a passonCopia
    [CO] (lâ in plui direzions, di plui bandis, cence une destinazion fissade)
    girava qua e là fra la gente = al leve a passon oppure al zirave ca e là tra la int

monolingue

passâ v.intr.
(pa-ssâ)
Lâ par un puest o traviers di un o plui elements cence fermâsi, o ancje in sens gjeneric o cuntune relazion spaziâl che no je traviers, ma dongje, parsore, in bande e v.i.
esempi
"e viôt e e sint a passâ par aiar i aeroplans. E sint a dî che a bombardin di sgrisulâsi"
da "Storie di Vera" di Ivano Urli
"Pieri al montà su di un bus che al passave par li"
da "Tal ospedâl" di Amedeo Giacomini
"a passavin autos che a menavin int in place, tai cafês, in glesie pe Messe"
da "Vivi a Codroip" di Agnul di Spere
passâ v.intr.
(pa-ssâ)
Lâ intun puest par pôc timp prime di tornâ a lâ vie
sinonimi
fâ un salt
esempi
"Mine, prin di lâ in glesie, e passave in bancje"
da "Il sium di Lissandri" di Franca Mainardis
""O ai viodude la femine dal Girlando: je passade in Preture par firmâ il ricognossiment dal so quondam""
da "Ah! la provincie" di Sandri Di Suald
passâ v.intr.
(pa-ssâ)
Lâ indenant rispiet a une dificoltât, un ostacul, un esam e v.i. (fig.)
esempi
"l'acuardi al jere che ducj i partîts a varessin presentât un sôl candidât comun, che al sarès automatichementri passât cul 100% dai vôts"
da "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"Ricut al à dodis agns e nol è ancjemò passât di prime"
da "Lis predicjis dal muini" di Josef Marchet
passâ v.intr.
(pa-ssâ)
[TS] (zûcs) Intai zûcs di cjartis, fâ di mancul di zuiâ la sô man
passâ v.intr.
(pa-ssâ)
Mudâ posizion, lâ di un puest, une cundizion, une compagnie e v.i. a une altre (ancje fig.)
sinonimi
lâ
esempi
"[Di Cjaurià] di sostignidôr de Dc tai agns 80 al jere passât cul Pci"
da "Memoriis di politiche linguistiche" di Adrian Cescje
" i todescs, passâts di aleâts a nemîs, a copavin ducj chei che a cjatavin o ju depuartavin in Gjermanie"
da "Faliscjis" di Cristina Noacco
passâ v.intr.
(pa-ssâ)
Jessi considerât intune cierte maniere
esempi
"Milio Vuaraç al jere za anzian cuant che il Fassio, cuntune firme, lu fasè passâ par volontari e lu spedì a Rodi"
da "I furlans e il mâr" di Riedo Pup
"in cierts moments, il vêr, si pues dîlu dome se al passe par matetât, tant di cjapâlu in ridi"
da "Cjase di Dalban" di Maria Forte
"o sin rivâts al pont che si passe par stupits o par mats o par bausârs se no si fasisi paiâ su la brucje un plasê, un servizi"
da "Lis predicjis dal muini" di Josef Marchet
passâ v.intr.
(pa-ssâ)
Mudâ di proprietât dilunc dal timp (ancje fig.)
esempi
"la filande di Çampâr [...] agns daspò e passà a Josef Zanon, che al veve vierte une seconde filande, e plui tart al fi so Antoni"
da "Liniis di storie sociâl e economiche dal Friûl 1500 – 1800" di Adrian Cescje
"«Tenle cont… [une monede antighe]» i veve dit. «Al è un ricuart di famee, al è passât di man in man cuissà di cetantis gjenerazions […]»"
da "Chei di Muraie" di Pieri Menis
passâ v.intr.
(pa-ssâ)
Di timp, no jessi plui tal presint
esempi
"a jerin passâts doi mês da la ultime volte che Nardon al veve fevelât cun Vigjute"
da "Nardon e Vigjute di Nani" di Pieri Somede dai Marcs
"passâts altris vincjesiet agn, il Diaul in persone si presente al nestri om, e i dîs che al fasi il plasê di lâ cun lui"
da "Meni Fari" di Luigi Gortani
passâ v.intr.
