Hai cercato la parola
bilingue monolingue
Hai cercato la parola
inabissarsi
Torna indietro

bilingue

inabissarsi
  • 1

    v.pronom.intr. subissâsi Copia

    [CO] (lâ sot da la aghe in profonditât)
    la nave ha imbarcato molta acqua e poi si è inabissata = la nâf e à imbarcjât tante aghe e po dopo si è subissade
  • 2

    v.pronom.intr. sprofondâsi Copia

    [CO] (fâsi cjapâ ad in plen di un stât psicologjic negatîf)
    inabissarsi nella depressione = sprofondâsi te depression

    v.pronom.intr. butâsi, sprofondâsi Copia

    (impegnâsi a plen intune ativitât)
    inabissarsi nello studio = butâsi tal studi oppure sprofondâsi tal studi

monolingue

butâsi v.pron.tr., v.pron.intr.
(bu-tâ-si)
Vt. butâ
butâsi v.pron.tr.
(bu-tâ-si)
Butâ alc un cun chel altri o un cuintri di chel altri
esempi
"a si impense [...] das frutis che a saltavin cu la cuarde, a zuavin di campo o di butasi la bale o il cercli"
da "Tumieç e il ventesim secul" di Federico Morocutti
butâsi v.pron.tr.
(bu-tâ-si)
Butâ alc intor di se stes, o metisi intor un cul altri
esempi
"si butà sul cjâf un façoletat e un grumâl intor de panze"
da "Il fi de Rosse" di Pieri Menis
butâsi v.pron.intr.
(bu-tâ-si)
Petâ un salt
sinonimi
lançâsi, plombâ, precipitâsi, proietâsi, saltâ, scaraventâsi, slançâsi
esempi
"il brâf on si butà di un lamp su la sponda de la barcja vicina"
da "Il me paîs" di Federigo Comelli
butâsi v.pron.intr.
(bu-tâ-si)
Fâsi colâ dal alt o lâ cuintri alc par copâsi (ancje scherç.)
esempi
"isal chest ce che tu vuelis? No, pluitost mi buti intal poç!"
da "Trê feminis" di Gianni Gregoricchio
"jo... ma jo i mi copi, i vai a butâmi pal cret di Picjàs"
da "Il cosacut" di Novella Cantarutti
"ma va a butiti te Ledre, çondar!"
da "Opoku invitato da Wikipedia a "butasi te Ledre"" di Redaziion Udinetoday
butâsi v.pron.intr.
(bu-tâ-si)
Metisi sentât o distirât
sinonimi
saltâ, slançâsi, traisi
esempi
"le convincerin a butâsi une orute intal jet"
da "Trê feminis" di Gianni Gregoricchio
"cu lis mans su la muse si bute sul sofà sbrendolôs e si met a vaî come un frutin"
da "Il tesaur di done Cheche" di Pieri Menis
"si bute sfinide suntune cjadree poiant il cjâf sui braçs incrosâts"
da "Un pugn di moscjis" di Pieri Somede dai Marcs
butâsi v.pron.intr.
(bu-tâ-si)
[TS] (venat.) Dai uciei, lâ a poiâsi
butâsi v.pron.intr.
(bu-tâ-si)
Lâ cuintri di cdn. o di alc
sinonimi
assaltâ, lâ cuintri, saltâ intor, butâsi intor
esempi
"si bute cuintri di Rite e le cjape pai cjavei e le sdrane"
da "Barbane" di Pieri Somede dai Marcs
"chei doi si butarin su di lui a sflanconadis, cun fuarce rabiose, e la pistole e finî par tiere, e Sandri al fo strissinât vie"
da "Cjase di Dalban" di Maria Forte
butâsi v.pron.intr.
(bu-tâ-si)
Lâ incuintri, lâ intor di cdn. ancje par amôr, afiet e v.i.
esempi
"tal curtîl e rivà Mariute che si butà vaìnt fra i siei braçs"
da "Cretevierte" di Roberto Ongaro
"si butà parsore di lui a bussâlu e lu bussave sui voi, sul cerneli"
da "Il muc" di Roberto Ongaro
butâsi v.pron.intr.
(bu-tâ-si)
Lâ svelt
sinonimi
precipitâsi, cori, lâ di corse
esempi
"Gjelmin si butà a cjapâ il prin puest suntun scagnut di confessionari"
da "I furlans e la confession" di Riedo Pup
"Mirco si jere butât pes scjalis, al jere lât tra i zuiadôrs di balis"
