Tu âs cirût la peraule
bilengâl monolengâl
Tu âs cirût la peraule
in coerenza con
torne indaûr

bilengâl

in coerenza con
  • 1

    loc.prep. daûr di, conformi cun, in coerence cun, in conformitât cun, secont, secontri Copie

    [CO] (in relazion di coerence, cun armonie)
    ha agito in coerenza con le sue convinzioni = si è compuartât daûr des sôs convinzions

monolengâl

secont adi.num., pron.num.
(se-cont)
Che intune serie al ven dopo dal prin, che al corispuint al doi
esemplis
"o scuen confessâ che e je la seconde volte che mi tocje di pintîmi"
gjavât fûr di "Rispueste: cjalâ e tasê" di Riedo Pup
"i malans a scomençarin cun Berengari, secont fi di chest Everart, che al deventà duche o margrâf dal Friûl dal 875"
gjavât fûr di "Cuintristorie dal Friûl fin sot la Italie" di Josef Marchet
"al veve cjapât sù un claput, lu veve butât intai scûrs e al veve spietât. Po a 'nd veve butât un secont, po un altri, po un altri"
gjavât fûr di "La ombrene" di Meni Ucel
secont adi.num.
(se-cont)
Che al rapresente il periodi madûr o finâl di une dade di timp plui lungje
esemplis
"pitôrs furlans dal secont ’500"
gjavât fûr di "Storie de art in Friûl" di Bepi Agostinis
secont adi.num.
(se-cont)
Altri rispiet a ce che al è calcolât principâl, gnûf a pet di un prin
sinonims
altri, gnûf
esemplis
"a Vignesie i canâi a rapresentin une seconde cualitât di stradis"
gjavât fûr di "Viaç a Vignesie" di Arturo Feruglio
"in Cjargne – al diseve pre Antoni – o ai vude come une seconde nassite culturâl e spirtuâl, parcè che o ai tacât a volêi ben e a spindi la mê vite pal popul"
gjavât fûr di "Pre Antoni al è tornât in Cjargne" di Redazion La Patrie dal Friûl
secont adi.num.
(se-cont)
Mancul impuartant, secondari
sinonims
secondari
esemplis
"vendite di pomis e verduris a presit ridusût tant che prodots di seconde sielte"
gjavât fûr di "Simpri plui atenzion al consum “inteligjent” " di Barbara Cinausero
secont s.m.
(se-cont)
Unitât di timp che e vâl tant che la sessantesime part dal minût prin
sinonims
minût secont, secont di minût
esemplis
"messaçs publicitaris che a durin dai trente seconts al minût"
gjavât fûr di "Un Friûl difarent: i 90 mhz di Onde Furlane" di Max Mauro
"il tren di Laurinç al jere partît miezore prin di chel di Barbure. L'inviament des ruedis, je li sul liston; cuatri seconts, e po un pilastri le veve platade pai voi di lui"
gjavât fûr di "In viaç di domenie" di Agnul di Spere
secont s.m.
(se-cont)
Timp une vore curt (fig.)
sinonims
atim, baticei, bativoli, bot, credo, flât, istant, lamp, lampin, marilamp, marimoment, minût, moment, secont di minût
esemplis
"i pensà sore un secont, e al considerà di colp la mê situazion e chê di mê mari"
gjavât fûr di "Il dolfin" di Carlo Sgorlon
""Ou, Pidins, ven achì un secont! [...]""
gjavât fûr di "Donald dal Tiliment" di Stiefin Morat
secont s.m.
(se-cont)
[TS] (gjeom.) Unitât di misure dai angui che e vâl tant che la trê mil e sîscentesime part di un grât
secont adi.num., s.m.
(se-cont)
Puartade principâl dal gustâ o de cene, pal solit di pes o di cjar, che tal ordin tradizionâl e ven dopo di une paste, rîs o mignestre
esemplis
"se nol è un secont di cjar si pues “rinfuarçâle” [la salate di cjastinis] cun fetutis di formadi"
gjavât fûr di "Cjastinis" di Margherita Timeus
"in cusine a àn preparât jentradis, prins e seconts di pes di fâ vignî la aghegole"
gjavât fûr di "Maman! 28-12-2018" di Arlef
secont s.m.
(se-cont)
Copari intun duel o persone de scuadre di un atlete impegnât intun incuintri, spec. di pugjilât
secont s.m.
(se-cont)
[TS] (mus.) Cui che tal cjant a plui vôs al compagne il prin
esemplis
"al tornà a cjapâ la sô cjantose, e chei altris daûr, ce di secont e ce di bas"
gjavât fûr di "La aghe da pît la cleve" di Dino Virgili
secont adi.
(se-cont)
[LE] Propizi, favorevul
esemplis
"cussì tu âs avût il cîl seont"
gjavât fûr di "I, 140" di Ermes di Colorêt
secont av.
(se-cont)
Tant che reson seconde, daspò, in ordin di elencazion e di impuartance
sinonims
daspò, dopo, po, po daspò, po dopo, secondariementri
esemplis
"«Felici ma Furlans» nol è dome un biel prodot pe television, ma tant altri. Prin, la cualitât e je alte [...]. Secont, e je une idee fie dai zovins [...]"
gjavât fûr di "«Felici ma Furlans», une sfide al marcjât televisîf" di Natascia Gargano
secont prep.
(se-cont)
Par introdusi une relazion di conformitât, concuardance, dipendence, opinion e v.i.
sinonims
secontri, secontri di, daûr, daûr di, secontre
esemplis
"a nal voleva savêntin di cjacari parcè che la zent - secont lui - a spaçava, pa la pi part, mieza la vita a discori di robi che a na contavin nua"
gjavât fûr di "Barba Fodo e la muart" di Novella Cantarutti
"dute la planure sot i voi e nîts di cjasutis e, in bande, un slac clâr o scûr secont la ore"
gjavât fûr di "La aghe da pît la cleve" di Dino Virgili
"simpri però, dut legâl. Secont leç"
gjavât fûr di "I furlans e i confins" di Riedo Pup
detulis
"i bêçs a son il secont sanc dal om"
"i vedui il prin dì a vain, il secont se passin, il tierç se ridin"
"il fûc al è une seconde compagnie"
"il prin al busse e imbrace, il secont nice e fasse, il tierç an il malan e la malepasche"
"il prin dì di Inseri al è sant Pas, il secont sant Crepìn, il tierç sant Sclop"
"la abitudin e je une seconde nature"
"la educazion e je une seconde nature"
"la prime volte si perdone, la seconde si tontone e la tierce si bastone"
torne sù
torne sù