(pa-ssâ)
Cessâ di lâ indevant, di esisti
sinonimi
cessâ, finî, sparî, lâ vie
esempi
"mi jere passade la voie di zuiâ"
da "Il dolfin" di Carlo Sgorlon
"a Tunina a i era vignût un pô di matetât e che al coventava spetâ che a i fos passada"
da "Li Anzuliti" di Novella Cantarutti
"lu viodeve come vuarît di un mâl, la muse no plui ingropade, i voi une altre volte lusorôs, insome il piês al someave passât par simpri"
da "Par stradis lungjis" di Alan Brusini
passâ v.intr.
(pa-ssâ)
Murî
sinonimi
lâ, murî, spirâ
esempi
"la bisnone è passade in un suspîr"
da "La Ave" di Ercole Carletti
passâ v.intr.
(pa-ssâ)
Jessi sopuartât, perdonât
esempi
"[Nino, l'om di Vera] dopo zuiât si pierdeve vie cui amîs de scuadre tornant dongje a straoris. Passe une volte, passin dôs, la tierce Vera lu clame adoremus"
da "Veruska" di Ivano Urli
passâ v.tr.
(pa-ssâ)
Traviersâ, superâ, lassâ indaûr e v.i. (ancje fig.)
sinonimi
lassâ, lassâ indaûr, superâ, traviersâ
esempi
"a Chiasso no si viodè doganîrs, ni talians ni svuizars. Passât Chiasso, il tren aromai al coreve a lunc tal scûr"
da "In viaç di domenie" di Agnul di Spere
"[un forest par lâ di Udin in "Jugoslavie"] al passe la Tor, Remanzâs, la ferade e al rive a Cividât"
da "No impaçâsi" di Riedo Pup
"il Benevento al vinç e al passe l’Udin in classifiche"
da "Udinese – Benevento 0-2" di Marc Stolf
passâ v.tr.
(pa-ssâ)
Rivâ o jessi là di là, parsore, superiôr e v.i. (ancje fig.)
sinonimi
superâ
esempi
" i vâs a vignivin cuets intun ambient ridutôr (vâl a dî cun pôc ossigjen) a temperaduris che no passavin i 700 grâts"
da "La preistorie in Friûl" di Andrea Pessina, Gaetano Vinciguerra
"un “export” che al passe i sîscent milions di euros ad an"
da "Dal setôr dal len un dramatic chivalì" di Redazion il Diari
passâ v.tr.
(pa-ssâ)
Movi o fâ movi a traviers, dentri o intune altre relazion spaziâl
sinonimi
meti
esempi
"il presonîr al mangjave une volte in dì di un plat che nus passavin a traviers i gatars de puarte"
da "Storie di Min" di Ivano Urli
passâ v.tr.
(pa-ssâ)
Fâ lâ di une posizion, cundizion, funzion, di un sisteme e v.i. a di une altre o fâ rivâ a une cierte posizion, cundizion e v.i.
sinonimi
meti
esempi
"il plevan Vuarint [...] al vignì gjavât di Glemone e passât cjaluni a Cividât"
da "Gran Dio benedite l' Italia" di Riedo Pup
"il furlan al à une scriture convenzionâl [...] che le àn passade a leç politics di diviersis crodincis politichis"
da "Presentazion DOF piçul" di Zorç Cadorin
passâ v.tr.
(pa-ssâ)
Fâ vê
sinonimi
dâ
esempi
"i secjave che il predi nol lavoràs, e i rincresseve di passâi il cuartês"
da "I furlans e i predis" di Riedo Pup
"Vignesie e rispuindè che [...] al plui e varès lassât al patriarcje il guvier temporâl di Sant Vît e di Sant Denêl e i varès passâts, come indenitât, trê mil ducâts ad an"
da "Cuintristorie dal Friûl fin sot la Italie" di Josef Marchet
"une lenghe duncje no pues jessi considerade dome un imprest par passâ informazions"
da "Pseudopragmatisim linguistic" di Sandri Carrozzo
passâ v.tr.
(pa-ssâ)
Fâ fevelâ cun cdn., meti in comunicazion
esempi
"la sô assistente mi passe par telefon propit Sandra Pizzolitto Pupatello"
da "Interviste a Sandra Pizzolitto Pupatello" di Christian Romanin
passâ v.tr.
(pa-ssâ)
Rivâ a frontâ cun sucès une prove, une dificoltât, un ostacul e v.i. (fig.)
sinonimi
superâ
esempi
"par rivâi [aes gnovis leçs di tutele dal furlan e dal solven] si à vût di passâ cuntun sfuarç no di pôc ducj i pidiments fats indenant massime di cierts rapresentants politics e sindicâi"
da "Pai dirits linguistics in Friûl - Vignesie Julie 2008-2013" di Comitât 482
"passâ un esam di abilitazion par jentrâ intune tabele professionâl"
da "Memoriis di politiche linguistiche" di Adrian Cescje
passâ v.tr.
