Tu âs cirût la peraule
bilengâl monolengâl
Tu âs cirût la peraule
insinuarsi
torne indaûr

bilengâl

insinuarsi v.pronom.intr.
  • 1

    v.pronom.intr. jentrâ, travanâ, penetrâ, infiltrâsi, insinuâsi Copie

    [CO] (jentrâ planc a planc e cun fature passant traviers di spazis strents)
    l'acqua si insinua fra le rocce = la aghe e travane fra i crets
  • 2

    v.pronom.intr. jentrâ, penetrâ, insinuâsi Copie

    [CO] (di sintiment o pinsîr, nassi planc a planc)
    una paura infondata si insinuò nella sua mente = une pôre cence reson e jentrà a planc oppure un tic a la volte dentri di lui
  • 3a

    v.pronom.intr. penetrâ, insinuâsi Copie

    [CO] (jentrâ cun abilitât intun grup di personis)
    insinuarsi tra la folla dei tifosi = insinuâsi fra la fulugne dai tifôs

    v.pronom.intr. penetrâ, insinuâsi Copie

    (jentrâ cun abilitât e cence fâsi viodi masse intun ambient, intune societât e sim.)
    un giornalista è riuscito ad insinuarsi nella riunione = un gjornalist al è rivât a insinuâsi te riunion
  • 3b

    v.pronom.intr. jentrâ, penetrâ, insinuâsi Copie

    [CO] (cuistâsi cun abilitât la simpatie e la fiducie di cdn.)
    insinuarsi nelle grazie del re = jentrâ inte benvolence dal re

