Hai cercato la parola
bilingue monolingue
Hai cercato la parola
impatto
Torna indietro

bilingue

impatto
  • 1

    s.m. colp, impat Copia

    [CO] (bote fuarte tra un cuarp in moviment e alc altri)
    un impatto automobilistico ad alta velocità = un impat automobilistic a velocitât alte
  • 2

    s.m. colp, bote, impat Copia

    [CO] (contat cun alc, cuntune situazion, cuntune realtât)
    sul primo impatto l'esperienza all'estero è stata dura, ma poi è diventata piacevole = su la prime bote la esperience tal forest e je stade dure, ma dopo e je deventade biele
  • 3

    s.m. colp, bote, impat Copia

    [CO] (efiet che si à comunicant)
    avere un buon impatto sugli alunni = fâ bote sui arlêfs

    s.m. colp, bote, impat Copia

    (bon risultât di cumunicazion)
    una pubblicità di grande impatto = une publicitât che e fâs bote oppure colp

locuzioni

    stampante a impatto
  • stampadore a impat, stampadore a compression, stampante a impat, stampante a compressionCopia
    [TS] (stampadore cuntun sisteme che la stampe si à par compression di liniis e caratars suntune curdele ingjustrade)

monolingue

colp s.m.
Azion e efiet dal bati alc cun fuarce o dal lâ a sbati
sinonimi
ceve, copete, crac, crufule, çocade, çonderade, fotecje, pache, poc, proietil, repeton, ruf, sburt, sburton, scroc, sdramassade, slepe, slocje, stocade, stos, stossade, tamburade, toful, ton, tonade, trus, trussade, vene, vuadule, vueche
esempi
"inte farie, Pauli al lavorave gobit tal sun net dal incuin; come simpri. Un colp daûr chel altri, e ogni tant une fermade par cjalâ la batude sul imprest"
da "Cjase di Dalban" di Maria Forte
"une lungje procession di colps, e la manarie simpri plui indentri te feride, a coni, blancje e precise"
da "La tiere di Lansing" di Maria Forte
"si romp l'eternit, jo o coli sot, o cjapi un colp tal cjâf, mi svei tal ospedâl dopo jessi stât operât"
da "Jo e Graziella" di Mario Beltramini
"al jere tornât a Cjassà, cence pensâ a nuie, dome al svindic, e lu veve maçât cuntun colp di forcje"
da "Prime di sere" di Carlo Sgorlon
colp s.m.
Rumôr fat de azion di bati
sinonimi
bote, crac, çocade, sclop, scroc, tamburade, tonade, bot
esempi
"fûr dai colps secs dal so massanc, dut il mont ator di lui al taseve, e al pareve indurmidît e inmagât"
da "La liende dal riûl" di Franca Mainardis
"lis cjampanis a lassavin colâ ancjemò i lôr colps secs come clapadadis"
da "Sflamiadis" di Pieri Menis
"doi colps su la puarte: al si svee, al impie il lampion e il ferâl e cloteant al va a vierzi: sul scjalin de puarte, te spere di lûs dal ferâl, al viôt une musute intabarade"
da "Nadâl" di Pieri Somede dai Marcs
colp s.m.
Sbâr di une arme di fûc
esempi
"un colp di canon"
"un colp di pistole"
colp s.m.
Moviment svelt fat cuntune part dal cuarp
esempi
"al ste minûts intîrs a cjalâ i lôr zîrs a larc [di doi falcuçs], parsore boscs e crets, cence dâ un colp di ale"
da "Il dolfin" di Carlo Sgorlon
colp s.m.
(sport) Tai sports di contat o intun combatiment, ancje no sportîf, moviment par cirî di tocjâ, cun plui o mancul fuarce, l'aversari
esempi
"un colp di karate"
"rivâ a parâ i colps dal aversari"
colp s.m.
Il pandisi imburît di une emozion, di un sintiment e v.i.
sinonimi
sclop, sbroc
esempi
"al veve lassât di scombati. Dopo la fiere di chel colp di rabie si sintive scomât"
da "Mabile la Lunghine" di Maria Forte
"si dreçà intun colp di amôr propri, declarant cu lis lagrimis intal cuel che e varès frontât il pari di bessole"