da "Par stradis lungjis" di Alan Brusini
butâsi v.pron.intr.
(bu-tâ-si)
Jentrâ intune situazion pericolose o no spietade, che e domande cûr, fuarce e v.i.
sinonimi
impegnâsi, olsâ, provâsi
esempi
"mi à scrit lui da la Afriche, prin di butâsi disperât in combatiment "
da "Vilie di Nadâl" di Pieri Somede dai Marcs
"bisugnave butâsi tal viaç voie o no voie"
da "Cjase di Dalban" di Maria Forte
butâsi v.pron.intr.
(bu-tâ-si)
Impegnâsi, meti lis fuarcis, metisi a fâ alc
esempi
"si butave sul lavôr cence padin"
da "Ombris tal infinît" di Carlo Sgorlon
" int di bêçs e di cumierç, che si butà a fitâ cjasis e magazens"
da "Trê feminis" di Gianni Gregoricchio
"ogni volte che al capite un ricors la istituzion si bute a corezi lis sôs sieltis par contentâ cui che al ricor"
da "Memoriis di politiche linguistiche" di Adrian Cescje
butâsi v.pron.intr.
(bu-tâ-si)
Di flum, lâ a finî intal mâr, intun lât o intun altri flum
sinonimi
finî, lâ
esempi
"il Cuar si bute tal Tai a Romans di Vildivar, invezit il Cormôr, dopo jessi stât canalizât a Cjasteons di Strade, si bute te lagune di Maran"
da "La culine furlane" di Luigina Di Giusto, Andrea Guaran e Mauro Pascolini
"la aghe de riviere di Samardencje e vignive jù bruntulant a butâsi te Urane"
da "I colaçs" di Meni Ucel
butâsi v.pron.intr.
(bu-tâ-si)
Di stradis, condots e v.i., lâ tun ciert pont
esempi
"a rivin dulà che la strade si bute sot vie dai ramaçs dai cjastinârs che le sierin parsore"
da "Misure" di Meni Ucel
butâsi v.pron.intr.
(bu-tâ-si)
Dal soreli, de lune e v.i., calâ o lâ, in aparence, daûr di alc
sinonimi
finî, lâ, lâ jù
esempi
"chel soreglut che al jeve di Cuie e po al passe adasiin li parsore intun cîl net e clâr tant che un voli di uciel, par butâsi, tal ultin, daûr dal Cjaval tun sflandôr di no crodi;"
da "La "Fieste dai Roncs"" di Meni Ucel
butâsi v.pron.intr.
(bu-tâ-si)
Ancje ass., stuarzisi di une bande
esempi
"il peç, come rassegnât al so destin, dopo un ultin rezisi impins, come di creature che e vûl resisti, al spacà i leams e si butà dut di une bande e po jù a plombâ jenfri chei altris peçs "
da "La tiere di Lansing" di Maria Forte
"tignî lis breis pognetis par no che si butin"
butâsi v.pron.intr.
(bu-tâ-si)
Vê une cierte evoluzion
esempi
"no vevin rivât a salvâi i pîts che za a tacavin a butâsi in gangrene"
da "Cretevierte" di Roberto Ongaro
"sigûr il timp si bute in ploie e o varìn di stâ dentri in cjase"
da "Artiscj par zûc" di Mirella Fanutti, Marcella Zampa
butâsi v.pron.intr.
(bu-tâ-si)
Cjapâ une part, sielzi di stâ di une bande
esempi
"al voleve sintî cence sei viodût, par butâsi di ca o di là dome tal ultin"
da "Varc di confin" di Maria Forte
"buine part de siorie [...] no spietà agns par butâsi de lôr bande, cjapant sù ideis e mûts di fâ dai gnûfs parons"
da "Cuintristorie dal Friûl dal 1866 fint in dì di vuê" di Francesc Placerean
butâsi v.pron.intr.
(bu-tâ-si)
Bandonâsi a di un compuartament, a di un umôr e sim.
esempi
"cul stâ dibant, si butisi tai vizis e si jemplisi di debits "
da "Cretevierte" di Roberto Ongaro
"butâsi te disperazion e bandonâsi al vin"
da "Cretevierte" di Roberto Ongaro
"butâsi tal fanatisim plui vuarp"
da "Sflacjons e insolents" di Josef Marchet
Torna in Cima
Torna in Cima