monolengâl

jentrâ v.intr.
(jen-trâ)
Passâ dal fûr al dentri
sinonims
lâ dentri, vignî dentri
esemplis
"subit lu fasevin jentrâ in cusine, a fasevin vulintîr cuatri cjacaris cun lui"
gjavât fûr di "Fra Silvio" di Pieri Somede dai Marcs
"un ventesel zentîl al jentre te cjamare"
gjavât fûr di "Viaç a Vignesie" di Arturo Feruglio
"il pic a ogni colp nol jentre plui insot di un dêt"
gjavât fûr di "Storie di Min" di Ivano Urli
"Cualchidun al veve tucât te puarte. «Che al jentri!...» a disin ducj i doi e la puarte si vierç planchin planchin"
gjavât fûr di "Sflamiadis" di Pieri Menis
Viôt ancje: entrâ
jentrâ v.intr.
(jen-trâ)
Di sensazion fisiche o psicologjiche, fâsi sintî ben insot (fig.)
sinonims
lâ indentri, lâ insot
esemplis
"chel frêt sutîl che al jentrave par dutis lis comissuris"
gjavât fûr di "Il «pigjama»" di Pieri Menis
"incens brusât che al spandeve ancjemò chel so profum cussì vîf e gradevul, che al jentrave fin ta la anime"
gjavât fûr di "Chei di Muraie" di Pieri Menis
jentrâ v.intr.
(jen-trâ)
Rivâ a stâ o a passâ intun ciert spazi
sinonims
stâ dentri, stâ
esemplis
"o ai metût sù cualchi chilo e no jentri plui tai bregons"
jentrâ v.intr.
(jen-trâ)
Scomençâ a jessi intune cierte dade di timp
esemplis
"chest an che o sin jentrâts, par ben che e vadi, al lassarà chel timp che al à cjatât"
gjavât fûr di "Preambul rusin" di Josef Marchet
jentrâ v.intr.
(jen-trâ)
Deventâ membri di un grup
esemplis
"gno pari mi à dit che e jere rivade la ore di jentrâ tal Club dal Fogolâr"
gjavât fûr di "Interviste a Sandra Pizzolitto Pupatello" di Christian Romanin
jentrâ v.intr.
(jen-trâ)
Lâ a fâ un percors di istruzion o un tratament terapeutic, spec. lunc, ancje intune struture dulà che a tegnin a stâ
sinonims
lâ, lâ dentri
esemplis
"il prossim Autun Pinute e veve di jentrâ in colegjo"
gjavât fûr di "Chei di Muraie" di Pieri Menis
"il timp al passave, e jere tornade la ore di jentrâ in seminari"
gjavât fûr di "Par stradis lungjis" di Alan Brusini
"al jere jentrât tal ospedâl che a semenavin il sorc, e al jere saltât fûr, poiât ae cruchie, che a sclofavin"
gjavât fûr di "Cjase di Dalban" di Maria Forte
jentrâ v.intr.
(jen-trâ)
Cjatâsi, lâ intune cundizion gnove
sinonims
lâ
esemplis
"doi mês dopo la Italie e jentrà in vuere"
gjavât fûr di "Trê feminis" di Gianni Gregoricchio
jentrâ v.intr.
(jen-trâ)
Metisi intune cierte situazion, intun ciert rapuart cun chei altris
esemplis
"il popul al à conservât il so furlan; al è jentrât in relazions economichis e culturâls cun altre int, ma nol à rinunziât ae sô lenghe"
gjavât fûr di "La fuarce dal nestri lengaç" di Josef Marchet
"cul plui lâ des zornadis la femine dal siôr e jentrà in confidence cun Catine"
gjavât fûr di "Trê feminis" di Gianni Gregoricchio
jentrâ v.intr.
(jen-trâ)
Jessi implicât e influî intune situazion, intune ativitât e v.i.
esemplis
"[ae nobiltât] i bastave di ricevi il redit che i vignive dai contrats agraris cui contadins, cence impegn di invistiment, cence jentrâ te forme produtive"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"une concretece che e jentre tal mût di fâ gjornalisim"
gjavât fûr di "Interviste a Toni Capuozzo" di Oscar Puntel
jentrâ v.intr.
(jen-trâ)
Vê a ce fâ cun alc
esemplis
"«E ce jentrial il confin [cu la patrie]!» al rispuint Agnul. «Di cuant incà si puedial dividi lis patriis cuntune stangje! I confins a servissin par dividi lis aministrazions, ven a stâi i stâts, no lis patriis»"
gjavât fûr di "I furlans e la patrie" di Riedo Pup
jentrâ v.intr.
(jen-trâ)
Jessi capît, acetât, plasê
esemplis
"al saveve ancje lui che nol jere il câs di tentâ di vuarîlu [il purcit cul mâl rossin], ma chê di copâlu e di soterâlu tal bosc no i jentrave"
gjavât fûr di "A marcjât" di Meni Ucel
jentrâ v.intr.
(jen-trâ)
Di bêçs, jessi vuadagnâts o scuedûts
sinonims
rivâ
esemplis
"tant che compens par cheste funzion, al cjapitani i spietavin i bêçs che a jentravin midiant des penis pecuniariis previodudis dai statûts"
gjavât fûr di "Statûts di Montenârs 1373" di Alida Londero
jentrâ v.intr.
(jen-trâ)
[TS] (sport) Tal balon, rivâ a realizâ un intervent cuintri l'aversari che al à il balon (ancje ass.)
sinonims
intervignî
esemplis
""Domenie al tache il campionât: ce crodêso, di jentrâ cussì? Miarde: i vûl jentrât decîs, i vûl! No chel tic e tic, caz: vêso pôre di fâsi mâl? [...]""
gjavât fûr di "Donald dal Tiliment" di Stiefin Morat
jentrâ v.intr.
(jen-trâ)
[TS] (autom.) Dal mecanisim de marcje
esemplis
"frache ben la frizion, se no la marcje no jentre"
detulis
"a puarton spalancât il ben al po jentrâ e il mâl al po lâ"
"a Sant Zuan al jentre il most te ue"
"a tignî la bocje sierade, no jentrin lis moscjis"
"al è dibant segnâsi cuant che il diaul al è jentrât"
"cuant che no si po jentrâ pal porton, si jentre pal portel"
"cui che al jentre ultin che al sieri la puarte"
"i gjambars a son bogns in chel mês che al jentre l'ere"
"la caritât a va fûr pal porton e e jentre pal barcon"
"no stâ jentrâ là che no tu sês clamât"
"nol è nissun matrimoni che nol jentri il demoni"
"se no tu sês clamât, no stâ jentrâ"
torne sù
torne sù