da "Trê feminis" di Gianni Gregoricchio
"il re si è spaventât e, intun colp di pôre e di zelosie, i à fat çoncjâ il cjâf"
da "Sant Jacum, là che al finìs il mont" di Antoni Beline
colp s.m.
Azion svelte fate cun cualsisei imprest
esempi
"Eliseo al le prime dal marangon par dâi un colp di smerilio [ae manarie], e po dopo te cantine di cjase sô, par uçâle cu la muele"
da "Prime di sere" di Carlo Sgorlon
"al podarès dâ il vueli di lin ai sieraments; dâur un colp di sponzarole là che al covente, onzi i cancars"
da "Cretevierte" di Roberto Ongaro
colp s.m.
Azion svelte par rivâ a un obietîf, cun furbetât o ancje in maniere violente e ilegâl o iregolâr
sinonimi
assalt, ladrarie, ladroneç, rambe, rapine, robarie, svalisade
esempi
"la organizazion dai partesans e jere fate di oms che a jerin in montagne e che pal plui a fasevin i colps grues e plui impuartants e di oms che a vivevin in paîs"
da "Il muc" di Roberto Ongaro
"bessôi e sfladâts: intant che a Rome si rumie un colpat çamp che par une trate al tornarà a cjolinus il flât"
da "Legnadis e pidadis" di Josef Marchet
colp s.m.
Lavorazion dade a une paste jevade par che e pierdi gas e dopo e torni a jevâ cun plui fuarce
esempi
"par vie de mangjative, mi àn metût intune intimele: un fiasc di ramandul, mieç chilo di polente cuinçade, une poleçute rustide, un pâr di slepis di formadi bausâr, un chilo bondant di pomacis, sîs fetonis di panzete e un pan di siet colps cu la ue calabrie"
da "Viaç a Vignesie" di Arturo Feruglio
colp s.m.
Rapuart sessuâl (volg.)
sinonimi
bote, spente, uçade
esempi
"no je une maravee, ma un colp jal darès"
colp s.m.
Manifestazion imburide e dispès fulminante di un mâl, massime tal cerviel o tal cûr (coloc.)
sinonimi
acident, ton
esempi
"une volte si murive di un colp, di un gastric, di une ponte"
da "La fantasie de muart" di Alan Brusini
"la vilie de sagre di Vile Disore, e mancjà di un colp la mari dal ostîr: e restà secje tal jet - che e jere za malade - cence podê dî nancje un Jesus"
da "Disore e disot" di Pieri Menis
"daspò un colp (ictus) tal cerviel, cui malâts bilengâi bisugne viodi cemût che a van dutis dôs lis lenghis (furlan e talian)"
da "Il cjâf dai furlans" di Franc Fari
colp s.m.
Fat negatîf o dolorôs, spec. improvîs
sinonimi
bote, petenade, sacodade, scjassade, scjasson, scopule, sgnesule, sgorlade, sgorlon, spacade, vene
esempi
"cu la muart di Pierluigi Visintin, il mont de culture furlane al patìs un altri colp dûr"
da "Corot pe muart di Pierluigi Visintin" di Redazion Radio Onde Furlane
colp s.m.
Moment che alc al sucêt
sinonimi
volte, viaç, pache
esempi
"la ombre nere de Incuisizion e tornave come une manarie sul paîs, ma chest colp no nome par fâ pôre"
da "Come tai romançs" di Alan Brusini
"daûr dal prin frut, al jere rivât un altri, e po un altri, e infin ancje dôs frutis tun colp"
da "Aiar di cjase" di Franca Mainardis
"il predi ogni colp che lu cjatave al veve saldo di dîi di mendâsi, di fâ judizi"
da "Amîs come prime" di Alan Brusini
colp s.m.
In frasis negativis, nuie (coloc.)
sinonimi
ache, bighe, clostri, ostie, osti, porco
esempi
"la maestre lu tignive come il prin de scuele ancje se lui nol saveve un colp di nie"
da "Par stradis lungjis" di Alan Brusini
proverbi
"al prin colp nol cole l'arbul"
"cuntun colp nol cole l'arbul"
"dai colps si vuarìs di ducj, fûr che dal prin"
"no si taie mai l'arbul cuntun sôl colp"
"par un colp nol cole il len"
Torna in Cima
Torna in Cima