Tu âs cirût la peraule
bilengâl monolengâl
Tu âs cirût la peraule
interiorità
torne indaûr

bilengâl

interiorità s.f.inv.
  • 1

    s.f.inv. interioritât Copie

    [CO] (il jessi interiôr)

    s.f.inv. dentri, didentri Copie

    (part interne di alc)

    s.f.inv. interioritât Copie

    (complès di pinsîrs e sintiments intims)

    s.f.inv. profonditât, interioritât Copie

    (ricjece psicologjiche)
    un'interpretazione musicale corretta, ma senza interiorità = une interpretazion musicâl corete, ma cence profonditât

monolengâl

dentri av., prep., adi.inv.
(den-tri)
Intun spazi, ambient, puest e v.i. sierât o limitat
esemplis
"dentri de machine"
"lu vevin metût sul so jet. Al jere tant lunc che dibot nol stave plui dentri"
gjavât fûr di "Istât" di Agnul di Spere
"une Patrie no tant grande e nancje masse piçule, ma ce che al baste par che al vivi dentri, cence pierdisi, il nestri popul "
gjavât fûr di "Il Friûl al è nassût cussì" di Josef Cjargnel
"jê e sbrissà dentri tal bearç, cidine cidine, cence fâsi viodi di nissun"
gjavât fûr di "Cjase di Dalban" di Maria Forte
"vierte la bocje dal sac, i metevin dentri un mezut di forment"
gjavât fûr di "Fra Silvio" di Pieri Somede dai Marcs
Viôt ancje: drenti
dentri s.m.
(den-tri)
Part interne
sinonims
didentri
esemplis
"il dentri, cui siei bancs carulâts, lis colonis di marmul ros, lis statuis di Sant Valantin e di Sant Josef, al jere chel di cuant che Lissandri al jere lât"
gjavât fûr di "Il sium di Lissandri" di Franca Mainardis
"a son stadis tornadis e jevâ sù cuatri colonis, altris a son restadis a mieç o cuntun pâr di rondui, la base de cele e je ben evidente, tant che si percepìs ben il dentri e il fûr dal templi e la sô armonie costrutive"
gjavât fûr di "Viaç aes origjins dal Logos" di Adrian Cescje
dentri av., prep., adi.inv.
(den-tri)
In cjase, intun ambient, a sotet
esemplis
"vignît, vignît dentri, no stait a stâ li sot de ploie"
gjavât fûr di "Faliscjis" di Cristina Noacco
"i zovenats dal paîs a disevin di lâ a messe e invezit a stavin dentri dome cinc minûts tes ultimis riis des bancjis o dongje de puarte. Po dopo a levin ducj te ostarie"
gjavât fûr di "Mater Tenebrarum" di Checo Tam
dentri av., prep., adi.inv.
(den-tri)
Intun ciert ogjet, materiâl e v.i., cuntune cierte profonditât
sinonims
dentri vie, par dentri, indentri
esemplis
"bati un claut dentri tal len"
"lis lidrîs a van sot, dentri de tiere "
dentri av., prep., adi.inv.
(den-tri)
Intal cuarp, massime in cualchi orghin interni
esemplis
"al sintive come une fasse di dolôr dentri tal stomi che i lave jù fin ai rognons, il brusôr di un riscjalt che al jere par nassi"
gjavât fûr di "Tal ospedâl" di Amedeo Giacomini
"i voi che i brusavin come se e ves vût dentri une sgrafute di savalon"
gjavât fûr di "Chei di Muraie" di Pieri Menis
dentri av., prep., adi.inv.
(den-tri)
Inte anime
sinonims
dentri vie
esemplis
"al sintive dentri di se come un presintiment che alc di grant al doveve sucedi te sô vite"
gjavât fûr di "Co une vôs e clame" di Pieri Somede dai Marcs
"chel cori di ca e di là al è plui di dut un scjampâ dal vueit che si à dentri"
gjavât fûr di "Cjase di Dalban" di Maria Forte
dentri av.
(den-tri)
In preson (coloc.)
esemplis
"se mi vessin fermât i carabinîrs mi varessin di sigûr metût dentri"
gjavât fûr di "Sense" di Checo Tam
"al jere stât dentri par vincjesiet agns"
gjavât fûr di "Prime di sere" di Carlo Sgorlon
dentri av., prep., adi.inv.
(den-tri)
Par esprimi partecipazion, cognossince, relazion
sinonims
indentri
esemplis
"fîs e zinars che a jerin dentri in chei fats, a mandarin a dî di partî di strade cence pierdi un sôl lamp"
gjavât fûr di "Cjase di Dalban" di Maria Forte
"Degasperi al à butât fûr i liberâi, anzit a son lâts fûr di bessôi. A son lâts fûr parcè che a san di podê intrigâlu ancjemò plui, stant in bande, che no di dentri"
gjavât fûr di "La scrassigne" di Josef Marchet
dentri prep.
(den-tri)
Prime di un ciert tiermin di timp
sinonims
in, prime di, prin di, dentri di
esemplis
"o sin subite in Avost, e di chestis votazions che, secont la Cjarte Costituzionâl, a varessin di vignî dentri dal an, a Rome no si fevele ni pôc ni trop"
gjavât fûr di "Votazions regjonâls" di Josef Marchet
"Zuan al mantignì la peraule. Dentri dai cuindis dîs al tornà a cjase par stâ dongje la Ulive"
gjavât fûr di "La tiere di Lansing" di Maria Forte
detulis
"beade chê cjase che e à un vieli dentri"
"e va tant la sele al poç, fin che e reste dentri"
"fûr sanc, dentri mistîr"
"il mulinâr al met il Signôr difûr par che nol viodi ce che al fâs dentri"
"o dentri o fûr"
torne sù
torne sù