Tu âs cirût la peraule
bilengâl monolengâl
Tu âs cirût la peraule
indecenza
torne indaûr

bilengâl

indecenza s.f.
  • 1

    s.f. vergogne, indecence Copie

    [AU] (mancjance di decence)
    condannare l'indecenza di un discorso = condanâ la indecence di un discors

    s.f. porcarie, vergogne, indecence Copie

    (robe indecente)
    fare indecenze = fâ porcariis
    questo lavoro è una indecenza = cheste vore e je une indecence oppure une vergogne

    s.f. porcarie, vergogne Copie

    (in escl.)
    che indecenza! = ce vergogne! ce porcarie!

monolengâl

vergogne s.f.
(ver-go-gne)
Sintiment di turbament e mortificazion profonde che al à cdn. o par vê vude esponude la sô intimitât o savint che un compuartament o une situazion che lu rivuardin a son mâl judicâts
esemplis
"jê che e veve cjapât sù tal pecjât, sepulide vive te vergogne dal disonôr"
gjavât fûr di "La aghe da pît la cleve" di Dino Virgili
"ce vergogne che lis lôr rognis a vessin passât lis puartis di cjase!"
gjavât fûr di "La tiere di Lansing" di Maria Forte
"la pôre dal doman si zontave a la vergogne di jessi li a slungjâ la man come un puar"
gjavât fûr di "Prime di sere" di Carlo Sgorlon
Viôt ancje: vergonze
vergogne s.f.
(ver-go-gne)
Sens di imberdei, di sudizion, di protezion di se stes e v.i. tipic des personis timidis
sinonims
pudôr, sudizion
esemplis
"chel pinsîr i smolà lis lagrimis, cence vergogne"
gjavât fûr di "Cjase di Dalban" di Maria Forte
"l'amôr e la vergogne no van dacuardi intai paîs e cussì lôr a son lâts vie, bandonant la compagnie, lis cjacaris e lis scusis"
gjavât fûr di "Faliscjis" di Cristina Noacco
"al veve un pocje di vergogne a vierzi dal dut il so cûr"
gjavât fûr di "Il sium di Lissandri" di Franca Mainardis
vergogne s.f.
(ver-go-gne)
Pierdite dal onôr, dal rispiet public
sinonims
disonôr
esemplis
"tu no stâ contâle a di nissun, nancje a Nene, che i miei fruts no sepin mai, mai il pês de vergogne che je colade su la nestre cjase"
gjavât fûr di "Resurezion a Pontinie" di Pieri Somede dai Marcs
vergogne s.f.
(ver-go-gne)
Cjosse o persone che e je cause o reson di disonôr
sinonims
infamie, vituperi
esemplis
"si cjamin la cussience di colpis, di vergognis, di birbantariis"
gjavât fûr di "Lis predicjis dal muini" di Josef Marchet
"a misdì al jere za çurul e la sere in bale. «Tu sês une vergogne… » e tontonave done Pine"
gjavât fûr di "Chei di Muraie" di Pieri Menis
vergogne s.f.
(ver-go-gne)
Ancje e soredut tal pl., lis parts intimis (eufem.)
esemplis
"o cirivi di taponâmi lis vergognis tirant injù la maie che mi rivave sì e no al boton de panze"
gjavât fûr di "I forescj" di Alan Brusini, Gian Paolo Linda
""Cjo un peçot, biadaç - dissal - taponiti almancul la vergogne!" e i butà un sbrendul di cjamesate che se leàs tor la panze"
gjavât fûr di "Titon dai siet pecjâts mortâi" di Dino Virgili
detulis
"cuant che la ambizion e galope, la vergogne e monte in grope"
"cui che al vîf cence onôr al mûr cence vergogne"
"prometi e no mantignî e je vergogne di no dî"
"tante vergogne a domandâ che a neâ"
torne sù
torne sù