Tu âs cirût la peraule
bilengâl monolengâl
Tu âs cirût la peraule
ingrandire
torne indaûr

bilengâl

ingrandire v.tr., v.intr.
  • 1a

    v.tr. slargjâ, ingrandî Copie

    [AD] (fâ deventâ plui grant)
    ha ingrandito il salotto = al à ingrandît il tinel
    la biblioteca ingrandirà la collezione di libri antichi = la biblioteche e slargjarà la racuelte di libris antîcs
  • 1b

    v.tr. slargjâ Copie

    [AD] (svilupâ une ativitât)
    ha ingrandito l'azienda del padre = al à slargjade la aziende dal pari
  • 1c

    v.tr. sglonfâ Copie

    [AD] (fâ cressi il non, la popolaritât e v.i.)
    l'affare ha ingrandito l'imprenditore = l'afâr al à sglonfât l'impresari
  • 2

    v.tr. sglonfâ Copie

    [AD] (cjalcjâ, cjariâ)
    la critica ha ingrandito i difetti del film = la critiche e à sglonfât i difiets dal film
  • 3

    v.tr. ingrandî Copie

    [AD] (fâ viodi miôr cuntun imprest otic)
    ora ingrandiremo la cellula al microscopio = cumò o ingrandirìn la celule cul microscopi
  • 4a

    v.tr. ingrandî Copie

    [AD] (copiâ slargjant)
    per casa ingrandirete questa parte del disegno = par cjase o ingrandirês cheste part dal dissen
  • 4b

    v.tr. ingrandî Copie

    [AD] (fâ plui grande une fotografie)
    potrebbe ingrandirmi il formato della fotografia? = podaressial ingrandîmi il formât de fotografie?
  • 5

    v.tr. cressi Copie

    [TS] mus. (aumentâ la fuarce di un sun)
  • 6

    v.intr. cressi, ingrandîsi Copie

    [CO] (deventâ plui grant)
    il problema è ingrandito = il probleme al è cressût

monolengâl

cressi v.intr.
(cre-ssi)
Di persone, bestie, plante e v.i., deventâ plui grant, tal fisic e te etât
sinonims
vignî sù, dâ sù
esemplis
"la Lise e cresseve an par an plui fuarte. E jere deventade une biele zovenute, dut a colp. Come che a sclopin, a timp just, ducj i butui"
gjavât fûr di "Cjase di Dalban" di Maria Forte
"cumò che Eve e jere cressude e deventade cuasi fantate, i fevelave vulintîr di robis ancje delicadis"
gjavât fûr di "Ombris tal infinît" di Carlo Sgorlon
"cuant che un gjatut al è cressût di trê mês, al tache za a jessi avonde autonom"
Viôt ancje: cressji
cressi v.intr.
(cre-ssi)
Deventâ plui grant, plui rilevant, plui grâf, plui numerôs, plui alt di cualitât, intensitât, jerarchie e v.i.
sinonims
dâ sù, lâ sù, tirâsi sù
esemplis
"tai prins trê secui Aquilee e cressè di popolazion e di impuartance"
gjavât fûr di "Cuintristorie dal Friûl fin sot la Italie" di Josef Marchet
"Tite, blanc in muse, al mostrave un malstâ che al cresseve minût par minût"
gjavât fûr di "Trê feminis" di Gianni Gregoricchio
"lis emissions industriâls di solfar, leadis soredut a la combustion dal petroli e dal cjarbon, a podevin fâ cressi la aciditât des ploiis"
gjavât fûr di "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
"tra i zovins al tache a cressi l'interès par cheste radio singolâr"
gjavât fûr di "Un Friûl difarent: i 90 mhz di Onde Furlane" di Max Mauro
"che tu cressis, mari lenghe, / grande e fuarte, se Dio vûl! / che tu slargjis la tô tende / su la Cjargne e sul Friûl "
gjavât fûr di "Il cjant de Filologjiche Furlane" di Bindo Chiurlo
"Dopo vot dîs di ploie la aghe de Sfueime e jere cressude di fâ pôre"
gjavât fûr di "Amîs come prime" di Alan Brusini
cressi v.tr.
(cre-ssi)
Dâ a un frut, a un animalut, a une plantute e v.i. dut ce che i covente, di nudriment, di curis e ancje di educazion, par che al vegni sù ben
sinonims
tirâ sù, arlevâ
esemplis
"al sint di vê tradît ogni strussie che jê e à patît par nudrîlu e cressilu e fâlu fuart e preparâlu a la vite, al sint un rimuars di cussience che lu fâs compagn dal om plui soç di chest mont "
gjavât fûr di "Tal ospedâl" di Amedeo Giacomini
cressi v.tr.
(cre-ssi)
Fâ che alc al sei plui grant in dimension, cualitât, cuantitât, frecuence e v.i. o che si percepissi di plui
sinonims
incressi, ingrandî, slargjâ, aumentâ, tirâ sù
esemplis
"i comerciants chei ludros par no jessi di mancul a àn cressût il presit trê voltis"
gjavât fûr di "Int di masnade" di Alviero Negro
"mancumâl che i parons no pain tassis - al riduçave Brusin - se no a scugnaressin cressi il fit…! "
gjavât fûr di "Vigji Brusin" di Riedo Pup
"al dave une vôs al cjaval e chel al cresseve il pas"
gjavât fûr di "Il Bulo di Crodio" di Maria Forte
cressi v.tr.
(cre-ssi)
Ancje ass., lavorant di gucje, inzontâ ponts
detulis
"a pôc a pôc si cres"
"cjar che e cres no po sta ferme"
"di Sant Tomâs a Nadâl al cres il dì un pas di gjal"
"il mont al cres ma nol invente"
"il mont al è fat a scjale: cui cres e cui cale"
"il mont al è fat a scjale: un pôc si cres e un pôc si cale"
"il Signôr al è piçul ma al cres ogni dì"
"la cjative jerbe e cres prest"
"la jerbe triste e cres pardut e nissun no le mangje"
"la jerbe triste e cres prest"
"la malizie e cres cu la etât"
"la triste jerbe a cres simpri"
"lasse mus che la jerbe a cressi"
"se a vessin di cressi i dincj, ur cressaressin ai avocats"
"spiete bo che la jerbe e cres"
"spiete cjaval che la jerbe e cres"
"une idee e nas tal cjâf ma e cres tal cûr"
torne sù
torne sù