Hai cercato la parola
bilingue monolingue cognomi
Hai cercato la parola
gloria
Torna indietro

bilingue

gloria
  • 1a

    s.f. glorie Copia

    [FO] (onôr straordenari otignût par capacitâts e merits ecezionâi)
    la sua scoperta gli ha dato la gloria nell'ambiente scientifico = chê sô scuvierte lu à puartât a la glorie tal ambient sientific
  • 1b

    s.f. glorie Copia

    [FO] (sucès, notorietât)
    ha avuto il suo momento di gloria = al à vût il so moment di glorie
  • 2

    s.f. glorie Copia

    [FO] (grandece divine)
    la gloria di Dio = la glorie di Diu

    s.f. glorie Copia

    (cundizion di beatitudin)
    la gloria eterna = la glorie eterne
  • 3

    s.f. glorie Copia

    [FO] (laude, esaltazion)
    rendere gloria a Dio = rindi glorie a Diu
  • 4

    s.f. glorie Copia

    [FO] (reson di orgoi, di braùre)
    conquistarsi la gloria sul campo = cuistâsi la glorie sul cjamp

    s.f. glorie Copia

    bella gloria vincere barando = biele glorie a vinci imbroiant

    s.f. glorie Copia

    (persone che si à cuistade celebritât, spec. par merits sportîfs)
    è una vecchia gloria del calcio = al è une vecje glorie dal balon
  • 5

    s.f. glorie Copia

    [TS] (opare di piture o sculture che e rapresente figuris di sants e agnui)
    sul soffitto è dipinta una gloria = tal sofit e je piturade une glorie
  • 7

    s.f. glorie Copia

    [TS] (implant senic par fâ vignî jù dal cîl o sù personaçs de recite)

locuzioni

    in gloria
  • in glorieCopia
    [CO] (in maniere clamorose)
    finire in gloria = finî in glorie
    • lavorare per la gloria
  • lavorâ pe glorieCopia
    [CO] (lavorâ cence une paie)
    fino ad ora ha lavorato solamente per la gloria = fin cumò al à lavorât dome pe glorie
  • lâ in plovi, lavorâ in ploviCopia
    (lavorâ cence sei paiât in voris di utilitât sociâl)

monolingue

glorie s.f.
(glo-ri-e)
Onôr straordenari otignût par capacitâts e merits ecezionâi
sinonimi
celebritât, nomee
esempi
"[la puare int] e pense a la vite, a la famee, al lavôr. I grancj, invezit, a pensin a la storie e a la glorie"
da "Vitoriis e batostis" di Riedo Pup
"mi vevin puartât vie fin une spade, / che o tignivi in memorie / di un mio antenât, vuerîr di imense glorie"
da "Une gnove citât in Friûl" di Pieri Çorut
glorie s.f.
(glo-ri-e)
Ce o cui che al è reson di svant, di braùre
esempi
"lis oparis di art che conservìn cun tante cure jenfri chescj mûrs e che son la glorie e la ricjece dal convent"
da "La Madalene" di Zuan Lurinçon
"nol à stât tant a dâsi a cognossi par un dissegnatôr maestri e di bon gust, onde chei di Cividât lu calcolavin za par une glorie gnove del paîs"
da "Trê Rafaei in jerbe" di Giovanni Gortani
glorie s.m.
(glo-ri-e)
[TS] (lit.) Preiere cristiane che e rint graciis a Diu tes personis dal Pari, dal Fi e dal Spiritussant
Vedi anche: gloria
glorie s.f.
(glo-ri-e)
Cundizion di beatitudin, di gracie concedude di Diu, ancje in espression di rispiet fevelant di cui che al è za muart
esempi
"pre Scjiefin [...] al dîs la sô messute cun cuatri peraulis su la glorie dal paradîs"
da "Lis predicjis dal muini" di Josef Marchet
"mê mari, puare femine, che Diu le vedi in glorie, che e je stade une vore comandadorie e zelose di me"
da "Cretevierte" di Roberto Ongaro
glorie s.f.
(glo-ri-e)
Ancje tal pl., cundizion di contentece beade
esempi
"al veve mandât a cjase une casse di bêçs cuntune letare a sô mari, dulà che i diseve, che la vuere i veve fat bon pro e che al ere deventât un grant siôr. Jê, dute in glorie, e butà vie la vore e si metè a spietâlu"
da "Il cjan blanc di Alturis" di Catarine Percude
"ur presentà une pladine di jote che e fumave la anime, cun cierts fasûi dentri, tenarins tenarins, che Sant Pieri al lave in glorie a mangjâju"
da "La ospitalitât" di Luigi Gortani
"il plevan al è tes sôs gloriis e al benedìs cheste biele ocasion"
da "Co l'amôr al cimie" di Costantino Smaniotto
glorie s.f.
(glo-ri-e)
Situazion o manifestazion sflandorose di alc o di cdn.
esempi
"une Viarte in rose, come un meracul te glorie dal soreli"
da "La aghe da pît la cleve" di Dino Virgili
proverbi
"cuant che no si rive a dî: "glorie di Diu!" al è finît dut"
"ducj i salms a van a finîle in glorie"
"nissun nol vîf di glorie"
Torna in Cima

cognomi

Glorialanza
Si trova a Gradisca di Sedegliano.
Torna in Cima