Tu âs cirût la peraule
bilengâl monolengâl
Tu âs cirût la peraule
infiltrare
torne indaûr

bilengâl

infiltrare v.tr., v.intr.
  • 1

    v.tr. infiltrâ Copie

    [TS] med. (fâ jentrâ dentri cuntune infiltrazion)
    infiltrare il farmaco nella spalla = infiltrâ il medisinâl te spale

    v.tr. travanâ Copie

    (no com., imbombî)
    l'umore della ferita ha infiltrato le bende = l'aghiç de feride al à travanât lis fassis
  • 2

    v.tr. infiltrâ Copie

    [CO] (introdusi cdn. in maniere segrete intune organizazion, par spiâ, controlâ e v.i.)
    la polizia ha infiltrato un agente nella banda criminale = la polizie e à infiltrât un agjent te bande criminâl

monolengâl

travanâ v.intr., v.tr.
(tra-va-nâ)
Di une sostance licuide, aeriforme, di un odôr o altri, jentrâ indentri in alc e slargjâsi
sinonims
penetrâ, imbombâ, inçumbâ, plombâ, stonfâ, bombî, imbombî
esemplis
"ploie che nus stravintave intor e nus travanave tant che o fossin stâts crots"
gjavât fûr di "I ribei" di Alan Brusini
"la jarbe e il muscli a jerin une vore umits, e lis fueis che a sabulivin par tiare, ancje lôr a judavin la umiditât. Eliseo le sintive imbombâi i scarpons e travanâ par dut il cuarp"
gjavât fûr di "Prime di sere" di Carlo Sgorlon
"te strade dal borc, dopo, al travane un bonodôr clip di jarbis e di ûfs dûrs di cene"
gjavât fûr di "«...e là four dal nuestri chiamp...»" di Dino Virgili
travanâ v.intr., v.tr.
(tra-va-nâ)
Passâ traviers di alc (ancje fig.)
sinonims
traviersâ, passâ, trapassâ, strapassâ
esemplis
"il soreli si bone, / e travanant un nûl che lu tapone, / malinconic al spant l'ultim splendôr"
gjavât fûr di "La gnot dei muarts" di Pieri Çorut
"la vôs di Zuanat e someave triste, vignude sù dal infier: e travanave il lodar fûr par fûr"
gjavât fûr di "La aghe da pît la cleve" di Dino Virgili
"il cuarp dal lôf al jere cumò travanât di sgrisui che lu scjassavin dut"
gjavât fûr di "Il lôf" di Fabian Ros
detulis
"la ploie cuiete e travane la tiere"
torne sù
torne sù