(pa-ssâ)
Stâ intune cierte maniere par une cierte dade di timp o intune cierte situazion
sinonimi
fâ, stâ, lâ
esempi
"al jere zovin, e al veve gust di passâ cualchi ore di libertât la sere"
da "Orazions" di Meni Ucel
"i siôrs a passavin lis lôr vacancis in culine là che a vevin cjistiei e coloniis cun vignâi e zardins, cun boscs e roiuçs"
da "I furlans e lis feriis" di Riedo Pup
passâ v.tr.
(pa-ssâ)
[CO] (gastr.) Fâ lâ par un tamês o tratâ cuntun imprest di cusine par fâ vê une consistence fine e vualive
esempi
"bulî lis patatis, passâlis e messedâ cun farine, ûfs e sâl"
da "Jerbis salvadiis inte cusine furlane" di Giorgio Pascoli
passâ v.tr.
(pa-ssâ)
[CO] (gastr.) Someti a un cualchi tratament che al compuarte une azion svelte, cun moviment e contat
esempi
"passâ la cjar in padiele"
"fâ a daduts un pet di poleç e passâju te farine"
da "Cusine etniche, parinte strete de cusine furlane" di Margherita Timeus
passâ v.tr.
(pa-ssâ)
Movi mantignint il contat
sinonimi
freâ, sfreâ, freolâ, sfreolâ
esempi
"cun man lizere, e scomençà a netâlu: i passave il peçotut su lis feridis"
da "Il muc" di Roberto Ongaro
passâ v.tr.
(pa-ssâ)
Someti a un cualchi tratament
esempi
"passâ un test cul coretôr"
passâ v.tr.
(pa-ssâ)
Someti ae atenzion par cjatâ ce che al interesse
sinonimi
cjalâ, spulzinâ, lei
esempi
"al passave cul dêt ogni non, par sigurâsi di no dismenteâ nuie"
da "Il Bide di Miot" di Maria Forte
"o vin provât a passâ cun calme dute la sfilze dai manifescj che a forin publicâts an par an, cun decrets e proviodiments dal guvier"
da "Cuintristorie dal Friûl fin sot la Italie" di Josef Marchet
proverbi
"a Sant Benedet la cisile e passe sot il tet, passe no passe, il frêt nus lasse"
"a volê trai il ves plui grant de buse o che il ves nol passe o che la buse si sprece"
"al è passât il timp che a colave la mane"
"al è passât il timp di lâ a moris"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"ce che al passe al ingrasse"
"cuant che a passin i codons, i uciei a finissin"
"cui che al vûl cjapâ ducj i uciei che a passin no 'nt cjape nissun"
"dal dâ al vê e passe une biele diference"
"dal dit al fat al passe un grant trat"
"Diu mieze zornade le passe a fâlis, e chê altre mieze a dâlis"
"dulà che si passe la etât biele ogni piere a fevele"
"dut al passe fûr che il mani dal furducjin"
"i è passade ancje a Napoleon che al veve i spirons di aur"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"i passarà se i è passade ancje a napoleon che al veve i spirons di aur"
"i vedui il prin dì a vain, il secont se passin, il tierç se ridin"
"il timp al passe e la muart e ven"
"il timp al passe e no si po fermâlu"
"joibe stade, setemane passade"
"miôr passâ par stupits che par masse svelts"
"misdì di vile o che al passe o che nol rive"
"ogni an al passe un an"
"ogni dì e passe chê zornade"
"passade la cincuantine a 'nd è une ogni matine"
"passade la cjoche si sint la bote"
"passade la doie, tornade la voie"
"passade la trentine a van in vuaìne"
"passât il glotidôr, passât ogni savôr"
"passât il trenteun no lis vûl plui nissun"
"passât il volt di Clement, nissun no ti à iniment"
"passâts i sessante agns si torne fruts"
"passe un, passe cent"
"prin di Nadâl il frêt nol è rivât, daspò Nadâl il frêt al è passât"
"Sant Gregori pape la cisile a passe la aghe, passâ o no passâ e je ore di arâ"
"se no passe, metii un stec a la volte"
"un bon avocat al fâs passâ par cjan ancje il gjat"
"voltât il cjanton, passade la passion"
Torna in Cima
Torna in Cima