Tu âs cirût la peraule
bilengâl monolengâl
Tu âs cirût la peraule
intelligenza
torne indaûr

bilengâl

intelligenza s.f.
  • 1a

    s.f. inteligjence Copie

    [FO] (facoltât de ment)
    è un ragazzo di intelligenza pronta = al è un zovin di inteligjence svelte
  • 1b

    s.f. inteligjence Copie

    [FO] (di animâi)
    uno studio sull'intelligenza delle scimmie = un studi su la inteligjence des simiis
  • 2a

    s.f. inteligjence Copie

    [FO] (capacitât di imparâ, capî, judicâ cun facilitât e sveltece)
    avere l'intelligenza per proseguire negli studi = vê la inteligjence di lâ indenant tai studis
    dare prova di intelligenza = fâ mostre di inteligjence
  • 2b

    s.f. sintiment, inteligjence Copie

    [FO] (facoltât di analizâ daurman une situazion)
    avere l'intelligenza di andarsene al momento giusto = vê il sintiment oppure la inteligjence di lâ vie tal moment just

    s.f. inteligjence, prontece Copie

    (spirt pront)
    rispondere con intelligenza a una domanda = rispuindi cun prontece a di une domande
  • 3

    s.f. sintiment, inteligjence Copie

    [FO] (il savê fâ)
    sa studiare e scrivere con intelligenza = al sa studiâ e scrivi cun inteligjence
    un pilota che guida sempre con intelligenza = un pilote che al vuide simpri cun sintiment
  • 4

    s.f. inteligjence Copie

    [FO] (l'om, intindût tant che creature inteligjente)
    è un discorso che ogni intelligenza può comprendere = al è un discors che dutis lis inteligjencis a puedin capî

    s.f. inteligjence Copie

    (persone cun cetantis capacitâts inteletuâls)
    una delle migliori intelligenze del nostro tempo = une des miôr inteligjencis dal nestri timp
  • 5

    s.f. Inteligjence Copie

    [TS] teol. (dome sing., par anton., cu la iniz. maiusc., Diu)

    s.f. Inteligjencis Copie

    (tal pl., cu la iniz. maiusc., i agnui)
  • 6

    s.f. intindisi, inteligjence Copie

    [TS] dir. (acuardi, intese segrete par plui cuintri la leç o une norme in vigôr, o par favorî, in câs di vuere, un stât aversari)
    c'è stata intelligenza fra le due potenze = al è stât un intindisi tra lis dôs potencis
    essere accusato di intelligenza con uno stato straniero = sei acusât di inteligjence oppure di intindisi cuntun stât forest
  • 7

    s.f. inteligjence Copie

    [TS] mar. (bandierute triangolâr o grup di segnalazions luminosis che si doprin par comunicâ che si à vût o capît un messaç)

monolengâl

intindisi v.pron.intr.
(in-tin-di-si)
Rivâ a vê comprension di ce che si comuniche un cun chel altri
sinonims
capîsi
esemplis
"o onorìn la lenghe taliane, che nus permet di intindisi cun chei altris popui dal Stât, ma no volìn che la lenghe che par seculorums e à segnât la nestre storie e mueri par colpe di chê vignude dopo"
gjavât fûr di "Friûl: 145 - 93 agns de Italie" di Antoni Beline
intindisi v.pron.intr.
(in-tin-di-si)
Lâ dacuardi, vê condivision o cjatâ un compromès di ideis o obietîfs
sinonims
metisi dacuardi, metisi in cunvigne, lâ dacuardi, convignî, convignîsi, capîsi
esemplis
"nissun mi gjavarà dal cjâf che sorestants e sotans no podaran mai intindisi"
gjavât fûr di "Îr e doman" di Gianni Gregoricchio
"facilmentri i patriarcjis, ancjemò tal XI secul, a varan tacât a clamâ dongje i lôr feudataris, ogni volte che al jere par aiar alc di grues, par sintî la lôr opinion e par intindisi sul cont de «taie» feudâl [...] e su la division dai contribûts in monede"
gjavât fûr di "Cuintristorie dal Friûl fin sot la Italie" di Josef Marchet
intindisi v.pron.intr.
(in-tin-di-si)
Cjatâ un acuardi par fâ alc, cjapâsi l'impegn declarât a altris di fâ alc
sinonims
restâ, impegnâsi, metisi dacuardi, metisi in cunvigne
esemplis
"cun Oie, Great e Visintin, che a fasin modon inte fornâs, si è intindût di puartâur ogni zornade disdivore il gustâ"
gjavât fûr di "Storie di Min" di Ivano Urli
intindisi v.pron.intr.
(in-tin-di-si)
Vê o tacâ a vê confidence, amicizie, afiet
sinonims
tacâ, capîsi, fâ tele
esemplis
""Jo, fie mê, soi sigure che mio fi e la Lidiute si intindaran, parcè che ju cognòs ben ducj i doi [...]""
gjavât fûr di "A ogni cost" di Vittorio Vittorello
intindisi v.pron.intr.
(in-tin-di-si)
Jessi in armonie
esemplis
"un jeur i passà dongje cence spaurîsi, un cjavrûl al petà un salt pôc lontan, e une cheche e tacà un sigo discjadenât. Atris nemaluts a buligavin te felce o a scjernete te jerbe. Dut un moto di vite. Li al jere un intindisi perfet fra i uciei e il vert, fra ducj i svuei e l'omp"
gjavât fûr di "La tiere di Lansing" di Maria Forte
intindisi v.pron.intr.
(in-tin-di-si)
Vê une cognossince profonde o une esperience grande intun setôr specific
sinonims
cognossi, savê
esemplis
"nô no sin competents, no si intindìn e no podìn butâ jù judizis"
gjavât fûr di "I furlans e lis Falkland" di Riedo Pup
"Vera e demostrave a Mariane di intindisi di ponts e di ricam"
gjavât fûr di "Îr e doman" di Gianni Gregoricchio
""Va ben, nancje jo no mi intint une vorone [di piture], ma se si à un pôc di bon gust, si po gjoldi chel che al è biel ancje cence intindisi a fonts""
gjavât fûr di "A ogni cost" di Vittorio Vittorello
intindisi v.pron.intr.
(in-tin-di-si)
[BF] Vê une volontât
sinonims
intindi, volê
esemplis
""O mi intint di dî che [...] tu âs simpri savût rasonâ [...]""
gjavât fûr di "Mariute" di Ercole Carletti
detulis
"cul fevelâ si intindisi"
"doi muts no puedin intindisi"
"mus e musse prest si intindin"
torne sù
torne sù