Tu âs cirût la peraule
bilengâl monolengâl
Tu âs cirût la peraule
incominciare
torne indaûr

bilengâl

incominciare v.tr., v.intr.
  • 1

    v.tr. tacâ, inviâ, scomençâ Copie

    [FO] (iniziâ alc, tacâ)
    ha incominciato la scuola = al à tacade oppure scomençade scuele
    ha iniziato una relazione = al à scomençât un rapuart

    v.tr. inviâsi, partî, tacâ, scomençâ Copie

    (ancje ass.)
    ho cominciato presto col lavoro = mi soi inviât adore cu la vore
    io comincio, e tu? = jo o tachi oppure jo o partìs, e tu?
  • 2

    v.intr. inviâsi, partî, tacâ, scomençâ Copie

    [FO] (di alc, vê inizi)
    è incominciata la corsa = e je partide oppure si è inviade la corse
    è incominciata la quaresima = e je tacade la cuaresime
    è iniziato il film = al à scomençât il cine
  • 3

    v.intr. tacâ, scomençâ Copie

    [FO] (tacâ a fâ alc)
    i contadini hanno incominciato a falciare = i contadins a àn tacât a seâ
    il bambino ha incominciato a parlare = il frut al à scomençât a fevelâ

monolengâl

partî v.intr.
(par-tî)
Slontanâsi di un puest o di une persone, tacâ un moviment, un percors, un viaç e v.i.
sinonims
bati il tac, cjapâsi sù e lâ, fâ fagot, fâ partence, lâ, lâsint, lâ vie, marcjâ, inviâsi
esemplis
"a voltis al partive a buinore e al stave oris tal bosc e al tornave cul sac plen"
gjavât fûr di "Il Bide di Miot" di Maria Forte
"montât sul automobil, al è partît viers Codroip cun dute la compagnie"
gjavât fûr di "Lis nestris rosis" di Pieri Somede dai Marcs
"« [...] Adio, vecju paîs, e cumpagns zovinuts, / Napoleon al clama la miei zoventût.» / Co al leva il soreli, al prin lusour dal dì, / Vissens cul so cjaval di scundion l'è partît"
gjavât fûr di "Il soldât di Napoleon" di Pier Paolo Pasolini
"al jere partît par la France, cun in sachete dome i bêçs dal viaç e un contrat di manoâl"
gjavât fûr di "Il sium di Lissandri" di Franca Mainardis
partî v.intr.
(par-tî)
Murî (fig.)
sinonims
partî di chest mont, lâ, murî
esemplis
"i vignivin iniment chei che al veve viodûts a murî là dentri [in preson], i lôr deliris, il lôr spavent disperât di scugnî partî cence vê podût tornâ a sintî il savôr de libertât"
gjavât fûr di "Prime di sere" di Carlo Sgorlon
partî v.intr.
(par-tî)
Di un colp, jessi dât o trat
sinonims
lâ, scjampâ
esemplis
"i carabinîrs a cirivin di tignî indaûr cu lis buinis, ma cuant che un toc di modon i rivà al Marassial, al partì il prin colp di carabine"
gjavât fûr di ""Nocent"" di Maria Forte
"l'om al fasè partî une cenglade a tradiment"
gjavât fûr di "Trê feminis" di Gianni Gregoricchio
partî v.intr.
(par-tî)
Di un troi, di une strade, di un cors di aghe e sim., tacâ, ramificâsi
sinonims
dislontanâsi, ramificâsi, slontanâsi, tacâ
esemplis
"al rivà fintremai insom il borc, indulà che al partive il troi dal cuel"
gjavât fûr di "La aghe da pît la cleve" di Dino Virgili
"la stradele di cjamp che e partive de strade bande Savalons su la rive çampe de renzite"
gjavât fûr di "Une lance langobarde cjatade a Baracêt" di Lucio Perès
partî v.intr.
(par-tî)
Vê un principi, une fonde (fig.)
sinonims
movisi, tacâ
esemplis
"la idee di meti sù une radio e jere partide des discussions dentri dal moviment autonomist furlan"
gjavât fûr di "Un Friûl difarent: i 90 mhz di Onde Furlane" di Max Mauro
partî v.intr.
(par-tî)
Di mieç di traspuart, mecanisim, motôr e v.i., metisi in moviment
sinonims
inviâsi, lâ
esemplis
"John intant al veve cjalcjât un altri boton e la machine e partive a grande velocitât"
gjavât fûr di "John König" di Checo Tam
partî v.intr.
(par-tî)
Vê efiet, jentrâ inte fase di aplicazion
esemplis
"l'an passât a son stadis ancje classis che no àn cjatât lis risorsis umanis e là, duncje, nol è stât pussibil fâ partî l'insegnament"
gjavât fûr di "Insegnament dal furlan – la norme “in situazion”: tra regulis e plan de ufierte formative" di Patrizia Pavatti
partî v.intr.
(par-tî)
Rompisi, ruvinâsi, no funzionâ e v.i. (coloc.)
sinonims
lâ
esemplis
"tal curtîl al jere dut scûr, stant che ancje la lûs e jere partide"
gjavât fûr di "Il sium di Lissandri" di Franca Mainardis
partî v.intr.
(par-tî)
Incjocâsi (coloc.)
sinonims
lâ in bale, lâ
esemplis
"al partive cuntun tai, parcè che i mancjave sostance"
gjavât fûr di "Pre Pitin" di Antoni Beline
partî v.intr.
(par-tî)
Scjaldâsi, inamorâsi (coloc.)
sinonims
deventâ mat, inamorâsi, lâ fûr
esemplis
"al è partît par une compagne di universitât"
partî v.intr.
(par-tî)
Dâ i numars, deventâ mat (coloc.)
sinonims
dâ di mat, dâ i numars, deventâ mat
esemplis
"lassilu pierdi, al è partît"
partî v.intr.
(par-tî)
Intun discors, intun resonament, pierdisi di argoment o ancje fevelâ di altri in maniere ecessive (coloc.)
sinonims
tacâ
esemplis
"cuant che al partìs a fevelâ di politiche no lu ferme nissun"
detulis
"la supierbie e partìs in caroce e e rive a pît"
"mâl di part mai nol part"
torne sù
torne sù